Ke Aloha Aina, Volume V, Number 44, 4 November 1899 — Page 5

KE ALOHA AINA,POAONO, NOVEMABA 4 1899.

                                                                                                                                    5

HALAWAI ME KE KINO O KEKAHI MOKU POINO.

 

            O Kapena Spicer, e hookele ana i ka mokupea Glooseap, ua hopaa ae oia maloko o kana buke hoomanao i kekahi ouli kupanaha i ike ia ma ka moana.  Oiai oia e holo ana mai Pilipine aku no Piladelapia me ka ukana kopaa, penei:

            “Augate 14, iwaena o ka moana, ano inoino, ua kaalo ae la ma ka aoao o kekahi moku poino.  Ua alualu mai la ua moku poino la, ua hike ole ke kaawale mai iaia.  Hopohopo a welieli na luina i ka nana aku ihope, a he lehulehu o lakou i aneane e pupule.  Augate 21.           Ua nalowale aku la ua moku hookalakupua nei.  Ua malie ka moana.  Ua kukuli iho na luina a hoomaikai maikai aku la i ke Akua.  Ua olelo ae na luina ua hoopomaikai ia lakou a haalele mai la hoi ka moku hookalakupua ia lakou, mamuli o ke kiola ia ana o na keko i haawi ia mai ia lakou e na kanaka o Iloilo.”

            O ka mokuahi Kolumebia anei keia hookalakupua o ka moana?

 

PAINA LUAU.

            Ma ke ahiahi Poaono nei la 28, ua haawi ae ia mau makamaka hanohano o ka Makani Apaapaa o Kohala Mr. me Mrs. Kauanoe Edlredge, he paina hoolaulea i kekahio ko laua mau makamaka a me na hoaloha o ke kulauakauhale alii nei mamua o ko laoa holi hoi ana aku no ko laua home ponoi ma ka aina haaheo.  Nui a lehulehu na hoaaii hike ae, he nani na hoowehiwehi ia ana o ka rumi kahi e paina ai, me na hae a me na lau nahele, he luhiehu okoa hoi ka papaaina, me na ono like olo i hoolakuia.  Nolaila ua ai na mea a pau a lawa, ua inu a kena i ko laua lokomaikai, mahop@oho o ka pau ane o ka paina, ua hoonanea ia kek anaina me na hauoli maa a luki wale i na hera liilii ma o aku o ke kulo aumoe i huli hoi ai kela a me keia me ka mahalo nui i ka lokomaikai oia mau makamaka waipahe o ka Makani Apaapaa o Kohala.

 

E KUAI KUDALA IA AKU ANA.

 

            Malaio o ke kanoha a Loio Kuhina Kupa, a Peresidena hoi o ka Papa Ola, e kuai kudala ia aku ana na tini opiuma e waiho nei maloko o ka Hale Dute.  O ka nui o na tini opiuma e waiho nei maloko ona, aia no ia ma kahi o 3,500, aka, he poe tini opiuma inoino kekahi iwaena o lakou, a e loaa ana paha he 2,100 mau tini opiuma maikai.

            Mahope iho o ka lilo ana aku i ka mea nui o na palahu keia mau tausani tini opiuma e hona ia aku ana oia a i ole o lakou paha, no ka hoouna aku i kela mau opiuma i na aina e i ka wa kupono mua loa e loaa ana.

 

PEPEHIKA NAKAMALUNA O KA MOANA.

 

            Santa Cruz e Teneriffe, Oct. 19.  O ka mokupea Juliana Schblosser, i hoea mai la ianei ma ke alahele no Brazil, na hoike mai oia, ua pepehi ia e ke kanaka kuhoe ke kapena, ka wahine a ke kapena a me ka mai ma moku.  Ua noi aku ke Kanikela Brazil i na kokua ana i ke aupuni, a na hoouna aku ka mokukaua Sepania Infanta isabella he mau waapa me na loa no luna o ka mokupea.  Ua ki ia mai lakou e na luina o ka Mokupea, a na kukai aku lakou, me ka pii pu aku iluna o @a moku.  He umikumamakahi mau luina i lele aku iloko o ke kai, aka, ua hoopakele ia nae lakou e na Waapa o ka mokukaua, mem ka hoopaahao ia.  O ke kanaka kuhoe na lawe ae oia i koua ola.  He kanaka e ae kekahi i loaa aku na pepehiia.

