Ke Aloha Aina, Volume V, Number 52, 30 December 1899 — Page 4

KE ALOHA AINA

 

4 POAONA, DEKEMABA 30, 1899

 

Ke Aloha Aina

Hookumuia no ka

Pomaikai o ka Lehulehu, a he Nupepa na ka Lahui Hawaii.

 

EDWARD L. LIKE.

Lunahooponopono.

EMMA A. NAWAHI.

Puuku o KE ALOHA AINA.

 

HONOLULU DEC 30, 1899

 

NA HANA ANO LOKOINO.

            He mea na makou e kahaha loa nei ka hoomaopopo ana iho i ke ano maoli o na hana a kekahi poe kanaka kulana i hilinai ia aku aia me lakou ke ano hoopono, eia ka, aole pela, ke kamailio nei makou i keia no ka poe a makou i ike pono ai i ko lakou ano kolohe maoli no, a eia me makou na inoa oia poe kahi i paa ai, mamuli o ko lakou kauoha ponoi ana mai, e hilinai aku makou, a e hoouna aku i e mea pepa ka nui ma ko lakou inoa, a na lakou hoi e hooili mai ke dala a ke poe nana i lawe na pepa o keia mau ope i hooili ia aku ma ko lakou mau inoa, elike me ke kauoha.

            Eia nae, aia hoi a loaa aku la ka pepa, noke la iho la i ka heluhelu a hala ae ia he mau mahina ke ike la no nae makou i ka hoomanao ole ia mai e like me na olelo maikai o kinohi maloko o na leta noi a lakou i kou makou oluolu e hilinai aku, a mahope hoomaopopo aka la makou i ko makou kuleana. E oluolu oe e hoomanao mai i ke oia o ka pepa a eia ka pane maa mau a na poe nei i lo@mai ai ia makou o ka nonoi hou mai no e hoomanawanui mai hoi oukou a keia mahina ae, ili aku ke dala, ke hoonawanui la no makou, hala ae la na mahina la, a haia hou ae nei he mau mahina a ke hele aku nei e pau ka makahiki okoa aohe no he hoomanaoia mai.

            Nolaila, haia aku la ka wa e ka hilinai a me ka hoomanawanui, hoopaa iho nei makou i na ope a na poe kolohe nei. O ka poe noonoo maikai hoomaka mai la e hookaa pololei, a o ka poe hoi ua hookaa mua i ka lakou mau dala ma ka lima o ua poe nei a makou i kuhihewa ai he poe maikai, hoomaka mai la lakou e walaau, ua hookaa mua makou i ka makou dala me ka lima o mea ka makou Luna, a o ka poe manao kolohe maoli no, a lokoino, aohe waiaau mai, a ke paa ia nei na ope e makou a me na inoa pakahi i hookaa ole ia mai. Eia nae he mea ole wale iho la no paha ia lakou ka luhi o kahi poe. Nolaila, o ko makou hoao ia ana mai e hana elike me keia he poino oi aku ke loaa i ka lehulehu ma o na poe o keia ano A o keia poe kanaka, aohe hiki ke hilinai ia lakou ma na ano pau no ka wa mau loa.

 

E HOOHUOI NO A E PONO

            Ua ku no paha ka makou hoohuoi ma ke ano o na hana e lawelawe ia nei e ka Papa Ola iloko o keia mau la e nee nei o ka ma’i i kaulana ai o Hawaii i ke puhi kanaka, a lilo i akua lapu no na poe a pau i ike ole ia mau helehelena o ka manaonao mai ko la kou mau la opio mai, a ulu kokaia o na ia kanaka ui, a ke iho aku nei hoi na la e kekahi poe ma kela aoao o ka hapauea, akahi no lakou a ike kumaka, (no na poe nae hoi keia e noho aua me ke kulanakauhale nei i keia mau la.)

            No hookahi wale no pule i hookuu ia ae nei o ka noho hookapu ana, aia hoi, ua hoea hou ae la no he mau ma’i hou, a ke hoomaka hou mai nei na hookapu ana, i ano like aku no me ko ka mua, aka, o ka makou nae i haohao nui ai, oia no ka ae la ana o na ohua kapena ma na mokuahi holo piliaina, e hoi no ko lakou mau home ponoi, me ka loaa pu no hoi ia lakou mai na Kauka p@i dala ae a i ka Papa Ola, a mai a lakou ae hoi a i na Ona mokuahi, ua poholo a hala aku ia lakou no ko lakou mau home ponoi ma na kuaaina, me ka lakou mau hoike e pili ana i ko lakou kulana oia, i ko lakou wa e pae aku ai ma kekahi awa o na mokupuni mawaho aku o Oahu.

