Ke Aloha Aina, Volume VI, Number 7, 17 February 1900 — Page 6
| This text was transcribed by: | Kihei De Silva |
| This work is dedicated to: | Helen Laulani Kekuewa |
KE ALOHA AINA
POAONO, FEBERUARI 17, 1900.
HE KAAO HAWAII NO HAINAKOLO
Ka Ui Nohea o Waipio. Ke Kaikamahine Nana i Wawahi i na Pani Paa o Kuahelani.
I keia wa i uwe mai ai o Kaholoalii. A i iho nei o Keaumiki iloko iho ona he make ka paha keia o @ana.
Ua ike mai la nae o Kaholoalii i keia manao a pane mai la. E uwe ae ana wau i ka‘u hanai alii.
Ninau aku nei ua o Keaumiki, auhea ia hanai au.
Eia ae no, a kii koke aku la hoi ua luahine nei i ka opuu maia hinu puaa. Nana iho la o Keaumiki a me Keauka, a ike iho la he nani io no, ua like no me ka laua nei opuu maia ka ula weo me he okooko la e ke ahi e a ana i na opua maia nei.
Hue ae la no hoi o Keaumiki i ka laua opuu maia, i ko lakou nana ana iho ua like no mai Kaena a Waialua, ke hele la na opuu maia aole mea hoohalahala.
Olelo aku la o Kaholoalii, o ka me@ keia a‘u e uwe nei no ka‘u hanai alii, o ka olua hanai ahi, aole e loaa ka wahine ma na aina a pau ma ka honua a me ka lewa lani, no ka mea, ua paa i ka olelo mana a ke kupua nui a Kuwahailo. O ka olua alii ua hoohui mua ia me ke aliiwahine o Hawaii Kuauli, o hoi, o Hainakolo.
Ke hoike aku nei au ia olua ma@ anei olua e hele ai a Hawaii, aia ilaila ka wahine a ka haku o kakou a Keaniniulaokalani. Ua hai mua laua, ina aole laua i hoonui mua ia @ia no kaha wahine o ke kaikuahine no ona, o Kalihilihimakaokale@na.
O Kuwahailo ka mea nana i kau palena no ko laua hui ana, o ka‘u e hoike aku nei ia olua e poino ana paha olua ke hiki i Hawaii, eia nae e nana mai ana no ka haku o kakou ia olua, o ko olua puu kalahala no ia.
Hoomakaukau iho la o Keaumiki a me Keauka no ka laua huakai imi wahine, a haawi iho la ke a o@ kamaaina, a oia ka wa a Kaholoalii i pane hope aku ai. A i pilikia @ua o na wahi pule no i loaa ia olua oia no ko olua hoopakele o ka @ o ka make.
O ka nalo aku la no ia o na elele @a nui wale iloko o ka ehuehu, @ aku la laua i Nihoa, nana ana ma o a maanei o ka aina, aole no laila, hao mai la ua mau eueu nei kau ana iluna o Niihau, he neo no ka mea loaa. Kauaheahe ana laua nei i ka moana o Kaulakahi o Kauai, @ pahu hopu.
Kaapuni ae la laua ia Kauai, aole @ he pomaikai i @ w@i me laua @ ai ia laua i ke kai o Kaieiewaho kau ana laua nei i Makua, kiei ana laua nei ma ka lae o Kaena, he emi ana no ka maka noho ana laua nei i Kahuku, aole no he wahi mea loaa ia laua nei.
Olelo aku la o Keauka i ke kaikuaana ia Keaumiki. Eia la ihea kahi @ kuhikuhi ia mai ia kaua. Lele ana ke ao i Maui a ike aku la lana nei he onohi alii ke kau ana i Maui i kahi hoi i kapaia o Lihau.
