Ke Aloha Aina, Volume V, Number 43, 28 ʻOkakopa 1899 — Page 7

KE ALOHA AINA

 

HE INOA NO KAHULIA

 

Kanikau ia he aloha

Nou no e Hekilinui me Kahuha

Kuu wahine hoi kuu haapili o ka aina makani

Mai kahi wai o Kaheau

Oia wai huipu no me ke kai.

Ke au wale nei au aole oe

Auwe kuu hoapihi hoi e

Kuu hoa haihai olelo o kahi nalu o Kainaiki

He iki ko ho ke pane mai ia'u

Malaila wale aku no au

Auwe kuu wahine, kuu aloha pau ole ia oe

Auwe kuu wahine, kuu hoa i ka lai o Maunauna

Mauna hoa i ka u'a

I ka maukauka hoehewa

He ihona pali wai o Kakalahea

Elua kaua i ka pali o Konahuanui,

He uni hoi au nau

Auwe kuu wahine,

Kuu hoapili i kahi kai o Awehi

Wehe mai nei oe i ka pili a kaua la kaawale.

Auwe kuu wahine e

Haalele mai hoi oe ia'u me na lei aloha a kaua,

He mau keiki a me na moopuna

A me na kuaua a kaua

Ke hekau nei ke aloha maluna o makou

Aloha ka la, ka ua me ka makani

Ke hoohihi nei i ko kaua hale

O kahi ana no kahi

O ke kanaka nae aole

Auwe kuu wahine

Kuu wahine i ka uka hoihoi anuanu o Hikiaupea

Ke opea kua ia nei au e ke aloha apa i kuu kino

E auhau mai ana ia'u me ka wai maka

He maia upe kona lua

Auwe kuu wahine

Kuu wahine i ka lua o Puuiki

Nana na maka o Kahololio

Au wale ana au o ke aloha

Ke kuleana o ka makemake

Auwe kou wahine

Kuu wahine hooluhi hoomalino i ke kai o Kahua

Hoouweuwe na iliili o Keawakapu

Kapu ka leo o ke kai o Kuleana

Lele me he mono ke ula

Ke nana a ike i ke ao a ka makani

E kaupoku a hale mai ana ke ao Pahioi

Auwe kuu wahine

E hele hio mai ana keiki a ka ino

Ala ke kuala makani o ke Koaie

Auwe kuu wahine

Kuu wahine i ka makani holo i ke pili

Ua molale wale i ka pali o ka manu

Hona wale iho i ka nani o Wailohi

I lohia lima ia ka nani o Heeia

Auwe kuu wahine

Kuu wahine i ka wai o Kikau

I kau aku ka hana aole ke hoa

 

PO KAMAKA KALAMAU

Honolulu, Oct. 23, 1899

 

GOO KIM

KUKIMA

Helu 210.        Alanui Nuuanu

 

            Eia me makou na Lole Maselina o na Waiholou like ole, na Kalakoa. Pale Pakaukau Lilina, Lililihi Paku keokeo, Vitoria Lawns, Oganadi. Maua, Pahu lele, silika pake, a pela aku.

            E kipa mai a e wae no oukou iho i keia mau waiwaii ho. E loaa no ma ke kou ukuai omi loa.

 

HE MOOLELO WALOHIA NO

ALANADELA

 

Ka Wahine Hoopahaohao o ka Aa hu Keokeo.

A I OLE

Ka Laea Hookaui Pila Hapa o ke kulu aumoe

------------------

 

            Komo aku la laua no loko o ka rumi hookipa o ua wahi moneka nei, a nia keia wahi i huli mai ai oia a pane mai la i ke koa opio.

            E kuu keiki, e oluolu anei oe e noho iho maluna o keia noho pulu, a e hele ae hoi au e hoike aku i ka mea poino he hoaloha nona ua makemake e ike iaia, no ka mea, maia he mau niea paha kekahi ana i makemake ai ia'u e hana aku mamua o ka ike ana mai ia oe e ka malihini. A mamuu ae hoi o ko'u haalele ana i hoi oe e hoik mai, owai kou inoa a'u e hoike aku ai iaia?

            Ua lilo keia mau manao o ka moneka i mea maikai ka i ko ke koa opio mau noonoo, oiai, ua maopopo iaia aole keia he mau hana maalea, a nolaila, noho iho la oia iluna o ka noho pulu me ka panai ana aku:

            Ke apono aku nei au i kou mau manaoa pau. A e hoike aku i ka mea poino o Walata ko'u ino, a au huli mai hoi au i ia iloko o na i mea he lehulehu wale no ka hoihoi hou ana mai iaia iloko o ko'u poli.

            Ma keia wahi i kunou, haahaa mai ai ka moheka, a komo koke aku la hia no loko o ka rumi o kahi e la hia no loko o ka rumi o kahi e waiho ana o ka wahi e poino.

            I keia mau sekona a ka elemakule i kumu aku ae iloko o ka rumi aia ua Wai ta nei ke kali la me ka uluhua i ni, no ka mea, ua like iaia ka loihi o na sekona me he mai minute ia, a o no minute hoi me he hora la.

