Ke Aloha Aina, Volume V, Number 34, 26 August 1899 — Page 8

KE ALOHA AINA

POAONO, AUGATE 26, 1899

8

HE  MOOLELO  WALOHIA

-:NO KA:-

UI  SOPAEA.

ILOKO  O  KA  HANOHANO

-:A ME:-

TOME  BAKALA

Ka Ilihune.

Hooohenoia no KE ALOHA AINA

  O ka poha koke ana ae o ka lono no ka hopu pio ia ana o ka poe nana e hoala nei i ka haunaele iloko o ke kulanakauhale, ka mea nana i kono mai i ka manao o kekahi poe i manao e komo a e kokua pu i keia hana, e hoopau loa i ko lakou mau manao e hookahuli i ka noho moi o ko lakou alii opio.

  A me na manao maikai o ka poe i loaa na hoahewa ana iloko o ko lakou mau lunaikehala, hele mai la lakou e hooiaio imua o ka moi, ua lawelawe a hana maoli kona Aha Kuhina i ka hewa kipi iaia, a eia lakou ke alakai ia nei malalo o ka mana o na mea kaua, e ka alihikaua ana i hoopau ai.

  O ka loaa ana mai la o keia mau hoike kupono i ka moi na kona Aha Kuhina ponoi no e hoala nei i keia hana, a aia hoi na lako kaua o ke aupuni malalo o ke kanaka ana i hoopua ai, ua kauoha koke ia ae ia ka oihana makai e holo aku me ka awiwi, no ka hopu pio ana i na mea a pau e loaa aku ana ia lakou.

  O keia kauoha ua hookoia ia iloko o ka manawa pokole, a oiai hoi, aole i hoikeia aku he mau hoailona i hi ai i ke alakai o na kipi ke makaala nona iho, ua nanea pu lakou a pau, a hiki wale no i ko lakou hopu ia ana iloko o ka lima o ua kanka o ke aupuni.

  Ua hului pau ia mai lakou a he hookahi ka noho pu ano me ko lakou mau hoaloha iloko o ka rumi hoopaahao hookahi, kahi hoi a ka moi e hoike aku ai i kana olelo hope, e hoea kino mai ana oia i kekahi kakahiaka no ka hoike ana aku i kona manao imua o ka poe i nonoi mai iaia no ka huikala ia aku.

  A ma keia wa no hoi i haalele aku ai ka moi a me kona hoaloha opio na paia o ka hale paahao, a huli hoi pololei aku la no loko o ka pa alii, me ka piho o ko ka moi na au i ka hauoli a me ka mahalo pu hoi no keia mau hana wiwo ole i hana ia e kona hoaloha, ka mea hoi i hiki ole i kekahi mea kino uhane ke a@ aku e komo iloko o kahi o ka make i hoomakaukau mua.

  Ua lilo keia mau hora o ka wanaao i wa hiki ole i na lihilihi maka o ua mau opio la ke upoi iho, a i hooi loa ia aku hoi paha kekahi mamuli o ka hoea ana mai o ke Kuhina Nui, kekahi hoi o ko la ua mau ho@ha ponoi.

  I ka wehe ana mai o ke alaula o ke ao, ua ikeia aku la lakou a ekolu e kau ana maluna o na lio no ka hoohala manawa ana, a no ka hoolanalana hoi i na ua koko o ko lakou mau kino, a ua hoea loa aku ka lakou huakai no kahi o ka hakaka i malama ia ma ka po mamua iho.

  I ka wa i ikemaka ai o ka moi a me kona kokoolua i na kino kanaka e mokaki ana iluna a papahele, ua hoopii ia ae la ke anu maeele o ka weliweli iloko o ko laua mau houpo mamuli o ko laua ike ana aku, e lana ana kekahi mau kino make iloko o ka auwai koko e like me ka lana ana o kekahi mea kino iloko o ka wai maoli.

