Ke Aloha Aina, Volume V, Number 40, 7 October 1899 — Page 8

KE ALOHA AINA

 

HE MOOLELO WALOHIA

NO KA

UI SOPAEA.

ILOKO O KA HANHANO

A ME

TOME BAKALA

Ka Ilihune.

Hoohenoia no KE ALOHA AINA

            A me keia ano iho oia i kaalo ae ai ma kekahi wahi mooa alanui e komo ana ma kekahi wahi pouli@li, ana no hoi e hoomaopopo ia, aia no he puulu o na poe ino e noho ana ma ia wahi.

            Me keia manao e puapuai mai ana mailoko lilo mai o kona puuwai i lele iho ai oia mailuna iho o kona lio, no ka haawi ana i manawa hoomaha nona a me kona holoholona ahonui.

            Oiai nae oia e nanea ana i ka nana ana i ka wena ae o na kukuna mahina wanaao, e hoauhee ana i ka pouli mai kona alahele aku.

            Aia hoi, ua hoohikilele ia ae la oia i ka lohe ana i ka uwe kapalili o kekahi mau leo wahine e lawe ia ana e kekahi poe kanaka i huna ia ko lakou mau ano me na uhimaka, a i @hu ia hoi me na kapakila, a o na owili lauoho hoi o kela poe wahine opio ekolu, aia, ia ke maewa la maluna o na kipoohiwi o na poe nana e ahai nei keia poe wahine no kahi a lakou i maopopo ole.

            O na leo uwe o keia poe wahine, a ka opio i lohe mahuihui aku la, nana i hoohikilele ae i kona puuwai me ka walania o ka ehaeha, e kono ana iaia e awiwi no ka hele ana aku e kokua i na poe i hoopilikia wale ia,

            E like me ka mama o ka liona pololi imua o kana mea e ale ai, pela ka bikiwawae o ko ka opio ukali ana aku ma kahi o na leo uwe o keia poe wahine i kupee ia ko lakou mau lima a me na wawae i ke kaula.

            Mamuli o na leo uwe kapalili o keia poe wahine, nana i kono aku i keia poe puuwai eleele, e haehae ae i na aahu e paa ana maluna o ko lakou mau kino, i mea e hoopaaia ai ko lakou mau leo e ko ia mai ana e ke @ehau o ka wanaao.

            A oiai hoi ua poe @ e aumeume ana, ua hoopuiwa ia ae la lakou i ka lohe ana mai i ke pohapoha kapuai lio e k@ pololei mai ana no kahi a ua poe nei e hana nei me ua manao ino.

            Elike me ka pa ana o kekahi kikino makani ikaika, pela iho la ka maalo ana aku o ka opio ma kahi e malamaia nei keia hana, a me ka hikiwawe loa. ua hoolele aku la oia i kona lio me kana pahikaua e kaiewa ana iloko o kona lima, kahea aku la oia me ka leo nui:

            E na poe limakoko, heaha ka oukou hana maluna o keia poe kino @wali, i hana hewa ole aku ia oukou.

            E hookuu koke aku ia lakou e hoi na ko lakou mau wahi ponoi, a ina aole plea, e inu koke no ko oukou mau puuwai me ka maka o ka`u pahikaua. Aho, e pane @oke mai, heaha ka oukou pale no oukou iho i keia was ano;

            Kukuli, wahi a kekahi leo i pane pakike mai ai.

            Heaha kou kuleana e keia lapuwale nui maluna o ka makou mea e hana nei, a no makou no hoi ia pono aole nou e kena aea haukae o ka po.

            Oukou pono wale no makou e kauoha aku nei ia oe, oia emi aku ihope, a hoi aku no kau wahi e hele mai ai.

            E akahele, a mai hoopuka mai i na huaolelo e hoehoeha ai i ko`u manao, o ike ole oukou i ka hopena e kau aku ana maluna o oukou pakahi,

            Heaha ka makou nana i kau ole ia, a owai no hoi oe a makou i ike ole ai, wahi a ua poe nei i hooho like mai me na leo akaaka hoonaikokola i ka opio.

            Na keia mau kike olelo hahana ana mawaena o ka opio a me ka poe kanaka e lawelawe nei i ka hana hilahila ole maluna o kela poe wahine hala oloe, uana i hookaulua hou ole iho i ka opio manao kokua, no ka pono o keia poe i hoopilikia ia.

