Ke Aloha Aina, Volume V, Number 35, 2 September 1899 — Page 3

KE ALOHA AINA

POAONO, SEPATEMABA 2, 1899.

 

NA  APANA  AINA  O  OLAA

 

HOOPANEE  IA  KO  LAKOU  KUAI  KUDALA  ANA

 

Mamuli o ka Maopopo Ole o ke Kuleana o ke Aupuni Hawaii.

 

   Ua hoopuka ia ae nei maloko o ka nupepa Hoku o ka Poaono nei, Augate 26, he hoolaha pili aupuni e hoopanee ana i ke kuai kudala ia ana aku o na apana aina hou o Olaa i manao ia ma kka la 2 o Sepatemaba e hoolilo ia aku ana ma ka Hale Hookolikolo o Hilo i ka mea koho kiekie, a hiki i ka la 4 o Novemaba, ina he mana io ko ka Repubalika Hawaii e hana aku ai pela.

   Ua hoomaopopo ia o ke kumu o keia hoopanee ia mamuli no ia o ke kulana maopopo ole o na aina aupuni i keia wa a me ka hoopa i loaa mai nei i ke aupuni Hawaii o ka hoonee mua ana aku i na hana ma Olaa aole loa ia e kulike me ke kanawai.  Ua lilo keia he kumuhana i paio nui ia ma Hilo no kekahi mau la i kaahope ae nei,  O keia hoopanee ia ana aku la, he haawi ana aku ia i manawa e hooponopono ia ai keia kumuhana.  O ka manao o ke aupuni Hawaii no keia kumuhana e hoounaia aku ana i Wasinetona, a na na luna aupuni o Amerika Huipuia e haawi mai i ka lakou olelo hooholo i ke kulaana a me ka ole o ka hoolilo ana aku i keia mau aina.

   He manaoio ko Peresidena Dole a me kona Aka Kuhina, ua uhipu mai ka olelo hooholo a New land a he kueana ko ke aupuni Hawaii e hoolilo aku ai i na aina aupuni.  He mea oiaio, ua kue aku keia i ka manao o ka lehulehu me ke komo mai hoi o ke aupuni kuwaena e kue pu.

   Ua malamaia he halawai no ka noonoo aka i keia kumuhana ma ka Poalima nei, a o na ao ana no ka hoopanee aku, ua hoouna ponoi ia aku ia e Peresidena Dole i ke Keena Aina ma ke kakahiaka Poaono nei.  Ma keia e hoomaopopo ia ai ke kuleaua ole o ke aupuni Hawaii e hoolilo i na aina aupuni o Olaa.

 

   Ua hala aku la no Puna paia ala i ka hala, o J. Kapoe, kekahi o ko makou Luna lawe pepa hoomanawanui.  E ike lihi aku ana paha oia i ke ahi a ka wahine.  Eleu no

   Eia ke pau nui nei i ka holo hoolanalana i ka hotele o Haleiwa, Waialua, kekahi poe olakolako o ke kulanakauhale nei.  Hai ia mai aua ia makou, po ka i ke ehukai ua aiua la.  Nani io no ka hoi.

 

KO  PETIGURU  MANAO  PONOI

 

E  MIHI  LAKOU  E  PONO  AI

 

A e Haawi Aku na na Pilipine e Hoomalu ia Lakou iho.

 

   Ua ike iho makou maloko o ka nupepa kahea o kapalakiko i kekahi mau olelo o Senatoa Petiguru, e hoahewa ana i ka Amerika mau hana pakaha e ike ia nei ma na paemoku Pilipine, aole oia hookaho wale no maluna oia kahua, aka, he nui a lehulehu aku na kanaka naauao malaila i hoopuka ae i keia hana lapuwale a Amerika Huipuia, oiai, aole na Pilipine i pakaha i ka aina o na Amerika, aka, o na Amerika nae keia e hele aku nei i ko lakou wahi e hoao ai e kaili ae i ko lakou aina aloha malalo o ka mana o na mea kaua a me na pualikoa, a o keia hoi na olelo a Periguru i hoopuka ai:

   Kikako, Aug. 15.  He mea pono i keia aupuni ke kahea koke aku i na koa a pau maloko o Pilipine, me ka mihi aku i ke ao holookoa no ka hewa a kakou i hana ai, alaila, e hoohuli aku i na paemoku i aupuni nona kupa.

   O Senatoa R. F. Petiguru o Dakota Hema, i hoea mai la i Kikako, ma kona alahele no ka Hikina, mai kona home ma Sioux Falls, na haawi oia i keia mau olelo ae la ma ke ano o kkona manao ponoi ia, o ke alahele hanohano wale no hoi ia no keia aupuni e alualu ai ma ka Orient.  Ua olelo hou ae o Senatoa Petiguru.

   “O keia kakua naauao e kamailio ia nei, he hoopunipuni wale no ia.  Ua hiki i na kakaka a pau ke malama i ke aupuni elike ka maikai8 elike me ka pono i loaa ia lakou, a aole hoi e hiki ia oe ke haawi aku i mea i oi ae ka maikai.”

