Ke Aloha Aina, Volume V, Number 52, 30 December 1899 — Page 3
| This text was transcribed by: | Francene H Aarona |
| This work is dedicated to: | To Uncle Manny Akau, who shared a lot & taught many; a loving horseman; a good Christian. |
KE ALOHA AINA
KE ALOHA AINA, POAONO, DEKEMABA 30, 1899. 8
PIOO KE KULANAKAUHALE.
---
PAA HOU NA ALANUI I KE KIAI IA E NA KOA.
---
Hookapu ia na Poe o ka Apana i Hoomalu Mua ia Aole e Puka Iwaho - Eia no ka Ma ʻ i ke Pahola mai nei.
---
Ma keia wanaao Poaha, oiai, na poe e kahi i hoomalu mua ia iho nei e hiolani ana ma ko lakou mau home me ka nanea nui me ka ma hui mua ole e paa hou ana lakou i ka hoomalu, aia hoi, na hoopuni ia ae la lakou e na koa kiai o ke aupuni; a i ke lakou wa i puoho mai ai mai ko lakou hoonipo ana me Niolopua, e wanaoa aku ana ia @ke raifela a na koa. Ua hoopiooia lakou, aka, na hiki ole nae ia lakou ke pale aku i ka makemake o ke aupuni.
O ke kumu i hoea hou mai ai o keia hoomalu ia ana mamuli no ea o ka puka hou ana ae la he mau ma ʻ i maloko oia wahi e hoomaluia nei, ame ka hoomaopopo ana o ka Papa Ola i ka nui o na pake @malie i hoopuka malu ia mailoko aku o keia apana, a ua hopohopo loa ia malia na lakou auanei e @hoopalahalaha loa aku i ke akea. Oiai, ea ikeia o na pake a pau e make mai nei i keia ma ʻ i bubonika no loko wale no o keia wahi, aka, ua lawe malu ia aku nae lakou no na apana mawaho aku e make ai, a pela iho la i nui ai na make ma na apana okoa ae.
Ma ke ahiahi Poakolu nei, ua @hoike aku o Kauka @Kitamara i ka Papa Ola, aia he Iapana ma ʻ i ma ke kihi o ke alanui Kamika a me Pauahi me kona noi aku i ka Papa e lawe kokeia no ka haukipila ma Kakaako, no ka mea, ua ikeia he ma ʻ i ikaika loa ko keia Iapana, ua hooko kokeia ke noi e ke kauka, a laweia aku a ka mea poino no ka haukipila o Kakaako.
O ka make wale no i ike ia o ka Poakolu nei he pake i hoouna malu ia aku i ka haukipila pake mai loko aku o kali e hoomalu ia nei me ka manao kuhihewa ana e nalohia aku ana mai na maka aku, aka, ua lo a mai la @ane he mau hoike no kekahi kino pake make e waiho ana mawaho iho o ka puka pa o ka haukipila.
Ua hoea koke aku o Kauka Garvin no kahi o ke kino make e waiho ana ma ke alanui @olali e hoea aku ai i ka haukipila. Mahope o kona nana akahele ana ua ike ia iho la ua loaa oia i ka ma ʻ i bubonika. O ka hoike a na poe malaila, ua lawe ia aku oia maluna o kekahi kaa halihali ukana Me ka manao ana e hookomo aku iaia iloko o ka haukipila, aka, ua hoole ia mai. Nolaila ua moe iho la eia mawaho o ka pu ka pa iloko o @ia na haluhalu a make loa aku la. Mai ke alanui Pauahi kokoke i ke alanui Nuuanu oia i laweia mai ai.
