Ke Aloha Aina, Volume V, Number 40, 7 October 1899 — Page 7

KE ALOHA AINA

He moolelo walohia no Alanadela

Ka Wahine Hoopahaohao o ka Aa he Keokeo

A i ole

Ka Loea Hookani Pila Hapa o ke Kulu Aumoe

            A ma keia wahi i hookuu malie aku ai o Walata i ke kanaka moneka me kana puolo makamae ana i maopopo ole ai i ke ano e hele mamua ona me ka hoopuiwa ole aku, me kona ukali kokoke aka no nae mahope ona, oiai, ua komo mai la na manao kaoalaa iloko ona i keia wa malia aole paha o kana aloha ka ukana a ka moneka e paanei, a he hana mahaoi nona ke kahea ana aku iaia e ku iho.

            Aole i nui ae ke poo o ke kanaka maihini ihope, aka, aia no ia ke hoomau la i ka nee ana imua me ka hoolaukanaka ia ana o kana huakai mehameha e na leo aoa o kana ilio punahele. 

            Hoomau aku la oia i ka nee ana imua, a ma kekahi ululaau uuku i ike aku ai o Waiata e ku mai ana he wahi pupupuhale mamua pono o ko laua alahele a ma kahi o ua pupupu hale nei e ku mai ana i motio pololei aku ai ke alahele o ua moneka nei me ka kaua eoeu e pili kokoke aku ana. 

            Iloko o na minute pokole wale no, aia hoi, ua hoea aku la ke kanaka moneka no kona home, aole oia i hookaulua iho mawaho, aka, ua komo kokela oia iloko a nalo aku la mai ka ike hou ana aku a ke koa opio. 

            A na keia mea i hoopiha mai i ka puuwai o ke koa opio me ka piha kuumeha, aka, ua unuhi ae la oia i kana pahikana mai ka moe iolo ana ma kona puhaka, a puana ao la me ka leo pihoihoi. 

            E komo aku ana au iloko o kela hale i keia wa ano, a huli pono aku kela puolo heaha ki mai oloko, ai na e kue mai ana keia moneka au e hoomaalili aku no au i kona ina ina me kuu pahikaua. 

            He kulu koko, ma ke alahele o ka moneka.  E ua lani e hoike mai nowai keia ma o kulu koko e hihihihi nei?  I hooho ae ai o Walata me ka hikilele. 

            Na kela mau kulu koko weuweli i hoopiha mai i ko Walata puuwai me ka pihoihoi nui, a kulou koke iho la oia no ka huli pono ana aku ina paha he mau kulu koko hou loa ia, a no kekahi mau sokona pokole wale no, aia hoi, ua ku koke ae la oia iluna me ka puana ana ae me ka leo kaumaha. 

            He mau kulu koko makamaka loa keia.

            Auwe, e na ahe lau makani, e hoike mai no kuu aloha anei ia?  Ua poino anei kou ola e ka mea hookahi a kuu puuwai i anoi nui ai?

            A la wa no i ike ia aku ai ua Walata nei i ka haalele ana iho i kana wahi e ku ana a hele pololei aku la no ka hale o ka moneka e ku mai ana ma kahi he mau kapuai wale no ka mamao mai iaia aku, i loko hoi o ka puahi nui. 

            A i kona hapa ana aku ma ka puka e komo aku oi iloko o kahi pupupu o ka moneka, ua haawi aku la oia i na kikeke ikaika ana ma ka puka e hoike maopopo aku ana hoi, aia he kamahele mawano e ake ana eike i ke kuaaina o ka hale. 

            Aka, a hala ae la nae he mau minute loihi o keia kikeke ana, aole nae he wahi pane i loaa mai, a ma keia hana hoohoka i panai ia mai la e ka moneka, i hoopiha mai la i ka puuwai o ke koa opio me ka inaina a me ka hoohakaha ole iho, unuhi ae la ua Walata nei i kana pahikaua me ka ohau ana ako i ke kuau me ka ikaika nui i na paia o ka hale. 

            A he mea oiaio, i loko oia minute pono mai ai ka leo hae weliweli o ka ihio a ke kanaka moneka, e hoike maopopo moi ana, ua lohe ia na leo kikeke a ke koa opio, a holo mai la oia imua me ka piha inaaina me ka manao e hookau mai i ka hoopai maluna o keia komonewa. 

