Ke Aloha Aina, Volume V, Number 48, 2 Kekemapa 1899 — Page 8

KE ALOHA AINA

KE ALOHA AINA,   POAONO,   DEKEMABA  2, 1899.

HE MOOLELO WALOHIA

NO KA

UI SOPAEA.

ILOKO O KA HANOHANO.

A ME

TOME BAKALA

Ka Ilihune.

Hoohenoia no KE ALOHA AINA

 

   A no la ku@u hoi, ua haawi aku maua iaia malalo o ka hoopaa ana i ko maua ae e mare ia oia me keia kanaka opio, ka mea hoi i hoea kino mai imua o ko mana alo malalo o ka rula o ka poe maikai, a pela hoi oe e ike nei, he anaina keia no ka mare, i hoonele ia mai me na hauoli ma ka aoao o ke kane.

   A maua hoi e manao nei, he hahaki ana keia o ka maua lei i ka makemake o kona mau luani, a he hoowahawaha maopopo ana noi i keia anaina nui hewahewa i hele mai e haawi aku iaia i ko lakou mau hoomaikai ana, no ka loaa ana he kanaka e hiki ai ke hoomau aku i kona kulana hiehie ma ke ano he mea i anoi ia iloko o ka puuwai o ua kanaka opio.

   A nolaila, e ke kanaka opio malihini, he ha kou kuleana o ka ninau ana no na hana e pili an@ no keia anaina i akoakoa mai la, a me kou pili ana hoi i ka maua kaikamahine kamakahi, o oe anei ka opio Tome, ka mea nona ua puuwai la i hoeha ia.

   A ina o oe io ia, alaila, ma ko'u aoao, ka makuahine o Sopaea, ke kukala aku nei au, ua hoopau ia keia anaina mare, a ua lilo hoi ka hoopalau ana o na makahiki loihi i hala i mea ole.

   Na keia mau olelo maikai a ka luaui makuahine o kana ipo i hoomaalili ae i na manao inaina e lauwili ana iloko ona, nana i kono koke aku iaia e wehe ae i na aahu e uhi ana iaia mawaho, a ku kilakila iho la oia malalo o kona kulana o ke kanaka koa, a ike pu ia mai la hoi kona mau aahu aliikoa e hiolo ana na mea hoonani maluna ona, me he wailiula no Mana.

   A me ka leo hoi i hoopihaia i ka hauoli, huli ae la oia me ke kulana kilakila o ke kana a ui, a me ka leo malie, pane aku la oia penei:

   He oiaio, elike me kau ninau ia'u a me ko'u pili hoi i na hana o keia ahiahi, i kuleana ai au e ninau aku ia olua e na makua o ka nohea Sopaea, ka ui hoi nana i hoeha aku i na manao maikai o kekahi poe kanaka opio no kela anaina ulumahiehie i akoakoa mai maanei.

   E hoike aku au ia oe me ka hookamani ole, @w u no o Tome, ka mea hoi i hoopaa i'ao ia'u, hookahi wale no, na ka ui Sopaea, a ma ia ano hoi au i hoea mai la imua o ko olua al@, no ka ike ana aku iaia.

   E uhai mai mahope o'u, wahi a ka makuahine o Sopaea, a n@ 'u p@noi no e hoike aku imua o ke aio o kau mea i aloha ai, oiai oia maloko o kona rumi moe.  O kou hoea ana aku malaila i ka wa kupono, he laau lapaau ananei ia nana e hoopau ae i na luuluu o na manao ka@ha e hekau la maluna ona, wahi a@a i panai mai me ka awiwi.

   Aole oia i hoohakalia iho i ka hooko ana aku i ka makemake o ka makuahine o kana mea i @ ai, a me ka emoole, ua hoea aku la laua mawaho o ka rumi moe o ua ui la, a me ke kali hou ole iho, ua kikeke aku la oia mawaho o ka puka.

   Aka, aole nae he leo i pa'e mai, mailoko mai o ka rumi a ua ui la e hiolani la, no ka mea, ua ka-ia loa ia aku oia iloko o ka aina moeuhane, a ua pau hoi na hoomanao ana ae no na mea e pili ana no kana ipo aloha.

