Ke Aloha Aina, Volume V, Number 38, 23 September 1899 — Page 3

KE ALOHA AINA, POAONO, SEPATEMABA 23, 1899.

 

HE LEA MAI AMERIKA MAI.

 

Palmer House, Sept. 4, 1899.

Mrs. E. A. Wawahi,

Aloha o.

            Ua kakau aku au ia oe ma Kapalakiko e hoike aku ana i kakahi mau mea uuku a'u i ike ai malaila .

            Eia makou i Kakako i keia wa, a i ka la apopo e haalele iho ai makou i keia kulana kahale a holo aku no Detroit, keha o ke kaikuaana o Mr.Emerkona e noho nai.  Ua hoouna mai nei oia ne leta aloha, a ua kono mai nei e noho makou ma kona hale.  (Ua manao nae oia ia'u he kahunapule Pukiki.)

            Ua haalele aku makou ia Kapalakiko i ka hora 5 me ka hapa o ke ahiahi Poalua, Aug. 29, a kau ma ka waapa muliwai no Okalana, a maluna o keia oku, halawai aloha iho la me ke kaikamahine a Lunakanawai Aukia o Hilo, he kaikamahine aloalo kuaua o ka aina Po i ka lehua.

            Ua ninau mai la no Hilo, a no na makamaka o ka aina hanau, a ua olelo mai la no ia'u, aole he poina i ka aina hanau, ka aina a ka nani wahi ana i luakaha ai, a olelo mai la ia'u e haawi i kona aloha i na makamaka a pau o kona makuakane.

            Kau ma ela aoao, kau iluna o ke kaaahi a holo aku i ka hora 6 me ka hapa oia ahiahi, a hoea i Benecia, malaila kekahi mokuahi aloalo kaaahi, he 430 paha kapuai kona loa, a he ekolu kaaahi i kau maluna o ua moku aloalo muliwai nei ia pol, a alo ia aku la no kekahi aoao o ka muliwai.

            A i ke kau ana ma kela aoao, ua hola aku la makou ia po, a aole he ike ia aku o ka aina, ua maalo ae nae mawaena o kkahi mau kauhale liilii, a ua maalo pu a mawaena o Kakalameko, ke kulana kauhale poo aupuni o ka mokuaina o Kaleponi, aole nae makou i ike , oiai, ua kuu iho la na moe o makou o luna o ke kaaahi, a haule aku la i ka hoolaau me Nioloopua@e moeuhane ana hoi no Hawaii poina ole.

            I ke ao ana oia po, ua hoea ma nou i ka hapakolu o @ke alahele e hoea aku ai i Uta, ka mokuaina o na Moremona.  Nana ae ia maua me kuu hoa he oneanea a panoa ka aina, he laula ka waiho ana o ka aina, a he laau liilii (bush) elike me ka Pukiawe ka mea e ulu ana aole oe e ike aku i kekahi laau loloa elike me na koahiwi nani ou e Hawaii.

            Holo ak la makou ia la iwaena o ka wela a me ka lepo puehu, a po wale no ia la, holo no ia po a hiki i ke ao ana, akahi no makou a komo iloko o Uta, ua aneane no e tausani mile ka mamao i holo @ e makou ia mau po elua me hookahi la.

            I ka hora 10:30, ua hoea aku la makou i Ogden, he wahi hoolulu kaaahi nui ma ka mokuaina o Uta, a malaila haalele makou i ko makou kaa mua a holo aku la no ke kulanakauhale o Loko Paakai, ke kulakakauhale poo apuni hoi o keia mokuaina, he hookahi paha hora a hoea makou i keia kulanakauhale a ekena ia nei e kekahi poe a kakou i holo mai ilaila.

            I makou i hoea ai ilaila, ua loaa ia makou he haole Moremona, a kau aku makou ma kona kaa iluma me ka lawe aie hoolimalima kme ka lawe aku ia makou e hoomaikeike i na wahi kaulana o mke kulanakauhale.