            Aka, i ka hope loa nao ua lohe aku la oia i ke pahupahu mai ona kapuai wawae o ka moneka, a oili mai ia ma me na helehelena kui a hihi, a o kona mau lehelehe e helu helu ana oia he mau huapule.

            A i ka hooki ana ae o ka eueu ana ae o kona leheleae, paliu mai la oia me na waka kaumaha me na waimaka hoi e haloiloi ana ma kona mu lihilihi a me ka leo ehaeha puana mai la oia i ka i ana mai.

            E kuu hoaloha opio, e kou o mai i keia wa ano e ike i ka mea poino, a he manaolaua ku'u aole paha e haia ana iaia he mau la pokole a hoekuu mai no oia i keia ao iaea, oiwi. ke hoomaopopo nei au ke emi ewi liilii mau nei kona ikaika

            A mamua ae o ka hooki ana ae e ka elemakule i kaua mapuna olelo, ala hou au Walata nei e ku ana ma ka puka o kahi a ka mea poino e waino ana, a au hoohikilele ia hoi oia i ka ike ana aku aole ia e mea okoa aku, aka, o kana Alanadela no ia.

            E moe ana kana Alanadela maluna o kekahi punee uuku, me kona mau lihilihi e pili ana, a o kona helehelena hoi e hoike mai ana ia ua piha i ka ehaeha, a o kona aahu weluwelu e komo ana, ua hele a haukae i ka wai ula o ke koko e oili mai ana mai na palpu he lehulehu e noopuni ana i kona kino.

            Na keia mau hiohiona manaonao a Walata e ike nei i hoopiha mai i kona puuwai me ka menemene no kana Alanadela me ka aloha kupono e lalawe ana iloko o ko Walata puuwai i lele iho ai oia maluna o kana aloha, a haawi iho la i na muki hoomau ana me na waimaka hoi e hoopuiu ana i kona mau lihilihi, a lohe pu ia aku la kona leo i ka puana ana ae:

             E hoonani ia na lani no ke alakai ana mai ia'u ma ka nieheu pololei a hiki i ka loaa ana o ka mea a kuu puuwai i aloi a mau ai.

            A i ka wa i mama iki ae ai ka hoopoluluhi ana a na manao kaumaha iloko ona, oia koke no kona wa i kahea iho ai i kaua alanadela me ka leo nui moakaka,

            O e kuu Alanadela, ke ike mai la anei oe i na haawe luuluu a'u e aumo neinou? E nana mai e kuu aloha maluna o'u a hoike mai, au hoohewahewa anei ee ia'u?

            Na keia leo a me na kuiu waiaekai hoopuluelo aku i na papaiina o ka ui nohea i hoohikilele ae i ka wahine iloko o ka ehaeha a ikeia aku la kona mau liulihi e upoi ana i ka maaili ana ae a nana ae la i ka helehelena o ka me nona keia leo ana i kamana ai, nona hoi na kulu waimaka e hoopuanua ana i kona mau papalina

            A i ka hoomaopopo ana ae o ka ai Alanadela o kana Walata no keia e haawi iho nei i na puili pumehana ana i ona aia hoi iko ia aku ia kona mau wa maka i piha me ka hauoli e huai mai na me he wai mapuna la.

            A ua lilo hoi keia mau minute he wa no laua e hoohanini ai i na pai wai a ke aloha, a i ke kaahope anaa ae o kekahi manawa loini o ko laua kuwili ana, au akukuu mai la ka huekoni ikaika ana a ko laua mau puuwai.

            I keia wa ao i ninau iho ai ke koa Walata me ka leo malie, aka, ua hiki no nae ka ike ia aku na maniko inaina e kooko ana iloko o kona mau onohi.

            E kuu Alanadela, e hoike mai au mahuka mai anei oe me kekahi ipo au i aloha hou ai elike me ka Magarita i hoike maai ai ia'u?

Li-o koke ae la na maka o ua Alanadela nei me ka hikilele nui, a ike ia aku la kena poo i ka lulilai ana ae me ka puena ana mai me ka eo nau iwalii.

            E kuu Walata , aole aole loa au i hoao e mahuka mai ia oe mai, oia au maupopo no ia oe o oe hookahi wale no kau mea i aloha ai, aka na Magarita, kuu hoaloha lokoino i ha na mai i keia mau kana mainoino maluna o'u, manauli o kona hiaai ana ia oe i makua hou nona.

 

NUHOU KULOKO

---------------

            O ka mokuahi Austeralia kai kapalulu mai la i ke kakahiaka Poakolu nei.

            O ka mokuahi Belgic ko ka po Poakahi ae nei me na lono mkamaka hou loa o na kahua o Pilipine a me Tranevaal.

            Ua loaa mai nei he lono maiuna o ka mokuahi Amerika Maru, aole e lawe ana o Amerika Huipuia i ka mokuahi Kina i moku halihali koa.

