Ke Aloha Aina, Volume VI, Number 2, 13 Ianuali 1900 — Page 4
| This text was transcribed by: | Britny Ching |
| This work is dedicated to: | Gramps |
KE ALOHA AINA
Ke Aloha Aina
Hookumuia no ka
Pomaikai o ka Lehulehu a khe Nupepa na ka Lahui Hawaii.
S. P. Kanoa,
Iaina Hoopuka a hope Luna hooponopono
EDWARD L. LIKE.
Lunahooponopono
EMMA A. NAWAHI
Puuku o KE ALOHA AINA
Honolulu Ian. 13, 1900
Eia ua hale ke kukulu ia mai nei mamua o ka ihu o na poe i manao ia he noho ana maemae a lanakila ko lakou, ma kahi hoahu aila mahu o ke aupuni, ma kai o Kakaako, no na poe i lawe pupuahuluhulu ia me ka loaa mua ole he wahi kupono no ia poe e noho ai, in a uamanao ke aupuni e kukulu i mau hale maloko oia mau kahua, heaha ka mea i kukulu mua ole ai mamua, a laila, puhi ia na haie oia poe, i manao ia he kahua ia no ka mai bubonika.
Ke haohao mua nei makou no keia hana a ke aupuni, oia hoi, o kekahi poe Hawaii no lakou ponoi no ko lakou mau aina a me na hale, a i ka wa i puhi ia ae la i ke ahi, nawai e kukulu hou ia mau hale, a i ole nowai ia wahi i ka wa i pau ai keia hoomalu kuapapanui ana, e lawe ana anei ke aupuni nona ia mau aina ma ke ano, he luahi na ka mai bubonika, a i ole, e hoolilo ia mau wahi malalo o ko ke aupuni mana, a na ke aupuni e uku mai i na lilo a me na poho o ka poe nona na mau aina la, elike me ka makemake o ka poe nona na mau wahi la.
O keia ka kakou e nana aku ai ma keia mua aku, oiai, aole loa he mau hoakaka a ke aupuni ma o ka Papa Ola la, i na kumu a me na kuleana o keia poe mea aina, a i ole, o na poe paha i hoolimalima aku i na aina a kukulu i mau hale maluna o ua mau @pana aina la, no ka imi ana i pono no ko lakou noho ana, e koi aku ai i ka wa e pau ai ka hoomalu ana, ua hamau loa ke aupuni ma ia mea, me ka pane leo oie.
Nolaila, i ka wa e alakai ia mai ai na hoopaapaa kanawai ana no ka pono o na poe e hoopuhikole ia nei e ke aupuni i keia la, ua maopopo loa, aole o hai ka ke aupuni mea i makamake ai e hookomo iloko o ka pilikia, aka, o kakou no a pau, mai a lakou ka poe nana i hana maoli iho, a hiki ia kakou, ka poe i lihi launa ole aku i ka lakou mau hana.
Eia ke aupuni ke kukuku nei he mau hale loloa no na Iapana a me na Pake, makai ae nei o Puuhale, a e kapa ia aku ana ia wahi o ke kulanakauhale o na Pake, elike me ia e kapa ia nei maloko o na palena e hoomalu ia nei ma ke alanui Kukui a hoea i ke alanui Moiwahine, Nuuanu a me ananui Moliwai.
Eia na ma'e e loaa nei, i olelo ia he mailele, le hoohuikai pu ia nei me ka poe ola makai o Kakaako, mamua ae o ka hookuu ana mai o na poe i loaa i ka ma'i i kolakou mau hanu no kela ao mao, alole hoi i;iimi mua ka Papa Ola i wahi no ia poe, mamua hoi o ke kuhinu pu ana aku me kela mau uhane ola i piha pah@ ke tiusani a emi mai paha i keia la.
Oiai, keolelo ia nei he weliweli kona ano ke hookaumai maluna o ka mea ma'i a aole hoi he m@ aolana no ka hoopakele ana i ko lakou mau ola mai na laau lapaau mai a na Kauka, a in a pela, a o ka oinio maoli hoi ia, aole anei hoi he mea poono ke hoakoakoa ia aku keia poe mai ke komo pu ana aku iloko o ke kahua o ka poe e hoomaluia ana me ke ala maikai.