  Aia na hilihili koko e kaka-u ana ma ka paia o ua rumi la, e hoike mai ana i ka manaonao o na hana i lawelawe ia maloko o na paia o ua hale la, ke mea hoi i hiki ole i ka ikaika o ko laua lima ke hoohana, ina laua i komo a hoao e hana elike me ka ko laua hoaloha i hana ai,

  A oia hoi laua i huli like mai ai a pane mai la i keia mau huaolelo o ka mahalo a me ka hoomaikai pu ana mai hoi, i ka i ana mai penei:

  Ke haawi aku nei maua i na hoomaikai ana he nui maluna ou, mamuli o kau mau hana koa a ku hoi i ka wiwo ole, ma o kou komo hookahi ana iloko o keia hale, e kinai i na hana kipi a na poe omokoko, i manao hoi e hooko i ko lakou mau iini kuhihewa maluna ou a me kou mau hoaloha nei, ka mea hoi a maua e olelo ae nei, aole loa e hiki ia maua ke hana pela.

  Ua lilo ae la keia he mea no lakou a ekolu e hauoli like ai, a oia no hoi ka wa i haawi ia ae ai o ke kauoha mai ka moi aku, no ka lawe ia aku o na kino make e kanu mai kahi aku a lakou e waiho ana.

  Ua lilo keia hana, i hoike e weliweli ai ka poe hoohaunaele, a mahu ka aku la kekahi poe o lakou no na aina e, no ka hoopakele ana i ko lakou mau ola mai ka poholima aku a ka opio.

  I ka puka ana mai o ka ia a maholahola pono ae la kona mau kukuna ma ua kulanakauhale la a ka nani i noho ai, ua ike ia aku la ua mau hoaloha opio la e kamoe hou ana no ka halepaahao, kahi hoi a ka moi i hoopaa aku ai i kana aelike me na paaho, no kana me e hana aku ai maluna o lakou.

  Ua lele mai la lakou a ekolu mai luna mai o hokua o ko lakou mau lio, a hele aku la noloko o ka rumi nui o ka halepaahao, kahi hoi a ka moi i makemake ai e huipu me lakou, a e haawi aku hoi kana ao hope ana ia lakou, no ka lakou hana pono e hana ai ma ia hope aku.

  I ka akoakoa ana mai o na pio oia koke no ka wa a ka moi i pane aku ai me keia mau huaolelo ano nui e naka ai ko lakou mau kino no ka piha i ka maka’u.

  Ano, ke ike nei au, o ka hapanui o oukou a pau imua o kuu alo, he poe wale no na’u i hookau aku i ka hanohano maluna o oukou pakahi, ka poe hoi a’u i hilinai nui ai i na maka hiki i kaahope ae nei, a pela no hoi i keia mau la e naue nei, ma ke ano he mau hoaloha maikai oukou no’u no ka wa pau ole.

  Aka, i keia sekona a’u e kamailio aku nei imua o oukou, he mau enemi oukou no’u ma ke kino, ma ka manao, a ma ka hana pu hoi, a oiai hoi ua haawi aku au i ko oukou oia iloko o ka lima o ko oukou alihikaua nui e ku nei ma kuu aoao, ka mea a’u i hookohu aku ai i poo no ka oihana kaua, ino olelo oia e li ia oukou i keia wa ano, aole loa e hiki i kekahi mea ke kue ikona makemake.

  A ma loaa iaia ke aloha no ka hookuu lanakila ana aku ia oukou, ua loaa aiai ka mana e hana pela, me ke keakea ole ia, oiai, ua hoopau loa aku au i ke kuka pu ana me ka Ahakuka o ko’u aupuni, ka poe i komo pu aku iloko o na hana kipi, me ka manao e hoolilo ka’u mau hana maikai i haawi aku ai maluna o lakou, i mau mea ino i ko lakou manao, o keia ko’u manaoio, wahi a ka moi i pane aku ai.

  I ka hooki ana iho o ka moi i kana kamailio ana, aia hoi, ua ike ia aku la na hiona maka o kela a me keia e kaulona mai ana maluna o ke kino kukilakila o ka opio o na  Hilana o Wale, oiai oia e ku malie ana me ka oni ole, oia no oe me he aalii kumakani la ke konekonea i ka nana aku.

