Ke Aloha Aina, Volume VI, Number 10, 10 March 1900 — Page 1

KE ALOHA AINA

POAONO, MARAKI 10, 1900

 

HAAWIPIO  O  KENERALA  CRONJE

 

IMUA O KENERALA ROBATA

 KO NA BERITANIA ALIHIKAUA NUI.

 

Kupilikii ke Kulana o na Boa—Aia ke Hoakoakoa la no ka Hoopakele Ana i ko Lakou Kapitala.

Ladana, Feb. 27, hora 9:57 a.m.  Ua hoopuka ae ke Keena Kaua, ua haawipio aku la o Kenerala Cronje me kona puali holookoa ma ke alaula o keia kakahiaka.

Ladana, Feb. 27.  Ua loaa mai la i ke Keena Kaua keia mau hoike mai ia Kenerala Robata mai, penei:

Ladana, Feb. 27, hora 7:45 a.m.  O Kenerala Cronje me kona puali a pau, ua haawipio maoli mai la oia ma keia kakahiaka nui, a eia lakou he mau pio maloko o kuu kakua hoolulu.  O kona ikaika kaua, e hoike ia aku ana no ma keia hope aku.  O ko’u manaolaua e noonoo ana ke aupuni makuahine i keia mea me ke apono ana, he uku panai no ka hoopoino @ui hewahewa ia ana o na Beritania me ka hoauhee pu ia ana hoi ma ke kaua o ka puu Majuba, i ka la 27 o Feb. 1881, me na Boa no.

Paaderberg, Feb. @, hora 11, kakahiaka Poaha.  Mai na lono i hoouna mau ia mai ia’u mai ke keena hoike mai i kela a me keia la, ua ike moakaka ia ke kulana nawaliwali o na pualikoa o Kenerala Cronje.  o ke kuikahi ole o na kanaka a me ke kue mawaena o na alakai, ua pii mahuahua mau ae ia.  O keia mau @ like ole, ua hooi loa ia ae ai i ko lakou wa i hoomaopopo ai, o na Boa i hoao aku e hoopuipui ia lakou, ua hoauhee ia e ko makou mau puali ma ka la 23 o Feberuari.  Ua hooholo iho ia ao e i paakaika aku i ka enemi.  I kela a me keia po, ua hoonee ia aku na auwaha imua no kahi hoolulu o ka enemi no ka puliki ana i kona kulana, a ia wa pu no hoi e haawi ana i na kipoka koikoi ana, a na kokua ikaika ia e ka hoea ana mai o kekahi pukuniahi o 6 iniha a’u i kauoha ai no ka lawe ia ana mai mai De Aar mai.  Ma ka hooko ana i keia hana, ua haawi mai he baluna kaua i na kokua nui ma ka hoike ana i ka nee ana o ka enemi.

Ma ka hora 3 a.m. o keia wanaao, ua hana ia aku la kekahi lele kaua nee mua e ka regimana koa Canada me kekahi mau eneginia, a i kokua ia hoi e na Gordon Highlanders a me ka Shropshires Elua, o ka hopena, ua loaa aku la ia makou he 000 ia boa; o ke kaawale o na auwaha o ka enemi mai keia wahi aku he 86 i-a wale no ia, a malaila i hookuene iho ai ko makou mau kanaka me ka paa ana i ko lakou kulana a hiki i ke kakahiaka ana he hana wiwo ole hoi i hana ia e ko makou mau loa o ka Panelaau, a’u hoi e hauoli nei i ka hoike aku he uuku loa na poino i loaa.

@ keia mau hana i puliki paa loa aku, a ma keia kakahiaka nui ua hoouna ia mai la he leta i kakau inoa ia e Cronje.  maloko o laila e haawipio mai ana oia i ua kiai mawaho loa malalo o ka hae hooma@ia kaua.

Ma ka’u pane ana aku, ua hoike aku ia au ia Kenerala Cronje, e hoea kino mai oia i ko’u kahua hoolulu nei, a o kona mau kanaka hoi, e puka mai lakou iwaho o ko lakou kulana mahope o ko lakou waiho ana i ka lakou mau mea kaua.