UA hoomaopopo loa ia mai nei aia ka ma'i bubonika ke pahola la ma Iapana, a oia no hoi, kakou e auamo nei me ka lihaliha ma na kapakai o Hawaii nei, eia no an mokuahi mai Iapana mai, me na limahana no na mahiko ke hoop@e ia mai nei no iuka o ka aina me ka hoomalu ole ia aku o keia mau moku ahi kumulau hoolaha bubonika maluna o keia aina.
HE mea na kakou e hoohewa-
THE HUB
HALEKUAI NANI O KE TAONA.
Ua loaa mai la ia makou mai ka hikina na lole huluhulu eleele i hana noeauia o na paikini hou. O ka waiwai ia he$18.00; aka, mamuli o na La Nui, e loaa no ma
Ka Hub, ua hoemiia 10.50.
He 150 Paa Lole Hui hulu Bbolu a me Eleele o ka loaa ana mai la no ia mai ka hikina, he nani ko lakou mau papaina, a ua @anala me ke akahele e pili pono ai i na mea a pau. O ka waiwaiio he $15, aka, no na La Nui e loaa no ma
K Hub, ua hoemiia 8.50.
E hoomauaoia o ka makou waiwai o na Lele Aahu, Kamalii a me Opio, a pela pu hoi me na Papale, Papale Kapu, me na Lako Aahu e ae he hou loa.
E kia mae a e ike @ou iho mamua o kou kuai ana, a e hookoala no kekahi o kau wau dala. K@hamama aku ana ko makou halekuai i na po a pau a hiki i ka Kalikimaka.
J,S. SPITZER.
ALAKUI MO@@@@ KOKOKE I KE ALANUI PAPU.
KE lohelohe ia mai nei, e hookuu ia mai ana ka kela poe e noho hoomalu ia nei makai o Kakaako, a iwaena oia poe, he poe Hawaii maoli kekahi, i puhi ia i ke ahi, na wahi opeope us puehu ka hulu, a ua lawe ia aku lakou no kahi hoomalu, me he keiki la na ka A'o, ke ku kohana i ke alopali
hewa ole ai, ma makapaa ka maka o na luna aupuni i ke dala, ke akua hoomana o ka poe imi waiwai ma keia ilihonua, heaha ka waiwai o ka nana ana i ke ola o ka lehulehu mamua o ka u-li o ka wai o loko o na pakeke, ka mea e kuonoono ai ka noho anao ka pae hewa ana mai i keia aina malihini e like me ke ano o na hana e lawelawe ia nei i keia la.
O KA hoolele kokeia ana mai o na limahana Iapana he 1,500 mai na mokuahi Kina a me Lady Joicey mai, a no na la hoomalu wale no he umi a oi, a hookau ia aku la maluna o na mokuahi holo pli@ina no ka lawe ana aku no na mahiko, oiai, nae e paa ana na ohua Hawaii, he poe ola kino maikai hoi i oi aku mamua o keia poe Iapana hoolaha ma'i mana huaaina ma keia hope aku.
OIAI, na rula a ka Papa Ola e papa loa ana, a e hoohiki pau pele pau mano ana hoi, aole ohua e pahemo aku mai ke awa nei aku o Honolulu no na mokupuni, aka nae, ma ka holo ana aku o ka Iwalani a me kekahi mau mokuahi holo piliaina a no, na lawe pu aku lakou he mau ohua eemoku, a hoikeia mai la ia makou he mau kumukula ka no na kuaauna. Ea, pela io anei hoi? Aole anei keia ke nukee nui o na rula hoomalu.
HE WEHI NUI OI KELAKELA.
MAKAHI O
L. B. KERR.
ALANUI MOIWAHINE
KUAI HOEMI NUI!!!
MAU WAIWAI PAIKINI HOU!
Lole Aahu Hou Maikai Loa
HE EMI KE KUMUKUAI
Papale Paikini Hou o na Lede
HE EMI KE KUMUKUAI
Mikilima o ke anonan Loa
HE MAKEONO LOA.
He Nui na Paku Lihilihi Hou
HE EMI KE KUMUKUAI
Mamalu Nunui a me Liili
HE EMI KE KUMUKUAI
Na Lipine a me Lihilihi Hou
he emi ke kumukuai.
Pua a me na Hulu ano Hou
he emi ke kumukuai
Na Lole Piliili o na Wahine
he emi ke kumukuai
Na Uhi Pakaukau
me Tawele Lima
he emi ke kumukuai
L. B. KERR.
Honolulu, Alanui Moiwahine