Ke Aloha Aina, Volume V, Number 43, 28 October 1899 — Page 8

KE ALOHA AINA

 

8                      KE ALOHA AINA, POAONO, OKATOBA 28, 1899.                 

 

HE MOOLELO WALOHIA

 

NO KA

 

UI SOPAEA.

 

ILOKO O KA HANOHANO.

 

A ME

 

TOME BAKALA

 

Ka Ilihune.

 

Boohenoia no @ KE ALOHA AINA

 

            Aka, aole nae oia i nana iho ma ia ano, hookahi wale no, o ka hoihoi hou a ia mai o ke iloko o keia wahine opio, a kaua e ike la i kahi Tomee lawelawela me ke kumukumu ele.

            I ka wa i pau ae ai na kiheahea koko i ka holoi ia, ia wa oia i ike pono iho ai i na hiona hoomalie o ua wahine la e waiho kahela ae la imua o kona maka, me he mea la. e koi okoa mai ana no iaia e hoopa iho i ka hua ohia a na kupuna i ai ai, koe wale no na hoomanao ae no kana Sopoaea aloha.

            Iloko o hookahi hora a oi ka loihi o ka manawa o keia ka@ malie ana o ka opio, ina paha e lilo ae ana ke kulana ola o ka wahine opio a elike me keia kali hoomanawanui ana. pela oia i hoea mai la me na manaolana, e loaa hou ana he ola iloko o ka wahine ana e hoomanawanui nei.

            Mahope o kona kiai malie ana me ka makaala, o hoea hou mai na koena aku o ka poe i mahuka ai, a nana hoi i haawi iaia ma ka aoao mau oia o keia wahine ku kiai ai a hiki i kona ola a make ana paha.

            Mahope o ka hala hou ana he hapaha hora, aia hoi, ua hookapalili ia ae la kona houpo, i ka ike ana iho i ka hanu e nape  malie ana iloko o ka wahine poino, a e hohola ae ana hoi ka ula ohelohelo ma kona mau papalina, @me he ohia ai la no ke kuahiwi.

            Ae, nani io no, a owai hoi ka mea hihia ole, ina pela iho la ke kulana o kekahi mea kino wahine elike me keia iho la ke ano, me he mea la, e koi okoa mai ana no i ka manao o ke kanaka opio, e mukiki iho i ka wai meii a na kapuna i lohia lima ai.

            E hina ana anei ke kupaa o ke kanaka opio imua o keia ui @ ohaha e waiho kahela ae la imua o kona maka, me he ipu uwila la e hoano e ai i ka noonoo.

            He mea oiaio, he kulana pohihihi loa keia no kekahi kanaka opio elike me ko Tome ano, a pehea ana la oia e hana ai nona iho, o ka kakou ia e nana aku ai.

            Na ka hoihoi hou ia ana mai o ka hanu iloko o ke kino, nana e hoopahola ae la i ka ula wahine ui iloko o ka wahine, a eia hoi oia ke kiei a halo iho nei me na manao hauolioloko ou@, o ke ola a me ka palekaua oia kana mea i iini nui ai e hooko ia.

            I ka wa i hoi hou mai ai ka hanu ola iloko o ke kino o ka wahine poino, aia na hoomanao walohia kehekau ala maluna ona, no ka ui a kona puuwai i aloha ai, ma hoi o Sopaea, e ki@ mai la me ka maopopo ole iaia o kana wahi i hele ai

            Ua hoomaka ae la kona mau lihilihi maka e kaakaa, a ike ae la oia i keia mea e kiei iho ana maluna ona, nana i upoi hou iho no kekahi manawa, mamuli o kona kuhihewa, o ka poe no paha keia na lakou oia i ah@i mai.

            No keia mea, na haule hou aku la oia ilokoo ka hiamoe kulipolipo me ka nana ole ae hoi i keia mao maka nunui e nana iho la maluna ona, me ka naau i piha i ke aloha me ka makaukau mau e hoopakele iaia mai ka lima mai o kona mau enemi.

