Ke Aloha Aina, Volume V, Number 42, 21 October 1899 — Page 1

Ke Aloha Aina

Hilo Bay, Hawaii

Ua Mau Ke Ea o Ka Aina I Ka Pono

Hookumuia i Mei 20, 1895

Honolulu, Poaono, Okatoba 21, 1899

Helu 42

 

Ka Nupepa Kealoha Aina

E hoopuka mau ia aku ana mai ka Poakahi a ka Poalima o na pule a pau o kela a me keia mahina.

Ka Uku Pepa, he 20 keneta, o ka pule. No ke kope hookahi he 5 keneta.

E loaa no ka pepa mai—Keena aku o KE ALOHA AINA, a mai k alima aku o na LUna Lawe Pepa.

E pai ia no na Olelo Hoolaha, na Kanikau a me na Mele Inoa, me ke Dala kuike. Aole nupepa ma ka owili pakahi e hoouna ia ke ole e hookaa mua ia ka uku pepa.

E hoouna pololei mai i na Nuhou na Kumumanao, na Olelo Hoolaha, ua Kanikau a me na Mele Inoa i ka Lunahooponopono o keia Pepa.

Aole loa e hoopuka ia a hoolaha ia kekahi manao ma na kolamu o keia Pepa, malalo o kekahi inoa kapakapa ke ole e hooike mai i ka Lunahooponopono i kona inoa ponoi.

 

Ka Nupepa Puka Pule

 

Ke – Aloha – Aina

Hookahi makahiki............$2.00

Eono mahina....................$1.00

Ekolu mahina.................... .50

Hookahi mahina................ .20

 

EMMA A. NAWAHI

Puuku o Ke-Aloha-Aina

Edward L. Like.

Lunahooponopono a Hope Puuku

S. P. Kanoa.

Hope Lunahooponopono

O na kauoha Nuepepa me na hoo kaa Dala, e hoona pololei mai o ka Puuku ma Honolulu.

 

Nuhou Kuwaho.

He eiwa Kenerala E Alakai Ana i Na Boa.

 

Ladana, Oct. 2. He lono kuikawa kai loaa mai nei ma Preteria, e olelo ana, o Kenerala Janacek ke lawe ae ana i ke alakai ana i na pualikoa Boa ma ka palena o Natal, o Kenerala @ ma ke komohana hema a me Kenerala Schalklevrger ma ka hikina, a o Kenerala Malan, ko alakai ma Rustenburg. O ka nui o na Kenerala a pau e alakai ana i na kolamu he iewa. O ka papa kuhikuhi o ke kahua kaua, ua pau ia i ka hoolala ia me ka Orange Free State. E huli makaala ia aku ana na telegarama i na nupepa. Ua haawi aku o Presidena Kruger i kana haiolelo i na pualikoa i hala aku la no na palena o @ ma ka Poaono nei, o ke kaua me Enelani ua manaoia e poha ae ana ma ka Poakolu.

 

He Lono Kaua

Ladana, Oct. 2. Ua hoike ia mai nei, ua lele kaua aku na Boers ma luna o na pualikoa Beritania ma Dundee, kokoke i ka palena o Natal. Aole i hooiaio loa ia keia lono maanei.

            He lono kuikawa kai loaa mai nei mai Durban, Natal, e olelo ana o na pualikoa Beritania mai Inia mai aia ke hoolele ia la malaila. I na ua lele kaua io ae, eia ke Keena Kaua ke manaoio nei, e lilo ka lanakila i na Boers, oiai, ua papakolu ko lakou nui i na Beritania.

            O ka nui o na Boers ma kahi kokoke i Vulgsrust, mawaena no ia o 10,000 a ka 20,000 kanaka ma kekahi aoao mai o Langs Nek, e kali ana no ka huaolelo kauoha no ka nee ana aku no ke kahua kaua. O ke kulana ikaika loa o na Bertania ma Newcastle a me Dundee, aka, aole nae i lawa ko laua ikaika no ke kue ana aku i na Boers e komo aku ana noloko o Natal.

