Ke Aloha Aina, Volume V, Number 34, 26 August 1899 — Page 7

KE ALOHA AINA

 

HE KAAU KAILI PUUWAI -: NO KA:- ʻUI MINEWA-: A ME NA: - Kaikunane Eiwa

I Hooliloia i mau Manu Nene Ahiu a i ole na Keiki i Hoehaehaia

Kakauia no KE ALOHA AINA

            A me ka leo o ka mea i hoopiha ia me ka inaina makewelawela poha aku la kona leo i ka i ana aku;

            E ke kanaka nui puipui, e hookau aku no au i uku panai kupono nou i keia wa ana, no kau mau hana lapuwale i hookau mai ai maluna o koʻu hoaloha.  Nolaila, e pale i kou ola iho i keia wa me ka hakalia ole.

            I keia mau minute no i halawai ae ai ka pahi a ka kaua koa opio me kona enemi a lele liilii ae la na huna ahi mailoko mai o ka laua mau pahikaua e paa ana, a aia hoi laua ke ikeia aku la ka uhau, ke pale ka alo, a ke hoao la hoi ma na ano a pau, e lanakila ai kekahi maluna o kekahi.

            Aka, iloko nae o ka manawa a ke kanaka nui puipui i mahui mua ole ai ua kokoke mai kona hopena oia no ka wa i haawi aku ai ke koa Boliona i kekahi kiina pahi noeau loa, a ika wa i pale ae ai ua kanaka la me ka manao ana e hala ae ana ia puu make, ua kamumu aku la ka pahi a ke koa opio iloko o kana unauna a walawala pahu aku la oia no lalo o ka honua.

            I keia wa no i haule pahu aku ai o ka weli o ka home o ka elemakule puuwai lokoino, oia no ka wa o na kauwa i auhee aku ai no waho o ke ana, me ka hoooho ana ae.

            He mea makehewa loa no kakou ka hoao ana aku e paio me kela kanaka opio maloko o ke ana.  Aka e kali malie no kona wa e oili mai ai iwaho nei.

            I ke auhee ana aku o kona mau enemi, aola o Boliona i uhai aku mahope o lakou, aka, ua huli koke aela a hapai ae la i ke poo o kona hoaloha Sinora a me ka leo kaumaha pane iho ia oia.

            "E Sinora, e Sinora e hoike mai, ua kukonukonu loa anei na palapu i loohia ia oe."

            A me na nanai@a i piha me ka ehaeha, a me na waimaka hoi e hiolo ana, i haliu ae ai na maka aloha o ka elemakule i kona hoaloha opio a puaa ae la e ka leo nawaliwali.

            Aole au e ike hou ana i ka wela o ka la o ka la apopo, no ka mea, ke ike nei au ua hoonawaliwali la au mai ka make pahi mai o koʻu enemi, aka, ua hauoli nae au i ka loaa ana ia oe o ka lanakila maluna ona.

            Ma keia wahi i hoomaha iki iho ai oia a lohe ia aku la kona leo i ha pae hou ana mai me ka walohia:

            E kuu hoaloha opioi, e haalele iho i keia mokupuni i piha me ka ehaeha, no ka mea, aole loa olua e palekana ke noho hou maanei, aka, e kau aku maluna o kuu wahi waapa i lunaia maloko o kekahi ana, ma ka aoao hikina o ka mokupuni, a o ko olua alahele wale no ia e pakele ai.

            E aloha aku i kuu Minewa, no ka mea, aole au e ike hou aku ana iaia, aka e ukali mau aku ana no koʻu uhane ma ko olua wahi a pau e hele ai.  A nou hoi ka hooilina pau ole o koʻu aloha.

            I ka pau ana o keia mau huaolelo a Sinora, oia koke no ka wa i mauliawa ae ai o kona aho, a lele loa aku la kona hanu me ka pau loa ana ae o ka pana o kona puuwai, a make loa iho la oia.  Aloha no.

            Na keia mau hiohiona walohia i hoopaila mai i ko Boliona puuwai me ka ehaeha, no kona hoaloha  aoo, a me ka leo i piha me ke kaumaha a me na waimaka hoi e hiola makawalu mai ana, puana ae la oia.

            O, e kuu hoaloha Sinora, ina no paha oe i hoala mua ae nei iaʻu, aole no oe e poino, aka ua hala nae ka wa pono a ua hoea mai ka hopena o na mea a pau.  Nolaila, e hoi aku ana oe no lalo oka lepo kahi hoi o na mea a pau e hoomaha ai no ka wa pau ole a me kela ao e hui hou ai kaua.

            Me keia mau wahi huaolelo pokole iaiau iho la oia i ke kino paunuanu o kona hoaloha aoo a hoihoi aku la no loko o ke ana, kahi hoi a kona mau hoaloha i hala mua aku i ka make e waiho ana, a ma kekahi kuono i elieli iho ai oia oe wahi lua me ka maka o kana pahikaua a waiho aku i ke kino make o kona hoaloha, a me na huapule pokole mai kona lehelehe mai, uhi iho la oia i ka lepo mauna o kona hoaloha, a hookuu aku la hoi iaia e moe kau a  a hooilo.