            I mea paha e hoomaopop maoli ai i ko makou kupono ke hoohuoi, oia hoi keia, ma ka holo ana aku nei a na mokuahi Kinau, W. G. Hall a me Noeau, ua lawe aku la lakou maluna o ko lakou mau oneki pakahi i na ohua Kapena, oia hoi na ohua rumi no lakou hoi ka auhau i palua a pakolu aku i ko ka oneki, a i kupono no hoi ke hoolawa like ia ke kapu o na rula hoomalu maluna o na ohua eemoku a pau e haalele iho ana i ke awa o Honolulu nei, he mea ole ko lakou mau kulana kiekie, ina o na iaia ia me na poo o ka oihana ola, he makee io ko lakou i ke ola o ka lehulehu, alaila, ua hiki ia lakou ke kaohi i na mea a pau me ka hookuu ole aku i keia poe a lakou e apono nei e hoi aku e hoohikau pu me na poe i komo ole i ke ehu o keia mau la ino o ke kulanakauhale o Honolulu.

            No ka pono o na makamaka a me na hoaloha o makou ma na mokupuni, i loaa ia lakou na palapala apono mai na Kauka mai e paa ia nei e ka Papa Ola, a me ka ka Papa Ola mai hoi, e paa ia nei e lakou, ina e hoomau ia ke kapu ma o na ohua oneki la, a hookuu ia hoi na ohua kapena, he mea pono ia lakou ke hui a kuka pu ma ka hana ana i kekahi palapala hoopii, a waiho aku iloko o na lima o na luna nui o ka Papa Ola, a i ole, i ka Ahakuka paha o ke aupuni, a i ole ia, i kekehi wahi e ae paha e hooko ia ai ko oukou mau manao, no ka hoi ana aku no ko oukou mau home ponoi, ian e hoomau ana ka Papa Ola i keia mau hana kapakahi o keia mau la.

            O ko makou akenui, e hana ia ka pono a me ke kaulike maluna o na mea a pau, mai ke kanaka waiwai a i ka mea ilihune, mai ke kiekie loa hoi a i ka haahaa ilalo lilo. He mea ole na ano hoo@alaimaka, na manao opu kekene, a pela aku, aka, ak laau

 

THE HUB

HALEKUAI NANI O KE TAONA.

            Ua loaa mai la ia makou mai ka hikina na lole huluhulu eleele i hana noeauia o na pakini hou. O ka waiwai io he $18.00; aka, mamuli o na La Nui, e loaa no ma Ka Hub, ua hoemiia 10.50.

            He 150 Paa Lole Hui hulu Bolu a me Eleele o ka loaa ana mai ia no ia mai ka hikina, he nani ko lakou mau nanaina, a ua hanaia me ke akahele e puli pono ai i na mea a pau. O ka waiwaiiu he $15, aka, no na La Nui e loaa no ma Ka Hub, ua hoemiia 8.50.

            E hoomanaoia o ka makou waiwai o na Lole Aahu, Kamalii a me Opio, a pela pu hoi me na Papale, Papale Kapu, me na Lako Aahu e ae he hou loa.

            E kipa mai a e ike i ou iho mamua o kou kuai ana, a o hookoeia no kekahi o kau mau dala. Ehamama aku ana ko makou halekuai i na po a pau a hiki i ke Karisimaka.

J. S. SPITZER.

ALANUI HOTELE KOKOKE I KE ALANUI PAPU.

 

Lole Aahu Hou Maikai Loa

HE EMI KE KUMUKUAI

Papale Paikini Hou o na Lede

HE EMI KE KUMUKUAI

Mikilima o ke anonan loa

HE MAKEONO LOA.

He Nui na Paku Lihilihi Hou

HE EMI KE KUMUKUAI

Mamalu Nunui a me Liilii

HE EMI KUMUKUAI

Na Lipine a me Lihilihi Hou

he emi ke kumukuai.

Pua a me na Hulu ano Hou

he emi ke kumukuai

Na Lole Piliili o na Wahine

he emi ke kumukuai

Na Uhi Pakaukau mo Tawele Lima

he emi ke kumukuai

L. B. KERR.

Honolulu, Alanui Moiwahine