            Mamuli o keia moe hou ana o ka wahine poino, ua ulu mai la na ma nao ano e iloko o ka noonoo o kahi Tome, me kona manao e hoopa iho i ka laau ihu o kona moku, me ka heleuma o ka mea e waiho kahela ae la imua ona. me he mea la no e koi okoa mai ana iaia e komo pu aku iloko o na kuhinia o keia noho kino ana.

            A ia hoi ka pana o kona puuwai e holoke ana iluna a ilalo, me he mea la, o ka limu kaha kanaka okoa no keia o Manuakepa maiiuna a hala ilalo.

            O na helehelena like loa o keia wahine opio me ko Sopaea mau ano ka mea nana i hookomo koke i ka hoohihi iloko o ke kanaka opio e hakoko nei me ka anehenehe ana e kiko iho,

            Aka, mahope iho o ka hoi hou ana mai o na noonoo maikai iloko ona, a me na hoomanao poina ole no kana aloha, hakoi mai la na waimaka mai kona mau lihilihi mai a puana ae la oia penei:

            E kuu aloha kakia i ka iwi, ka mea nona ka mamao mai a'u aku he mau tausani mile, aka, aole oia mamao ana, oia ka mea e kaawale ae ai na hoiloli ana a kou aloha iloko o'u, aole hoi o ka nani hoomahie o keia pua Laniuma ka mea nana e kulai a ko'u mau manaolana poina ole nou.

            O ka make, ka mea nana e huikala i ko kaua mau kino hala ole ma kela ao, a ke hoohiki ae nei ko'u uhane, aole loa au e aa e wawahi i ka maluhia o ko kaua mau manao no keia noho ana.

            Mahope iho o ka pau ana o na lulumi ana o na manao uluku iloko ona, hoopa hou iho la oia ma na papalina o ka wahine opio, me ke kahea pu ana iho me keia mau huaolelo.

            E ala e ka wahine poino, ua hala na minute o ka pilikia, a eia oe iloko o ua hora o ka lanakila, nolaila e ala ae a mai hopohopo, no ka mea, eia no au kou kokua ma kou aono i na wa a pau.

            No ka elua a akolu ana manawa i hoala iho ai, a ia wa no i kaakaa ae ai na maka o ua wahine la. a i kona ike maopopo ana ae, aole ke ia he mea okoa, aka, o ka mea no nana i hoopakele mua i ko lakou mau ola i kinohi.

            Nolaila, ua hooikaika ae la oia e alal iluna, a he mea oiaio, aia io oia he wahine lanakila, e noho ana iluna me ka nana ole i na palapu e kau ana ma kona kino, a oia hoi ka ua ni la i pane mai ai me ka hoomahia:

            E hoonani ia na lani, mamuli o kona haewi ana mai i kekahi kanaka opio naau hoopono. i hoola a i hoopakele no na poe a pau i hoopilikia wale ia, a ke hoohiki nei-ko'u uhane e lilo oe i hoaloha pila paa no'u i na wa a pau, a o ka make wale no ka mea nana e hoopau ae i ko kaua noho Loaloha ana: a aole loa hoi e hooulu ia na manao kue iloko o ko kaua noho ana maemae, a pela aku

            Ua lilo keia mau olelo maikai a ka wahine i puana mai la i mea maikai loa i ka manao o ke kanaka opio, a e ike io aku ana kakou i ka hooko maoli ana o keia wahine i kana mea i olelo ai, me ka hoolilo ana iaia iho kino wahine i hoopa kele no ke kanaka opio ma keia mua aku, oiai oia maloko o ke kulanakauhale omokoko o Parisa.

            A o keia no hoi ka wa a laua i kau ae ai maluna o na lio, a huli hoi hana hou aku la no ka home o ka wahine opio poino.

            Ia laua ma ke alahele, ua hoike aku la oia i kekahi mau mea huna e pili ana iaia, nana i hookomo iaia a me kona mau kuikuaana ilokoo ka pilikia.

            Na keia mau olelo a ka wahine opio i ninanipau aku @i oia no ke ano o kana mea e olelo nei, a oia hoi kana i pane aku ai, pehea i maopopo ai ia oe ma ou la i hoea mai ai keia pilikia?

