Ke Aloha Aina, Volume VI, Number 16, 21 April 1900 — Page 3

KE ALOHA AINA

 

KE  ALOHA  AINA.  POAONO,  APERILA  21,  1900.         3

 

KE  LIULIU  MAU  LA  NO  KE

KAUA.

 

  Sanahai, Apr. 5. Aia no na Keena Kaua o Rusia a me Iapana ke hoomakaukau mai nei. Aia o Rusia ke hoao la me ka ikaika no ka hoopiha ana ia Pota Ata me ka lako ai, me ka nana ole i ko lakou mau kumukuai kiekie, a eia ke hookomo aei he heluna nui o ka huita mai Kina Akau mai. Ua kahea ae ia o Iapana i kona mau mokukaua e ku makaukau ana no ke koma ana iloko o ka oihana i ka wa e hoea mai ai o ka hookahakaha, ia wa e komo ai na aumokukana holookoa o Iapana.

 

MAI ANEANE I KAU WAHI O KE KAUA.

  Vanekona, B. C., Apr. 5  O na hoike mai Asia mai e olelo ana, o ke kaua mawaena o Iapana a me Rusia e houpuupu mau ia nei,l mai hooko koke ia mai kekaki ulia ikeia, aka, ua hoHo ae na luna aupuni Iapana e huna.

  Ma ka la 24 o Maraki ua halawai iho la he mokukana Iapana me kekahi mokukana Rusia ma kuhi kokoke i Hokkaido. Me ka hoike ole mai o ka mokukana Rusia na hookuu mai la oia he topido no ka hookui ana me ka mokukaua Iapana, aka, na hala hu ae la nae kana hoopo@olei ana mai, a pakele @e la ka mokukaua Iapana, a ia wa i huli ae ai ka mokukaua Iapana a ki aku la he mau poka i koea enemi.

  He hoike kai loaa mai la mai Newchang mai, aia na kanaka Rusia ke hana la i ke ao a meaka po i ke alahao a hiki i Amur i wahi e paa koke ai, a ua hala aku la ka eneginia nui i Pekina no ke kuai ana i ke alahao aupuni Kina, a o Newchang e kuahana ia ana ia no Rusia ma ke kau kupulau ae nei. Ua hana hou ia ka papu e komo aku ai i ka moliwai i hoopoi@o ia ai e na Iapana.

 

HOEA  MAALAHI  ME  KEIKIALII  O WALE

I  DENEMAKA.

  Kopenahagena. Apr. 5. O ke Keikialii a me Kama 'liiwahine o Wale ua hoea mai la ia i keia ahiahi, a ua halawai mai lana me ka Moi Karistiana o Denemaka a me ka ohana alii holookoa ma kahi hoolulu kaaahi.

  Ladana, Apr. 5. He nui na manao aloha no ka pakele ana o ke ola o ke Keikialii o Wale mai ka hoao la ana e powa mi Brussels, i hoea mai la ma 'Marlborough House, mai na wahi mai a pau o ka poepoe honua.

  Brussels, Apr. 4. O ka powa i ke ai no elua manawa maluna o ke Keikialii ma ka la iuehinei ma kahi hoolulu kanahi, he kanaka opio hana tini oia, nona ka inoa o Sipido, a o Brassels, Belegiuma, kona wahi noho, a he 16 ka nui o kona mau makahiki.

  I kona wa i niele ia ai e na luna nui o ke alahao ua hoopuka maoli ae no oia i kona manao e powa i ke ola o ke Keikialii o Wale, aole oia i kaumaha no ka hana ana i hana ai, a ua makaukau oia e lawelawe hou ina e hawai ia he wa hou nana e hooko aku ai.

KIPAKU  IA  NA  KUPA  BERITANIA

  Lourenko Marques, Apr 5. E like me na lono i loaa mai la mai Pretoria mai, o na kupa Beritania a pau ua kauoha ia aku la lakou no ka haalele ana iho ia Pretoria a me Johannesburg me ka hoohakalia ole, koe wale no he 400 i ae ia e ke kanawai e noho ma Rand. O ka nui o na poe e kipaku ia ana ma kahi no ia o 600. O na pu a me na pio i hopu ia ma Samas Post ua hoea mai la i Pretoria.

 

TAGA-WA  IA  O  HAWAII.