            He keu no hoi a kahi haole ohi nui wale o kahi waha.  O ka nui o na kanaka ma keia kulanakauhale he 67,000 no ia:  Ea!  Ua oi aku no ka nani o ke kulanakauhale o Honolulu i keia kulanakaubale, lepo maoli kekahi mau wahi a makou i ike aku ai.

            Olelo aku la au i ua wahi haole nei, he oi loa akuno ka ka nani o ko makou kulanakauhale i ko keia, aka, aole no nae ia hemea e pio iho ai ko ia la pa-i i ko ia la kulanakauhale.  Ua lawe ia akou e hoomakaikai i ka halepule, kahi e akoakoa ai na Moremona, he aneane paha he 268 kapuai ka loa a emi mai paha.

            He hale kupanaha no keia, ina no e hoolei ia ke kui pine ma kekahi aoao e lohe ana oe me ka maopopo loa ma kekahi aoao, oiai nae o ka mamao ua aneane e 250 kapuai a ina no e hawanawana oe, e loheia ana no ka leo me ka maopopo loa a he hale me ke kaupoku poepoe, aole he pouo o hoodaa ana, a o ka nui o na kanaka e pau iloko o keia hala he aneane 6000, a e ku pu mai ana no hoi ma kekahi aoao ka hale laa o na Moremona, ka hale kapu hoi, aole e ae ia kekahi mea owaho aku nei e komo iloko, koe wale no na Moremona oiaio, a aole no h oi lakou e hoike mai i na mea huna oloko o ua hale nei, he hale keia nona ua puoa eono, he ekl=olu ma kahi aoao, a he ekolu mo hoi ma kekahi aoao.

            Ua hookomu ia kona kapili ana i ka la y o Aperila, 1853, a ua paa ka la 7 o Aperila, 1893, a o ka lilo no ke kukulu ia aua he $14,000,000, aole no i kanamai ke dala, a ke kiai ia nei keia halo me ka malama loa, a malaila na mare huna o lakou, malaila e hoohiki ia ai na hoohiki malu loa, a malaila ka e mare hou ai me ka uhane o ka poe i make mua, a malaila e hiki ai e hoola ia ai ka uhane o na makua a me na ohana i make e mamua.

            Maloko pu no o keia pa e ku ana he hale nui okoa ae no, a ua kapa ia "ka hale o ka akokoa ana."  Ma ia hale e hui ai na hoahanau no na halawai kalai aupuni, na halawai haiolelo o kela a me keia ano e pili ana i ko lakou pono maluna o ka aina.  A ua hoopuni ia ke a mau hale e kekahi pa kiekie elike me ka pa pohaku o ka Paalii mamua, a ma ka puka e noho ai ke kiai puka a nana e lawe e hoomakaikai i na malihini i na hale elua a koe no ka hale laa.

            Ua lawe pu ia no hoi makou e hoomakaikai i ka hale kua laau o Talor, kekahi o na Peresidena o na Hoomana Moremona, a me ka hale maikai iki ae, a hiki i ka wa i nui loa ai kana mau wahine, a hoieke pu ia mai la no hoi na hale like ole ana ikukulu ai no kela a me keia wahine a me ka lakou mau kaiki.

            Ua  hoikeike pu ia mai no hoi ia makou ka hale nani loa o Blrigiama, i kukulu ia no kana wahine aloha, he hale nanai maoli no.  A kuhikuhi pu mai la no ua wahi haole nei i  ka hale kula e ao ia ai na keiki lehulehu a na kumu Moremona, a wahi a ua haole nei, he 54 keiki a Birigiama i hoonaauao ia ma keia kula, he mau keiki keia i loaa me kana mau wahine lehulehu, a i ka make ana o Birigiama, ua hooili aku oia maluna o kana mau keiki he $20,000 pakahi, o ke koena o kona waiwai no kana wahine i aloha loa ai.  Ua ike pu makou i kona pa kupapau i kanu ia ai, aia no ma kona aoao he wahi i hookaawale ia no kana wahine aloha loa, a ma kekahi mau wahi mai na wahine e ae me na keiki, a ina piha a pau ole kana mau pua malaila, ua hookaawale ia no kekahi pa e pili pu mai ana me kona pa kupapau i wahi e kanu ai, me ka hoopuni ia o keia pa e kekahi pa hao nani.