   A mamuli o ka palua a pakolu ana o ka leo kahea a kona makuahine i puoho ae ai oia a hoolono mai la i keia leo kahea mawano, ina paha no kona mau makua, e kii aku ana iaia no ka he@e ana aku i ke anaina mare i hoomakaukau ia no laua.

   Ano ka loaaa ole ana mai he leo pane maloko mai, nolaila, ua kahea koke aku la o Tome no ka wehe ia mai o ka puka, oiai, he malihini kana mawaho.

   O keia leo i poha aku la, aole ia he leo malihini i na pepeiao o ka ui Sopaea, a oia no hoi kona wa i haalele koke aku ai i ka moe ana e hiolani ana, a hele io mai la e wehe i ka puka, no ka nana pono ana, owai la keia malihini o ke ano ahiahi?

   I ka wa i hemo ae ai na puka, la wa oia i ike koke mai ai i ka mea a kona pauwai i hooipo ai, e ku aku ana imua ona, me kona aahu aiiikoa.

   Aole hoi ma kona aao kino aka wailua, aka, he kino maoli i hoopiha ia me ka uhane ola, a i hoopiha ia hoi me ke koko o ke ola lanakila aole hoi he kino wailua, elike me na lono i hoike ia mai.

   A me ke kali hou ole iho, ua lele mai la oia a puih@ ae la ma ka a-i o kana mea i aloha ai, a me na waimaka o ka ehaeha i hui ae ai ke kane i ke wahine, ka ipo hoi i kana aloha, iloko o na minute o ke kupilikii, e hoohala ana ia mau minute no ka haawe ana i na luuluu o keia mau makahiki loihi o ke kaawale ana.

   I ka mao aaa ae o ka aaki paa ana o ka ehakomi ia loko o ko laua mau puuwai, ua pane koke mai la ka ui Sopaea, me keia mau olelo e hookaakaaia ai na maka o kana aloha.

   Ano, e kuu aloha, ua hoea mai la kaua i ka panina hope o kou hele ana i ka loa a me ka laula o ka @a e lawe a hoolawa ana i kou mau lealea, ka mea hoi nana i hoomamao i ko kaua noho aloha ana, a ke ike nei au me ka ahewa ana o ko'u puuwai no ko'u ae ana e h@okuu ia oe e hele a@wana ma na aina mamao, ke kumu hoi i hoea mai a o na pilikia he nui ma ko'u aoa kau ipo nei.

   Aka, alia nae hoi au e pulale e aku i ka hoike i ko'u manao, a ike mua aku oe i na mea i kanaia ma ka home nei, mamua o kou hoi ana mai la.

   Oia hoi, e kuu aloha, oiai no oia e puili ana me kona mau lima, elike me ke kulana o ka ipo i ka ipo, eia maloko o na paia o ke@. Kakel@, he anaina mare no'u me ka mea a ko'u naau i hoihoi ole ai.

   He keikialii oia ma ke kulana, i p@i i ka aoho moi o kekahi aupuni, nona na mile mamao i helu ia ma kahi o na tausani, a i ake hoi e kaili aku i ko'u lima akau no kona pono, me ko'u apono ole no ia mea.

   Eia oia ke ake mai nei e kaili aku ia'u mai a oe mai, aka, owai oia a'u i ike ole ai, he lala laau anei oia i luluu i na hua ono e kohu ai ke moni iho ka puu, a hookomo ae i ka waha.

   Aole, aole loa au i nana aku iaia ma kona kuiana alii, aole hoi ma ka nui hewahewa o na makana makamae o na pokaku nani ana i manawalea mai ai i ko'u mau lunui, he mea ia e hiki ai ke kuai ia ka waiwai o ke aloha e pili nei me a'u nou hookahi wale no, aole no kekahi mea e ae.

   Elike me ka'u i alana mua aku ai ia'u imua kou alo, e hoepaa ana hoi ia kaua i hookahi manao, a i hookahi noonoo, a hiki i ka hopena o keia mau la.

   Ua ike a ua hoomaopopo mai nei paha oe, ua uluwehi oloko nei o ke Kakela me na nani like ole o na lamalama e na kukui no ka hoohiwahiwa ana i ka makemake o ko'u mau luani nei.

