Ke Aloha Aina, Volume VI, Number 2, 13 January 1900 — Page 8

KE ALOHA AINA

POAONO, IANUARI 13, 1900.

 

HE MOOLELO WALOHIA

NO KA

LEDE ELENORA

Ka Ui Nohea i Hookaawale ia mai ke Alo aku o na Makua.

A I Ole

Ka Wahine Opio i Auamo i na Koikoi a Kona Makuakane i Hana ai.

He kanaka opio oia i ike nui ia a o kona inoa ua hoopiha mai oia i ka puuwai o ka wahine opio me ka hauoli, no ka mea, he kanaka oia i ike i na inea o keia oia ana. He kanaka hoi i ikeia he puuwai hamama kona, a he aloha i na mea a pau. E poni ia ana oia no ka noho ana maloko o kona keena he la mamua iho o ka hooko ia ana aku o ka hoopai weliweli maluna o ka lawehala. Nolaila, ua hiki nei ia kakou ke manao ae o kana hana mua maloko o kana lawe lawe mua ana, aole ia no ke aloha?

 

O kona hoopakele ana i ke ola o keia pio e lilo ana ia he hana kaulana iwaena o kona mau makaainana, a mawaho ae he wahine opio a me ke kama iki kana, sole no e auanei e nele e aloha mai ana no oia i ka wahine a me ke keiki a ke kanaka poino.

 

A mamuli o ka ikaika loa o keia mau manaolana e paila ana iloko ona no kana aloha, ua koi aku la oia i ka makuahine no keia huakai, a oiai lakou e alo nei iloko o ka ua a me ka noe, ua lilo wale no ia he mea ole iaia, a ua hiki ole hoi iaia ke noho hamau iho i mau minute a e loheia aku ana kona eo hoolana e poha mau ana maluna o ka wahine aoo i ka i ana aku.

 

E kuu mama aloha e hoolana, no ka mea, e hoea mai ana no na mea a pau me ka holopono. Aole loa e hoonele mai ke kiaaina hou i ka hoolohe ana mai i ko kaua mau leo uwalo.

 

Ae e kuu Nele, aka, ke ike aku nei nae au i kou kino e naka haalulu ana.

 

Ae, e kuu makuahine, aka o ke Akua wale no ka mea nana e hoomama mai i ko’u puuwai i ka wa e hoomanao ae ai i ka hoopai koikoi e kau iho ana maluna e kana mea i aloha kulipolipo ai.

 

E kuu Nele ua makehewa na ma naolana no kona p lekana, a o na haili e kau mai nei imua o’u he mau manaolana poho wale no.

 

E nana e kuu makuahine. Kuana aku i na kukui o ke kulana kauhale. Aole anei kela o na kukui o ke kulanakauhale?

 

Ae, ke hookokoke aku nei kaua ilaila.

 

Ua puili mai la o Nele i kana wahi kamaiki iloko o kona po’i a haka pono aku la hoi maluna o na maka o kona makuahine.

 

He hoike, kona mau nanaina, aka ua piha nae kona mau maka i ka heheni.

 

E ke Akua e hoihoi hou mai i kona mau noonoo maikai, wahi a ka wahine opio i puana malie ae ai.

 

Ua hookokoke loa aku la laua ike kulanakauhale i keia wa, a ina kela a me keia wahi e loaa aku ana ia laua na hale e ku ana ma ke alanui mehameha, aka, ua hoomau aku la no nae laua i ka hoonee ana i ko laua wahi ekake holoko o ke kulanikauhale.

 

I ko laua wa i komo mai ai iloko o na palena o ke kulanakauhale, ua kaohi mai la ka wahine aoo i ka ekake mamua o kekahi hale hookipa.

 

Ua lele aku la ua mau kamahele nei mailuna aku o ke kaa a haawi aku la hoi i ka laua wahi ekake malalo o ka malama ana a ke keiki hana o na hale ia, a maloko o kekahi wahi rumi hookipa i lawe ia aku ai laua. A o ka ninau mua a ka wahine aoo i waiho aku ai i ka naku hale.