Ma ka hora 8 oia ahiahi no na hoea aku la i ke Keena o ka Papa Ola he kaapio e lawe ana he pake ma ʻ i i loaa aku e waiho ana ma kapa alanui, ma ka aoao ma Waikiki o ka uwapo a Haaliliamanu. Ma ka nana ana a na kauka ua pehu kekahi mau wahi o kona kino, a o ka ikaika fiva e kau ana maluna ona, ua hiki aku ia i ka 102 1/2, e hoike maopopo mai ana, ua loohia oia me na haawi ehaeha o keia mai luku weliweli. Nolaila, ua hoihoi ia aku oia no ka haukipila ma Kakaako. Aole he maopopo o kona wahi i hele mai ai, aka, na hoomaopopoia nae he hoahanau kona e malama halekuai nei ma ke alanui Maunakea.
---
NA KEEHINA MAKAALA NO KA MAI AHULAU FIVA ELEELE BUBONIKA.
---
E @inona ana na anoano o keia ma ʻ i ahulau iloko o na wahi pelapela, iloko o ka @opala kawakawau a polopolona, me na wahi pouliuli a hauna inoino @hou. O ka malamalamaio ka la a me ka ea maikai, he mau mea ia e @nei ke ai keia anoano.
E malama mau i ka maemae, holoi pinepine i na lima, a e auau pinepine no hoi.
He mea pono ke @hoopiliia a paa na wahi a pau o ke kino i moku a i puhole me ka laau hoopipili elike me ka adhesive plaster.
@Eai i na mea ai hou a i hoomoa pono ia hoi.
O ka ma ʻ i a pau i hoikeia maanei, mai ka wa i ikeia ai ka ma ʻ i @aku lan koe wale no hookahi ma ʻ i, ua ikea kapehu ana ma ke kapakawa o ka puukole, a i olelo mau i a nei, he ha-hai, e hoike ana ia i ka @loohia ana mai o ka ma ʻ i ma na lala ma o lala. O keia poe i make i keia ma ʻ i, he poe lakou i maa i ka hele wale ana o ko lakou mau wawae me @heihanaa ole.
O ka manao o Dr. Kitasato, ke kauka huli kulana ma ʻ i ahulau, ina e pehu na anoano paahana ma na kapakapa, a hene paha o na puukoke, alaila, ua komo mai ka ahoaho o ka ma ʻ i lele ma na kipuai wawae. Nolaila, mai hele wale na wawae, ke pilikia ka hele wale ana o ka wawae iloko o keia wa e hele nei, e komo no i ke kamaa.
E @hoomake i na iole a me na mea kolo e ae a pau. Ua lokahi ka manao o ua kauka poeau ( medical experts ) o na iole ka poe na lakou e halihali a hoolaha aku i ka ma ʻ i ahulau ma o a maanei, a o keia ke kumu nui o ka poino. E pepehi i na iole a me na mea kolo a pau e manu hele ana ma ko oukou @mau hale, pela auanei e @hoeania mai ai na kumu e laulaha ai ka ma ʻ i ahulau ( plague ).
Keena o ka Papa Ola, Honolulu, Dekemaba 26, 1899.
POHA HOU KA MAI BUBONIC
---
HE EKOLU MAU KINO MAKE I PUHI LEHU IA.
---
Pioo Hou ke Kulana Noho Ana o ke Kulanakauhale Nei---Komo Hou o Honolulu i ka Hoomalu.
---
No kekahi mau la i hala ae ka noho nanea ana o ke kulanakauhale nei me ka hoohikilele ole ia no ka pohala hou ana ae o ka ma ʻ i weliweli bubonika, aka, ma ka Poakahi iho la, ua ike ia iho la, aole i kaawale loa aku ua kupuino la, ma o ka hoomaopopoia ana, na make hou he elua pake, mamuli o ka loaa ana i keia ma ʻ i. A o ka ekolu hoi o na make i loaa i keia ma ʻ i oia o Ethel Johnson, ke kaikamahine Geremania i loohia ai i ka ma ʻ i bubonika o Iwilei, ua make oia i ka hora 1 o ka auina la Poaono nei, a i ka wa i huli ia aku ai na mea o loko o kona kino, ua ikeia ua piha oia i keia ma ʻ i weliweli.
