Ke Aloha Aina, Volume VI, Number 1, 6 January 1900 — Page 3

KE ALOHA AINA

 

KE ALOHA AINA, POAONO, IANUARI 6, 1900.

 

HE KAAO KAILI PUUWAI

NO KA

UI MINEWA

A ME NA

Kaikunane Eiwa

I Hooliloia i mau Manu Nehe Ahiu a i ole na Keiki i Hoehaehaia

Kakauia no KE ALOHA AINA.

            Aole laua i pili aku no ka uwapo aka, i ke kokoke ana aku o ua wahi waapa nei e pae i kula, ua hoohuli ae la oia no ke kukulu komohana, a maloko o kekahi nuku muliwai e hamama mai ana imua o na kamahele i onou aku ai oia i kona wahi waapa.

            I ko laua hiki ana aku maloko o ka muliwai, aia hoi, na koa kiai e holoholo ana maluna o na waapa, a ma na kapa o ua muliwai la, e kiai paa ana no ke kue ana aku i na enemi e komo wale mai ana e hehiku i ke kapu o ko lakou haku alii.

            A i ko lakou ike ana mai i kahi waapa o ke kilokilo e hookomo aku ana iloko o ka muliwai oia no ko lakou wa i hele koke mai me ka manao ana e hopu aku i na enemi, a ia wa i loheia aku ai ka leo o ua mau kiai la e hooho ana me ka weliweli e wawalo hele ana:

            He enemi, he enemia eia iloko o ke kapu o ke alii, e hopu pio aku iaia i keia wa ano, no ka mea, he komohewa oia.

            Ike ia aku la ka lako mau pahikaua e hulali ana i ka lewa, aka, aole nae he mau helehelena pioo e e hekau ana maluna o ke kilokilo, a i kona kokoke aku he alo a he alo me na kiai, oia no kona wa i kuli ae ai a pane aku la:

            E na kiai aho nui o ka moi opio Taroka, ua hoohewahewa mai anei oukou ia'u?

            A na keia mau huaolelo i puka aku la mai ka luahine aku i hookuemi aku i na kiai, oiai lakou e anehe mai ana e hopu pio iaia a me kona kokoolua, me ka puana ana ae.

            Aole keia he enemi, aka, o Ronio ke kilokilo wahine aoo. He ui, he ui, eia ma ko kakou hoaloka i wawalo hou ae ai ko lakou mau leo kupinai.

            A na kekahi wahi oaheahe makani i lawe aku i keia leo hooho o na kiai no kahi o ka moi opio e nanea ana maloko o kona hale alii, a me ka hookaulua ole iho pii koke aku la oia no ka puoa o luna loa e kona halealii a kiei aku la iwaho, a ua hoohikilele koke ia mai la i ka ike ana i kekahi wahi waapa e holo mai ana ma kahi he mile a oi ka mamao mai iaia aku, a mahope aku o ua waapa la e ukali mai ana ko mau kiai me ka uwauwa anai.

I ka maopopopo ana ae i na kiai o ko lakou haoloha no keia ua hookuu laelae ia aku la oia e komo iloko a uka@@@ ku la hoi oia mahope.

 

HE KAAO HAWAII

NO

HAINAKOLO

Ka Ui Nohea o Waipio. Ke Kaikamahine Nana i Wawahi i na Pani Paa o Kuahelani.

            E ike auanei oukou e o'u mau hoa Hoopuka Moolelo kuauhau o ko kakou aina kulaiwi ponoi, i ka hoomahelehele hou ana i keia moolelo hoonanea o kakou, me na hoa e heluhelu ana i ko kakou elele mama a puni keia mau Paemoku, oia no ka kakou nupepa KE ALOHA AINA.

            Ua hoouna aku wau i keia Moolelo Kaao i wahi makana na kakou no keia makahiki hou o kakou, elike me ka opiopio o ka opuu ana ae o na mea no laua keia mau honanea, pela no hoi ko kakou makahiki hou e opuu ae ai a mohala pono ae la i keia pule mua o Ianuari, 1900. Aloha oukou.

            Ke panee ia aku nei keia Moolelo Hawaii imua o ko oukou alo, me he ina momona mikololohua ala ka mikomiko i ko kakou puuwai.

            I ke au e noho alii ana o Manaakuakama ke alii umikumamakahi mahope mai o ke kai a Kahinalii me Hinaaimalama, ua hoalii iho la ke ao omamaluo ka maluhia maluna o ka nohoalii.

            Iloko oia kupulau e noho ana kekahi kaukaualii ma Waipio, o Kuaiakuaakama, oia no ka moopuna a Kuwahailo, o Ku@@alamea keiki a Kuwahailo, hanau o Kuaikauaakama, moe ae nei o Kuaikauakama i ke kaikamahine a Haululoa ia Hinaaiulunui, puka mai nei ka mea nona keia moolelo.