 

KUAI HOEMI NUI O NA KA MAA.

 

            O na kamaa o na kane a me ko na wahine, me ko na keiki, ua manao ka Luna Hoohana e hoopau i ka malama na i na kamaa o na ano a pau, a e haawi ana ka Hui Kuai Lole Hawaii, he kuai hoopau loa i na kamaa, ke hike aku i keia Poakahi ae, la 30 o Oct.

            Penei na kuai ana o na kamaa, e hoomaka ao mai ka 25 keneta o ka paa a pii aku.

                                    Moses Palan, Luna Nui.

 

            Ma ka no kuku kuikui puupuu i malamala ae ma ka po Poalima nei, mawaena o Martin Denny a me Billy Aarmstrong o Kalepoui, ua lilo ka@l@nakila i ka ino, mua iloko o ekolu puni.

 

HOOUKAIA HE KAUA HAHANA

 

HOIKE NA PUALIKOA BERITANIA I KA WIWO OLE.

Alakai Kino o Peresidena Kruger i Kona mau Kanaka Imua o ke Ahi Enaena o ke Kahua Kaua.

 

            Ladana, Oct 23.  Ua hoopuka ae ka nupepa Daily Mail i keia mau aoike i loaa mai Ladysmith mai, no ka po La Pule nei:

            He pualikoa nui hewahewa malalo o Kenerala Joubert a me Kenerala Vogan o na Boa, kai lele kaua mai maluna o Dundee ma ka la inehinei.  Ua hoomau ia ka hakaka i keia la.  O ka hopeua aole i ikeia.

            Ua loaa mai i ke Daily Telegraph keia mau lono malalo iho nei, mai Ladysmith mai no ka La Pule nei, Hora 2:10 p.m.

            Ua hoike ia mai o ka nui o na Boa aia no ia ma kahi o 9,000 kanaka, aia lakou malalo o ke alakai ponoi ana a Kenerala Joubert a me Kenerala Kruger, a ke lele kaua hou la ia Gleucoe i keia la.

 

HOIKE NA PUALIKOA BERITANIA I KO LAKOU WIWO OLE.

 

            Ladana, Oct 24.  ua hoopuka ae ka Daioly Mail i na hoakaka ana o ke kahua kaua o Elands Laagte mai kona mea kakau mai, g. W. Stevens e hele la maluna o ke kahua kaua mai Ladysmsith mai.

            O keia hoouka kaua na holo pono.  O ka nui o na boa mawaena o 1,200 a me 2,000, a me he mea la, ma kahi o 100 i make a me 150 i hoeha ia.  Ua nee aku na pualikoa Gordon Highlanders o na Beritania no ka lele kana ana iloko o ke kulana hopoole, a ua halawai koke mai lakou me na kipu hahana ia ana.

            Ua haule aku ko lakou mekia no lalo o ka honua me kekahi poka i ku aku ma kona wawae, aka, i kona wa e waiho nei ma kona wahi i haule ai, ua unuhi ae oia i kona ipu paka a puhi ae la me ka malie i ka wa no a na pualikoa e hoomau nei i ka nee imua.

            i ka wa o na kanaka e haule makawalu nei, na hoouna ia aku na kakua iloko o na laina kaua, me na kanaka e holo ana mao a maanei no kahi e loaa ai ia lakou he mau wahi e pale ae ia i ka loaa ena mai i na poka a ka enemi, aka, aia no nae lakou ke hoomau la i ka nee ana imua.  A i ka wa i lilo liilii mai ai na kiekiena i na Highlanders, aia hoi, ua loaa hou aku la ia lakou he kiekiena e alai mai ana ia lakou.  Ua hoomau aku lakou i ka hakaka ana i ko lakou alahele i piha i ki koko e kahe ana a hike i ko lakou kokoke ana i keia kiekiena hope, me ke aneane e pau loa na aliikoa i ka hoopoino ia.

            maanei i hoohui ia ae ai na kanaka i hike ke hakaka maloko o ka laina kaua me ka huipu mai o na Manchester, Devonshire a me ka puali kaua lio Light Horse me na o-le e kani ana, a me na ohe Sekotia o kani kapalili ana i nee aku ai ko makou mau kanaka, a lawe ae la ia kulana.  O ke akea o keia kahuakaua i hooukaia ai ma kahi no ia o 15 mile.