            He kawewe ana a me ke koele o ka pahikaua ka me ai lohe ia, aia hoi. ike ia aku la he elua mea i waiho ana iluna o ka honua, me na han@ e ailiili ana no ko lakou hopena.

            I ka ike ana o ua poe nei i ka make ana aku la o kela mau mea i lakou, oia no ka wa i haalele aku ai ka hapanui i ke kiai ana i ka lakou mau @, a nee mai la imua no ka paio ana ma ke kanaka opio a lakou i pakike mai ai.

            O na pahikaua a ua pe nei, eia ia ke niniu pahi nei me he huila makani la, a me ko lakou ikaika paulu, hili like mai la lakou i ka lakou mau pahikaua no ka ai hoopau.

            Aka, o ke kanaka opio i mau i ke ehu oia hana, ua liio ia he mea paani nana, a oia hoi kana i hili aku ai me ka ikaika ma ke kano o ka pulima o kela a me keia e hoao mai ana o pepehi oaia.

            Ua lohe ia aku la na leo kapalili o ka ehaeha maluna o kela a me heia i loaa pono aku la, ua emi hope aku lakou a holo aku ia a nalowale, me na pulima i hoaha ia.

            O ke koene iho, ua hoonou mai la lakou me ka manao, o ka @ kino mai a paa, oia ka mea nana e hoopau ae i ka ehaeha o kela poe i pau aku la i ka naholo, elike me ka olelo a kahiko; Ao no ke koa a pu no ka holo.

            No keia kulana o na enemi e uee mai nei me ka wiwo ole, oia no ka wa a ka opio i pahu aku ai me ka wini oi o kana pahikana, a ike ia aku la he heluna nui o na poe i hoeha ia, i pau aku i ka holo, a koe he elua mea iaa e paio no ke ola a me ka make.

            O keia mau mea elua. oia no na alakai o kela poe i pau aku la i ka naholo, a mamuli o ko laua piha inaina no keia hoohaahaa ia ana o ko laua mana e keia kanaka opio, nana i hoawela i ko laua mau houpo e paio no ka hanohano o ke kulana a loua e paa ana.

            Oia no ka wa i hu@ like @e ai o ka laua mau pahikana imua o ke alo o ka opio, a me ka inaina nui, hahau koke mai la laua i ka laua mau phikana maluna o ka opio, me ke ake e hookoia ko laua manao inaina maluna o ka kaua @ e ka mea heluhelu.

            Aka, ua ike no kaua e ka mea heluhelu, he wai apau ia no ka opio, a he mea aloalo pakana ia no ka la makani.

            He koele ana a me ka halulu, aia hoi, he elua mau kno  poo ole e waiho mai ana, elike me ka makemake o ua mau kanaka puuwai eleele la, a o ka hopena o ka laua mea i makemake ai oia, kela e waiho poo ole la, ua hala ka hauu mai a laua aku.

            I ka ike ana o ka opio, aohe he enemi i koe huli ae la oia a hele aku la ma kahi o na wahine e waiho ana, a me ka ehaeha o ka maau, lalau iho la oia i na popo welu i hoopiha ia iloko o ko lakou mau waha pakahi, me ka aneane loa e hookuu mai ke aho i keia noho ana kino, ke hala hou aku he mau @e kona.

            I ka wa i homo ae ai o na popo welu mai ko lakou mau waha ae, oia no ka wa ihoi liilii mai ai ka hanu iloko o lakou pakahi, a hiki i ko lakou pohala loa ana.

            Me ka naau i piha i ka menemane, lalau iho la oia i na kaula i hoopaa ia ai ma na lima a me na wawae o ua poe wahine opio nei, a wehe ae la me ka hooku ana ae ia lakou iluna, ua hele a naka haalulu ko lakou mau kino, mamuli o ka piha i ka makau.

            A me ka leo ehaeha, poha like mai la ka lakou mau leo ma ka i ana mai me ka leo hookahi wale iho no:

            E hoomaikai i ana lani, mamuli o kona hoouna ana mai i hoopakele iwaena o ka pe i hoopilikia wale ia e na poe manao iho o keia ilihonue, ka pe hoi a hiki ai ke hookau ia na hoopai koikoi o na hewa ia maluna o ko lakou mau hokua pakahi.