            Ua ike pu makou i ke kii keleawe i kukuluia i mea hoomanao no keia alakai nui o ka hoomana Moremona a ua olelo mai ko makou kamaaina, ma ia wahi e ku la ke kii hoomanao malaila oia i ku mua ai, a olelo aku i kona mau hoa i hele pu mai ai.  "Eia ka aina a ke Akua i haawi mai ai no kakou."

            He mau mea e ae no kekahi a makou i ike ai ma keia kulanakauhale, aka, e molowa paha auanei oe i ka helahelu i keia leta loihi, ua akenui loa no hoi makou e ike wahi Hawaii aku ma keia kuianakauhale, a ua ninau aku la au i ua wahi alakai nei, no na kanaka Hawaii, olelo mai la:  Aia no paha lakou i ko lakou wahi, he poe mahiai lakou, e kanu mea kanu ana, aole o lakou ike nui ia ma ke kulanakauhale nei.

            Ma ka auina la, ua kau hou makou a holo aku la no kahi i kapaia ka Haleahi paakai, he aneane paha e 20 milo mai ko kulanakahale aku.  He hale nui keia i kukuluia iloko o kela Loko Paakai, he wahi e hele ai e auau a e paiua liilii, a e hooluaua no hoi i kahi manawa.  Ua oi aku mamua o 300 na keena auau ma keia hale no ka poe makemake auau, a he rumi hulahula no hoi e hiki ai e hulahula na poo he tausani me ka pilikia ole a me ka hookeke ole hoi.

            Ua hele makou e auau iloko o keia loko paakai, aole no hoi i kanamai ka awaawa o ka wai, ua oi pakolu aku paha koi a awaawa i ka wai o ka moana.

            He wai kupanaha no hoi, aole e hiki ia oe ke luu iho no ka ikaika loa o kona hapai ana ilona.  aole e hiki e piholo ka poe ike ole i ka au.  Ua hoao au e au, eia ka mea apiki, me ha la, e hapai ia mai ana na wawae iluna, a i ke komo iki ana o kahi wahi huna kai iloko o ko'u maka, aole no hoi i kauamai ka wela, a o ko'u hoi no ia e auau wai maoli.  Aole he mea ole iloko o keia loko, no ka ikaika loa paha o ka awaawa, he loko nui maoli no, pu-a iki kahi aoao o ka aina ke nana aku oe.

            I ka hora 4 me ka hapa, kau hou ma ke kaaahi a holo hou no ke kulanakauhale, a malaila makou i kali ai no ko makou kaa e holo aku ai mawaena o na Mauna Pohaku oiai, e haalele iho ana ke kaaahi i ka hora 8 me elima minute no Deneva, ke kulanakouhale nui o ka mokuaina o Colorado

            Eia ka hoi kau wahi mea hou, ia makou e kali ana, ua hele aku la maua me Kauhane e kahi i ko maua wahi umiumi.  A ia maua e noho ana a pau na umiumi, ua ninau mai la ka mea kahi umiumi ia maua, heaha la ka mana olelo e kamailio ana, ua hai aku la maua he olelo Hawaii, ua olelo mai la kela he makemake loa oia e hele i Hawaii, aka, no kona makau loa i ka Mai Pake, (lepera), nolalila kona kumu i hele ole ai, oiai, lua lohe oia ua pau loa na kauaka Hawaii i ka Mai Pake, a me na haole pu i hele i Hawaii.