 

Ua Make Kauka Hyde

 

Ma ka hora 9:30 o ka po Poalima nei, i hookuu mai ai i keia ola ana o Rev. C. M. Hyde, (Kauka Hai), ma kon ahome maloko o keia kulanakauhale, iwaena o kona ohana e hoopuni ana i kona moe. he mau la pokole wale no kona hiki hou ana mai nei i Honolulu nei, mai kaua huakai aku nei no Amerika Huipuia a hoomaha koke mai la i keia ola. Ua hanauia oia ma ke kulanakauhale o Nu Ioka,  a ma ka 1877 i hoea mai ai oia i Hawaii nei.

            He pou hana ikaika oia no na hana pono, a he nui na haumana ana i ao o ke kula kahunapule i puka pono, a mawaena oia poe o Rev. S. L. Desha, Rev. E. S. Timotea, rev. J. M. Ezera, C. M. Kamakawiwoole, a me kekahi mau kahunapule e ae.

            I ka anina La Pule ne i i malamaia ai kona huakai hoolewa, a ua nui no na poe i ukali aku iaia no ka ilina o Maemae.

 

Na Hana Lapuwale a Kekahi Ahahui Iapana.

 

Eia ke hoomapopo ia nei ka nui o na hana lapuwale a kekahi ahahui i kukuluia ae nei iwaena o na Iapana, a o lakoku no hoi ka mana ma ka hooponpono ana no lakou iho, a o ua hoopaapaa e ulu ae ana iwaena o lakou, o lakou no ka mana ma ka hooponpono ana.

Ma kela pule aku nei o na Iapana o ke kulana maikai, ua lawe hele ia ae imua o lakou he palapala kakauinoa no ka mea e pili ana i ka ninau o ke alanui Pauahi e kekahi Iapana no, a ua loaa hoi ma kahi o 80 inoa o na Iapana kuonoono o ke kulanakauhale nei. Ia po no ua hoea aku la he 40 Iapana imua ona me ka hoike aku o lakou ka ha ku o na kakailoa e ike ia nei ma ke alanui Pauahi, me ka hoike pu aku i na pauku laau e paa ana ma ko lakou mau lima. Ua olelo ae lakou o na waiwai o lakou ma kahi no ia o $30,000, me ka helu ole ia o ka waiwai o na wahine Iapana he 300.

            ua haawi pu aku lakou i na olelo hooweliweli iaia ina e kipaku ia ana na poe e noho nei ma ke alanui Pauahi e humuhumu ia no oia iloko o kekahi eke a hooeli ia aku iloko o ke awa. ua kuka koke ae ua poe nei i ka lakou hara pono e hana ai no keia Iapana, aka, aole nae he mea i hana ia a hiki i ko lakou haalele ana iho i ua wahi la me ka lawe pa ana aku i ka  palapala i kakauinoa ia. ua kipa aku la hoi lakou iwaena o na poe inoa i kakauinoa a haawi aku la i na olelo hooweliweli, a mamuli o ka piha makau o na poe i kakau inoa, ua haawi mai lakou i na kumu pale, oia hoi, ua pono kakau wale na lakou me ka maopopo ole @ manao.

            O keia @ ahahui a ka Ilamuku @ hiki ole ai ke hoopio aku @ olelo ae na Iapana o ke @ maikai he nui na powa i @ kela poe me na eke one a me kekahi mau hana lapuwale e ae nana e hooweliweli nei i na Iapana maanei. ua hoike pu ae lakou o keia poe lapuwale ke pii mahuahua ae nei ko lakou @, mamuli o ka nui pu o na wahine Iapana e wehe nei i na keena liilii, ka poe nana e malama nei i keia niau kino kane.

 

Ua Make O Kuhina Kini.

