Ke Aloha Aina, Volume V, Number 43, 28 October 1899 — Page 3

KE ALOHA AINA

Poaono, Okatoba 28 1899

 

Poha Ke Kaua Weliweli

 

Mawaena O Na Boa A Me Na Beritania

 

Nui ka Make o na aoao Elua E Uhalu ana Paha na Boa.

            Ladana, Oct 17. Hono kuikawa kai loaa mai nei mai Cape Town mai, e olelo ana: He 300 Boa a me 18 Beritania i make ma kekahi hoouka kaua i malama ia ma Mafeking.

            Colesburg, Oct 17. Ua loaa mai na hoike oiaio, ua lele kana aku na pualika Boa na Mafeking maka Poalima nei, a mahope o kekahi hoouka kaua hahana imalama ia, ua hoaahee ia aku lakou me ka nui o na poino.

 

Koikoi Noa Hakaka Ana Ma Mafeking.

            Ladana, Oct. 17. He lono kuikawa kai loaa mai Lei mai Pretoria mai, no ka la 14 o Okatoba ma ke alahele ae o Delegoa Bay e olelo ana: He kanaka kau kaa baikikala kai lawe mai he lono kuikawa mai Ottsheep e hoike mai ana, ua malamaia he hakaka no hookahi la holookoa ma ka akau aku Mafeking. O na pualikoa Beitania malena o na kaaahi i lako me na mea kaua, e hana ana lakou ma ke ano he mau kokua no na Eneginia e hooponopono ana i na alahao. He pu wili maluna o ke kaaahi, kai moomau aku oia i ke ki ana. ua hoike ae na aoao a lua i ko laua hope ole, aka, mahope mai ua ike moakaka ia ka waiwai ole o na pu rafela a ma Boa e ki ana i ke kaahi i uhi ia me ka pale kila, a ua emi hope aku lakou, aka, ua huli hoi hou mai no nae lakou a ki hoomau mai ia. Ma kahi o 12 Boa i make a hoehaia, aka, o ka poino o na Beritania aole ia e hiki ke ika ia.

            Ua manao ia he hoouka kaua weliweli ke ulele ia ana ma kahi kokoke i Ladysmith. O na pualikoa o Keneria Piet Vya, aia ia ke hoomoaua la maluna o ka mauna e haliu ana maluna o Dundee, a mailaiia mai ua hiki ke ike ia ke nee ana o na pualikoa Beritania.

 

Aole I Lawa Na Boa I Ke Kue Ana Mai I Kekaui Kaaahi

            Kimberly, Oct. 17. Ke kaaahi i lakou me na mea kaua, oiai, oia e hakilo ana i ke kulana o na enemi, ua hakaka aku oia me na boa, a ua make he elima a me ehiku i hoehaia. Aole he poino i loohia i na Beritania.

            Ladana, Oct. 17. O ka hakaka i malama ia ma kahi kokoke i Spyfontieu, e olelo ana, he lono kuikawa kai loaa mai Cape Town mai, he hahana keia kaua i hoouka ia. He kaaahi i lakou me na mea kaua a me kekahi puali Lancashires kai nee aku imua me ka hoopoino ole ia a hiki i ke kokoke ana i kahi o na boa, a ia wa i ki ia mai ai oia. Ua hoomaka koke ia aku e ki na pu wili maluna o na Boa me ka nui o na hoopoino i hana ia aku maluna o lakou. Ua huli hoi mai ke kaaahi me ka poino ole.

            Ua olelo mai na poe o luna o ke kaaahi, he umikumamakolu poka pahu a na boa i ki mai ai, aka, ole nae he hookahi i halawai me ke kaaahi, a na ia mea i hookomo mai i na manao hopohopo ole i ka nee ana aku o ke k@ahi imua a ki poka aku la me na pu wili Maxims. Ua hipapap mai na Boa me na pu raifela, aka, he eha a i ol ehe elima wale no poka i hookui mai me ke kaa ahi.

            Ua hoike mai na poe o luna o ke kaa he elima boa a me elua lio i make, a he lehulehu wale na Bao a me na lio i hoehaia.

 

Na Na Geremania e Hoohana La I Na Pukuniahi.

            Cape Town, Oct 16. O na pualikoa o ka Orange Free State ua oki aku lakou i na uwea telegarapa me ka hoopoino ana i na alahao ma Norvais Point, ma ka hema aku o ka palena o ka Orange Free State.

            He lono kuikawa kai loa mai nei mai Dundee, Natal, e olelo ana: He Kenerala Boa me 2000 kanaka a me 16 pukuiahi, ua hoea aku lakou i Daunhauser, @ i ka hikina akau o Dundee, me ka manao ana e hoopuni ia Dundee, a e oki pu aku hoi i ka launa ana o ka pa kaua me Glencoe a me Ladysmith. Ua @ naoia aia he pualikoa nui malalo o Kenerala Viljien, ua kui pu aku me ia he mau Geremania ki pukuniahi.

 

Hoopuipui o Enelani I Konn Ikaika Kaua.

