Ke Aloha Aina, Volume V, Number 35, 2 September 1899 — Page 6

KE ALOHA AINA, POAONO SEPATEMABA 2, 1899

 

KUAI HOEMI NUI O NA LOLE

MA

KA HEIAU O NA PAIKINI

 

                                    E kuai hoemi ia aku ana na KIHEI HULUHULU o kela a me keia ano ma ka

Poakani ae nei.  Augate 21, 1899.

                                    Na PALULE o na ano like ole o na Kamalii.

                                    Na PAALOLE o na Kamalii me na kumukuai like.

                                    Na EKEIL@ o kela me keia ano.

                                    Na KALIKI o na Wahine me ko lakou mau kumukuai like ole.

                                    Na PAA KAKINI o na Keiki.

                                                MA KA HALEKUAI O KA HUI KUAI LOLE HAWAII,

                                    Alanui Papu, Helu 420.  E hoomaka ana ma keia Poakahi ae, Augate 21, 1899.

                                                                        MOSES PALAU, Luna Nui.

 

 

HE MOOLELO WALOHIA

NO

ALANADELA

 

Ka Wahine Hoopahaohao o ka Aa hu Keokeo

A I OLE

Ka Loea Hookani Pila Hapa o ke Kulu Aumoe.

 

            I ka hookuu ana iho o ua mau powa la i ko lakou mau leo huro, oia no ka wa i poha mai ai ka leo kakana o ko lakou alihikaua nui, i ka pane ana mai me ke ano hookano:

            E na kamahele o ke kulu aumoe, aohe o olua kuleana e ninau mai ai i ka makou wahi e hele nei. oiai, he pio olua na makou i keia wa ano.

            Nolaila, e haawi pio mai ia olua iho i keia wa ano, mamua o ko makou lele kaua ana aku, no ka mea, no olua ponoi keia huakai kauoha a makou i alo mai nei i ke ehuehu malalo hoi o ka hooko kauoha pauaho ole.  O ka lohe ke ola a o ke ku@ ka make.

            I ka hooki ana iho o Bonita i ko na leo, aia hoi, ua poha koke aku la ka leo o ke koa opio Walata i ka ninau ana aku, ma ka wai kauoha i hoouna ia mai ai oukou no ka hopu pio ana ia maua?

            Ma ke kauoha a ko makou haku wahine Magarita, oiai ua ikeia he kipi olua a he komohewa hoi i ko makou kuleana kapu, a o ka uku hoopai o ke kipi he make no ia.

            I keia ike ana ae o Walata, ua pololei keia mau olelo a ke alakai o na powa, elike me kaua i lohe ai i ko lakou wa i maalo ae ai malaila he mau minute mamua iho, oia no ka wa i owaka ae ai kona mau lehelehe, a me ka puuwai e lalapa ia ana e na manao wiwo ole, pane aku la oia:

            Ke hoohiki nei au imua o na lani, aole, aole loa au e haawi aku ia'u i pio malalo o ke kauoha a ko oukou haku wahine, oiai ka hanu ola e kamau ana iloko o'u.

            A ma maluna o ka o@@ na mea kaua e paio ai no ka pono o ko'u ola, ua makaukau loa au e hooko aku.

            A he mea oiaio, iloko no o kela mau sekona, aia hoi, huila koke ae la kana pahikaua iluna o ka lewa no ke kue ana aku i ka hopu pio ana mai o na powa i kona kino.

            A iloko o keia mau sekona, ua poha hou mai la ka leo o Bonita e haawi ana hoi i kan@ mau kauoha no ka hopu a@ @kou mau pio me ka hoohaka@a ole i ka hooho ana mai:

            Ano, e o'u mau kanaka, e omau iho i ka manao koa iloko o ko oukou mau puuwai, a hopu pio aku i kela mau aea h@ka@ no ke ola a me ka make.  E hoolohi i keia no ka hanohano o ka oihana a oukou e paa nei.

            A he oiaio elike me keia kauoha i poha aku la mai na lehelehe aku o Bonita, pela kona mau kanaka i hooko aku ai a iloko o keia mau sekona no, ua le@a aluka mai la lakou maluna o ka kaua mau eueu me ka manao kuhihewa ana, ua hiki oa ia lakou ke hoopahua aku i ka ikaika o ka kaua mau eueu.

            A i keia wa no hoi halawai ae ai ka lakou mau mea kaua i kahi hookahi, me ka hahana nui, a ua hiki hoi ke lohe la ke kani oeoe o ka lakou mau makaki@a no kahi m@mao loa.

            Me ka ikaika oikelakela a me ka @ehia ma ke ana pahikaua, pela ua mau eueu la i nee aku ai imua a luku aku la i ko laua mau enemi me ka weliweli nui.