  A oiai, aole hookahi leo lohe ia, a e noho hamau ana kela a me keia no ka hoolono ana ina paha he mea e ae kekahi mawaho o ka moi no ka hoike ana mai i kekahi manao e hoohoihoi ai i ko lakou naau kaumaha a pilihua.

  Aka, elike no me la nele i ka wa mua, pela no hoi i keia wa, a no ia mea i huli uou mai ai ka moi me kona puuwai hamama, i hele a pepe i ka wai o Niulii, i ka i ana mai.

  Ua hoike mua ae nei ma ko’u ano no makua no ka lahuikanaka, aohe o’u mana e hoopakele ai i ka poe uhai kanawai, oiai, ua haawi aku ua i ke kuleana oia hana maluna o keia kanaka opio a oukou i hoowahawaha ai, a nana ponoi no e hoike mai i ko lakou hoopai, ina, no ka make a ola paha, elike me ka mea ana i ike ai, oia ka pono e hoopilikia ole ai i ke aupuni.

  A malia piha, o loaa no iaia he mau noonoo maikai a ku i ke aloha iloko ona, aia  no ia me ia, aole me a’u, o ka kakou wale no e kali nei, o ka poha mai o kona leo, aia ilaila ko kakou hauoli like.

  I ka hoomalia hou ana iho o ka moi i kana ka’u ailio ana, aia hoi aa ike ia aku la ko ka opio hoihoi ana iho i kana pahikaua iloko o kona wahi, a poha mai la kona leo i ka i ana mai:

   Ua loaa ia’u ka hilinai nui ia e ka moi, ma o kona haawi kaokoa ana mai i ka mana no oukou  e o’u mau hoaloha o ka makakila, ka poe hoi i ku mai e pale no ko oukou mau oia iho.

  Ua hala aku la na sekona o ka inaina, ua moe aku la na minute o ka ikaika, a eia kakou a pau malako o keia hale me na manao maikai ua nalo ka huhu a me ka hoopalaimaka.

  Ano, malalo o ka mana i loaa ia’u ke hookuu aku nei au ia oukou a pau na pio i haapaaia mai no ke kue i ko lakou moi, a oia hoi ka’u e kauleo hou aku nei, mai hoao hou oukou e hoala, kukulu, a hapai kue i ko oukou alii, o hooi ia aku ko oukou poino mamua o keia.

  I ka wa i wawalo ae ai na leo no ka hookuu, aia hoi, ua lilo no paia oloko o ua halepaahao la me he hale ia e malamaia ana kekahi aha hulahula lealea, ka pakulu a me ka paia pu o ka lewa i na leo hauoli e wawalo ana.

  Ua hoopuni ia ae la ka moi a ma kona mau hoaloha elua, me ka panai pu ana mai i na leo mahalo he nui maluna o lakou nei, a pela pu hoi me na makaainana e ku pohai aku nei mawaho o ka halepaahao.

  A i keia wa no hoi lakou e ekolu i haalele iho ai i na paia o ka halepaahao, a kau ae la maluna o ko lakou mau lio pakahi, a huli hoi pololei aku la no loko o ka paalii, me na manaolanu hauoli.

  A elike me ka ikaika a me ka maamaalea e ka opio ma na hana hoohalua, ua lawe mau aku oia i me kona Kuhina nui ma kela wahi keia wahi a kona mau maka noii e hoohuoi ai, aole mea e hala ai.

  I ka puni ana o ka makahiki o kona noho pu ana me ka @oi, ua ulu hou ae la ka manao iloko ona e haalele iho i na kaiaulu o ke kulanakauhale o Ladana, kahi hoi ana i kuupau ai i kana hana ike, nana i hookau aku i ka weliweli maluna o na mea a pau, a iloko nae o ko ka moi nanea a palaka, me kona hawanawana mua ole ia aku e, ua kokoke mai ka wa e wehe ai ka pili hoo-koo a na hoaloha ekolu.