            Ladana, Oct. 16. O ke kahea ia ana o na koa kuikawa me Cape Colony, ua pakui hou ia aku ka ohi ana i 2000 koa malaila a 1000 ma natal. O ka ikaika o na koa kuikawa ma ia mau wahi elua he 12,500.

            Elike me na papa kuhikuhi o ka hoohaa ana aku i ua koa Beritania Nui ma keia Poalima ao, a me na la oha hou aku, e hiki aku ana ka huina o na poe ehoouna ia ana ma ia mau la pokole ia ka 18,000 kanaka a me 1,6000 lio.

 

            Ua huli hoi mai nei maluna o ka Auseteralia ka ona o kahi mokukuna Norna e paa ia nei ie ke aupuni mai Kapalakiko mai, ua pau kona ale i ka hooponopono ia malaila, e hoomau aku ana o Weaver i kana huakai kaapuni honua, ma keia mua koke iho no na maemaku hema e kipa mua aku ana oi i Hilo.

 

Na Mokukaua Amerika No Ke Paniku Ana i Na Kapakai O Pilipine

 

Ma kahi o 41 Mokukaua i Manao ia no ka Hoopio ana i na Hana Hoopae Lako Kaua Malu.

            Wasintona, Oct. 16. Ua hoea mai la ke Keena Kaua i ka noonoo ana no ka hoopuipui ana aku i ka oihana kaua moana ma na wai o Pilipine, no ke paniku ana i ka hoolako ia o na Pilipine me na mea kau e na pooe mai o waho.

            O ka nui o na moku ana o Amerika mai ke nui a ka liilii e kiai nei ma ua kai o Pilipine he 34, a he ehiku mau mokukaua hou a Amerika e hoouna aku ana no ke kiai ana ia mau kai, oia ka Newark, Brooklyn, Nashville, Marietta, Maehias, Bancroft a me Ranger.A ke hui ia lakou a pau hiki aku no ko lakou heluna i ke 41 mokukaua, a no lakou hoi na tona he 66,000, e lawe ana he 5,500 luina me na marina, ma ka pakui ana aku i na moku noolako Celtic. Glacier a me Culgea, moko hoolako wai Iris a me na moku nanahu Nanshan a me Zafiro, e hiki aku no ka ikaika hakaka i ka 6,000 luia me na hoa marina.

            Ua olelo ia he hana nui ke kiai ina mokupuni Luzon, mamuli o ka nui o na mokupuni e ae e hoopuni ana iaia, aka hoao ia aku ana nae ke kiai paa ana i na moku a pau e hoao ana e hoopae malu i na lako kaua a me na waiwai e ne, oiai, na manao ia pela wale no e loaa ai ka maluhia.

 

Hoouka Houi Ia No Ke Kaua

            Manila, Oct. 16. Ua lele kaua mai na Pilpine maluna o Angeles i ka hora 2.30 o keia wanaao. He hookani Amerika i make a me ehiku i hoeha ia. Ua ki mai na kipi me na poka pahu, he mau poka kakaikahi kai pahu ae. O na regimana 17, 9 a me 15 kai komo ma keia hoouka kaua ana a ma ka hora 5:30 i emi hope aku ai na enemi.

 

He Hoopai Hoihoi No Ke Kipi.

            Tacoma, Oct 16 O na leta i lona mai i anei i keia la mai Hongkong mai, e hoike mai ana ia na ka hoopaahao ia ana o Baldomero Aguinaldo, ke hoahanau ponoi o Aguinaldo, ke alakai o na Pilipine, ma ke keena poo o na kipi, a e kipu ia ana aia ma keia mua iho no ka hewa kipi. Ua olelo ae o Aguinaldo aole oia e akoakea aku ana i na hana a ka hookolokolo koa no ka hoopai ana i kona hoahanau e make.

            Ma kela mahina aku nei, ua olelo ia ae, ua apuka ia e Baldomero he 330,000 mai ka waihea aku, a me kekahi poe e ae el@ua, ua mahuka aku ia lakou no loko o na laina Amerika, me ka manao ana e @olo aku no Kongkong me ke kipa aku na Manila. I kona wa e moe ana ua aihue ia iho la kana mau dala e kona mau hoa, me ka mahele ana ke mawaena o lakou, a haalele iho la iaia iloko o ka hune. Ua huli noi aku oia no ke keena poo aupuni o Pilipine a hopu ia iho la.

 

Ua Hala Me Ke Aloha Ia.      

            Ma ka wanaao o ka Poakolu o ka pule ia hala, Okatoba 18, 1899i kina mai ai ka Anela o ka lokoino a kinai iho la i ka a ana o ke kukui o ko Kahopeole mau la o ka oia ana ma keia ao a naua aku la ma ke ala koiula a Kanaloa, kahi a kakou a pau e hele aku ai no ka wa pau ole, ma ka home noho o kana moopuna wahine Maraea, inawaho ae nei o Kewalo.

            Ua hanauia oia mawaena o na makahiki 1810-11, mamua o ka moea ana mai o na misionari i Hawaii nei, a ua piha iaia na makahiki he 80 a oi, ma Kukuipahu, i ka Makani Apaapaa o Kohala.