 

MOKU  LAWE  HOLOHOLONA  SIAM.

 

   Ma keia awakea Poalua i hoea mai ai ka moku lawe holoholona Siam he 91/2 la holo mai Kapalakiko mai.  E lawe ana oia he 328 hoki me 47 lio no Manila.  a maluna ona i loaa mai nei na lono na hala la aku la no ka moku lawekoa Sidane no Nagasaki me ke kipa ole mai maanei, a me he mea la pela aku ana no me ke St. Paul me ka puali Kaua Lio Ekolu, a o ka Puebla, Relief a me ka Leelanaw na moku i manao ia e kipa mai ana maanei ma ko lakou alahele no Manila.

 

   He mau hoouaueue olai kai ikeia ma Hilo a me Olaa ma kela po Poaha aku nei.

 

E  HOPU  PIO  IA  AGUINALDO

 

AOLE  E  HAAWI  IA  AKU  ANA  I  WA  HOOMAUA.

 

He 60.000 ka Nui o na Koa Amerika e Hooko Aku Ana ia Hana.

 

Nu Ioka, Aug. 22.  He lono kuikawa kai loaa mai nei i ka nupepa Honua mai ka Holtele Champlain, e olelo ana:  Ma o ka oluolu o kekahi luna kiekie o ka aha, ua loaa mai i ka mea kakou o ka Honua keia mau olelo i kukaia i keia la e Peresidena Makinile, Hope Peresidena Hobart, Kuhina Kaua Root a me Loio Kuhina Greiggs.  O ke keehina mua o ka hapa no ka nee ana aku ia e hopu pioia Aguinaldol.

   Ua haawi ia aku na ao ana io Kenerala Otis, aole e hoonele i ka hoohuli ana i na pohaku a hiki i ka hoea ana mai i ka hopena.  E hoomau aku ana no o Otis i ka hoomalu ana i na pualikoa ma Pilipine.

   E aneane ana ma kahi o  70,000 e hoohana ia aku ana ma ka Hikina mamua o ka la 1 o Novemaba maluna aku o 60,000 koa e hoea aku ana ilalo ma ia wa.

   Aole e ae ia aku na kuka maluhia mai ia Aguinaldo, a i ole i koua mau noa, koe wale no ma ka haawi pio koke ana mai i ka mana o Amerika Huipuia.

   Wasinetona, Augate 23.  O ke keena hoolako o ka oihana kaua, e hana nei ma na ano a pau no ka hoouna aku i na pualikoa no Pilipine, ua hoomakaukau iho la i keia mau hoike maluna oia kumuhana.

   O na moku e lawe ana i na regimana mua he umi no Manila, e hoea aku ana ilaila ma ka la 1 o Novemaba;  Warren, Puebla, Columbia Charles Nelson, Sherman, Belgian King, Hancock, Grant, Tacoma, Sneridan, Glenogle, Penesilevania, Valencia a me Zealandia.

   O na tegimana he umi i koe iho, a e hoea aku ana ilaila ma ka mahina o Dekemaba, e lawe ia ana lakou e ka Para, Tartar, Ohio, Newport, Indiana, Morgan City, Senator Sidane, St. Paul, Puehia mai Kapalakiko: a o Toomas Logan a me Meade mai Nu Ioka.

 

NO  KE  KILANA  I  MAU  LIMAHANA  ITALIA.

 

   E haalele iho ana ma ka Rio Janeiro o ka Poakahi ae nei, o Kuhina Damon no Wasinetona a mailaila akku no Italia.  O ka manao nui o keia huakai a ke Khina Waiwai no ka hoao ana no ia e lawe mai i ua limahana Italia i keia mau paemoku e hana ai maloko o na mahiko.  E hala ana iaia he mau mahina ma keia huakai.

 

Nuhou  Kuwaho.

 

   Maluna o ka mokuahi Auseteralia i loaa mai ai ia makou he niau huuahona o na aina wainao a no ka pomaikai o ko makou mau makamaka heluhelu ke hoopuka aku nei makou me ka awiwi nui, penei:

 

HOOUKA  IA  HE  KAUA  MAWAENA  O  NA  IAPANA  ME  NA  FORMOSA.

 

   Vitoria, B. C., Aug. 22.   He mau lono kai loaa mai nei i anei i keia ahiahi mai ka mokuahi Kinshiu Maru i haalele aku ia Iokohama ma ka la 9 o Augate, e olelo ana, ua malamaia ae he hakaka mawaena o na koa Formosa e huli hoi mai ana mai Arping mai a me na Iapana o ka pa kaua ma Keelung.

   He hoike kai loaa aku i ka nupepa Iapana Advertiser, e olelo ana, he mau hora lehulehu ka hakaka ana o na koa a he nui na koko i hookahe ia.  O na lono pololei o ka hoouka kaua, aole i loaa mai, aka, ua hoike mai ka mea kakau, he umi Iapana a me kanakolu kumamakahi Formosa i make.  He kanaono hale no na kanaka Formosa i hoohioloia.