Ma ka hora 7 o ka po Sabati nei na make hikiwawe iho la he pake mauka ae nei o Kapalama nona ka inoa o Ah Fong, He pake oia no lalo o Kaneohe, a ma ia awakea no oia i hoea mai ai i ke kulanakauhale nei. Aole he kauka nana oia i lapaau a hiki i kona make ana aku la, ua kaha kokeia kona kino, a ikeia iho la ua piha oloko ona i na anoano bubonika. Ua eleele kona kino i kona wa i loaa aku ai.
O ka ma ʻ i elua i loaa aku i ka Poakahi nei, he pake no ia i make mawaho o Pawaa, a ma o ka loaa ole ana he mau hoike kupono no kona make ana, nolaila, na hoouna koke aku la ka Papa Ola he kauka no ka noii pono ana i ke kumu i make ai o keia pake, a ma kana huli ana aku, na ikeia iho la, na make io no keia pake i ka ma ʻ i bubonika.
PAU I KE PUHI LEHU.
Ethel Johnson, @14 makahiki no Iwilei, make i ka m aʻi bubonika, ma ka hora 1 p. m. Dekemaba 23, puhi lehuia ma ka po Poaono.
Ah Fong, 27 makahiki, mai Kaneohe mai ma ke awakea, Dekemaba 24, make ia po no, a puki lehu ia ma ka po Poakahi.
Chong Mon Dow, 24 makahiki make mawaho o Pawaa, a puhi lehuia ia po no.
HAAWIIA KE KAUOHA I NA MOKUAHI.
I ke kakahiaka Poalua i haawiia aku ai ke kauoha e ka Papa Ola i na mokuahi holo piliaina, e haalele iho i ko lakou mau uwapo a hoi aku no waho o ke awa, a malaila lakou e hooili ai i ka ohua a me ka ukana, oiai, ua hoomalu kou ia ke kulanakauhale.
PIENA KA LIONA.
---
HE MAU TAUSANI E HOOUNA AWIWI IA ANA.
---
Hoopauia ko Kenerala Bula noho Alakai ana no na Pualikoa Beritania ma Aferika Hema.
---
Ladana, Dec. 21. O ke kahea ia ana o ka Mahele D, o na puali e ku makaukau ana, e hoea aku no ka ikaika kaua o Beritania i ka @82,095 kanaka. O ka oihana kaua me Aferika Hema e hoonui ia aku ana kona ikaika kaa a hiki i ke 50 pa keneta. He ekolu mahele koa kumu i @puea aku la i Aferika Hema, a i ole aia ke holo la no a i ole e kali ana malalo o ke kauoha no ka holo ana. He heluna koa nui i hoounaia aku la no ka hoopihapiha ana i na regimana i hoemi ia ko lakou heluna kanaka e ke kaua.
O na puali koa pualu e hoounaia aku ana e @hoomahuahua loa ae ana lakou i ka heluna. O ka ikaika e hoomakaukauia nei no ka hoouna ana penei no ia : Na koa poalu, 7,000; koa yaomanre, 3000 ; mahele elima, 11,000; ( ma kahi he 6000 i hooleleia i ke a wa ma Cape Town ) ; mahele eono, 11,000 ; mahele ehiku, 11,000 ; puali kaualio, 1200 ; puali no ka hoopihapiha ana i na wahi hakahaka 12,000 ; Canada a me Auseteralia, 2000. Heluna a pau, 58,200.
Ma ka waiho ana ae i na koa poino mawaho e hoea aka no ka ikaika kaua o Beritana i ka wa e hoea aku ai o keia heluna nui hewahewa ma Aferika Hema i ke 130,000, aole i komo na koa oa na panalaau Cape Colony a me Natal, no lakou ka huina o 30,000 kanaka.
O ka nui o na poino Beritania i keia wa ma ka make, hoehaia, lawe pio ia, a me nalowale, ma kahi no ia o ka heluna koikoi o 7,630.
NO KE PANI ANA MA KO BULA WAHI.