 

Ua hiki mai nei anei ke kiaaina hou i ke kulanakauhale nei?

 

Aole, aka, ua upuia oia i keia ahiahi, no ka mea, ua oili mai na kanaka opio o ke taona he haneri ko lakou nui maluna o na lio, no ka hele ana uku e halawai me ia, a alakai mai iaia noloko o ke hulanakauhale nei. A ina olua e noho ana ma keia puka aniani e ike no olua i ka huakai e maalo ae ana no kona poni ia ana ma ka la apopo, ua hoopihaia ke kulanakauhale me na pualikoa, mai na wani mai a pau o ka mokuaina, a ua olelo ia ae o kekahi keia o na huakai hookahakaha nui i oi aku i ko Kenerala Wasinetona wa i lawe ae al i kona noho.

 

E hoolohe aku i na leo uwa o na keiki, wahi a ka haku hale i puana mai ai, a hele aku la e wehe i ka puka aniania.

 

Nolaila, ua makemake anei olua i rumi no ka hoaumoe ana iho i keia pu?

 

Ae, wahi a ka aoo i panai aku ai.

 

Ua hele mai paha olua no ka wehe ana i ka makeka, a he hana waiwai loa i kela wa piha kanaka o ke kulanakauhale nei.

 

Aole maua i hele mai nei no ka piepiele, aka, no ka makaikai wale ana no i na huakai hookahakaha a me ka ike ana aku i na helehelena o ke kiaaina hou.

 

Ae, ua hiki ia’u ke hoike aku, he puulu kanaka nui hewahewa ke hoea ae ana e makaikai i ke kiaaina i kona wa e lawe ae ai i kona noho, aka, e oi loa aku ana nee i ka la mahope o ka la apopo no ka li ia ana o Olina. Malia paha e noho ana olua mahope aku o ka hoea ana mai oia mau mea, a ua waiwai hoi ko olua uku e ana mamua o ko olua huli hoi ana aku no ka home.

 

E hoouna aku i kekahi o kau halawahine e kuhikuhi mai i ko maua rumi e hoaumoe iho ai, wahi a ka wahine aoo i panai hou aku ai.

 

Elike me ka makemake o na malihini, pela ka haku hale i haalele iho ai ia laua no ke kii ana aku i kekahi o kana mau kauwa, aole no hoi i liuliu ua komo mai la he wahine a lawe aku la ia laua no ka hale oluna a maloko e kekahi wahi keena i hoonele ia me na mea hoonani i kuhikuhi ia aku ai ke kau wa wahine a haalele iho la ia laua e noho mehameha.

 

MOKUNA II

KE KIAAINA HOU.

Ma ia po hookahi no, a ma ia hora no, ua maalo ae la na kaa maluna o ua alanui la ma ke alahele no ke kulanakauhale. He kaa nani ia e huki ia ana e elua mau paa lio, a e kalaiwa ia ana lakou e kekahi kahu kaa iloko o ka auhu nani.

 

Maloko o ua kaa la e noho ana he poe ma ka noho mahope e noho ana he kanaka opio ui me kana wahine ui nohea e noho ana ma kona aoao. A ma kekahi aoao mai hoi o laua e noho ana he kauwa wahine paele e hii ana i kekahi wahi bebe uuku nona na mahina he eono wale no o ka oili ana mai i kela ao malamalama:

 

Ua owili ia oia iloko o kekahi koloka aeae silika, a me kekahi hainaka e uhi ana maluna o kona holehelena i wahi e loaa ole ai i na ea huihui oia kuluaumoe. He mau hiohiona hauoli ke ikeia aku ana maluna o keia kaa, a lohe ia aku ia hoi ka leo o ka wahine opio i ke ninau ana ae i kona kokoolua.

 

Ua kokoke aku anei kakou i ke kulanakauhale, ua ikeia aku anei na kukui?

 

A me ka leo olu waipahe pana i mai la oia.