            Aka, i kona wa nae i lele mai ai me ka hamama ana e kona waha me ka upu ana e nahu mai i ka maihini, ua loaa pono aku la kona poo i kahi palahalaha o ka pahi a ke ko opio, a walawala pahu aku la oia no lala o ka papahele me ka poha ana mai o ka leo uwe ehaeha mailoko mai o ua ilio la. 

            Na keia leo uwe o ka ilio i kono koke aku i kona haku e hele koko mai iwaho e huli pono i ke kupueu nana keia mau hana kolohe maluna o kona hoa noho.  A ia wa no me na kapuai halulu i loheia aku ai ua moneka ia e hele mai aoa no ka puka, a no kekahi mau sekona pokole aia hoi, ua oili io mai la ke poo o ua moneka nei, a halawai ae la oia he alo a he alo me ka kaua opio. 

            O na helehelena o ka moneka, aole oia i hoike mai i kona manao ohaoha no ka malihini e ku aku ana ma kona ipuka, aka, ua holo koke aku la ole no kahi a kana ilio e waiho ana, a hapai ne la me ka lima palanehe. 

            O ka nui o na makahiki o keia moneka, ma ka hoomaopopo aku a ke koa opio, aia no ia ma kahi o ke kanaono a oi, a ua hookuakea ia hou kona poo me na oho hina, a o kona umiumi e ulu ana ma kona auwae, ua hele aku ia a hiki i kona umauma, ma kona a i e lei ana ola he kea.  aka, o ka mea o ae nana i hoopuanuanu mai i ka puuwai o ke koa Walata, oia no kona ike ana aku i ke ale o ka nahu o ua elemakule moneka la ua hoohaukae ia me ke koko. 

            A me ka hookaulua ole iho o ke koa opio no ka hookipa naa aku o ke kamaaina o ka hale iala, aia hoi, ua poha aku la kona Jeo me ka olu waipahe i ka i ana aku:

            E ke kanaka moneka e kala mai iau, no ke komohewa aoa mai.  I kou wahi nei, aole nae kau he huakai hoopoino aku ia oe, aka.  He huakai i piha i ka ehaeha a me ke kaumaha.  Aoiai he kanaka hemolele oe, aole anei e hiki ia oe ke hooluolu mai i ka puuawi o ka mea i hooniha ia me ka luuluu?

            Haka pono mai la na maka huhili o ka moneka malua o ke koa opio, a no kekahi mau minute kona ekemu ole ana, aia hoi, ikeia aku ia kona poo i ka luhiluhi ana ae, me he mea la, e hoike maopopo mai ana, aole he mau kokua ana e haawai mai ane no ke kanaka i hoopihaia me ua ehaha o keia ao. 

            A na keia mau nanaina makona o ke kamaaina o na ululaau e hoike mai nei, ua hoopiha ia mai la ka puuwai o ka opio me ka inaina nui, a oia no kona wa i pane hou aku ai me ka hoooiea. 

            Malalo o ka oi o ka pahikaua aole anei oe e hookipa aku ana iau i loko o kou hale e ke kanaka moneka o ke kea hemolele e hanai mai i ke kanaka i hoopololi ia?  

            Elike me na rula maa mau i ike ia mai kahiko mai, he hoopakele na moneka no na kanaka i hoopilikia ia, no ke aka oe i hooko ole ai ia mau kanawai laahia?

            A i ka hookuu ana iho o ka leo o ke koa opio, ua li o koke ae la na maka uehoa o ua elemakule nei, aka, aoo nae oia i pane i kalakala mai, ma o kona ike maopopo ana mai i ka hulali aku o ka pahi a ke koa opio, a me ka leo olu waipahe, poha mai la kona leo i ka i ana mai. 

            E a koa opio moalihini, ua pololei kau i olelo mai la, aka, ua hana nae oe i kekahi hana lupuwale maluna o kua ilio punahele.  No kau noi e hoopiha aku ai la oe maloko o kou home nei, aole li ki iau ke ue aku, oiai, ka malihini _____ kau oloko nei o ka hale, aka, na hiki nae iau ke ______ ia oe i ____ a hookuu aku hoi ie oe e hoomau aku ma kou alahele, Noiaila, e noho maluna o keia noho luau, a e kii ae hoi au i mau mea ai nau. 

            Maanei i haalele iho ai ua moneka la no ke ku io an, aku i mau nei ai na ke koa opio, aka, no Walata nae, ala na iini pau ele ke loawili la iloko o kana puuwai e ike i keia malikini kiekie. 

