Ke Aloha Aina, Volume V, Number 51, 23 December 1899 — Page 3

KE ALOHA AINA, POAONO, DEKEMABA 23, 1899.

 

HOOUKA HOU IA HE KAUA.

HOAUHEE IA NA PUALI O KENERALA GATACRE.

Ma Kahi o Aneane Ehiku Haneri i Lawepio ia.

            Molten, Cape Colony, Dec. 10.  Ua haalele iho o Kenerala Gatacre ia Puttecolumn.  Ua manao ia ua nee aku oia me ka puali nui no 12 mile no Stormberg.  He 4000 ka nui o kona mau kanaka, maloko oia huina ka Northernber and F@riliers, ka Royal Irish Rifles a me elua batari p@kaa.  Aole na Boa i hoopoino i ma Beritania a hiki i ko lakou wa i hoea aku ai i ke kulana o na Boa, oia ka wa a na enemi i wehe mai ai i na kipu hahana ana maluna o na puali e nee mua aku ana.  Ua hoomaka ka hakaka ana i ka hora 4:15a.m.  Ma ka hora 7 mahope o na kipoka hahana ana mawaena o na aoao elua, ua emi hope aku la na Beritania.  Aia lakou ke maki hope nei no Molteno.  Ua hiki ole i na puali helewawae o na Beritania ke hoao aku e halawai me na Boa.

            Ua hoea aku na kolamu Beritania me ka maalahi ma kahi he mau mile wale no mai ko lakou wahi i manao ai e kue aku i na Boa, a ma keia wahi i kahea ia ai na puali e hoomoana mamuli o ka manao ia ana ua kokoke i kahi o na Boa.  Ia wa no ua wehe mai la na Boa i na kipoka ikaika ana mamua pono a ma ka aoao akau o na Beritania.  No ka hoopakele ana o ka Royal Irish Rifles i kona mau kanaka ua nee ae oia mahope o kekahi puu a ua ukali ia aku hoi ia e ke koena o na puali.  Aka, ua ike ia iho la ua paa pu keia kulana i na pukuniahi a na Boa i oi aku ka ikaika mamua o ka mea i manao ia.  Nolaila, ua imi aku na pualikoa i ko lakou wahi e palekana ai ma kahi he hapa mile ihope, he elua mau batari i kue aku i na Boa no ka hoopakele ana i na poe e emi hope ana.

            Ua hoomakaia na hakaka i keia wa no kahi mamao, a ua hoouna ia aku he pualikoa helewawae no ka wawahi ana i ke kulana o na enemi ma ka aoao akau, aka, ua ikeia aku la nae he pualikoa o na enemi e nee ana mai ka akau, ua hoouna koke ia aku he puali o na Royal Irish Rifles me ka Second Northumberland no ka halawai ana me lakou.

            Ua loaa aku la ua hoolako ia na Boa me na pu@wili a ua komo aku na Beritania iloko o ka haule makawalu ana o na poka.  I ko lakou ike pono ana ua hiki ole ia lakou ke ku aku imua o ka ikaika o ka enemi, ma ka heluna o na kanaka a me na pukaa, ua emi hope aku la na Beritania no Molteno, ua ana mai na Boa me ka lawe ana mai he elua mau pukuni hi no ke ki ana maluna o na kolamu e emi ho nei.  Ua manao ia aole he nui o na poino i halawai me na Beritania.

 

HOPUPIO IA HE 67 BERITANIA.

            Pretoria, Dec. 11.  He 67 Beritania i lawe pio ia ma ke kaua o Stormberg.  Ma ka hakaka o ka muliwa Modder o ke ahiahi one ninei, ua hoomau o Kenerala Cronje i ka paa ana i kona kulana he kanalima koa Beritania i hopu pio ia.

            Pretoria, Dec. 11.  Ua hopu ia e Boa he ekolu pakuniahi a na Beritania ma ke kaua ana me na pualikoa o Kenerala Gatacre ma Stormberg.

 

AIA NO O LADYSMITH KE PAA LA.

            Ladana, Dec. 13.  Mai Ladysmith mai i loaa mai ai na lono hauoli.  O ka pa kana e hoopuni ia la aole lakou i apono i ko lakou paa ana no lakou iho, aka, ke kali la lakou no ka hoea aku o na kokua.  Ua hana hou ae na pualikoa maloko ona i na hana wiwo ole me ka hoohikilele aku i na laina o na Boa.

            He pukuniahi 47 iniha a na Boa e ku ana maluna o kekahi puu, kai lawepio ia ae e na bata liona elua o ka Rifle Brigade, a ua hoopoino ia aku ia me kekahi mea hoopahu.  I ko lakou wa i emi hope mai ai ua ike iho la na Beritania, ua pani ia mai lakou e na Boa, aka, ma ka hoohana ana nae me ka lakou mau elau pu, na komo aku la lakou mawaena o na Boa a puka aku la ma kekahi aoao.  Me ka hoopoino nui aku i na enemi.  O ka poino o na Beritania, Lutanela Fergurson a me 11 kanaka i make.  Kapena Paley, Lutanela Davenport, a me 41 kanaka i hoeha ia, eono i hopu pio ia i noho aku ihope no ka malama ana i na oe i hoehaia.

