Ke Aloha Aina, Volume V, Number 51, 23 December 1899 — Page 2

KE ALOHA AINA

 

2       KE  ALOHA   AINA,  POAONO,   DEKEMABA   23,  1899.

 

Ke - Aloha - Aina

Hookumuia no ka

Pomaikai o ka Lehulehu, a he Nu

pepa ai ka Lahui Hawaii.

 

EDWARD L. LIKE.

Lunahooponopono

EMMA A. NAWAHI.

Pauku o KE ALOHA AINA.

 

HONOLULU . . . . DEC   23,   189@.

 

AOHE  OIAIO  OIA  MAU  LONO

 

  Ua hoea mai i ko makou nei Keena, kekahi mau makamaka o makou i hoonuinui olelo ia e kekahi poe i maa i ka holoholo olelo waiwai ole, ua huli hoi mai la ka o Kalani Aimoku Liliuokalani maluna mai o ka mokuahi Coptic o ka po Poalua nei, a o kekahi hoi maluna mai o ka Auseteralia o ka Poakolu nei, a o ka kekahi hoi, maluna mai o ka mokuahi mua loa e ku mai ana i keia mahina ae.

  O keia mau lohe, ua holo ae ia maloko o ke kulanakauhale me ke anapu ana la na ka uwila, iloko o ka manao o na poe naau kapekepeke, mamuli o ke hoike hoopunipuni a ka nupepa Hoku o keia kulanakauhalh, e hoi mai ana ke Alii, a e paa ana oia i ka hoomalu ia malalo o keia ma'i bubonika o ka puni dala e laha nei, a makou hoi i olelo maopopo ai me ka hookamaui ole, he bubonika keia no na Kauka o ka Papa Ola, no na poe kiai i hoonoho ia ma na wahi hoomalu, no na haole kalepa kuai mea ai, lole a me na ano like e ae, a me na Ona mokuahi holo piliaina, ka poe hoi a ka Papa Ola i hoike maopopo ae nei he hana imi dala keia a lakou, ma o na hana i ikeia i keia mau la e nee nei.

  Na keia mau lono hoolele hauli, ua huli aku la makou i ka oiaio o keia mau hauwawa olelo a pau, a elike no hoi me ka makou i hoike mau aku ai, o ko makou alahele ia ike mua ia ka oiaio mamua o ka hoolaha ana aku i ke akea, kuekaa ia, ua hoolono ia, a ua haha maoli aku hoi maloko o na leta i hoea mai la mai Wasinetona mai, he neo, a he neo loa na mea e pili ana no Kona huli hoi mai i Hawaii nei i keia mau la o ka hana no ka ainau o Hawaii, ke kumu a me ka welau o kona hookamaaina ana ma ka aina malihini, iloko o keia mau makahiki elua a oi o Kona hoikaika wahine ana me ka pauaho ole, no Kona pono, ka aina a me ka lahui Hawaii Ana i aloha ai.

  Aohe no hoi he mau leta i loaa mai ia makou no Kona huli hoi mai i keia mau la iho, nolaila, ke hoike aku nei makou imua o na makamaka a me ka lahui holookoa o Hawaii, aole he oiaio o na lono e hoi mai ana o Kalani Aimoku i keia mau la iho, a aole loa no hoi makou a ho hakalia i ka hoike koke ana aku i Kona wa e hoi mai ai, oiai, o ko KE ALOHA AINA kuleana no ia, ma o kona ano la he nupepa na ka lahui, a he wahaolelo hoi na ka lehulehu.

 

HE  HOOPALALEHA  NA  ONA

WAIWAI.

 

  Ua hoomaopopo loa ia ma kela laha ana ae nei o ka fiva eleele ma na wahi noho o na Pake a me na lapana, a i komo pu hoi me na Hawaii maoli, na olelo ia ae mamuli no ia o ke kapulu a me ka piha pelapela maoli o na wahi noho o ua ohana lahui la o Asia, ma o ka lakou mau mea ai @, a me na hale popopo kahiko loa, i kupono loa ke kulai ia ilalo a hoolilo ia lakou i mau puu lehu.

  Mamuli o ka hoike piha a kekahi makamaka a makou i hilinai piha ai, kekahi hoa o na hoa i komo pu iloko o ka hoomalu ia na kuekaa ia e lakou na wahi ino a pelapela, a ma kana olelo ponoi ia makou, aole o na Iapana a me na Pake, ka poe kapulu a hoopulapula hoi i ka ma'i ahulau iloko nei o ke kulanakauhale, aka, o ka poe mea aina nui a me na hale hoolimalima lehulehu no ka imi waiwai ana, a o ua poe la, oia no o Sam'l Damon ma, Dilinahama, Keoni Kolopana a me kekahi poe e ae, e noho aku nei nana na ka hoku dala no o ka mahina, a i ole o ka makahiki holookoa paha, e helelei mai iloko o ko lakou mau pakeke me ha paka ua la.