 

  Ke ikeia aku nei na kulana taga-wa (hukihuki kauia) ia o Hawaii aupuni iloko o keia au o ka noho aupuni ana, mahope iho o kona hookahuli ia ama, mai kona kulana aupuni ee e noho Poo alakai ia ana e na Al@i Moi o Hawaii, a hoea mai i keia wa ke ikeia aku nei ka hoomohala ia ana ae o ke kaula hukihuki (taga-wa) mawaena o ka Peresidena Dole, ka Mana Hooke o ke Aupuni a me ka Aha Kuka Malu o ke Aupuni.

  He mau maoa ku kaokoa keia i haawi ia ma ko kakou Kumukanawai. O ka mana Peresidena he hookahi no ia, a o ka mana Aha Koka Malu he 15 lala oia Aha, e huipu aoa me ka Aha Hooko, oia ka Peresidena a me na Kuhina, aole nae he mana koho no akou ma kekahi ninau.

  @a lawe ae nei ka Peresidena a me ka Aha Hooko i kona mana hana rula no na koi poho pauahi a ua hoolaha ia, a @a lilo i kanawai, a ua pau hoi na Lunakanawai Elima o ka Aha Koi Poho a ka hookohu ia, oia mau hana a@a a pau a ka Peresidena me kona Mana Hooko, ua lawe ae la ka mana Aha Kuka Malu i na mea a hooholo ia e ua Aha Hooko la, a hoole ae la, nolaila, he kulana aumeume a hukihuki kaula keia o na maua elua.

  Me ko makou aoao, ke ku nei makou a kakou aku i ko ka Aha Kuka Malu aoao, oiai, oia ka lehulehu e nana ana i ka pono kaulike o na poe i hoopilikiala e ka pauahi, a ma kahi kupono ke haawi ia na mahalo ana aku o ka lehulehu, he mea pono no la i hoike ia ao.

  Ke haawi nei makou i na mahalo ana ia Hon. W. C. Achi ame Hon. J. L. Kaulukou, na kanaka Hawaii wale no iloko o ka Aha Kuka, i ku me ka nana ana i ka pono kaulike o ka poe pilikia, a i hooikaika hoi, e kapae ia ae na hoolaiki ana a ka Aha Hooko, me ka lakou mau rula la o ke koi poho pauahi. Nolaila, ke olelo nei makou i na e waiho ia mai keia ninau na ka lahui e koho i ka aoao pono o na aoao e taga wa hei, aole o makou kanalua ke olelo ae, aia ka lahui ma ka aoao o ka Aha Kuka Malu.

 

Nuhou Kuloko.

 

  Aohe mai o keia mau la.

  Ma ka Poaha iho la i piha ai na makahiki he 31 o ke ana o ka Y. M. C. A. ma Honolulu nei, a na lilo ia he la hauoli no ia Ahahui.;

  Nui na poe puni lealea i hoea ae i ka hale keaka Orpheum ma ka po Poaha nei, no ka makaikai ana i na hana keaka lealea loa a ka hui keaka paele.

  Nui na poe puni lealea i hoea ae i ka hale keaka Orpheum ma ka po Poaha nei, no ka makaikai ana i na hana keaka lealea loa a ka hui keaka paele.

  Eia no ke hoomau nei ka haleku ai kamaa Honolulu Manufacture Shoe Co., i ke kuai ana i na kamaa wahine $5.00, no ka $1.50 a me $2.50. E naue koke ae o nele auanei.

  Nui ke ohohia au ia o ka Nupepa KE ALOHA AINA, aole i kualilu iho na kauoha pepa e oili mau mai nei i na moku a pau. No ka ono maoli no o na mea ai o ka papaina.

  He luina no luoa o ka moku Iroquois kai mahuka mai mailuna mai ona me kona mau lima no e paa anu i hao Ua haawi ae kona kapena he $10 uku makana i ka mea e loaa ai oia.

  Ua nalowale he puolo na Mrs Laheia Ahlo ma ka Poalua iho nei, ma ka puka pa mauka o ka pa iwakini Katolika, a e loaa no he uku makana kupono i ka mea i loaa ai ke hoihoi pololei mai i keia Keena.

  He hana maikai maoli ia a ka Papa Ola i hana mai la he rula hou no na wahi hana poi a e loaa una paha ia kakou he maemae o kahi e hana ia ai o ka poe ma keia mua aku.