            E hiolo ana hoi lakou ma o a maanei me he mau lala laau la imua o ke koi a ke kanaka oki wahie.

            No kekahi mau minute wale no keia hakaka nui i malamaia ai, aia hoi, ua pau aku la i ka make he hapanui o na powa, a koe kakaikahi iho la he mau wahi kauna me ko lakou mau aliikoa.

            Aka, aole nae i hoopau ae o Bonita i kona leo hookina e haawi ana i kona mau kanaka no ka hopu pio ana i ko lakou mau enemi, elike me kona makemake, pela kona mau kanaka i lele kaua mai ai me ka nele nae i ka manaolana o ka lanakila.

            I ka hala hope ana ae he hora o keia hoouka kaua weliweli ana, aia hoi, ua pau loa iho la na kanaka o Bonita i ka make, a i ka ike ana ae o ua alihikaua nei, aole oia e lanakila ana maluna o kona mau enemi, oia no kona wa i huli ae ai a kuupau aku la i ka holo o kona lio no loko o ka hihipea o na laau no ka ahai ana i kahi e pakele ai o kona ola.

Aka, aole ane ke koa opio Walata i makemake e kaawale oia mai a laua aku, nolaila, me ka hoohakalia ole iho, haawi ae la oia i kana kauoha i kona hoaloha no ka @hai aua aku mahope o ka laua pio e mahuka la.

            Iloko o ua sekona pokole wale no aia ua mau hololio la ke kuupau la i ka holo o ko laua mau lio mahope o Bonita, a i kela a me keia sekona, aia laua ke hahani aku la mahope aku o ko laua enemi mahuka, aka, aole nae ona alawa mai ihope, oia@ aia oia ke umoki ia i ka holo o k@na lio.

            I ka pili ana aku o ka lio o ke koa opio maka aoao o Bonita, oia no kona wa i uhau aku ai i kana pahikaua ma ua wawae hope o ka lio o kona enemi, a iloko no oia mau minute i hina aku ai ua lio la a walawala pahu aku la hoi kona holo lio no lalo o ka honua he pio nana kamahele o ke kulu aumoe.

 

ELUA LAWE OLA I KA LA HOOKAHI

 

            He wahine Iapana @ona ka inoa o Kio, kai lawe ae i kona ola ma ke kakahiaka Poaha nei ma ka inu ana i kekahi wai laau make, a ma ka hora 10 o@a kakahiaka no i make loa ai oia. He wahine Iapana e noho koke ana malaila kai ike i keia poino o kona hoaloha a me ka hookaulua ole, ua holo aku oia e hoike i kekahi kauka Iapana, aka, ua make e nae keia wahine mamua o ka hiki ana mai o ke kauka.  Aole he maopopo o kona kumu i lawe ai i kona ola.

            Ma ka hora 9 o ia kakahiaka Poaha no, ua lawe ae la o Joe Silva i kona ola ma kona home ma Sana Lui me ka waha o kekahi pu panapana.  He Pukiki oia i kamaaina i na poe apau, a he kuai sa@ano hoi kana hana, a hiki i kona make ana aku ma kekahi wahi r@mi uuku e ku nei ma ke alanui Maunakea kokoke i ka makeke kahiko.  Aole he @oa e ae maloko o ka hale i ke i kona wa i lawe ana i kona ola, aka, o kana wahine makapo wale no me ka maopopo o@ iaia o kana kane ka mea i poino a hiki i ka wa i hoike ia aku ai.  Ua holo mai na poe e noho kokoke ana malaila, a ike iho la ua make koke no o Joe Silva @a o ke kapoo ana o ka poka ma kona poo a ku kona @o@o.  Ua olelo ia ae o kona kumu @ lawe ai i kona ola mamuli no ia o kona uluhua i @ mai e hoomai@ ana maluna o kona kino.  Ua h@@lewa ia aku no ola ia auina la.

 

UA HOLO AKU LA NO EUROPA!!!

A E MALAMA IA ANA

KUAI HOOPAU O NA WAIWAI.

MA KAHIO

L.B. KERR.

ALANUI MOIWAHINE.

 

            O ka L.B. Kerr i kauoha iho ai e kuai ia na WAIWAI a pau ma ke kumukuai hoemi loa i loaa ai he kowa no na WAIWAI HOU e hoea mai ana mai Europa.

            E Hoomaka ana ka hana i keia wa.

            NA LOLE AAHU ME NA WAIHOOLUU LIKE OLE.

            E kuai ia ana me ka hoopakika nui.

 

            NOLAILA, EIA KA WA O KE KUAI MAKEPONO.  E HELE KOKE MAI, A E LILO NO KA WAE MUA IA OE.

 

L.B. KERR.

Honolulu,  Alanui Moiwahine