 

Ua loaa mai la ia makou he lono hoohikilele no ka make ana mai la o Kuhina Kini malalo o Kaneohe, Koolaupoko. O ke kumu i make ai i hele aku oia e auau ma kahi papau o ke kai aka, ua loaa iho nae oia i ka ma’i huki, a piholo iho la mamu o ka hiki ana aku o na koku. I ka hora 10 o keia kakahiaka i make ai o Kuhina Kipi. Ua hala aku la o Kuhina Mott Smith a me Loio Kuhina Kupa no uka o ka pali no ka hoihoi ana mai i kona i ke kulanakauhale nei.

            I ka La Pule nei no kona iho ana aku no lalo o Kaneohe me ka ohana no ka hoomaha ana, mahope hoi o kona hele ana he hoa hapai pahu ma ka hoolewa o John Phillips.

            He kapena moku o Kuhina Kini i na la mua o kona hiki ana mai i Hawaii nei, i ka 1878. A ma ka 1881, ua noho oia he malama moku no Likelike, a i ka wa i hoea mai ai o ka mokuahi Kinau ua lawe ae oia i ke kulana kapena, a mahope mai ua lilo oia i Luna Nui no ka Hui o Waila ma. Ua komo pu oia ma na hana hookahuli aupuni moi, a ma ka wa i kukulu ia ai o ke Aupuni Kuikawa, ua koho ia oia i hoa no ka Aha Kuhina, me ia kulana oia i paa ai a hiki i kona make ana aku ia.

            Ua mare oia maanei i ka wahine, a he elima a laua mau keiki e ola nei. Kohu aalole mai nei ka hoi ka hiolo o ua pee pakaha alua nei.

 

O na moku lawekoa Manuense a ma ke @ kai upu ia e hoea mai ana i keia mau la iho mai Kapalakiko mai me ka piha koa no Manila.           

 

Hala Me Ke Aloha

 

Ma ka Poalima, la 13 o Okatoba, 1899, hora 12:30 auwina la, ua newa aku la me ka palanehe @ ma kela ao o Kahulia w., wahine a Mr. Kamaka, Kalamau, ma Kukaako, ma kahi noho o ka ua @ W. H. @. Me ke onawaliwali no oia i waiho ai ma kahi @ no kekahi mau la loihi a hiki wale no i ke kuu ana mai la o kona luhi a hoi aku la e @ i ka poli o kona Makua ma kela ao. Aloha wale!

            Ua hanauia o Kahulia ma Kailua Kona Akau, Hawaii, na Kapaka k me Kahinu w, i ka wa i hana ia ai o kela mala a ke alii, o Kuahewa mawaena paha o na makahiki 1828-1829. Nolaila, ua piha iaia na makahiki he 70 a keu aku a hala wale aku la no oia. Ua mare ia oia me Kamaka Kaamau, (o Po, kekahi inoa) ma Kukuipiha, Kohala Hawaii, na ka Rev. @, a na laua @ he elua mau keiki, o Keolaakekai a me Mrs. W. H. Kailimai.

            Mailoko mai o ko laua mau puhaka i hua mai ai a lehulehu na moopuna kuakahi a me kualua. O lakou a pau ke noho aku nei me ka u luuluu @ na ma keia aoao o ka muliwai e leele o ka make kani hiki ole ina mea a pau ke ana aku. Minamina wale.

            Ma ka auwina la Poano nei i maneleia aku ai kona kino wailua no ka ilina o Kawaiahao, e hoomaha iloko o ka maluhia a hiai i ka wa e kahea ia mai ai e ke laeo o ka anela no ka la hookolokolo ma keia ao. Ua ukali ia aku kona kino akaku e ka ohana, @.

            Ma ka auina la Sabati nei, i hoolewalewaia aku ai ke kino make o John Phillips, ka haole hana paipu i kamaaina mai i ko Honolulu nei. Oia kekahi o na alii ahaolelo o ke au e noho nei ana o ka Moiwahine Liliuokalani a lilo hoi he hoa no ka Aha Kuka Malu o keia aupuni, a hiki i kona make ana aku la. Ua puka ae ka puali makai a me ka hana, no ka @ ana i kona huakai hoolewa.