            Olelo aku la au iaia, ina pela e loaa ana oe i ka mai lepera mai a maua aku, oiai, he mau Hawaii maua.  Olelo mai la ua wahi haole nei, aole hoi o olua ano mai.  Olelo hou aku la au, e pono oe e auau koke a hoomaemae koke la oe ma hope loaa io oe i ka ma'i lepera, a ua akaaka loa kona kokoolua kahi umiumi iaia, a ua manaoio no au, ua maka'u loa no ua wahi haole nei no ko'u hoonuinui aku, a mahope wehewehe pono aku au iaia no ke ano wahahee oia olelo ua nau loa na kanaka Hawaii me na haole i ka Mai Lepera, akahi no paha a pau ko ano makau o kela waui haole.  He kou no ka wahahee o kela mau olelo no Hawaii a me kona lahui, a ma Denewa, ua ike uu makou me Emekona i ka hoolaha a kekahi kauka wahine o Kikako nei e elalo ana, he aneane e pau loa n@ kanaka Hawaii i ka Mai Lepera a me ke Akepau.  A kekahi manawa aku paha kamailio aku au no ia mea a me na ninau i ninau ia mai e kekahi poe o Kikako nei no ia mea.

            I ka hora S mo elima minute, ua haalele makou ia Loko Paakai, a kamoe aku la ke alahele no na Mauna Pohaku, a oiai no hoi ua uhi mai la ka po, aole he ike ia aku o ka aina.  Nolaila, ua hohola ia ae la na n ho o makou e noho ana, e lilo ae la i moe me na paku e uhi ana, a haole aku la hiolani me Niopua, e hoomanao ana no nae no Hawaii aloha.

            E aloha i ko ka hale ou a pau.

                        Me ke aloha nui kou hoaloha.

                                    Stephen L. Desha.

            P.S.  Ua haiolelo maua me Kauhane imua o na kahunapale o ke kulanakauhale o Kikako nei, ma ka olelo nani ou e Hawaii.  Nui ke ohohia a me ka paipai ie, na'u no i pule ka pule hookuu ma ka Pule a ka Haku.

 

NA KALAIWA KAA.

 

            He nui na kalaiwa kaa i hului ia ae no ka halewai i keia mau la o ike ia nei, mamuli o ka lakou hooko pono olo ana i na rula a Kuhina Kalaiaina Kini i hoopuka ae nei.  I keia wa he oi lua aku ka ihiihi o na rula i na kalaiwa ka hoolimalima i kona wa i hala aku la.  Ma kela mau la aku nei, ua hopu ia he mau kalaiwa kaa kikane no ka hoo holo ana i ko lakou mau kaa, a oi aku mamua o ke kanaka hele wawae.  Ua hopu hou ia he mau kalaiwa kaa pio no ke kukulu i ko lakou mau kaa ma kahi aole ia he wahi ku i ae ia no na kaa hoolimalima.

 

HOOPAI IA NO KA LAIBILA.

 

            Ua hoopai ia ma ka Poakolu nei, o W. H. Marshall, ka lunahooponopono o ke Sunday Volcano, ma ke degere ekahi o ka laibila,  he eono mahina hoopaahao no kekahi mau manao e hoehaeha ana ia Alapaki Kauka, ana hoi i hoopuka ai maloko o kana nupepa he au pule i hala ae nei.  Mahope iho o ka hookau ia ana mai o ka Lunakanawai Wilikoki i kana hooopai, ua hoohalahala ak la oia no luna o ka Aha Kaapuui.

 

NA HAWAILMA OMAHA.

 

Ma na lono i loaa mai nei mai ko kahua hoikeike mai o Omaha, aia na Hawaii iloko o ke kulana kupilikii, mamuli o ka leli ana o ke ea malaila.  He nui ka wela e ike ia la malaila, a ma ka Poaloa Sepatemaba 5, lua hiki aku ke ana wela i ko 99 degera.  He nui ua Hawaii i loaa i @ @, o Ben Jones nae ko lakou mea i kuhohonu loa, mamuli oia kumu na hoomaha lakou i ka hoikeike ana ma kekahi ahiahi, aia lakou ke ake la e huli hoi mea no Ha wali nei.

 

            He ahewele nui ke haawi ia ana makalo o Sana Lui i ke@ @ Paolima iho.