            Ma keia wahi, e pono no e hoomaopopoia, o Kuaikama he akua ia no Kapelakaukaieleele kona aina, o Hinaaiulunui he wahine kanaka ia no Hawaii nei, ua hele mai o Kuaikauakama, a noho iluna o Maunakea, ke kuahiwi kaulana o Hawaii nei, ma kona ano kino akua i noho ai ma ia mauna.

            O Hinaaiulunui hoi, e noho ana ia ma Waipio, me ka moeuhane mua ia he akua ka kana kane e hooipoipo nei o ka po a me ke ao, ua ike ia o Hinaaiulunui i ke ano e o kona kino, ua nana no nae ke kaula a ua loaa pono he akua ka mea nana e hoopili mau nei iaia.

            Ua hana o Kukekiei ke kaula i hooulu e komo ai ke akua, ua holo pono kana oihana, olelo ae la oia, o ke kanaka e komo e ana i kuu kapu heiau, o ke kane no ia a ke alii a Hinaaiulunui e moe aku ai, ua hooko ia ka Kuaulunui mau kuhikuhi.

            Ke lohe nei no o Kuaikauakama i keia mau olelo a Kukekiei, oia @@@ na Kuwahailo no me Laumania i puka mai ai keia hanauna.

            O kona iho mai la no ia a hoao ae la laua me Hinaaiulunui, ua moe a kaikuahine no e Kuaikauakama, me Hinaaiulunui, ua like ae la ko laua noho ana he kane a he wahine.

            Ua hoopahaohaoia ka lehulehu e na aouli nupanupa, eia ka he kupua i ike ole ia e Hawaii nei, ua haule mai la ka ua, ku'i ka hekili pamalo aole uwila, olelo ae la o Kuaikauaakama ia Hinaaiulunui, penei:

 

AOLE HE NOONOO MAIKAI O NA IAPANA.

            Ua hoomaopopo ia aole he noonoo maikai o na Iapana no keia hoonee ia aku o lakou mai ko lakou wahi e hoomalu ia nei no ke kahua hoomalu hou, nolaila, eia ke noho makaala nei na koa kiai a me na poe Luna Nana, no ko na Iapana wa e hooulu ae ai i na hana hoohaunaele. Ua olelo ia ae he lehulehu o na Luna Nana i hoolako ia me na @@ @@@@, a aole hoi o lakou makemake e powa malu ia e keia poe Iapana hoohaunaele.

 

HE MAU HOIKE HOPE.

            Ma ka hora 2:30 o keia auina la Poalua, ua loaa aku la he mau lono i ka Papa Ola, e hoike ana, ua make he keiki Iapana nona ka inoa o Zawoke, a ma ka nana ana a Kauka Scaparone ua ikeia iho na hiohiona a ka ma'i bubonika maluna ona. No ke alanui Maunakea keia keiki i make iho la.

            O ka elua o na ma'i ua hoohuoi ia, he wahine Iapana nona ka inoa o Shiro no ke kihi o ke alanui Alakea a me Kalepa. Aia na poe oia wahi ke haalele la me ka pupuahulu nui.

 

UA HOOKAULUA IA.

            Mamuli o ka pilikia loa o ka halepai i waiho ia aku ai ke kauoha no ka hana ana mai i ka makou makana Alemanaka i ko makou poe heluhelu. Nolaila, ke hoikeia aku nei ka lohe ma keia pule aku e hoouna ia aku ai i ko ka Nupepa KE ALOHA AINA poe lawe pepa a pau keia makana hiwahiwa, he uuku oia me ke aloha pu nae.

 

            He elua mau opio i lawe ia ae i no ka halewai no ka piliwaiwai i ke alanui.

 

            He 62 ka nui o na poe i laweia aku no ke kahua o Kakaako mailoko aku o kahi hoomalu.

 

            Ua hoea mai la ka mokuahi hou o Waila ma nona ka inoa o Kaiulani mai Kapalakiko mai, mahope o kona kipa ana ae nei ma Kahului, Maui. E hoihoi ia aku ana oia no na kapakai o Hawaii no ka halihali kopaa ana iluna o na mokupea.

 

KUAI HOEMI O NA PAPALE

MAKAHI O

K. ISOSHIMA

Na Palule Silika a me Iapana, e

loaa no ma ke kumukuai emi loa

Na Papale Kane a me Wahine.

Na Papale Ohe a me Lau Niu,

Na Kahei Papale, a me Hinai.

He lehulehu wale o na Papale

Kamalii ma ko makou Halekuai.

Na Papale Paikini hou o keia Manawa

Nolaila e na makamaka e kipa mua mai ma ko makou halekuai mamua o kou hele ana ma kekahi wahi okoa aku.

K. Isoshima.

HELU 10 ALANUI MOI.

 

            Ua puhi ia mai la kela mau hale e ku nei ma Ewa o ke alanui Nuuanu kokoke i ke alanui Moiwahine e pili pu ana me ka Hale Hana Hao i keia kakahiaka Poaono.

