Ke Aloha Aina, Volume V, Number 45, 11 Nowemapa 1899 — Page 7

KE ALOHA AINA

 

NA PU O KA POWERFUL

 

OOLELE IA NO KE KUE ANA AKU I NA BOA.

 

            Ulaa pu ia ka Pukuniahi a na Enemi – Hoowalewale ia o Kenerala White.

 

            Ladana, Nov. 1.  Ua hoike ia mai i keia la kekahi lono kuikawa mai Ladysmith mai, e olelo ana; ua hoopuni hou ae la na Boa i keia wahi ma ka po Poakahi nei, e hoouna ana i na poka pahu iloko o kahi o na Beritania.  O na pukuniahi elua i hoolele ia mai mailuna mai o ka mokukaua Powerful, ua kipoka aku lakou maluna o na Boa i keia wanaao Poalua.  Ua lawe hou mai na Boa he mau pukuniahi, aka, ua hoohamau ia aku no nae kakahi o lakou.  Ua pakui ia mai ua koikoi na poino o na Boa.

 

            O ka pa kana ma Ladysmith ua olelo ia ae, aia lakou me na manao hauoli me ka makaukau no ke komo ana iloko o ka hakaka.  Ua hoomau ia ke kipoka ana mawaena o na aoao elua a hiki i ka po Poalua.

 

            Cape Town, Oct. 31.  O na poka a na pukuniahi a ka pualikoa kaua moana, ua ulaa pu aku ia i ka pukuniahi nui 40 paona a na Boa mai kona kahua aku e ku ana, me ka hoohamau aku i ka waha o na pu a na Boa ma Hepworth Hill.

 

HOOWALEWALEIA O KENERALA WHITE

 

            O ka ne@ ana o Kenerala White me ka manao ana e kipaku aku i na Boa mai kekahi puu he ehiku mile mawaho aku, a Kenerala Joubert hoi i hoike mai ai i kela La Pule aku nei e kukulu ana oia he mau papu.  Ua haalele iho ke alakai o na Boa he puali kupono no ka huki ana aku ia Kenerala White no mua, oiai ka hapanui o na Boa ua uee ae la lakou me ka malu no ka akau mahope o na Beritania me ka manao e oki pu ae ia Kenerala White mai Ladysmith mai.  Aka, ua holopono nae ke alakai o na Beritania ma ke kue ana aku ia lakou, a iloko o ke kulana kupilikii i pakele ai oia, a i kona wa i huli hoi mai ai ua kipapa ia mai kona mau puali me ka poino nui.

 

KAUMAHA O VITORIA.

 

            Lakana, Oct. 22.  Ua loaa aku i ke Kuhina Kaua, ka Mak@isa o Lawdone keia mau olelo malalo iho nei mai ka Moiwahine aku no keia la mai ka Balmoral K@kela aku.

 

            Ua hoowalania ia kuu puuwai no keia mau poino weliweli o keia la.  Ua holopono loa na hana i lawelawe ia, aka, ke hopohopo nei nae au, ua kuai ia me ke koikoi loa.  E ae anei oe e lawe aku i ko’u aloha pumehana a me ke kaumaha palena ole i na ohana kokoke o na koa i make a hoehia me ka hoike pu aku i ko’u ohohia nui no ka hana a na poe i poino aku la.

 

HE 12 PU I LOLO A NA BOA.

 

            Ladana, Oct 22.  Ua telegarapa mai nei ka mea kakau o ka Daily Mail, ma ke kahua, penei:  Ladysmith, po Poalima.  He umikumamalua mau pukuniahi a na @neni i lawe pio ia ma Gle@coe.  O ka lakou mau poka pahu, Melinite i ki mai ai aole ia i holopono, a he kakaikahi loa o lakou i pahu.  O ko makou mau pualikoa kaua lio a me Pukaa Husa Umikumamawalu, ua uhai aku lakou mahope o na enemi a oki pu ae ae la ia lakou, aka, ua kaumaha nae au i ka hoike aku he heluna nui o na Husa i poino.

 

HOOPUIPUI I KONA IKAIKA KAUA.