 

NA POINO O NA BERITANIA.

            Ladana, Dec. 11.  O ka elua keia o na mahina mai ka wa i hoopuka ia ai o na manao hope no Transvaal.  He eiwa ka nui e na kaua i hoouna, a o ka poino o na Beritania he 566 i make 2027 i hoeha ia a me 1,977 i nalowale, a i ole, i lawe pio ia, no lakou ka huina ke hoohui ia he 4,570.

 

HOEA HE MAHELE O NA BERITANIA MA COLENSO.

            Ladana, Dec. 13.  He lono kai loaa mai la mai kahi hoolulu ma Frere, no ka Poalua, Dec. 12, e olelo ana;

            I keia kakahiaka, o ka puali hui ia, maloko ona na puali Pelekane, Sekotia, Irelani a me Welsh Fusileers, malalo o Kenerala Barton me kekahi mau pukuniahi moana, ua nee mua aku la lakou a lawe ae la he kulana ikaikai ma kahi he ekolu mile mai Colenso aku me ka halawai ole me na kue ia ana mai.

 

            E alawa ae e ua makamaka na hoolaha hou e puke aku nei.

 

AOLE I LOAA O AGUINALDO.

HOOPAU LOA IA NA MANAO O KONA HOPU KOKE IA.

Ua Hoike ia ae Aole i Kokoke mai ka Hopena o ka Kaua—Ulele Kaua me na Koa Amerika.

 

            Manila, Dec. 7.  O na upu no ka hopu ana ia Aguinaldo ma ka akau ua haalele loa ia aku, a manao ia i keia wa e huli hoi aku ana oia no ka hema, ina aole oia malama i keia manawa, no ka noho ana ma ka apana o Cay@te kona home, kahi o ka haunaele i hooulu ia ai, a @ pu hoi malaila ka ikaika loa o kona mau puali.

            Ua hoike ae na koa Pilipine ma ia apana i ko lakou hauoli me ka wiwo ole, a ua olelo ae na pio i hopu ia e hele mai ana o Aguinaldo me lakou me kekahi puali koa nui.  O keia mau manaoio ua pahola pu ae ia iwaena o na kapaaka ma Manila a ma na wahi e ae, a ua manao hoi o Aguinaldo e hoolilo i ka apana o Cay@te i kahua nona.

            Aia he 3000 poe kipi mamua o Imus a me Bacoor, nana e kono la i na Amerika e moe ma ka aoao o ka lakou mau lako kaua, no ke kali ana i na lele kaua ia ana mai i ka po.  He ekolu mau loa Amerika o ka regimana i mahuka aku a aia me ae enemi i keia wa.

 

AOLE I KOKOKE KA HOPENA O KE KAUA.

            Wasinetona, Dec. 7.  Oiai, ke kaua e pahola nei ma Pilipine, ua hoike ia ae la, ua hiki i na puali koa Amerika ke hele mai kahi aoao o ka mokupuni a kahi me ke kue ikaika ole ia mai, aka, ua apono ae na alakai kaua aina a me kaua moana i na lono i loaa mai i ke Call Herald mai Manila mai, e hoike ana o ka hopena o ke kaua, aole ia i ike ia aku.

 

OLELE KAUA MAWAENA O NA KIPA A ME NA AMERIKA.

            Manila, Dec. 8, hora 12:50a.m.  Ua hoea aku o Kenerala Young ma Vigar, ka apana o Ilocos Hema, ma ka Poakolu, Dec. 6, mahope o kekahi hakaka ikaika loa ana me na Pilipine, e alakai ia ana e Kenerala Tino.  O ka poino o na enemi he koikoi loa.  He hookahi Amerika i ake a me 12 @ hoeha ia.

            Ua ulu ae he haunaele iwaena o na makai kamaaina ma ke kahi taona o Negros, a he hookahi alu Amerika i make.  Aohe mau lono e ae i loaa mai.

            Ladana, Dec. 12.  He puali o na koa marina Amerika kai hooleleia ma Vigar, mai ka mokukaua Oregona, na hoauheeia e na Pilipine malalo o Kenerala Finco, ma ka la 4 o Dekemaba.

 

            He ahamele ke haawiia ana e ka halekuai o W.W. Dimond i ke a po.

 

HALAWAI ME KA ULIA POINO

            Ma ke kakahiaka Poalua nei, ua halawai iho la me ka ulia poino o J. Mahiai, he kanaka Hawai no na makahiki he 60, mamuli o kona hoopoino ia ana e kekahi mea pahu maloko o ka puu opala ana e puhi ana i ke ahi ma Kewalo ae nei.  O kona helehelena a me kekahi mau wahi e ae o kona kino ua hoeha kukonukonu loa ia mai na apana laau i lele liilii mai mailoko mai o ka puu opala.