 

            Ua malama ia ae e na kahu o ka Moiwahine Kapiolani, he paina luau nui no ka hoomanao ana i ka la hanau oia lani alii i hala aku la i ka make, ma ka La Pule nei.

 

            Ua hoopae wale ia mai ka hihia kue T. S. Southwick o ka Hui Kaa Uwila i ka Hui Kaa Hapaumi no kona hoomoe ana i alahao palua nona. A eia kona mau limahana ke hoomaka hou mai nei i na alahao palua.

 

            Ua haawi ia ae e Mr. W. Kamoani a me kana lede he paina luau nui ma ka Poalua nei, ma kekahi rumi e pili ana me ko makou nei Keena, no ka hoomanao ana i ka piha makahiki o ka make ana o ka laua luhi mua, a ua nui a lehulehu no na poe i hoea ae ma ia paina.

 

HALEKEAKA OHANA

ORPHEUM.

I Keia Po!!!

E KA HUI KEAKA

BOSTON LYRIC

COMPANY.

MASACOTTE.

KA INOA O KA PAANI.

NA KA HUI KEAKA ORPHEUM

            Uku Komo 25 a me 50 keneta. Na noho mahope he 10 keneta no na Keiki malalo 12 makahiki. Na Noho Mua 57 keneta. E loaa no na noho ke hookani i ka Telepona 540.

 

NA LAKO GULA HOU LOA.

I hoea mai nei maluna o na mokuahi mai Kapalakiko mai.

Ma ko'u Halekuai, malaila e hana ia ai na Pine, Komo, Kupee Lama, Uwati, a pela aku.

H. C. Blart.

Alanui P@@@, Helu @@@.

 

OLELO HOOLAHA.

            E ike auanei na mea a pau, owau o Mrs. Kealahau Kaula, ka wahine mare po@@@@@@@@ a Kaula (k) i make, ke hoolaha aku nei au i ke akea, ke papa, a hookapu loa ia aku nei, na kanaka o kela a me keia ano, na mea no a pau loa, e komo kuleana ole ana i kuu mau apana aina elua, oia hoi keia malalo nei:

            Apana 1. Nona ka Ili 1 32 100 Eka, ma Paulani, Akikewa.

            Apana 2. Nona ka Ili 33 100 Eka, ma Kapoka, e waiho ana ma Waihee, mokupuni o Maui, a ke hookapu pu ia aku nei, na holoholona hele hewa, e hele wale ana maluna iho o keia mau apana aina, ua kapu loa, a ina o ka mea hookuli a mau mea paha, e hoolohe ole ana i keia, @@ loaa pono aku i kuu Hope a Luna Nui hoi, oia o J. K. Kahale @@@@ i hookohu ponoi aku ai, a i @@@@@@ ia, ua loaa ka mana iaia ma ke kanawai e hoopii imua o na Aha Hookolokolo o keia Aupuni.

MRS. KEALAHAU KAULA.

Wahine Mare.

Makaalae, Hamoa, Oct. 19, 1899.

 

OLELO HOOLAHA.

Ke papa loa ia aku nei @@@@@@ lahuikanaka a pau, aole e komo a hele hewa maluna o ke kai lawai o Ke'lii Liliuokalani, oia ke kai lawaia o KAHALA, Apana o Kona, Oahu. O ka mea e komo a hele wale maluna o ke kai ke ole e loaa mai kekahi palapala ae ia e ka Ke'lii Agena, a kue i keia hoolaha he mana ia'u a me ko'u hope ke hoopii ma ke kanawai na ke komo hewa.

W. C. AKANA,

Luna malama Aina o KAHALA.

Honolul, Oct 10, 1899.

 

OLELO HOOLAHA.

            E ike auanei na kanaka a pau mai keia la aku, ua hookapu loa ia ko lakou hele wale ana maluna o kuu aina  waiho nei ma Kapalama ma kahi kokoke i ka hale kaaahi. Aole e lawe wale i na mea ulu o ka aina, a ua papa loa ia hoi ka lawaia ana maloko o kuu loko i'a. A o ka poe e hoolohe ole ana i keia hoolaha, ua mana ia'u ke hoopii ia lakou no ke komohewa.

Owau no me ka oiaio,

HO YOUNG.

Honolulu, Jan. 2, 1900.

 

OLELO HOOLAHA.

Ke hoike ia aku nei ka lohe i na kanaka a pau, i waiho mai i a Umeke Laau no ka hoohinuhinu ana, e kii mai maloko o na la he 15. Ke hala keia mau la i hoikeia ae la, e hoolilo aku no au i keia mau Umeke i aku @@@@@ ko'u @@@@ a me ko'u @@@@ o ka hana ana ia lakou. Nolaila, e hoolohe i keia @@ @@@@ auanei.

Owau no me ka oiaio,

JOHN MALAKY.

Honolulu, Nov 19, 1899.