Ia wa i kamailio aku ai ka hanau mua i ka hanau hope. Aia la he onohi al@ ke kau mai la iluna o keia kuahiwi, mamua aku o keia wahi kuahiwi uuku e ku nei mahope aku nei, o Olokui ia kuahiwi ko Molokai. I keia ike ana o Keaumiki a me Keauka e lele aku ana laua nei maluna o ka moana, o ke kai o Kaiwi kau ana laua nei i Lihau ke kuahiwi o Maui Komohana.
O keia onohi i ikeia mai la e Keaumiki a me Keauka, na Kuaikauaakama no i hoouna mai i na pokii e alo aku nei i ke kai, kau mai la no ka onohi iluna o Haleakala, kahihi ihola o Keaumiki, aia no la ke kau mai la i kela kuahiwi.
E lele aku ana laua nei kau ana iluna o Haleakala, i nana iho ka hana aole no, a i ko laua alawa ana aku imua e ku ana i ka moana o Alenuihaha, a ku ana i ka aina i na puuhaelelua i p@ me Kalihikiola.
Kilohi iho la laua nei i ka nani o keia kuahiwi, a i alawa iho ko laua nei hana e noho ana he wahine ui o Hauailiki kona inoa, komo aku la laua nei iloko o ka hale o ka makuakane o ka wahine ui, o Naholoku ka inoa o ka makuakane, a o Haili ka inoa o ka makuahine,.
Aloha no na malihini wahi a Naholoku, ke alii o keia uka iuiu, a ua panai pu mai o Haili i kona aloha, a o Hauailiki he hale okoa kona, aka, ua ike nae laua i ka holoholo o ua ui nei mawaho o kona hale.
Ninau mai la o Naholoku malihini hoi olua i keia wahi. Ae, malihini mai ka aina mamao loa mai maua. A mamao wahi a ke aliiwahine Haili me ka leo olu waipahe. A mamao mai Kuaihelani mai, wahi a na elele i pane aku ai.
Okalakala makau ae la o Naholoku a pela pu hoi me Haili. Kena ae nei o Naholoku i kona mau ai puupuu e haomakaukau ia i mau mea ai hou wale no, oia hoi, puaa, moa, ilio, kalo, uala, uhi, palau a me na mea ono e ae o ke kuahiwi, a e hoomakaukau ia hoi iloko o ka wa pokole loa, oiai, ua pololi na malihini.
He huakai ano nui anei ka olua o ka au ana mai nei i ke kai, i ninau aku ai o Naholoku.
Ae aku nei o Keaumiki he huakai nui he huakai imi haku, i lani hou no maua, i wahine na ka milimili a maua, na Keaniniulaokalani.
I ko maua ike ana mai nei he kaikamahine ui e holoholo ana mawaho o ka hale, pela maua i kipa mai la i anei.
Hooki ae la na kukai kamailio ana, no ka mea ua makaukau mai la na mea ai, a nee aku la lakou e hoopiha i ka lua o ka inaina. I ka maona ana ae oia no ka wa o Keaumiki i ninau aku ai ia Naholoku.
Na olua no anei ka ui a maua i ike mai nei. Ae, aku nei o Naholoku na maua no.
Lalau iho nei o Keaumiki he lei palaoa no Kuaihelani, a me ke kupee, eia ka maua wahi aloha i ka olua kamalii, o keia lei palaoa a me ke kupee no Kuaihelani Kea.
Ike mai nei ka makuahine o ka ui i ka maikai o keia mau mohai aloha a na malihini kiekie o Kuaihelani, olelo mai la o Haili me ke kaumaha o ka manao ia Keaumiki o na alii nui wale no e loaa ai kena mea makamae.
E o‘u kamaaina lokomaikai eia no ka maua kuleana i au mai nei i ke kai, a unuhi ae la keia i ke ano o ke kino o Keaniniulaokalani.
PACIFIC IMPORT COMPANY.
PROGRESS BLOCK: ALANUI PAPU
MA KA MOKUAHI AUSETERIALA ILOAAMAI
NEI IA MAKOU HE MAU WAIWAI HOU I KU-
PONO NO KE KARISIMAKA!
KII BEBE! KII BEBE!!