            Ladana, Oct 23.  O ka nui o na poino o no Beritania, ma ka hoouka kaua o Elands Laagte, ma kahi no ia o 5 aliikoa i make a me 30 i hoehala, a o ka nui o alii mai ke kulana kakiana a hike i na koa he 37 i make, a he 175 i hoehaia, a ke huina ia na poino o pau e hike aku no i ka 247.  He 10 kanaka i nalowale.  O keia malalo iho nei na poino mawaena o na alii kiekie o na Boa.

            Kenerala Viljoen, make; Kenerala Kech, hoeha ia me ka hopu pio ia, ua make mahope iho; Keiki a Kenerala Kech, make; Konela Schiel, (he aliikoa Geremania e ulakai ana i na pualikoa) ua hoeha ia a na hopu pio ia; Alihikaua Pretorious, hoeha ia a ua hopu pio ia; He lehulehu na hae o na Boa i hopu pio ia.

HE ELUA HANERI BOA I HOPU IA.

            Darban, Natal, Oct. 23.  He lono pili aupuni kai loaa mai nei ianei mai Ladysmith mai, e olelo ana, he 200 koa i hopu pio ia i lawe ia mai no ke taona, a maloko oia heluna o Kenerala Ben Viljoen, Kenerala Jan Kech a me Kopela Schiel.

UA HOOLE AKU I NA MOKU TOPIDO.

            Ladana, oct. 17.  Elike me na lono i loaa mai Pretoria mai, na loaa aku i ke aupuni o Transvaal he makana manawalea mai kekahi kau ka kuonoono o Europa no ka hoolako ana aku i ke aupuni me kekahi ulu moku topido no ka hoopahu ana i na moku lawekoa Beritania e hoea aku ana i na wai o Aferika Hema.  Ua hoole aku o Peresidena Kruger i ka noonoo ana ia mea.  O ka mea nana keia kumuhana i lawe mai ua haalele koke iho oia ia Pretoria maloko o 24 hora.

 

            E hele kaapuni aku ana o Mr. Moses Palao, ka Luna Nui o ka Hui Kuai Lole Hawaii, i ka mokupuni o Oahu nei, no ke kuai ana i na mahele i koe o ka Halekuai o na Hawaii, ma keia una iho.  Apo ia ma ke hoe a aku o oukou la.

 

PACIFIC IMPORT COMPANY.

PROGRESS BLOCK                        ALANUI PAPU

 

KUAI HOEMI NUI O NA OGANADI HE 9 KENETA O KA IA, MA KA POAHA, POALIMA A ME KA POAONO.

 

Kuai kuikawa o na Kakini Eleele o na Kane me na Wahine.

 

100 Kakini o na kakini Eleele Paa o na Wahine, $1.00 mamua na hoemua no ke 50 keneta.

250 Kakini o na Kakini Eleele o na Wahine mamua 50 mamua, ua hoemua  25 keneta o ka paa.

135 Kakini o na Kakini Eleele o na Kane o ke kumukuai mau 35 keneta, e loaa no he 6 paa no ke $1.25.

            O ke a mau kanini he paa loa ko lakou Waihoolao.

            He kuai Kuikawa ko na Kakini o na Kaikamahina a me na heikikana.

            E kuai hoemi ou ia ana:--

 Na Lole Lunaa Hauhulu e na Wahine, Pale Pakaukau Liliae, Lawo Lalika, Mauu Lihua, Tawela Lihua, Tawele Holoi Lihua.

 

300 KOLOKA o na Lede o na Paikini Hou loa e loaa no ka 1.00, 1.25, 1.50 a pii aku.

 

E hele mai e makakai i ka makou mau Waiwai Hou.

                                                Pacific Import co.

PROGRESSBLOCK                         ALANUI PAPU