  O ka poe Pake a me ka Iapana, he poe noho wale iho no lakou maloko o na hale, me ka imi ana i kahi e hiki ai ia lakou ke imi i ola na ko lakou noho ana, me na ohana keiki a lakou, me ka nana ana i ko lakou pono iho, oiai lakou he poe ohua noho hale wale iho no, no ka manawa a lakou i manao ai, na kupono ia wahi no ko lakou noho ana.

  O keia hoike a ka makamaka ma kona ike kaahele ana maloko o na palena i hoomalu ia, ma ke ano, he mea lawelawe no ka uku ia mai, ua maopopo loa, o keia poe waiwai ka poe nana e kahea @na i na mailele e kipa ae ma ia mau wahi, a e hookio iho no kekahi mau mahina, a i ole, no ka makahiki holookoa paha, a o ka hoea ae la no ia he ma'i ahulau e weliweli ia ai ke ola, no ka lilo ana aku i moepuu noloko o ke kapaahi hoohehee hao o Ulakoheo, ka mea a ko kakou mau lunaikehala a pau i hoihoi ole ai, e mohai ia ko kakou mau kino lepo, elike me ka mohai ia ana o na hipa, na kao a me na bipi keiki i ka wa o ka Levi oihana.

  Nolaila, ke kukulu nei makou i ke kahua o ko makou mau manao alakai, he mea pono loa i ka Papa Ola a me ke aupuni pu no a pau, e kanoha i keia poe mea aina, a i ole, i na Ona hale hoolimalima paha, e wawahi loa i na hale popopo, hoopiha i na wahi hookio lepo me ko lakou mau dala ponoi, i hiki ai ke manaoia oia mau hana ana pela, he hoopakele ana ia i ke ola o ka lehulehu, ka poe hoi e noho ana ma ia mau wahi, ina nae ia he mea hiki i ka Papa Ola ke hana pela, iloko o keia mau la pihaiku o ka manao o namea a pau.

  O ko makou manao maoli keia a ke koi ikaika nei hoi makou i ke aupuni e hooko koke ia keia hana maluna o na Ona waiwai, nona ka hapanui holookoa o keia mau wahi i hoomau ia nei, aole ma ke ano niania wale aku, aka, e hana ia ka pono a me ke kau like maluna o na mea a pau.

 

KA  LA  KARISIMAKA.

 

  O ka Poakahi ae nei, Dekemaba 25, oia hoi ka la hanau o ke keiki a ke Akua, ka mea i waiho aku i kona nohoalii oloko o ka lima o ka Makua, a iho mai la i ko ka honua nei, ma ke ano i mohai a i Kalahala no na poe a pau e amnaoio aku ana iaia, oia ka Hoolapanai, i mea nana e hoomaemae ae i na hala o ko keia aoo a pau.

  He la nui keia ma ua wahi a pau i koma ka malamalama o ka hoomana Karistiano o keia au holomua o ka naauao, a na lilo hoi keia i la nui kulaia ma kekahi mau wahi o ka houua nei, ma ke ano i ku i ke ano naanao, ma ka lawelawe pu ana ma na haua hoomana pili ekalesia, ua paina hoolaulea, a pela aku.

  He mea maikai no kakou ka malama ana i na mea paina, ma ke ano i ku'i ka eehia o ka mea no ka la, aole hoi o ka uhaai aku a oi aku mamua o ka mea kupono, elike me ke ano maa mau o na makahiki i hala, aka, e hoomanao e na makamaka, e ai pa kiko ma na mea a pau i ku i ka pono no ka mea nona ka la hanau, a mamua ae hoi o ka hoea ana mai o na la ala, o ka nani a me ke kamahao, ke haawi e aku nei makou i ko makou aloha Karisimaka, i na poe a pau e lawe ana i KE ALOHA AINA ma na wahi a pou o keia Paeaina, a pela no hoi me ko makou mau makamaka a me na hoaloha o ka pupuu hookahi. ALOHA KARISIMAKA kakou a pau.

 

  Maluna o ke Gealic i hoea mai ai he 491 limahana Iapana kane, 123 wahine a me 23 keiki.

 

KE  KAIKAMAHINE  MA'I

GEREMANIA  O  IWILEI.

 

  Ma ka hoike a ka nupepa haole Avalataina o ka Poalua mei, na waiho ae o Kauka Hofemana i kana hoike pili i kana ike, ua loaa ia kela kaikamahine Geremania i ka bubonika, oia hoi keia fiva eleele e olelo ia nei, he mailele o ka luku weliweli, i hiki hoi ke olelo ia ae, a kupo o oia no ke kapuahi hoonioa o Ulakoheo, elike me ke kino hala ola o kekahi wahine Hawaii a me kekahi poe e ae i hoolilo ia i puu lehu manaonae na ko kakou mau lunaikehala e heomanao ai me ka liliha a ka naau.