            Nolaila, e ka hoaloha maikai, e oluolu a nei oe e hai mai, ai ihea kela poe kanaka ino, e kapata na keiki o ua lae laau o Noremane.

/////////////////////////////////////////////////////////////////////////////////////////////////////////// beginning of advertisement ////////////////////////////////////////////////////////////////////////           

HE KUAI HOEMI NUI O NA SILIKA ELEELE.

I Ike Oleia ma Honolulu nei Mamua ma ko Makou Halekuai.

            E hoomaka ana ma ka

            Poakolu, Oct. 4, 1899

            NO HOOKAHI PULE WALE NO

NA SILIKA ELEELE LAALAAU a pau, Koena i kupono i na Palekoki me Holoku ua hoemiia mai ke 1.25 a ke .75, " " ' " 1.50 a ka 1.00 " " " " 2.00 a ka 1.50

            Na Silika Crepons, ua hoemi i amai ke 1.50 a ke 75 kenta.

            MAI POINA I KEIA LA

B.F. EHLERS Co.

Alanui Papu.

 

KUAI HOEMI O NA PAPALE

MA KAHI O

            K IHOSHIMA

            NO EKOLU PULE, E HOOMAKA ANA I SEPATEMABA 30, 1899.

            Na Palule Silika a me Iapana, e loaa no ma ke kumukuai emi loa Na Papale Kane a me Wahine. Na Papale Ohe a me Lau Niu, Na Kahei Papale, a me Hinai, He lehulehu wale o na Papale Kuamalii ma ko makou Halekuai.

            No laila e na makamaka e kipa mua mai ma ko makou halekuai mamua o kou hele ana ma kekahi wahi okoa aku.

            K Isoshima.

            HELU 10 ALANUI MOI

            ///////////////////////////////////////////////////////////////////////////////////////////end of advertisement //////////////////////////////////////////////

kekehi o na apaua aina i ke kikowaena o Farani nei.

            Ua pau a nei lakou i ka hoeh@ e oe, a i ole ua pau aku paha lakou i ka hoi malalo o kau kauoha, a i ole, e kahi mea okoa ae paha a makou hoi e ake aku nei a lohe mai kou waha ponoi mai. Na keia mau huaolelo ninau a na wahine opio, oia ka ke kanaka opio i ani mai ai me kona mau lina i na wahine e uhai aku mahope ona, a oia ka lakou i hooko mai ai ma ka nee ana mai o ko lakou mau kino imua.

            Aka, he mau iwilei wale no ko lakou kaawale mai kahi a lakou i hoopaa pio ia ai.

            Aia hoi, ua hookapalili ia ae la, ko lakou mau houpo me kaweliweli, i ka ike [ana: aku, aia ho elua mea kino poo ole e waiho mai ana, ua lele ke aho o O@ pau, nana koi i hookuemi hope aku i na wahine pio me ka manao e hoi hou aku no hope.

            OLELO HOOLAHA

 

            Ma keia la 18 o Sepatemaba 1899, ua hoonoho au i kuu hoahanau ia Wong Ngor@d, (Pake) i hope no`u no ka malama ana i kuu Aina mahiaiii, e waiho la ma Manoa, Honolulu, Oahu, no ko`u wa e kaawale ai ma keia Paeaina, a o Wong Ngoru ka mana no ka lawelawe ana i ko`u mau pono a pau, a he maua iaia ke koi poho, a hoopii ma ke kanawai i ka mea a mau mea paha ke k@ mai i ko`u pono.

            W@ T@

            Honolulu, Sept. 18, 1899

            OLELO HOOLAHA

 

            Ua makemake ia he Wahine Hawaii makaukau ma ke oleleo Enelani a Hawaii hoi a he makaukau ma ka malama ana i na wahine hanau. E ninau i ka makuahine ma ka Home Hoohanau Keiki ma Kapiolani Home.

 

Allen me Robinson

He mau mea kuai

Papa, Na Lako Kukulu Hale. papa ame Aila a pela pa na hoi me ka Nanahu.

            Keana Hana me Alanui Moiwahine.