            Eia makou i ka la i Hauola.

KUAI HOEMI NUI O NA PAPALE

NO ELUA PULE AWLE NO

Sepatemaba 8 a hiki i ka la 22

Ehaawe ia ana he kuai hoemi nui o na waiwai a pau o ka makou.  Halekuai no Elua Pule Wale No.  Nolaila, e hele koke mai i loaa ai keia mau Waiwai ma ke kumukuai haahaaloa, mamuli o ko makou makemake ana e loaa ena kowa no na waiwai hou.

T. MURATA.

Hale Hana Papale Nui

HELU 118. ALANUI NUUANU. TELEPONO 814. PAHU LETA 844.

MISS M. E. KILLEAN

He Waiwai Hou o na Papale ua loaa mai nei.

Ua makemake au e hoike aku i kou mau hoaloha, e haawai ana au he Kuai Hoemi Nui no ka la 11 o Iune.

Na Papale Sela me na Papale i Hoowehiweheia.

NISS M. E. KILLEAN. 

NA MAKE O HONOLULU NEI

            O ka nui o na make o ke kulanakauhale nei no ka mahina o Sepatemaba i hala aku la, ma ka hoie a ka agena o ka Papa Ola, O.B. Reynolds he 75, a mawaena o keia heluna he 53 kauo a me 22 wahine.  He 37 Hawaii, 12 Pake, 11 Pakiki, 11 Iapana, 1 Bertania, 5 Amerika a me 3 o na lahui e ae. 

POWA IA HE PAKE

            Ua powa ia mauka o ke alanui o Manoa ma ka hora 8 o ka po Poalua nei ma kahi kokoke i ka hale o Montauo he pake, a ua lilo aku he $16.  Ua uhau ia ka pake me kekahi mea nolea a waiho maule aku la, a i kona wa i hoomaopopo hou ae ai, ua hele aku la oia e hoike ia Loio Kuhina Kupa.  Ua kahea koke ia ua makai e huli i ke kolohe, aka, aole he moheu i loaa o ka pau wai eleele?  Ma ka hoike a ka pake, he kanaka paele ka mea mana ona i powa. 

            Ua make _____ he kanaka nona ka inoa o Kaheloa. 

            Ua hoihoi ia ae na pea o ka mokupea Norna i ka huli mai i wahi i hiki ole ai iaia ke mahuku aku. 

            He hookahi wale no pule ke koni hoopau o na Sahka Eleele ma kahi o Paiuapa ma, e pau ana ma ka Poakelu o keia pule aku.  Nolaila, o ke manawa wale no keia e loaa ai ia oukou ua lole siila me ka enu. 

            Ua make he kopela o ka puili G o ka reg mani kaikawi 27, malu ia a ke T coma a na nilo aku eia ma ka ili o Koua, ua ukali aku ka hena a me kekahi mau paalikoa, ma ka huakai hope lu a ko kakou hoaloha, keia Poah. 

UA LOAA MAI, HE HELUNA

O NA

Pena a me na Aila Pena,

Na Hulu Pena,

Na Kapuabi Aila,

Na Kapuahi Fisler,

(ua hoemila ke kumukuai)

Na Palau na ano apau

Na Lako Mahiai

Elo, Oo, Kopala, Kipikua,

Na Bakeke o na like ole,

Na Ipuhao, Ipu Ti,

Na Lako Aniani,

E loaa mai ana he mau waiwai hou maluna o ka mokuahi Auseteralia.  Nolaila, e kipa mai, a e wae uo oukou iho, he emi loa ka makou mau kumukuai. 

Hawaiian Hardware Co. Ld.

(HUI LAKO HAO HAWAII, I KAUPALENAIA)

Alanui Papu, ma o ka Banako o Spreckels. 

NA LAKO GULA HOU LOA

I hoea mai nei maluna o na no kuahi mai Kapalakiko mai.

Ma kou Halekuai malaila e bana ia ai na Pio, Komo, Kupee Lima, Uwate, a pela aku.

H. G. Biart.

alanui Papa, Helu 101

apr. 9 1898

H. F. Wichman.

Wikimana

A loaa no na MAKAANIANI no a maka ma ke kumukuai ha-ban ________ Hale Hana Guts ma Alanui Papa.

KA HALEKUAI MEAI

O

LEWIS & Co. 

_____