            Ma kahi o kanalima poe lulu piliwaiwai i lawe ia ae i ka halewai i ka Poalua nei, a ua hoopai mai ka hapanui o lakou ma ka $2.00.

            Maloko o ka haukipila i hookuu mai ai i keia oia ana o Vry. J.F. Lane, ke kumu a'o o ke kuia Pelekane Iolan, ma ka hora 3 o ka wanaao Poakolu nei, mahope o ke kaa ma'i ana no ekolu la.

            He lio hele hewa kai komo ae ma kahi o Ape Kekauanui me na pono holo lio, a o ka mea nona ia waiwai e kii koke ae mamua o ka hala ana o na la he 15, o nele ananei.

            Ua olelo ae ka Luna Nana I'a, he $7,880 i'a i nana ia no hookahi pule e pau ana i ka la 8 o Okatoba. 56.848 e pau ana i ka pule o Okatoba 15, a he 35518 no ka pule e pau ana i Okatoba 23.

            Ua load mai nei he logo no ke make ana o John Kui, kekahi e na limahana o ka hoi mahiko o Ookale, mamuli o ka hookui ana o kona umauma ma ke kapu haki ohua a me ukaua i ka wa a ka wa a ka mokuahi Helene a hoolele uakana ana malile

 

MINEWA

(Mei ka aoaao Ekolu mai)

 

i kue aku ai ka wahine opio me kahi ikaika e kimau ana iloko ona.  

            Ma keia wa i hoonaka. koke ia ae ai he aumeume weliweli a aia hoi ka luahine keike ia aku la ma ha ano a pau e hooikaika ana me ka manao ana e kaualako aku i ka kaua aloha no luna o kona wahi pa, aka, aia no nae o Minewa ke paa la i kana aloha.

            I ka ike ana ae o ka wahine kilokilo ole ola e lanakila ola no kona wa i wehe ae ai i ke no'i o kahi omole ana e paa ana, a ia wa no i oili mai ai he ea hohono pakini mailoko mai ona.

            Me ke ea o keia wahi omole i hookokoke aku ai oia i na puka ihu o ka wahine opi a he mea oiaio, iloko o keia mau sekona, ua emi mai na @ olona o ka wahine opio me ka hoalii ana mai o ka maka hiamoe maluna o kona kino

 

HUI KUAI LOLE HAWAII

            E hoomanao e na makamaka, eia ke oia oo e Hawaii ina iho, ei ae, a hoea mai mailuna ae o ka la 17 poina ole na wehi o ke kino o kela pule.

            E kuai hoemila ana na LIPINE KALIKA ona apo a pau ma ka Poakahi, Okatoba 23, 1899, ma ke kumukoai haahaa loa. Pela pu no hoime na ano Lihilihi e ae iho i loaa ai he kowa no na Lapine a me na Lahilihi hou e hora mai ana ma ka Austeralia o keia pule ae.

 

Na Lipine Laula be 5 i a no ka………………………………25 keneta

Na Lihilihi he 5 ia no ka…………………………………….25 keneta

Na Kinanalu he 20 i a no ka …………………………………1.00

Na Makalena he 20 ia no ka………………………………….1.00

Na Makalena lau he 20 ia no ka………………………………1.00

Na Kalakoa maikai 30 ia no ka………………………………..1.00

Na Mainalu…………………………………………………..25 keneta brokehi

Na kukini Wahine……………………………5 keneta o ka paa a pili aku

Apo Ihio na Wahine…………………………………………..5 keneta

Palule Wahine, he 10 keneka o ka mea hookahi

E hoomanaoie e honoaka ana keia kuai emi ma ka

POAKAHI, OCT.23, 1899.

 

            Ma ka pule hi e o @ kuai ana, e kuupania akuana i ka manane naKamau Wahine Kane a me ko na Keiki ma ke kumukuai haahaa loa e hoomaka ana ko na keiki mai 25 keneta a pii aku. E hoikeia aku anao ko na Kane a me na Wahine ma na Pep.Liilii.

MOSES PALAU

LUNA NUI

 

HA LOAA MAI, HE HEUNA

….O NA….

 

Pena a me na Aila Pena,

Na hulu pena

Na Kapuahi aila

Na Kapuahi Fisher

(ua hoemila ke kumukuai)

Na Palau na ano apau,

Na lako Mahiai

Ho, Oo, Kopala, Kipika,

Na Bakeke o na like ole

Na Ipuhao, Ipu ti,

Na Iako Aniani.

 

            E loaa mai ana he mau waiwai hou maluna o ka mokuahi auael@. Kolaila, e kipa mai, a e waa ho oukou iho, he umi loa ka makou mau kumukuai.

 

HAWAIIAN HARDWARE CO. LTD

(HUI LAKO HAO HAWAII. I KAUPAKNAIA)

ALANUI PAPU, MA O KA HAPAKO O SPRECKELS

 

ALLEN ME ROBINSON

HE MAU MEA KUAI

 

Papa, Na loko Kukulu Hale, Pena aole aila a pela pu no ho me ka N@

Keena Hana ma Aiauui Moiwahine.