 

            Berlin, Oct. 14.  Ua olelo ae ka Tageblatt, ua loaa mai he mau lohe mai St. Peteroboro mai e hoike ana he kono kai pahola ae o na mokukaua he umikumamaiwa ma ka Pakipika e hoopuipui ia aku ana lakou ma keia mua koke iho e eono mau mokukaua hou mai ka ulu moku mai o ka hikina.  O ke kumu o keia hana mamuli no ia o ke kuikahi mawaena o Iapana a me Kina.

 

KO PETIGURU MANAO.

 

            Minneapolis, Oct. 27.  He lono kai loaa mai nei i ke Journal mai Aberdeen mai, Dakota Hema, e olelo ana:  O na hoike mai ka halawai a Petiguru i malama ae ma Woonsocket, na hoopuka ae oia i kona manao io maoli, a ua haawi ae oia i na olelo mahalo ia Aguinaldo no kona aloha aina a me ka wiwo ole.  Aole hoi ana wahi olelo e pili ana no ka hana nui a ka Regimaua Dakota Hema ma na Paemoku Pilipine.

 

            I ka hoopau ana i kaua haiolelo, ua olelo ae oia:  “Ua hilahila loa au i ko’u aiua.  He makemake au e hukiia ka hae ilalo, a e hoi ua mea a pau i hoomaemaeia ai na kikohukohu o ka moolelo o keia au hou e nee nei ina ia he mea hiki ia’u.”

 

            Nani no hoi ka maemae o ka puuwai o keia kanaka Amerika i makee nui i ka hanohano a me ka maemae o ka inoa o kona aina.  O keia no ke Senetoa Petiguru i hiki mua mai ai i anei, a he hoalo@a maikai oia no kakou na poe Aloha Aina iloko oia mau la.  Ma keia e ike iho ai kakou he hoaloha oiaio oia no na poe a pau, e aloha ana i ko lakou aina hanan e like me na Pilipine a me kakou na poe Hawaii.  Nolaila, e manaolana kakou, aia no he m@u kokua i ike ole ia mai ke aloha mai o ke Akua.  E hoomau i ke kupaa no ke aloha o ko kakou aina hanau.

 

NA PU A NA PILIPINE

 

NA IAPANA E HOOLAKO NEI IA LAKOU.

 

Hoohikilele ia na Luna Aupuni Amerika.

 

            Kikako, Nov. 1.  He lono kuikawa kai loaa mai nei i ka Tribune mai Wasinetona mai, e olelo ana:  Na na Iapana e hoolako nei i na Pilipine i na pu a me na poka.  O ka hiki ole ana ke hoole ia keia mau hoiaio i hoea aku la i Wasinetona, ua hoohikilele ae ia i ka pohai o na luna aupuni.  Aole he mau hana e hiki ke lawelawe ia e Amerika Huipuia koe wale no, ke kahea ana i na kanikela a me na agena luna aupuni o keia aupuni e kiai makaala loa ana no ke pale ana aku i na moku e holo ana me na lako kana no ka hoopae malu ana.

 

            O na pualikoa Amerikae hakaka nei ma Luzon, ua hopu pio aku lakou he lehulehu wale o na pu a na kipi, a o na ho@iloua e hoike maopopo @na ua hana ia lakou ma Iapana, o kau ana.

 

            Aole he hiki i na alii o na pu alikoa ke hoomaopopo i ka hiki ana i ua kipi ke loaa keia mau pu, koe wale no paha ko lakou hoouna malu ia ana mai maluna o na mokupuni, nana i hoopake le ae mai na mokukaua e kiai ana, mamuli o ka nui loa o na mokupuni a me ka loihi o kona mau kapakai.  mai kekahi luna apuni,, ua ikeia i keia la, aole he hiki i ke aupuni ke lawelawe ma keia kumuhana.

 

            O ko Amerika Huipuia manao o ka hana ia ana a me ke kuai ia ana o na pu a me na poka, he oihana ia i apono ia e ke kanawai, a aole hoi ia e hiki ke hookapu ia.  Ua hana ia keia e Amerika Huipuia i ka wa a Sepania i waiho mai ai i kana kue i na hui hana pu Amerika, no ke kuai ia ana o na pu i na poe Cuba.