 

   Ua bapetizo ia ae maloko o ka luakini Katolika Roma ke keiki a Mr. a me Mrs. Fortiu, ka Hope Kanikela Farani, na ka auina La Pule nei, a ua nui na poe kulana kiekie o ka lahui i hoea ae malaila.

  Maloko o ka haukipila Moiwahine i hookuu mai ai i keia ola ana o Lydia Kanohopono Panee, mahope hoi o ka hoomailo loihi ana a ka mai, ma ka auina la Poaha nei, a ua nalo aku oia keia auina la Poalima ma ka ilina o Kawaiahao.

 

OLELO  HOOLAHA.

  Ma keia la 21 o Augate M.H. 1899, ua hoonoho aku au ia Mr. G.H. Holt i hope no’u, no ka malama ana i ka aina o ka Moiwahine  Liliuokalani, oia na aiana o Waiomao a me Pukele, ma Palolo, o G.H. Holt wale no ka mea mana no ka malama ana i ka aina.  O na luna mua, ua hoopau loa la lakou, aohe kuleana e kii ai a hopuhopu i na holoholona oluna o ka aina, ke ole e hai mua aku i ko’u hope oia o G.H. Holt.  O ka mea a mau mea paha e kue ana i ka pono o na aina i hai ia maluna, he mana i ko’u hope ke hoopii ma ke kanawai.

  W.C. AKANA.

Luna Malama Aina.

aug. 21    1m.

 

OLELO HOOLAHA.

  Ke Papa ia aku nei na ano lahui a pau, aole e hele wale maluna o ka aina o Waiomao a me Pukele, e waiho la ma ke awaawa o Palolo, ua kapu loa ke kikipu ana, no ka poino o na holoholona e hele la maluna o ka aina, a ua kapu loa ke kii i na mea ulu oluna o ka aina, ke ole e loaa mai ka palapala ae ia e komo iluna o ka aina,  Ina o ka mea a mau mea e kue ana i keia hoolaha e hoopii ia no ma ke kanawai.

W.C. AKANA.

Luna Malama Aina.

Honolulu, Aug. 17, 1899.

 

OLELO HOOLAHA.

  Ke kauoha ia aku nei na poe mea holoholona a pau e hookuu wale nei i na holoholona e holo nei maluna o ka aina o Kelii ka Moiewahine Liliuokalani, oia o Waiomao a me Pukele, ma ke awaawa o Palolo, e hoike mai i ka nui o ko lakou mau holoholona iloko o na la he Umi (10) a i na e hala na la i olelo ia, he mana ia’u a me ko’u hope ke hopu a hoopaa ma ka Pa Aupuni no ke komo hewa.

W.C. AKANA, KALAUKI.

Luna Malama Aina.

 

UA  LOAA  MAI,  HE HELUNA

O NA

Pena a me na Aila Pena,

                                                              Na Hulu Pena

                                                                 Na Kapuahi Aila,

                                                                     Na Kapuahi Eisher

( ua hoemiia ke kumukuai )

Na Palau na ano apau,

                                          Na Lako Mahiai,

                                             Ho, Oo, Koplala, Kipikua,

                                                Na Bakeke o na like ole,

                                                    Na Ipuhao, Ipu Ti

                                                         Na Lako Aniani,

E loaa mai ana he mau waiwai hou maluma o ka mokuahi Auseteralia.  Nolaila, e kipa mai, a e wae no oukou iho he emi loa ka makou mau kumukuai.

Hawaiian Hardware Co., Ld

(HUI LAKO HAO HAWAII,   I   KAUPALENAIA)

          Alanui Papu, ma o ka Banako o Spreckles.            tf

 

BAIKIKALA HOU “BEEBE”

-NO KE-

$30.00

Kaa Kane a me Wahine

-MA KA-

Honolulu Cyclery   O

Bailey.

HELU 281,    ALANUI MOI.

Na Milwauk@o Puncture Proof

Tires @ie e hiki i ua kui Kiawe ko kumu iloko o lakou.

Hoomaenae ana i na Kaa Baiki

ka a poino a pau.

He heluna nui o na lako hoomao mea maloko ona i loaa ole ma na Paemoku Hawaii.