Ladana, Dec. 18. Mamua koke iho o ka waemakonu po ua hoopuia la ae la kela hoolaha e ke Keena Kaua :
E like me ke kaua ma Natala, o ka manao o ke aupuni o ka Moiwahine, me he mea la, no ke noi ana la Kenerala Sir Bula e hoea kino mai, a ua hooholoia o hoouna aku ia Baron Roberts o Kandahar a me Waterford ma ke ano i alohikaua kiekie ma Aferika Hema, me Haku Katchauer ma ke ano he ukali kiekie.
Kauka Ookawara.
( HE IAPANA ).
---
Kauka Lapaau i na Maʻi a pau me na Maʻi Pili @Ai.
MANAWA HANA : Hora 9, a. m. a hiki i ka 12 m. Hora 7 p.m. a hiki i ka 8 p. m. No na La Sabati hora 9 a. m. a hiki i ka 12m.
E loaa no oia ma ka hale o Lilia Piikoi ma ke @Alanui Kukui,
EIA HOU NO UA MAKE.
---
HE PAKE A HE HAWAII NA MEA I LILO NA OLA.
---
Koikoi na Make o ke Kulanakauhale nei i Keia Mau la.---Aole he Maopopo o na La e Hoomaluia ai.
---
He elua mau make o ka Poaha nei i hoomaopopo ia, na make i ka maʻi bubonika, he pake a he keiki Hawaii. O ka pake i make aku la oia no ka pake i loaa aku ai e waiho ana ma kahi kokoke i ka uwapo a Haaliliamanu, a i hoihoi i aku i ka haukipila ma Kakaako, aka, na make oia i ka wanaao Poaha.
A ma ia kahahiaka no na make iho la he keiki Hawaii nona ka inoa o Manakia, makai o Kakaako ae nei. Ua nana ia na mea o loko o kona kino, a na ikeia na anoano bubonika, a oia iho la ka eiwa o na ola i lilo aku he luahi na keia maʻi luku weliweli.
He make kekahi i hoohuoi ia, aole nae i hoopuka ae ke kauka i kana olelo hooholo. He Iapana wahine ka mea i make, ma ke kakahiaka Poaha nei, na kipa @aia he kauka aupuni e nana iaia, a ua loaa aku oia e noho ana noiluna o kona wahi moe, a o kona ana fiva he 103, aka, ia po no ua make iho la oia.
O keia mahina o Dekemaba nei, ka mahina koikoi loa o na make maloko o ke kulanakauhale nei, no ka mea, mai ka hoomaka ana o keia mahina a hiki iho la i ka po Poaha nei, he 156 ka nui o na make me @ koe mai o keia mau ia e hele @ Aohe wa oi loa ae o na make i ikeia e like ia me keia @mahioa, aole no hoi i ke au o ka maʻi ahulau korela e pahola ana.
He nui na @uluau i loaa mai ia makou e pili ana i ka loihi o na la o keia hoomalu hou, he mea maopopo ole ia ke hoike aku, no ka mea e like me ka oili mau ae o ka maʻi pela no ka loihi o ka hoomalu ia ana o ke kulanakauhale nei.
---
OLELO HOOLAHA.
---
E ike e na kanaka a pau ma keia Hoolaha, aole e hookuu wale i ko lakou mau @holoholoia maluna o ka @aina o Nahina @makua a make, a waiho la ma Kahakuloa, Maui, a ke papa pu ia aku nei na poe a pau e hukulu ana i ko lakou mau hale maluna o na aina @ i olelo ia maluna me ke kuleana ole, oiai, o ke kaikamahine ponoi a Iaea, kaikuahine ponoi e Nahina makua i make, a e hoolilo aku ana au ia Nuu Kauhako i Luna noʻu malaila, a oia ka mea @nahe e hoopau poao me ka poe e hele aku ana imua ana a o na kuai ana mahope mai me ka loaa ole o na hooiaio a Nahinu makua a me Nahinu opio imua o ke keena o ke aupuni, ua lilo ia i mea ole mai hele la aku e puka aku nei o keia Hoolaha. LOIKA KALILI, Laie, Dekemaba 22, 1899.