            He oiaio loa kela mea, mamuli o ka poa ana o ko'u hoopalau me kekahi kanaka ui opiopio, a le no kona waiwai a ulakolako ke kumu nana i koi mai ia e hoo aikunane e hookaikuahine hoi i ke ano o keia noho inea ana, malalo o ka loaa like ana ia maua o kela haawina nani, ke aloha kakia i ka iwihilo.

            He mea oiaio loa, mailuna a hala aku ilalo o kuu kino, ua eha au i ke aloha nona, ke hoohuli aku ko'u mau nanaina ma na wahi a maua e hooluana mau ai, auwe, nani ka maeele o ko'u puuwai i ke aloha nona. A ike ia aku la hoi na kulu waimaka e hoohanini mai ana maluna mai o kona mau lihilihi, me he pohina Uakea la no ke Koolau.

            I ka mao ana ae o na iniki mae ele ana a ke aloha iloko ona, ia wa no i pane hou mai ai ola: Ua hoano e ia nae ko maua launa mau ana, mamuli o ke komo ana mai o kekahi enemi a pakaha. i hoao e pepehi i ka mea a kou puuwai i aloha ai.

            Aka, e hoomaikai ia na lahi mamuli o kona kiai makaala ana mai i ka mea aole i paumaele kona mau lima me na hilihili koko o ka poe i powa wale ia ko lakou mau ola me ke kumu ole.

            Aka, ua hala aku la kuu aloha ma ke alahele o ka maluhia, no ka hoopakele ana ae iaia mai'oko mai o na lima kakauha o ka hooilina moi o Farani nei, ke kumu nui i hiki mai la o keia pilikia maluna o'u a me kuu mau hanau mua.

            Ua hoea mai kana noi ia'u, e lilo au i wahine nana, aka, ua hoole aku au me ka hoike pu aku, ua me ka hoike pu aku, na aloha au i kekahi mea okoa, aka, aole nae oia i malia mai i ka'u ole lo, e noi hoonano ana mo ka hilahila ole.

            Aole au he wahine puni wale ma na lealea o keia ao, aole hoi no ka hanohano e lilo ai kekahi kulana kiekie loa iloko o ko'u aina hanau nei, ke mea hoi a'u e hoika aku la imua ou, he mea ole ia mau mea a pau imua o'u.

            Alaila, o ka hooilina moi anei ka mea nana keia mau hana, i hoao hoi e kaili ia oukou mai ka poli aku o ko oukou mau makua?

            Oia no ka mea pololei, o kela poe nana makou i kaili, oia no na kauwa lawelawe a ua hooilina moi la Nolaila, ua hooholo au i ko;'u manaopaa e haalele iho i ka aina hanau nei, a e hele auwana aku mahope o ka mea a'u i aloha ai a hiki i kona loaa ana aku ia'u.

            I keia wa i hooki iho ai oia i kaua kamailio ana, ua hiki aku la laua mawaho o ka pukana o ka home o ua ui la, a oia no hoi ka wa i holo mai i o kona mau kaikuaana. a me ko lakou mau makua, me na manao walania o ke aloha, a i ko lakou hui ana ae i kahi hookahi, ua pumehana ke aloha mawaena o lakou a pau.

 

OLELO HOOLAHA.

 

            E ike auanei mea a pau, owau o Mrs. Kealahaa Kaula, ka wahine mare ponoi no ia a Kaula (k) i make, ke hoolaha aku nei au i ke akea ke papa, a hookapu loa ia aku nei, na kanaka o kela a me keia ano, na mea no a pau loa, e komo kuleana ole aha i kuu mau apana aina elua, oia hoi keia malalo nei:

            Apana 1. Nona ka Ili I 32 100 Eka, ma Paulani, Akikewa

            Apana 2. Nona ka Ili 32 100 like, ma Kapoka, e waiho ana ma Waihee, mokupuni o Maui, a ke hookapu pu ia aku nei, na holoholona hele hewa, e hele wale ana maluna iho o keia mau apana aina, ua kapu loa, a ina o ka mea hookuli a mau mea paha, e noelehe ole ana i keia. a loaa pono aku i kuu Hope a Luna Nui hoi, oia o J. K. Kahale kai a'u i hookohu ponoi aku ai, a i hoolalo ia, ua loaa ka maua iaia ma ke kauawai e hoopii imua o na Aha Hookolokololo keia Aupuni.