Ma ka hora 7 a.m., ua hoea mai la o Kenerala Cronje a hoouna aku la he telegarapa ia oe e hoike aku ana i ka oiaio.  Mawaena o ua launa kamailio ana, ua hoi mai la oia no kona malama  maikai ia ana iloko o ko makou lima, a pela pu hoi me kana wahine, moopuna, kakauolelo pilikino, @ukukaoa a me @ @ kauwa, e hele pu me ia ma na wahi a pau ona e hoouna ia ai.  Ua ae aku au iaia me ka hoike pu aku o kana noi e hooko ia ana.  Ua hoike aku au iaia e hoouna pu ia ana he alii kiekie me ia no Cape Town, no ka nana ana ua hana ia oia me ka maikai ma kona alahele.  I keia auina la e lawe ia aku ai oia no Cape Town a haawi ia aku iloko o ka lima o ke alikaua nui malaila, malalo o ke kiai ana a Mekia Kenerala Pretty @.

O na pio he 3,000 e mahelehele ia ana lakou iloko o na puali malalo o ka hoomalu ana a ko makou alii, a hoea aku ma ka muliwai Modder ma ka la apopo a malaila e hookau ia aku ai lakou maluna o na kaaahi iloko o na mahele no Cape Town.

O keia hoike maluna ae ua heluhelu ia maloko o ka Hale o na Alii a me ka Hale o na Makaainana i keia la.  O na mea e pili ana no na koa Canada ua hoala ae ia i @ huro loiki ana.

 

NA  POE  I  HOPU  PIO IA.

 

Ladana, Feb. 27, 6;25 p.m.  I keia wa ua hoopuka ia ae la, ua hoike mai la o Kenerala Robata i ke Keena Kaua, o ka nui o na pio Boa aia no la ma kahi o 4,000 a he 1,500 oloko oia heluna he mau makaainana no ka Mokuaina Kuokoa o Alani, o ke koena iho he mau makaainana no Transvaal.

Ladana, Feb. 27.  He 2@ mau aliikoa Transvaal i hopu la, a he 18 mau aliikoa o ka Mokuaina Kuokoa i lawe pio ia.  O na pukuniahi i hopu pio ia o na puali Transvaal he ekolu pu nui a Krupp 75 centemetre, hookahi pu 9 paona me hookahi pu wili Maxim, mai na puali Mokuaina Kuokoa mai hoi he pu a Krupp 75 centimetre a me hookahi pu wili Maxim.

 

KA  NUI  O  NA  POINO  O  NA  BERITANIA.

 

Ladana, Feb. 27, hora 6:30 a.m.  Ua hoopuka ia ae la e ke Keena Kaua he papainoa o 721 @ @ ia na ka hakaka ma Paaderberg ma ka La Pule, Feb. 27, mawaena oia heluna he 63 koa Canada a me 273 Highlanders.

 

KA  HOIKE  E  PILI  ANA  NO  CRONJE.

 

Ladana, Feb. 27.  Ua loaa mai nei he hoike e pili ana no ka hopu pio ia ana o Cronje mai Spencer Wilkinson mai, penei:

Ma ka po Poaha, Feb. 15, ua maki aku la o Kenerala Cronje no waho o Magersfontein mawaena o Kenerala French i ikomo aku i Kimberley a me Kenerala Kelly-Kenny, ma ka muliwai Modder.  Ma kekahi la ae ua uhai aku la o Kelly-Kenny mahope oua a lele kaua aku la i kona mau koa hope me ka hookaulua aku hoi iaia a hiki i ka hoea ana mai o ka Highland Brigade, e paa i kona nee mua ana aku ma ke kapa hema o ka muliwai Modder me Kenerala French hoi ma ke kapawai akau o ka muliwai.

Mahope o ekolu ia o ka holo ana o Kenerala Cronje me ka hakaka ana, ua paa iho la oia i ka hoopuni ia ma Koodoesraud, ma kahi kokoke i Paarderberg.  E pale ia ana kona mau aoao elua e ua kapa muliwai, nolaila, o ka lele kana ana aku iaia e nui ana ka poino, aka, ua paa ia no nae oia a hiki i ka Poalua me ka ae ole o Robata iaia e kaawale aku me ka hoopuni ana iaia me na koa helewawae, me ke kipoka aku iaia me na pukuniahi he kanalima.  e ku lalani ana ma ke kae muliwai.

Ia wa pu no hoi o Haku Robata me na mahele koa i koe iho mai ke kiai paa aua ia Cronje, ua hoohana aku la oia ma ke kipaku ana i na Boa e hoakoakoa mai ana.

 

HE  BEBE  MAKE.

 

He bebe make kai loaa aku iloko o kahi hoahu opala ma Kakaako ae nei, i ka La Pule nei mamuli o ka loihi loa o kona waiho ana malaila, ua maopopo ole kona ano.  Ua koho wale ia mamuli o ka hopohopo o na makua o hoomalu ia ua kiola ia kela bebe ma keia wahi.  Ua kanu ia ole mahope o ka ike ana o ka Papa Ola.