  Aka, ua lohe mai makou, ua hoole kekahi poe Kauka aole keia he bubonika, aka, he ma'i okoa no, mamuli o ka manao ia ana he haole la, a ke hoao nei lakou e hoopakele i kona kino mai ka lilo a komo pu ana me ko na kanaka maoli, na Iapana a me na Pake, i mea e hoamaewaewa ai i ko lakou kulana lahui ilikeokeo, ka poe hoi no lakou ka mana a me ka ikaika, nana e rula nei keia mau Paemoku.

  Mamuli o keia hoao ana o kekahi poe Kauka e hoole, i hoomaopopo maoli ia ai, ua lawelawe maoli ia keia mau hana malalo o na manao e anai ia kakou na Hawaii a me na lahui Asia malalo o ka lakou nei alakai ana ina ua like ia me ka kekahi o lakou, a o lakou holookoa no paha a pau, e hoololi ae i ke ano o ka ma'i fiva eleele i ma'i okoa.

 

UA  HOI  HOU  AE  LA  MA

KONA  KULANA.

 

Maluna o ke Kopatika o ka po Poalua nei, i huli hoi mai ai o Kuhina Waiwai S. M. Damon, mai kana huakai aku nei i Amerika Huipuia a hala loa i Europa no ka huli ana i na limahana no na @ @iko ma Hawaii nei, aka, aole @e he mea i maopopo i ke kulana o kana huakai mawaho o kona poai.

  Iaia ma Amerika Huipuia, ua kipa aku oia ma Wasinetona, a iauna hoi me Peresidena Makinile no na mea e pili ana i kona haalele ana aku i kona kulana Kuhina Waiwai, aka, ua hoole loa mai nae o Makinile i ka ae ana ia manao, mawaho ae o keia aole a Kuhina Damon mea i hoike hou ae. A oia ka makou i haupu wale ai, malia he hana nui no paha ke kumu o kona kaohi paa ia ana mai la ma kona kulana luna aupuni.

  Ma ka hora 3 o ka auina la Poakolu nei i kakauinoa hou ia ai kona hookohu Kuhina Waiwai.

 

  He elua moku lawe holoholona o Amerika i upuia e hoea mai ana i keia mau la.

 

KA  ILINA  KUPAPAU  NO  NA

ALII.

 

  He loaa mai nei he lono no ka la 7 o Dekemaba mai Wasinetona mai, e olelo ana, e waiho ia aku ana laloko o ke Senate e Senatoa Clark, he bila e noi ana e hooka@wale ia kekahi apana ma ke alanui Nuuanu, Honolulu, nona ka nui he 119,610 kapuai kuea, no ka hoohana ana ma na manawa a pu i ilina no na Moi a me na ohana alii o Hawaii nei, Malalo hoi o ka olelo hooholo a Clark e haawi ana i ka mana o ka malama ana ia wahi ina hoaloha o ka ohana alii. A e nookaawale ia aku ana ia wahi no ka wa mau loa.

 

HAWAII  NO  KA  OI.

 

  Ua loaa mai nei he lono ia nei mai Wasinetona mai, e olelo ana, o ka oi loa aku o ka nani o na makana pua i hoouna ia aku no ka hoolewa o Hope Peresidena Hobart, oia ka makana pua a ke Keikialii Kawananakoa a me Konela Sam Paka, oia hoi, he lei nui hewahewa i hana ia me na pua me na ribine, a maluna o la kou e kau ana ka huaolelo "Hawaii."

 

NA  KAA  LIO  OLE.

 

  Ua hoi mai la maluna o ka mokuahi Auseteralia o L. T. Grant, ka haole i holo aku nei i Amerika Huipuia no ke kuai ana. i mau kaa lio ole no keia kulanakauhale. He nui kana mau kulanakauhale nui i kipa aku ai o Amerika Huipuia, no ka nana ana i ke ano o ka hoohana ia ana o na kaa m@ ia mau wahi.

  Ma kana hoike e hoea mai ana he iwakaiua kaa no Honolulu mei ma ka mahina ae nei o Ianuari, a e ukali mai ana me lakou he haole makaukau no ke kukulu ana i ua mau kaa nei i ko lakou wa e hoea mai ai maanei.

  He akea iki ae kaia mau kaa, i na kaapio, a he holo hoi ko lakou o ewalu mile i ka hora. E hooholo ia ana keia mau kaa e ka uwila, a e ao ia ana na kalaiwa i ke ano o ka hoohana ia lakou.

 

  Eia ka hale hana papale o T. Murata ke kuai hoemi nei i na papale o ko lakou halekuai.

 

E  HOOMANAO.

 

  Mamuli o na haawina hoomakeaka e pahola nei maluna o ke kulanakauhale nei, ua hoopanee ia aku la ka hooko koko ana aku i ka'u mea i hoike aku ai i o'u mau hoaloha a me na makamaka no kahi wa aku e pau ae ai nei kupikipikie puahiohio o nei mau la kameh@i nui wale.

                            S K. KAMAKIA.