                                                Mrs. Kualahau Kaula.

                                                                        Wahine Mare.

            Makaalae, Hamoa, Oct. 19, 1899.

 

KALANA AINA "KAIUALANI"

 

            Ke waiho nei ma ka aoao hikina o ke awawa o Kahhi. e kokoke ana @ i ke kula Kamehameha. Ui lilo mai ia makou leka aina i kapaia o

MOKAUEA

ma Kalihi, a i ike ia no ka Moi Kalakaua mamua. E mahelehele ia aku ana i mau

HOME LIILII

 

            He wa maikai keia e loaa ai i na Hawaii Ponoi he mau Home Nani me ka emi loa. E kuai ia aku aha na Apana Aina ma ua kalana Kaiulani nei ma ka $200 a hiki i ka $250 no ka apana, he 50 kapuai ka laula a he 100 kapuai ka loa he mau alanui akea he 30 kapuai e pili ana i kela a me keia apana; e ae ia no e uku i $10 no ka apana i kinohi a i $5 a $10 e uku ia i kela a me keia malama elike me ka makemake o ka mea kuai.

            E hookomo aku ana makou i ka wai i ka wa e makaukau ai na poe kuai mai e kukulu i na hale.

            E hookaawale ia ana hoi e makou kekahi apana nui kupono. @ mea hoomanao i ke Alii Opio

KAIULANI

 

a e kapa ia aku ana o

Kaiulani Paka

            O ka nauaina e huli ana i ke awa o Puuloa, oia ka helu ana i ke awa o Puuloa, oia ka helu ekahi ma ke kulanakauhale o Honolulu nei.

            No na mea i koe e ninau ia

                        E. C. ACHI & Co

            Na Boroka o na Waiwaipaa.

            Honolulu, Oct. 9, 1899.                                  tt.

 

HE HOOLAHA I NA OHUA.

 

            MAI KEIA LA A MAHOPE AKU e hoopaa no na Ohua i ko lakou mau inoa me ka loaa o na Tikiki e kau ai maluna o na Mokuahi o ka Inter Island Steam Navigation Co, Ltd, (Hui o Plka Ma), ma ke Keena Oihana Nui, Alanui Moiwahine, he hookahi hora mamua o ka holo ana o na Mokuahi, e kuai ia no na Tikiki ma ke Keena makai o ka uwapo.

                                                                                    N. E. GEDGE.

Kakanolelo o ka Inter Island Steam

                        Navigation Co., Ltd.

            Honolulu, H. I. Oct. 7, 1899.

 

JOHN MALAEY,

 

Moa Hana Umeke Laau.

 

            Ua hiki ia'u ke hoohinuhinu i na PUNIU me ka maiau loa. O na Umeke Laau pukapuka ua hiki loa ko kikiia. E hookoia no na kauoha me ka eleu. E kipa mai e ike no oukou iho.

 

@ He Kuike ka Hula.@

            @Keena Hana: Ma ko alanui Moi, Helu 160, Leleo, Honolulu.                    oct 18--1m.

 

OLELO HOOLAHA

 

            Ke papa loa ia aku nei na ike lahuikauaka a pau, aole e komohele hewa maluna o ke kai lawai o Ke'lii Lihuekalani, oia ke k@ lawaia o KAHALA, Apana o Kona, Oahu. O ka mea e komo a hele wale maluna o ke kai ke ole e loaa mai kekahi palapala ae ia e ko Ke'lii Agena, a kue i keia hoolaha he maua ia'u a me ko'u hope ko hoopii ma ke kauawai no ka komo hewa.

                                                                        W. C. AKANA,

                        Luna malama Aina o KA HALA.

            Honolulu, Oct 10, 1899.