 

AIA  KE  LIULIU  LA  NO  KA  HOOHIWAHIWA  ANA.

 

   Kapalakiko, Aug. 19.  O ka moku iawekoa Sherman me na pualikoa Kaleponi maluna ona, ua manaoia e hoea mai ana lakou i ka la 24 o Augate.  Eia ke liuliu nei na kanaka no ko lakou hoea mai.  Ke pii mau ae nei ka waihona i hoahuia no ka hoohauoli ana aku ia lakou. Ua haawi makena aku ka hui alahao Makeke he $15,000.

 

POHA  KA  MA’I  BUBONIC  MA  POTUGALA.

 

   Madarida, Aug. 19.  Ua hoike ia ae ua laweia mai ka ma’i laku bubonic i Oport, Potugala e kekahi moku i piha me ka raiki mai Inia mai, a he 46 ka nui o na ma’i i hoike ia ae.  O na kauka Sepania ma Oporto, ua telegarapa mai nei, aia ke emi iho la ka pahola nui ana o ka ma’i.

 

MAKAUKAU  O  ENELANI  NO KE  KAUA

 

   Durban, Natal, Aug. 24.   O na kanaka no ka papa ekahi o na koa kokua Beritania e noho ana maanei, ua kauoha ia aku la lakou o noho makauaku no ke komo ana iloko o ko lakou mau regimana.

   Southampton, Enelani Aug. 24.  O ka mokuahi Beritania Arundel Oaetel, ua haalele iho la ola i keia awa i keia la me kanakolu aliikoa a me 770 koa, a holo aku la no Cape Town.

 

            KE  KEIKIALII  HENERI

 

   Ladana, Aug. 21.   O ke Keikialii Heneri o Perusia, e noho hoomalu la i na aumokukaua o Geremania ma Asia, e kipa ae aua oia ma Kapalakike, elike me ka hoike i luna i ka mea kakau o ko Dai@  MaiL maluna no o kona moku lawehao mahope o koua haalole aua aku ia Kina.  Me he uiea la, wahi ana i hoike hou mai ai, e holo loa akku ana oia e ike ia Peresidena Makinile ma Wasinetona, i hoouna aku he kono iaia.

   Ina he oiaio keia mau lona, ua manao wale ia e kina mai ana oia ma keia mau kapakai.

 

MAU  TAUSANI  I  MAKE  I  KA  WI

 

   Ladana. Aug, 21.  Ua loaa mai nei i ke Church Missionary Society he hoike e olelo ana he 40,000 kanaka i make i ka wi ma ke kapakai hikina o Aferika.

 

            UA  HALA !   UA  HALA !

 

   E oluolu mai kou ahonui e hookomo iho ma kahi kaawale o kou mau kolamu i ke a wahi hunahuna materia o Kona, ua hala i ka Polikua a Kanehunamoku, he pua, a te pouhana o ke aloha aina poino ole, a he lala no ka hui aloha aina o Houaloa, Kona Akau, oia hoi o J. P. Mioi.

   Ua hale oia ma kela aoao mau o ka honua ma ka’a 24 o Iulai, 1899.  Ua hanau ia oia ma Keahuolu, Kona Akau, ma ka la 24 Augate 1834.  Nolaila, ua piha iaia na makahiki he 65 a me hookahi mahina kou o ka hapu ana ana i na ea huihui o keia ola ana, ile kanaka puuwai hamama, he heahea, hooki pai na malihini ma kona home, a he kanaka hoopono ma kuna lawelawe hana ana me ke paewaewa ole.  A moe wale aku la oia i ka opu o ka honua  a ua waiho iho oia ma keia ao he wahine kanemake a me no keiki makua ole ekolu e ola nei a me kona mau pokii kaikaina.  He makaaoi mau oia i kana mau hana ponoi, oia hoi ka lawaia, mahui a me kekahi mau hana e ae.  Nolaila, aia maluna o ka wahine kanemake a me na keiki i hoonele ia i ka makua ole, ke kaumaha luuluu e noho nei.  Ma Kahnini kona home aloha a hala wale aku la oia ma kela ao iloko o ka hoomailo ana a ka ma’i ma kona kii o aloha.

   Ke pahola aku nei au i keia wahi hoomanao maloko9 o kou kino lahilahi.  Nolaila, ke waiho aku nei au i ko’u hoomaikai, inua o na lani a me na keiki ulele hua metala ko’u pau ole.

                                    PAULO  MIOI

Kanului,  Mauil

 

KA  HALEPULE  KATOLIKA  O  KALIHI- WAENA

 

   No ke kokoke loa o ka la e komo ai keia halepule hou, oia ka la 17 o Sepatemake, ko kakea hou nei o Roy, Makua Kelemouake i na hoa hauau a pau loa oia halepule, a me ko lakou meu hoalohapu kekahi e akoakoa ma keia Dominika ae .  Augate 27, hora 3 auina ia, ma kahi no o ka halepule i mea e kukakuka ai no ka halepule a me kona la e komo ai.  E hele mai a pau loa aole mei hiki ke noho.