            Ua mare oia i ka wahine, a na laua mai na keiki he 16 ka nui, a na hala aku ma kela ao he 12, a ua hoe iho i @ eha ma keia ao, na lakou mai na hoopuna kuakahi a me ke kualua:

            He mau la loihi ae nei no ka hoomailo ana a ke mai maluna o kona kino, a oiai, ua palupalu na aukoko mamu@ kona elemakule, ho aila ua hiki ole i na lapaau naaoao o keia auhou e nee nei.

            Uahaulele iho oia he waine kanemake, he pokii kaikaina, he mau keiki a me na moopuna lehulehu, e noho u aku a ma ke kae o ka luakapapau, o nona hoi makou e n@@ ae nei i na Mana Lini e hoomama mai i ko oukou mau luuluu. Aloha wale.

 

Lilo Ka Eo I Ke Columbia

            Maluna o ka mokuahi Auseteralia i loaa mai ai na lona no ka lilo ana he eluna manawa o ka eo i ka moku heihei Amerika Columebia, a ua haule hoi ka moku heihei Beritinia Shamrock, Maka la 16, o keia mahina i ahai mua ai ka moku Amerika, a ma ka la 17 mai ua lilo hou no iaia ke eo, aka, ma ia heihei ana nae ua hiki oluna o ke kia o ke Shamrock me ka hiki o@ ke hoohanaia kona mau hea o luna. He hookahi heihei heu ana i koe e malama ia ana mawaena o lapa.

 

            E Loaa no na palekoko owaho o na wahine mai e 73 kenia a puaku ma kahi o Pa@apa ma.

            Ma ka la 8 iho nei, i hoea mai ai o G.P. Kauimakaole me kana wahine, a me G.P. Wailehaa a me kana wahine mai Hamoa mai, a hoohala ana lakou he mau la ma ke kulanakauhale nei @ ao @ hoi ana aku i ka h@ma.

 

Nuhou Kuwaho.

 

No ka Hailiili I Ka Mowahine.

            Landa, Oct. 17. Ua olelo ae ka nupepa Coke Constitution, he mau ahiahi i hala ae nei o Kauka Tanner, Kekahi hoa o ka ahaolelo mai ka Apana Kuwaena mai o Cork, ua haawi ae oia he mau olelo hailiili no ka Moiwahine, a i ka wa i lohe ai o kekahi mau koa Beritania, ua lele mai kekahi o lakou no loko o ka Royal Engineers a kui aku la iaia, a nana i kiola iaia iluna o ka lep me ka hooweliweli aku iaia i na oia e ala ho'i mai ana e hoomau aku no oia i ka hoeha ana. Ua olelo ae o Kaua Tanner ua paki ia oia i ka pohaku, na pehu kona helehelena. Nui no ka makee o na koa Beritania i ko lakou moiwahine.

 

Ua Kokoke E Pau Ka Hoikeike

            Omaha, Neb. Oct 9. He ekolu pule a me hookahi la i koe o ka hoikeike nui o Amerika Huipuia a hoea mai i kona hopena. He hoolele ahi kao nui kai manao ia no kekahi la e nee mai nei. Me ka ukali ia mai o ka hoopahu ia ana o ka Maine me ke topido, a o ka paniua o na mea e hoikeiki ia nei ma ka lagoon i na anina la, oia ka holo ana o ka Olympia mawaena o na lua maina topido.

 

Kuikawa O Geramania.

            Cape Town, Oct. 15. Ua hoopuka ae ke Kauikela-Kenerala Germania he kuah@ua o ke kuikawa, me ke @auo@a ana i na Germania a pau e ku kuawale mai mai ke komo ana iku iloko o ke kaua.

 

Na Lako Kaua No Na Boa.

            Port Said, Oct. 17. O ka mokuahi Geremania Kaiser mai Hamburg mai, eia oia ke hoolele nei i na lako kona ma ka nuku o ke alawai o Saeza, he 4000 pu raifela e hoonaa ia ana no Transvaal. O ka lawelawe ia ana o keia keehoia no ke paia ana aku no ia mai ka hopu pio ia ana o na mokukaua Beritania me ke Kai Ula.

 

            I keia pu@ ae e haluku hou mai ai na maku lawekoa no Manila.

 

P.Fl. @o Komoli@wa.

            Ma Kamukeia i ka Poakahi nei, na Ko@@h@wa nai he lio ma ke maua pa, he lio wahine ulaula, ona wawae hope he keokeo, kaha keokeo ma ka @ he @oho he a me ke kaulawaha e naa ana maluna ona a me hookahi kuka hele ua.

            O ka mea n@@a keia lio e kii koke mai maloko o na la he 15 meka uku pu mai i ka l@@ o@ka malama ia ana @ m@ ka aku hoolaha a ke hola keia mau la i hoike ia ae la maluna alaila, e lilo loa @ keia ho ia'u. Owau no n@o ke oiaio.

J.P. A@ Kekuanui

Kamakeia, Honoiana. Oct 23, 99

oct123 8wksdly