  Ua hoopai ia o Chas. Downing ka haole i hou ai i kap[aha a make o Poai he hookahi makahiki hoopahao, a no kekahi hewa okoa iha he eono mahina. He keu ka mama o keia hoopai no keki hi haele i hana i kekahi karaima eleele.

  Ma kahi o ka oi loa ae o ka haooli o kekahi poe hoohui aina i ka hole ana mai la o ke aupuni teritori, eia lakou ke mihi uui nei no na kanawai hoopilikia a  Amerika Huipula e kau mai ana maluna o lakou.

  He mau Lu@a hon@a he poe lawe pepa hou kai hoouna mai la i na kauoha ma ko makou Keena nei, a ke hookoia nei me ke kaukaulua ole. Ma-ha-lo.

  Ua hoolaha ae la o A. V. Gear ka Peres den a o ka Hui Kuai L le Hawaii. a Mos@s Palan  a me Edward Hanapi i hooikaika n  ke kukulu ana. e kuai aku i na waiwai a pau o ua halekuai la.

  Iloko o na la pokole wale no ma keia mua aku e hio ana o Leleo a hiki i Koluiu  a me ke alanui Liliha i kulanakauhale maoli, eia na hale laau nui ke pii mau nei ma na aoao o na kapa alanui.

  He nui na waiwai hoa i loaa mai la i na halekuai o N S Sachs, L. B. Kerr a me B. F. Ehlers, he mau waiwai hou mai Amerika a me Europa mai, a nolaila, mai poino i ke kipa ae malaila.

  E haawi ana ka hui keaka paele he mau paani keaka hou ana maloko o ka Orpheum, oiai, lakou e noho ana maanei, no ke kali ana i ka hopena o ka lakou hoopii koi poho.

  Ua haalele mai la i keia ola ana o Miss Sara Aea, ke kaikamahine a Mr Joseph Aea, no ka ma'i akepau. He 22 ka nui o kona mau makahiki a hala aku la. Aloha no.

  Aole i ikeia aku na helehelena hauoli maluna o na poe hoohui aina i ka wa i hoea mai ai ka mokuahi Kina me na hoike i na hana hoololiloli a ka Hale o @ Lunamakaainana i hana ai maluna o ka Bila Hawaii, e hookomo. ana i kekahi poe o lakou iloko o ke kulana kupilikii loa.

  Ua hookui ae ka mokupea Ecno me ka makupea Fort@na, i ka w@a kona kai @a e h a ana e law@ ia@a no wai o o ke awa me ke pailata ole. O na poino i i@e ia no na moku elua a ke k@pena o ka Echo e uku ai, aia no ka mal@na o $1000.

 

UA  NALOWALE.

 

  He punio uuku ma ka nuka p@ ma ka an@o mauka o ka pa luakin@ o Roma, a moe la no ke alan@a Beritania,, ma ka Poalua, Apr, 17, 1900. mawaena o keia wahi ua haule keia pu@lo, a o ka ukano o loko he hookahi Kahi Ea o na wahine ua kinohinohiia me na @h@ku aniani a me hoakahi Ke'a Eleele o na laau kahiko loa o Enelani. Mai Enelani mai keia Ke'a i hoo@ua ia mai ai e Anthony Ahlo, ma ka lima o kona haoloha i hiki m@i ai i Honolulu. Nolaila, o ka mea i ki@a ai keia puolo e h ihoi pololea mai i ke Keena o K@ ALOHA AINA. a e loaa no ka uku m@kan@ kunono.

                       MRS. LAHELA AHLO

  Honolulu, Apr 21, 1900.

 

OLELO  HOOLAHA.

 

  Ke hoikaia aku nei, ka @oke i n@ kanaka a pau o ka Mokupuni o Kauai. Ua nalowale he Palapala Kuai i hanaia ma ka inoa o Castro Miguel, i huelilo ia aku iaia e S. L. Kekumano ma kana wahine, o Honolulu, Oahu. O kani i nalowale ai mawaena o Kipaa me Koalia, Kauai, me ka la @0 o Feberuari, 1900. E haawi ia no he aku makana o $5 00 i @e mea i loaa ai na palapala la a hoihoi pololei ae ia Wong F@rt ma Kapaa, Kanai. O keia palapala na waiwai wale no i kona @ua.          @k.