 

Aole, e kuu Edita maikai, aole ike aku. No ka mea, eia kakou ma kahi he umi mile ka mamao, a oiai, he kahua haahaa keia a kakou e hele nei, nolaila, aole e hiki ke ikeia aku o mua. Aka, elike me ka maikai o ke alanui a me ka mama holo o na lio e hoea aku ana kakou ilaila maloko o elua hora.

 

WHITNEY & MARSH.

 LIMITED.

 

HAINAKA

O na lede i humu lau ia a i hanaia me na Lihilihi.

O na Kane keokeo me na waiholuu e ae.

He heluna nui o lakou. E loaa no me ka emi lao.

 

RIBINE

Satina, o na waiholuu like ole a me laula, alo luakahakaha loloa nani, Moire.

 

KAWELE LIMA

Lilna, 60 keneta a ka $5.50 o ke kakini.

 

PALE PAKAUKAU

75 keneta a ka $3.50

 

LIHILIHI PAKU.

LAKO O NA KANE

Palule, Lei A-i, A-i Kala, Kaei Opu, Lole Pili Ili.

 

KAKINI

Silika, Huluhulu, Waihooluu Paaloa, Hemsdori.

Ko na Kane 30 c; Lede 35 c.

 

WHITNEY & MARSH, LTD.

 

PACIFIC IMPORT COMPANY

PROGRESS BLOCK....ALANUI PAPU

MA KA MOKUAHI A USETERLAIA ILOAAMAI NEI IA MAKOU HE MAU WAIWAI HOU IKU PONO NO KE KARISIMAKA!

 

KII BEBE! KII BEBE!

He 3000 au e wae ai. O ka makou mau kumukuai he emi loa kona wahi e ae oia ano waiwai hookahi.

 

RIBINE! RIBINE!

Eia makou ke hoikeike nei he heluna nui o lakou, akahi no a wehe ia.

 

TAWELE.

Aole e loaa hou ia oe he wa makepono hou aku e like me keia.

 

HULUHULU MOE.

He 300 Paa e hoolilo ia aku ana ma ke kumukoai haahaa loa o na hale hana nui.

 

LOLE AAHU O NA OPIO.

Aole he hale ma keia kulanakau hale e haawi ana ia lakou me ka emi ia oe.

 

KALAKOA.

He 2000 apa hou loa i loaa mai nei o na wahooluu paa o na paikini hou, e loaa no no ka 5 keneta o ka i-a.

 

VITORIA LAWNS.

Ua loaa mai la ia makou he 500 Apa o na ano like ole, a o hoolilo ia ana ma na kumukuai makepono loa i ike mua ole ia.

 

E hele mai i ke kekamaka i ole ai e nui na hooke@ ia ana.

 

PALEKOKI WAHINE.

O na paikini hou loa o Nu Ioka e kuai ia aku ana ma na kumukuai haahaa loa.

 

LEI A-I O NA WAHINE.

Eia makou ke hoikeike nei i keia mau waiwai ano hou. E hele mai e ike no oukou iho.

 

NAINAKA.

Ua loaa mai la ia makou he tausani kakini o keia waiwai. E makaela ae i na Puke Aniani no ko lakou hoikeikeia aku.

 

Ua hookuu akea ia oe e hele mai e maikai i ka makou mau Waiwai Hou. Nolaila, e hele mai i keia wa ano.

 

HE NUI NA MEA HOU.

Eia ma ko makou nei mau keena na Waiwai Hou loa o kela a me keia ano, a e haawi ana makou i na poe a pau e kipa mai ana ma ko makou halekuai i na kumukuai haahaa loa. O ko makou mea kuni ma ka Hikina ua kuai oia he heluna waiwai ani a nolaila, he hookahi wale no hana pono la makou e ume mai ai he nui wale o na kanaka i ko makou hale kuai, oioia poi, ke kuai make pono ana.

 

E hele koke mai o nele auanei.

 

PACIFIC IMPORT CO.

S. EHRLICH,

LUNA NUI.