Ke Aloha Aina, Volume V, Number 42, 21 October 1899 — HE OULI KUPANAHA. [ARTICLE]

HE OULI KUPANAHA.

He lono kai loaa mai ia makou mai Hilo mai, ma ke kahawai o Honolii, he mau kapuai wale no koe a hookui aku ka iliili ma ke kahi aoao o ke kapa kahawai me ka hoolilo ia hoi o kahi a ka iliili e uhi ana i aina maloe. O kahi a ka iliili e nee la no ka hookui ana aku i kekahi aoao, aia no ia ma ka aoao mauka o ka uwapo. Ua olelo ae na kamaaina oia wahi, mai ko lakou mau la opio mai a o ka make wake aku no koe. akahi wale no lakou a ike i ka nee o ka iliili ma ka aoao mauka o ka uwapo. He ike la no ka nee o ka iliiii ma kekahi mau manawa mamua aku nei, aka. makai wale no nae o ka uwapo e nee mao ai. O na ouli o keia iliili nee e ike mau ia ai, ina ma ka aoao makai o ka uwapo, he poe aiii make a me kekahi mau ouli ano okoa ae, aka, eia hoi keia ihili nee ma ka aoao mauka kahi maa ole i ka ikeia mai kinohi mai. Nolaila, heaha ana la hoi na kahoaka o keia e hiki mai ana. Kupanaha no hoi na | hana a ke Akua.