            I ka nalo ana aku o ka elemakule Sinora, oia koke no ka wa o ke ikoa opio i huli ae ai a hoi hou aku la no kahi a kana aloha e waiho ana.

            Ma ka aoao o Minewa i kukuli iho ai ke koa opio a hapapa aku la i ka pana o ka puuwai o kaua aloha, a ua hoohauoli ia hoi oia i ka ike ana iho he mau ka maikai o ka pana  A i ka hala hope ana ae he mau minute aia hoi, ua hoohikilele ia ae la oia i ka ike ana iho i ka oni ana ae o ke poo e ua Minewa la.

            A i ka hala ana o kekahi mau minute loihi o ka haka pono ana o na maka o Boliona maluna o kana ipo me ka uluhua no kona puono koke ole mai, aia hoi ua he piha ia maila kona puuwai me ka hauoli nui i ka ike ana aku malalo hoi o ka hoomalamalama aina a ka lama ahi a na enemi i haulele iho ai i ka owaka ae o na lihilihi maka o ka wahie opio me ke kaakaa pu ana ae hoi o kona mau maka.

            No kekahi mau sakona kona nana pono ana ae i ua helehelena o kana aloha, a i kona hoomaopopo ana ae o Boliona no ia ua ikeia aku la koua mau waimaka i ka puapuai mai mailoko mai o kona mau lihilihi, a me na lima nawaliwali i piha me ka hauoli no ko laua hoohui hou ia ana, hoomohala ae la oia me ke apo ana ae ma ka ai o kana Boliona, a huki iho la no ka haawi ana iho i mau muki aloha ma kona mau papaina.

            He mea oiaio, aole i kue ae o Boliona i na makemake o kaua Minewa, aka ua kulou koke iho la oia a haawi aku la i na honi hoomau ana me na waimaka pu hoi e kiheahea ana ma kona papalina.

            A mahope o ka malamaia ana o na kuwili aloha ana mawaena o laua no kekahi manawa loihi, me ka elemu ole aku o kahi i kahi, aia hoi, ua ikeia aku la ka Ui Minewa i ka owaka ana ae o kona mau lehelehe a me ka leo nawaliwali ninau mai la oia ika i ana mai.

            E kuu aloha e hoike mai, eia la kaua ihea?  Aia hoi ihea kuu hoaloha aoo?  E pane mai ua ike anei oe iaia?

            E kuu Minewa, he mea ehaeha noʻu ka hoike ana aku ia oe o keia wahi a kaua e noho nei, he alahele huna ia i puka mailoko mai o ka heana o na poe make aka, o ke alahele wale no nae keia e loaa ai ia kaua ka maha, no ka mea, aia ko laua mau enemi mawaho kahi i hoomoana ai me ke kali ana o ko laua hoea hou aku.

            No kou hoaloha aoo wahi a Boliona i hoomau aku ai, ua hoi aku oia no lalo oka opu o ka honua, a aʻa hoi oia ke hooluolu la ma kahi he mau anana wale lno ke kaawale mai keia wahi aku.

            No kou hoalaloha aoo wahi a Boliona i hoomau aku ai ua hoi aku oia no lalo oka opu o ka honua, a aʻa hoi oia ke hooluolu la ma kahi he mau anana wale no ke kaawale mai keia wahi aku.

            Na ia mau huaolelo i pae aku la mai na lehelehe aku o Boliona i hoohanini mai i na waimaka o ke aloha ma na papalina o Minewa no kona hoaloha i alo pu mai ai mai ka inaina mai o ka elemakule lokoino.

            Aka, aole nae i hookuu aku ke koa opio i kana aloha e noho loihi malaila, oiai na manao hopohopo e lauwili ana iloko on a no kona mau enemi, a nolaila,  me ka hookaulua ole iho, ua pane aku la oia

            Ua hiki anei ia oe ko haalele iho i keia wahi e kuu aloha, no ka mea, ke halialia wale mai nei no iaʻu aole kaua e palekanu ke ho@lolohi loa maanei.

            Aia na põe o Kapalakiko ke liuliu la no ka haawi ana i kekahi la hoohiwahiwa nui i ka wa e hoea aku ai o na koa Kaleponi maluna o ka moku lawekoa Sher@@@ i manao ia e hoea au ana ilaila i keia mau la iho la.

 

EGAN DRY GOODS COMPANY. ALANUIPAPU.  HE KUAI KUIKAWA NUI NO KEIA PULE

Puliki Wahine 10, 15 me 20 Ken.  Kakini Eleele paa loa, 3 paa 50 Ken.  Pale Ili Nani o na Kane 75 Keneta.  Kakini Eleele paa loa 10 keneta 1 paa  EGAN DRY GOODS CO. HONOLULU.  ALANUI PAPU.