   Aka, e na lani, ua hemolele ko'u puuwai no ke kali ana iloko o ka inea, i ka mea a kuu puuwai i aloha ai, au no hoi i ike mai la, aole au iloko o na kuilima pu ana, me na makamaka a me na hoaloha o na aoao elua.

   Nolaila ano, e ae mai ana anei oe i ko'u manao, e hoopau loa oe i kou hele auwana ana, a e hoohui koke ia hoi kaua iloko o keia mau hora o ka makaukau nui, me ka hiki hou ole ia'u ke ae hou aku i na hana hoololoiahili elike me ko na la i hala.

   E oluolu anei oe e pane mai i keia mau ninau a pau a'u i waiho aku la imua ou, a ina hoi ia he moa e hoopilikia oie ai i kou manao.

   O ko'u akenui, o ka loaa mai o kau pane i keia wa ano, me ka lanakoi hoi o ko'u manao, e hooko mai ana no oe i@o'u makemake.

   Ma keia wahi i hoomaha iho a ua @i la i kana ninau ana, heaha la na mea e puke mai ana mai na lehelehe mai o kana aloha, a oia hoi kaua i pane mai ai p@.

 

HE KUAI HUIKAWA NUI.

Silika Foulard

   o na paikini hou, e loaa no no ka $1.25 a me $1.50 o ka i-a.

Lihilihi

   he kuai kuikawa ke haawi ia ana no na Lihilihi, Oriental Point Ve@ise, Po@nt de Paris Platt Valenciennes, Italian Val a pela pu hoi me na Leki.

Lole Iapana

   no ka pale paku, 8 ia no ka $1.00, ua hoemiia mai ka 25 keneta o ka i-a.

Pale Silika

   no na hana hoonani, a pela aku ua hoemiia mai ka $1.00 a ke 75 keneta o ka i-a.

Lako Siliva

   oia hoi, Upa, Baraki, Pahu Wa iho Ahi, Paiia Maiao, a pela aku.

Falanela

   ano hou loa, e loaa no no ka 8, 10 a me 14 no ke $1.00.

Papale

   he nui na Papale i hoonani ia o na Paikini Hou loa o keia Kau.

Percales,

 Denims,

  Kalakoa,

    Kinamu,

  o ka hoea ana mai la no ia.

La Thanksgiving

   Eia makou ke kuai nei no ia la i na Pale Pakaukau i hana maiau ia, Moena, Lole, Kawele Holoi Lima, i makaukau no ka hoohana koke aku.  Pela pu me na 

   Pale Lilina Mauu olowi a me huinaha.

E PAA ANA KO MAKOU HA--

    lekuai ma ka La Thanksgiving

B. F. EHLERS Co

Alanui Papu.

 

   Ke kuai hoopauia nei na SILIKA a EGAN iho nei no ka 25 c. a me 75c. o ka i_a.

   Plush me Veleveta he 25 c. no ka i_a.

   Na PAPALE BONE@ TA KEOKEO o na Bebe i hanaia me na lihilihi, mamua $1.00 me 1.50, e loaa no no ka 15 c_a hiki i ka 50c.

WHITNEY  & MARSH

LIMITED.

TELEPONA 436.                   MANUI PAPU 519.

 

J. M. MONSARRATT

Maunkea.

HE LOIO A LUNA HOOIAIO.

Maloko o na Aha Hookolokolo a pau o Hawaii a me Amerika Huipuia.

He mau mea hoale aku i na poe wa wai paa.

Keena Hana:  Alanui Kalepa makai iho ko o ka Hale leta.

 

Ua Nee Aku.

   Ma keia ke hoike aku nei au i ko'@ mau hoaloha a pau, ua haalele aku au i kuu Alanui Moiwahine, mahope o ka Hale Aupuni.  A e loaa no au ma ke poo o ke Alanui Li@ha, ma ka hale @ kope mua o @ Kwai Kee.

   Manawa Hana:  Mai ka hora 8 a.m. a hiki i ka ho@ 6 p.m. o na la a pau.

                                    KAUKA CHAN KAM CHIN.