 

KONO OLA I POINO.

 

            Manila, Oct. 30.  Ma ka la inehinei i kipa aku ai o Kenerala Bell ma Cabiao, a ua kue ia mai.  Ua hoauhee aku oia i ua kipi me ka uhai aku maluna o na puu, a he lehulehu wale o lakou i poino , aka, na make nae he eina o kona mau alii a me eha koa i hoehaia.

 

            Eha mau kaikuahine virigini Kat@@ka i hoea mai la nu ka noho aua ma ke kulanakauhale nei, ma ka moku@hi Honkong Maru mai la.

 

            He hakaka hoomaamaa ke maia maia ana e na koa pualu o ka regimaua Hawaii, ma ka Poaha hope o keia mahina, he hae ka makana e loaa ana i ka puali e lilo ai o ka lanakil@.

 

HUI KUAI LOLE HAWAII.

 

            E hoomanao e na makamaka, eia ke ola ou e Hawaii, ina iho, ei ae, a hoea mai mamua ae oo ka la 17 poina ole na wehi o ke kino o keia pule.

 

            E kuai hoemiia ana na LIPINE KALIKA o na ano a pau ma ka Poakahi, Okatoba 23, 1899, ma ke kumukuai haahaa loa.  Pela pu no hoi me na ano Lihilihi e ae iho, i loaa ai he kowa no na Lipine a me na Luhilihi hou e hoea mai ana ma ka Aus teralia o keia pule ae.

            Na Lihilihi he 5 i-a no ka. . . . . . . . . . . . . . . . . . 25 keneta.

            Na Lihilihi he 5 i-a no ka. . . . . . . . . . . . . . . . . . 25 keneta.

            Na Kinamu he 20 i-a no ka. . . . . . . . . . . . . . . . . . . . . 1.00

            Na Makalena he 20 i-a no ka . . . . . . . . . . . . . . . . . . . 1.00

            Na Makalena Lau he 20 i-a no ka. . . . . . . . . . . . . . . . 1.00

            Na Kalakoa maikai 30 i-a no ka. . . . . . . . . . . . . . . . . 1.00

            Na Mamain . . . . . . . . . . . . . . . . . . . . . 25 keneta hookahi

            Na Kakini Wahine, 5 keneta o ka paa a pii aku

            Apo Ili o na Wahaine . . . . . . . . . . . . . . . . . . . . . 5 keneta

            Palule Wahine, he l0 keneta o ka mea hookahi.

 

            E hoomanaoia e hoomaka ana keia knai emi ma ka

POAKAHI, OCT. 23, 1899.

            Ma ka pule hope o keia kuai emi, e kuupa@ia aku ana i ka nanane na Kamaa Wahine, Kane a me ko na Keiki ma ke kumukuai haahaa loa, e hoomaka ana ko ona keiki mai 25 keneta a pii aku.  E hoikeia aku ana o ko na Kane a me na Wahine ma na Pepa Liilii.

 

                                                                                    MOSES PALAU,

                                                                                                Luna Nui

 

HE KAAO KAILI PUUWAI

 

-:A ME NA:-

 

Kaikunane Eiwa

 

I hooliloia i mau Manu Nene Ahiu a i ole na Keiki i Hoehaehaia

 

Kakauia no KE ALOHA AINA

 

            A ma keia wahi i poha mai ai ka leo pihoihoi o ka luahine i ka ni nau ana mai i na kanaka e hoopuni @na iaia penei.

 

            E na kanaka malihini e hoopuni nei ia’u e hoike mai ana anei oukou i ke kumu o ko oukou hiki ana mai la.  He manao anei no ke aloha a i ole he manao anei ko oukou no ka hoopoi@@ ana mai ia’u?

 

            Eia makou malalo o ka hooko kauoh, no ka hopu pio ana aku ia oe ma ke ano aeahaukae a me ke komohewa, a ua kauoha @u oia ia makou e ninau aku ia oe heaha kela puolo nui e waho mai la ikoko o ka waapa?  Wahi a kekahi kauwa i panai mai ai no ka nin@u a ka wahine kilokilo.