 

HOIKE KULA SABATI MAI KILAUEA A HIKI I KAPAʻA.

            Ua malama ia ka hoike hui o na Ahahui Opiopio Imi Pono Kristiana mai Kilauea a hiki i Kapaa nei maloko o ka luakini o Moikeha, ma ka la 13 o Augate, M. H. 1899.  Hoomaka ia na hana me ka himeni hui H. A. N. 128 a me pule a Rev. Z. M. Naehumakua.

Himeni Hui H. A. N. 110.

            Malama ia ka lulu o na Ahahui mai Kilauea a hiki i Kapaa.

            Kilauea……………….$   1.00

            Koolau……………… $    4.25

            Kapaa………………. .$  12.50

            Anahola………………$   3.00

            Na Makaikai………… $   1.70

 

               Huina i luluia……….$ 22.45

 

            Himeni Hui H. A. N.  73.

            Hoike o ke Kula o Koolau, a nona na haumana he kanahakumamaha, a o ka manawa i hana ia eia papa he 31 minute.

Himeni Hui H. A. N. 150.

            Hoike o ke Kula o Koolau, a nona na haumana he kanahakumamaha, a o ka manawa i hana ia eia papa he 31 minute.

Himeni Hui H.A.N 172.

            Hoike o ke Kula o Kapaa, a nona na haumana he iwakaluakumamaono, a o ka manawa i hana ia eia papa he 13 minute a me 24 sekona.

Himeni Hui 127.

            Hoike o ke Kula o Anahola a nona na haumana he kanakolukumamakolu, a o ka manawa i hana ia eia papa he 12 minute a me 10 sekona..

Himeni Hui H. A. N. 251.

            Ka huina nui o na koa ma keia kahua kaua o ka hookahakaha he 112, a o na makaikai i akoakoa mai o ko lakou huina he @5, ka huina a pau he 167, ka manawa i hana ia e na koa ma keia hookahakaha ana he 1 hora, 11 minute a me 19 sedona.

            Haiolelo makahiki a na Luna Nui, Jonah Cummings Peresidena, C. K. Haae Hope Peresidena, J. Opio Puuku a me @ Kakina hakauolelo.

            K@ho @@ Kahu I. K. Kaauwai @ L@@@@@@malu no keia Ana.  Ma ka @@@@ @@@@@ a @a lunahoomalu, @@ @@@@@@@ lokahi ia na luna m@@ e hoomau aku no i ko lakou kulana.  Mai ka Peresidena J. Cummings, Hope Peresidena C. K. Haae, P@@ku J. Opio, Kakauolelo Z.  Kakina, Wm. Huddy, Rev. Z. M. Naahumakua, Pukalo, J. K. Apolo, Joe Cummings, G. W. Mahikoa, Wm. Meheula a me I. K@auwai he mau olelo paipai maikai e pili ana i na hana hooholo mua a keia Ahahui ma ka makahiki i @@@@@@@@ hope iho o keia, ua heluhelu ia ka moolelo o ka la.  Noi mai o G. W. Mahikoa, e hookomo ia keia moolelo maloko o na nupepa KE ALOHA AINA a me ke Kuokoa.  Hookuu ia na hana me ka himeni H A. N. 225 a me ka pule a Rev. I. K. Kaauwai mahope iho o keia ua malama ia he paina, a pau ka paina ana, ua ma@ama ia ae he pule nui e Rev. Z. M. Naahumakua elike me ia i aelike ia ma Ponimoi i ka pule i hala.  Pau ka haiolelo ana a Rev. Z. M. Naahumakua, ua malama ia he lulu e na lala o ka Ahahui Opiopio mai Kilaue a hiki i Kapaa, a loaa ka huina o $6.10, he makana hoi na keia Ahahui ia Rev. Z. M. Naahumakua, ka mea haiolelo.  O keia ka palena hope o na hana, ua hookuu ia me ka maikai ma ka auinala hora 4 p.m.  A. KAKINA, Kakauolelo.

            Ua hala aku ia ma ka Poaha nei ka moku lawekoa Senatoa no Manila me na pualikoa Amerika no Kenerala Oha.

 

NA LAKO GULA HOU LOA.

            I hoea mai nei me@@@@ o ua mokuahi mai Kapalakiko mai.

            Ma koʻu Halekuai malaila e hana ia ai na Pine, Kome, Kupee Lima, Uwati, a pela aku.  H. O. Biart. Alanui Papa, Helu 40@@  apr. @@ 18@@  @.

 

KA HALEKUAI O NA MEA AI -:O:- HENRY MAY & CO.

             @ @@@@ @@ ma@@@@ ka @@ ke k@@@@ i @@@@@@ @@ a me na @@@@ @@@ ai a pau. E hoolawa ia no na ohana, @@ mahiko a me na moku me na @@@@ o Europa a me Amerika e hoea mau mai nei maluna o ka mokuahi.  Alanui Papu Helu @13.