He 3000 au e wae ai. O ka makou mau kumukuai he emi loa @ona wahi e ae oia ana waiwai hookahi.
RIBINE! RIBINE!!
Eia makou ke hoikeike nei he heluna nui o lakou, akahi no a wehe ia.
TAWELE.
Aole e loaa hou ia oe he wa makepono hou aku e like me keia.
HULUHULU MOE.
He 300 Paa e hoolilo ia aku ana ma ke kumukuai haahaa loa o na h@le ban@ nui.
LOLE AAHU O NA OPIO.
Aole he hala ma keia kulanakauhale e haawi ana ia lakou me ka e@ ia oe.
KALAKOA.
He 2000 apa hou loa i loaa mai nei o na waihooluu paa o na paikini hou, e loaa no no ka 5 keneta o ka i-a.
VICTORIA LAWNS.
Ua loaa mai la ia makou he 500 Apa o na ano like ole a e hoolilo ia ana ma na kumukuai makepono loa i ike mua ole ia.
E hele mai i ke kakahiaka i ole ai e nui ka hookeke ia ana.
PALEKOKI WAHINE.
O ua paikini hou loa o Nu Ioka e kuai ia ana ma na kumukuai haahaa loa.
LEI A-I O NA WAHINE.
Eia makou ke hoikeike nei i keia mau waiwai ano hou. E hele mai e ike no oukou iho.
HAINAKA.
Ua looa mai la ia makou he tausani kakini o keia waiwai. E makaala ae i na Puka Aniani no ko lakou hoikeikeia aku.
Ua hookuu akea ia oe e hele mai e makaikai i ka makou mau Waiwai Hou. Nolailai, e hele mai i keia wa ano.
HE NUI NA MEA HOU.
Eia ma ko makou nei mau keena na Waiwai Hou loa o kela a me keia ano@ e haawi ana makou i na poe a pau e kipa mai ana ma ko makou halekuai i na kumukuai haahaa loa. O ko makou mea kuai ma ka hikina ua kuai oia he heluna waiwai nui, a nolaila, he hookahi wale no hana pono ia makou e @e mai ai he nui wale o na kanaka i ko makou hale kuai, oia hoi, ke kuai make pono ana.
E hele koke mai o nele auanei.
PACIFIC IMPORT CO
S EHRICH.
Luna Nui.
UA MAKEMAKE IA.
Na kanaka Hawaii, no ka hana laina holomoku e ka Hui Mokuahi i Waila. E ninau ma ke keena, kihi o alanui Moiwahine me Papu. lm.
HE KUAI HOEMI NUI LOA
Na Lole Silika no na Baikikala a pela aku 50 keneta o ka i-a.
Na Pique Keokeo maikai loa o ka hiki ana mai nei no ia 20, 25, 30, a me 35 keneta o ka i-a.
Na Lole Huluhulu Pelekane, o na waihooluu like ole 50 iniha no ka hele a me kaulio ana, $1.00 o ka i‘a.
Na Lilina Inia i kupono nona holoku 12 i-a ka loihi, $1.00, $1.25, $1.50, $2.25, $3.00 a me $4.00 o ka mea hookahi.
Kinamu Amoske@g paa loa o ka waihooluu, 27 iniha laula, i kupono no lole Aahu, na Lole Hooluolu, a pela aku, 8, 10, 12, 14 ia no ka $1.00.
Faianela o na waihooluu maikai, 8, 10, 12, 14 i a no ka $1.00.
Na Halii Moe Pequ@t, mai ka 1 1/4 ia laula a ka 2 1/2 ia laula.
Na Halii Moe Lilina, 40 iniha a ka 3 ia laula.
Na Koena o na Lole, Lole Huluhulu,
Lihilihi a pela aku.
B. F. EHLERS Co
Alanui Papu.
He Agena
Kaliki Royal Wrocester.
Ka Malama o Feberuari
Lapule Poakahi Poalua Poakolu Poaha Poalima Poaono
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28
I keia po ka po pepehi iole.