 

            I ka wa@ hooki ai o ke kauwa i kona leo, akahi no a maopopo loa i ka luahine he poino io no ke ukali mai ana mahope ona, a me ka leo hopo ole pane mai la oia:

 

            E na karaka e hoi aku a hoi@e aku i ko oukou haku, aole, aole loa au e haawipio aku ana, no ka mea, aole au i komohewa i ko oukou mau palena, aka, no ka loaa ana he poino i kuu wahi waap@ i kono mai ia’u e kipa mai i keia aina malihini me ka maopopo ole e halawai ana au me ka poino.

 

            A o keia ukana a oukou e ike nei maloko o kuu wahi halelana nei i a kuu haku moi no ia, a aia maloko ona ua kau ia ke kuni o ke aupuni, a ua kap@ loa ka hoopa ia ana o keia ukana e na lima o ka poe e, a @ ka uku hoopai o ka poe e kue ana i keia he make wale no.

 

            N@laila, e kii aku kekahi o oukou i ko oukou haku malia he alahele no kekahi e pakele ai ko’u ola me ka gula a i @lo ma ke @aimana.

 

            Na keia mau olelo maikai a ka luahine i hoopau ae i na manao ina ina e @luku ana iloko o ko lakou mau puuwai, a hooho ae la kekahi o lakou me ka holo ana aku o kekahi e hoike i ko lakou haku.

 

            Ua pololei, ka olelo a keia wahi luahine, a o@laila, e kali iki kakou no ka pane a ko kakou haku mamua o ka hopu pio ana aku iaia.

 

            A he mea oiaio, ua hele io mai la ka el@makule a ma ke alo o ka luahine ku iho loa oia me na maka @aho@, a me ka leo nui ninau mai la oi@.

 

Ua Nee Aku.

 

            Ma keia ke hoike aku nei au i ko’u mau hoaloha a pau, ua haalele aku ma ke Alanui Moiwahine, mahope o ka @a@e Aupuni.  A e loaa no au ma ke poo o ke Alanui Li@ha, ma ka hale inu kipe mua o Chee Kwai Kee.

 

            @ Manawa Hana:  Mai ka hora 8 a.m. a hiki i ka hora 6 p.m. o na la a pau.

 

                                                                                    KAUKA CHAN KAM CHIN.

 

KALANA AINA “KAIUALANI”

 

            Ke waiho nei ma ka aoao hikina o ke a wawa o Kalihi, e kokoke ana @ ke kula Kamehamaha.  Ua lilo mai ia makoa keia aina i kapala o

 

MOKAUEA

 

ma Kalihi, a I ike ia no ka Moi Kal@@ana mamua.  E mahelehele ia aku ana i mau

 

HOME LIILII

 

            He wa maikai keia e loaa ai i na Hawaii Ponoi he mau Hoome Nani me ka emi loa.  E kuai ia aku ana na Apana Aina ma ua ka@na Kaiulani nei ma ka $800 a hiki i ka $250 no ka apana, he 50 kapu@i k@ laula a he 100 kapuai ka loa he mau alanui akea he 30 kapuai e pili ana i kela a me keia apana; e ae ia no e uku i $10 a uku ia i kela a me keia malama elike me ka makemake o ka mea kuai.

 

            E hookomo aku ana makou i ka wai i ka wa e makaukau ai na poe @@ mai e kukule i na hale.

 

            E hookaawale ia ana hoi e ma kou kekahi apana nui kupono, i @@ hoomanao i ke Alii Opio

 

 

KAIULANI

 

-a e kapa ia aku ana o-

 

Kaiulani Paka

            O ka nanaina mai keia aina e huli ana i ke awa o Puuloa, oia ka helu ekahi ma ke kulanakauhale o Honolulu nei.

 

            No ua mea i koe e ninau ia

 

W. C. ACHI & CO

Na Boroka o na Waiwaipaa.

Honolulu, Oct. 9, 1899.