Ke Aloha Aina, Volume VI, Number 16, 21 April 1900 — PI-GI A ME HOOHUI AINA HOOKAHI NO IA. [ARTICLE]

PI-GI A ME HOOHUI AINA HOOKAHI NO IA.

He mau wahi inoa kapakapa lea no keia i hea ia aku no kahi poe hoaloha o kakou o ka ili hookahi, i huli aku a kakoo i na hana hookahuli aupuni o ka 1893, a kukulu ia ae ke Aupuni Kuikawa, (Provisional Government) o ka wa ia i hoomaka mai ai e loaa kela inoa P. G. mai na hua kumu mai o keia mau huaolelo haole e kau ae la. A oiai hoi, o ka makemake nui o ke aupuni ia wa, he hoohui aina, nolaila, o na poe Hawaii o kakou i lawe koke ae i ka hoohiki ia mau la a loaa na oihana aupuni, ua hea ia aku la lakou he poe "P. G. hoohui aina," a mahope mai oia wa, kukulu ia he aupuni hou, oia keia Repubalika Hawaii, oia like no he hoohui aina no ka makemake; ia mau la nae, hapa mai la ka lohe nui ia ana o ka huaolelo P. G. no ua poe hoaloha nei o kakou

pau i ka lele ma o. Aka, hoomau aku nei no nae ka poe aloha aina i ke kahea ana "he poe hoohui aina" a hiki no i keia la. Aole wale no hoi ma Honolulu nei iho keia, aka, ua palahalaha loa aku ia inoa ma na wahi a pau. Nolaila, o ka poe hoohui aina, e hana ana lakou, e hooikaika ana no ka pono o ka hoohui ia ana o Hawaii nei me Amerika. A oia poe no, e hoao ana lakou e alakai, a e kakoo i na hana apau e lawelawe ia ana i ku i ka makemake o ka poe nana kakou i i haawi e hoohuiia. O ka ka poe aloha aina hoi, ka makee ka minamina a me ke aloha i ka aina, e kue loa ana i ka hoohui ia. Nolaila, o Pi-Gi ame hoohui aina hookahi no ia, he poe haawi aina a kumakaia aina ko lakou olelo ana.