            Ua hoohana ia aku o Mahiai ma ke ano i mea puhi opala e lawe ia aku ana iwaho olaila mai ke apana aku i hoomalu ia iho nei e ka Papa Ola.  A oiai, oia e hooni ana i ka pua opala i a  pono ae ke ahiua, pahu koke ae la ua puu opala nei me ka hoolei ia aku iluna no kana lima kapuai ke kiekie, me ko Mahiai kiloi ia no lalo o ka lepa.

            Aole he maopopo o keia mea pahu, aka, ua kohoia ae nae he kiana pauda a i ole he dainamita ia, a ua lawa hoi kona ikaika e wawahi i na puka aniani ina he mau hale kekahi o ku kokoke ana malaila.

 

HE KAKAIKAHI LOA NA KANE MA PITCAIRN.

            No kekahi manawa loihi akahi n@ a loaa hou mai la he mau lono mai Pitcairn mai, he mokupuni ma ka moana Pakipika Hema, kahi hoi a na hanauna o ka poe hoohaunaele o ka moku Bounty e noho la, ua lawe ia mai ia e Kapena Collins, o ka moku Centurion i hoea mai la mai Sanahai mai, mahope o kona kipa ana ae nei ma Iqueque.  He kakaikahi loa ka ike ia ana o keia wahi mokupuni e na moku, o kona loihi he hookahi me ke hapa mile, a o kona laula he hapa mile, a e waiho ana hoi ma kahi kaawale i ke alahele a na moku e holo no.

O ka heluna o na poe e noho nei maluna ona he 130, a he anoai e o ka kapanui oia heluna, no poe wahine wale no, a o na kane a me na keikikane, ua pau ka hapanui i ka holo maluna o na moku okohola, a o na kane kakaikahi i koe iho ke poe elemakule.  A o ka hapanui o lakou a pau he mau hanauna na ka poe hoohaunaele o ka Bounty i noho malaila i ka 1879.

Ma ka hoike a Kapena Collins aole he bipi e keia wahi mokupuni, aka, he lehulehu nae ke kao, aole he inu @ puhi @ a hana i na mea palapala e ae.  O ka aoao o na alanui ua kanu ia me na kumu @ a me ke alani.

Ua lawe mai na kamaaina na ua ahi a me na luina o ka moku i na alani, maia, moa a me na kua ai e ae, a ua pani aku hoi ke kapena o ke Centurion i na mea e hiki ana ma ke uku panai aku i ka lokomaikai o keia poe.

 

Nuhou Kuloko

            E malamaia ana he mau lealea heihei mauka o ke kula Kamehameha i keia Poaono iho.

            Ua make maloko o ka haukipila o Mrs. Loka, ka wahine a Lunakanawai Loka o Kauai.

            Eia o Peresidena Kupa o ka Papa Ola ke noho paa mai nei ma kahi o ka hana a ka lehulehu.

            Maluna o ke Kinau i huli hoi mai ai o Kapena Nicholson o ka moku poino Kilohana, me ke koena o kona mau luina.

Ua huli noi mai Leo Lahu Wi ao a me kekahi wau Hiwai, i holo aku nei no ka hoikeike o Onaha maluna o ka Auseteralia.

Ua nui ka pio o ko Maui poe i ka wa i loaa aku ai na lono maluna o ke Kinau no ke poha ana ae nei o ka ma`i fiva eleele.

Eia ke puhi kukaepele ia mai nei na ukana e puka nei mailoko mai o na halekuai o ka apana i hoomaluia iho nei.

            Ua hoea mai ka mokuahi G@elie mai Iapana a me Kina mai, a he kau ino la iwaho o ka nuku o Mamala i ka hora 10:30p.m.

            O Talula ka @ o kahi waapa a hooholoia aku ana @ @ o Lahaina a me Lanai, ma ke mua aku i hoea mai la mai Kapalikiko mai.

            Ua hoomaha o Amerika i ka hoouna nui ana o na koa no Manila, a o na holoholona wale no ke hoouna nui ia aku ana ma keia hope aku.

            Ua pau aku la ka hapanui o na maokuahi holo pihaina i ka holo no ko lakou mau @ maa mau i keia auina la, mahope hoi o ka hookuuia ana ae nei o ka hoomalu.

            He eha mau koa paele o ka moku lawekoa Warren i hoolele ia mai a hoihoiia aku la i ka haukipila loa ma Nuuanu no ka ma`i, a he hookahi o lakou he letanela.

            Ua hoike ia ae nei o ka make ana o Mari, aole ia no ka Mai Fiva Eleele, aka, ua maewaewa aku la nae ke kino iloko o ke kapuahi o Welakahao.  Hulo kapakahi ka ike o na Kauta.

            Ua hala aku la no Manila ma ke kakahiaka Poaono nei ka moku lawekoa Warren mahope o kona noho hoomalu ana no kekahi mau la mawaho o ka nuku.  He maika e ola o na mea a pau maluna ona.

            Ua ai ia ae he kanaka opio i ke kini iho nei ma na alanui i ka wa hoomalu o na Iapana, ma ke @ Pauahi ma ka po Poalua nei, mamuli o ko lakou mau @ o hoomauhala nona, a mamuli o ka hoea koke ana aku o Kapena Makai Paka, i pakele ai oia mai ua hana mai o na Iapana.