Ke Aloha Aina, Volume V, Number 34, 26 August 1899 — Page 6

KE ALOHA AINA

 

6 KE ALOHA AINA POANONO, AUGATE 26, 1899.

 

KUAI HOEMI NUI O NA LOLE

MA

KA HEIAU O NA PAIKINI

 

            E kuai hoemi ia aku ana na KIHEI HULUHULU o kela a me keia ano ma ka

 

Poakahi ae nei. Augate 21, 1899.

 

Na PALULE o na ano like ole o na Kamalii.

Na PAALOLE o na Kamalii me na kumukuai like.

Na EKEILI o kela a me keia ano.

Na KALIKI  o na Wahine me ko lakou mau kumukuai like ole.

Na PAA KAKINI o na Keiki.

 

MA KA HALEKUAI O KA HUI KUAI LOLE HAWAII,

 

Alanui Papu, Ilelu 420. E hoomaka ana ma keia Poakahi ae, Augate 21, 1899.

 

MOSES PALAU, LUNA NUI.

 

HE MOOLELO WALOHIA

:NO:

ALANADELA

 

Ka Wahine Hoopahaohao o ka Aa hu Keokeo.

 

A I OLE

 

Ka loea Hookani Pila Hapa o ke Kula Aumoe.

 

            I keia mau minute a na powa e nee nei me ka puahi nui, aia ke hoonaueue ia la ka honua e na kapuai wawae o ko lakou mau lie, me ka nakeke ana o ka lakou mau mea kaua.

            O keia mau naueue ana elike me ke olai, ua hiki loa aku ia ma kahi a ke koa opio Walata a me knoa hoaloha e hioalani ana, a na keia haalulu o ka honua a me ka nakeke o na mea kaua i hoopuoho ae i ka hiamoe o ke koa opio a hoolono koke aku la hoi oia no keia halulu e nee mai nei i awili pu ia hoi e na   

leo nakeke o na mea kaua.

            A i kona hoomaopopo ana ae, eia ke nee mai la no kahi a laua e hoolulu nei me ka awiwi nui, nolaila, me ka hoohakalia ole iko, ku koke ae la oia iluna a holo koke aku la no kahi a kona hoaloha e hoonanea ana me Niolepua, me ka hoaia ana aku iaia me ka pupuahulu me ka i pu aku:

            E Kaisa, kuu hoaloha maikai, e ala ae i keia wa ano, oiai, ke hopohopo nai au he poino keia no kaua e nee mai nei. E wiki a mai hooninipo aku, no ka mea, aole i mao popo keia huakai nui e halulu mai nei, aka, ke ole uae e hewa ka'u koho ana, o na poe on@okoko no ia oloko nei o ka ulola@u.

            Elike me ka makemake a ke koa opio, pela no ua kanaka aoo la i puoho ae ai mailoko ae o kona hamoe me ka lalau koka aua iho i kana pahikaua e moe ioli@ ana a unuhi koke ae la me ka makaukau no ka hoohana ana aku. Me ke ano pau pono ole e kona makahiamoe, poha mai la ka leo wiwo ole o ka elemakule i ka ninau ana mai.

            E kuu hoaloha opio e hoike mai aia ihea ko kaua enemi, no ka mea ua makaukau loa no ka halawai ana me kekahi o lakou.

            Eia aku lakou @ @ nee mai la me ka puahi nui, aka, alia nae kaua e awiwi i ka hoike ana aku ia kaua nolaila, he mea pono no kaua ka hoopio ana i ke ahi, a hakilo pono aku hoi, owai keia mau kamahele o ka po. malia he mau hoaloha paha laua no kaua.

            Ua pono, ua pono, wahia Kaisa i hooho mai ai, a iloko o ka manawa pokole wale no, aia oia ke hoopio la i ke ahi ma ka uhi ana i ka lepo.

            A no kekahi mau minute pokole wale no ka hoopio ana iho o ua kanaka aoo nei, aia hoi, ua pio loa iho la ke ahi a noho iho la hoi laua iloko o ka pouli me ke kal@ pu ana o ka hoea mai o na poe nona keia mau kapuai wawae lio me ka laua mau pahikaua e paa ana me ka makaukau no ka halawai ana aku me keia poali nui e nee mai nei in a he mau enemi io lakou,

            Oiai ka kaua o au eueu e kal@ ana me ke akenui ana e ike koke aku i na helehelena o keia poe kamahele o ke kulu aumoe, aia hoi, ua ohe aku la laua i ka uuina mai o na lala laau me he makani puamohio la e wili ana me ka ik ika, a iioko wale no o na sekona pokole, ua maalo ae la ua poe hololio nei ma kahi he mau anana wale no ka mamao mai a laua aku.

            Ma na huaolelo e puka mai ana mai na lehelehe o na hololio, aole lakou he mau hoaloha elike me ka laua i manao kuhihewa ai, aka, he mau enemi e @mi mai ana no ka hoopoino ana i ko lana ola, no ka mea, ua hiki ia laua ke lohe maopopo aku i ka leo hookina o Bonita i ka hooho ana mai penei:

            E kuu mau hoa alo ehuehu o keia kulu aumoe, e hou ae i na kui kepa ma ka opi o ko oukou mau lio a kuupau aku hoi no kahi o ke ahi a kakou i ike aku nei i ka a mai ne ka hooka@ ana aku i ke kau@ha o ka make maluna o ke koa opio kipi a me kona hoaloha aoo, elike hoi me ka makemake o ko kakou ha@u wahine.

            Me keia mau huaolelo i maalo ae ai ua mau powa la me ka paumi ia iho hoi o ka holo o ko lakou lio, a iloko o na sekona pokole ua nalowale aku la lakou ma kekahi aoao o ka hihipea o na laau, kahi a ke koa opio a me Kaisa kona hoaloha pili paa @ ku ana, aka, aole nae lakou i ike mai ia laua nei mamuli o ka pouli panopano oia po,

            I keia lohe maopopo ana aku o Walata i ko laua poino, oia no kona wa i huli ae ai a pane aku la ia Kaisa me ka leo pihoihoi i ka i ana aku.

            E Kaisa kuu hoaloha oiaio, eia ka make ke hookokoke mai nei ia kaua, oiai, ke ike moakaka nei au, ua hoouna io mai nei no o Magarita lokoino i keia poe powa no ka pepehi ana ia kaua. Nolaila. heaha ka kaua e hana aku ai no ka pono o ko kaua mau ola.

            E paio aku me lakou, i hooho ae ai o Kaisa, a e hoike aku hoi ia lakou, aole kaua he mau kanaka i ike ia mea he hohe wale. A ka halialia mai nei ia'u, aole kau aloha i mahuka me kekahi ipo okoa aku, aka, ua halawai no oia me kekahi hopena ehaeha mai ka lima aku o kona hoaloha po@oi, oia hoi o Magarita a me he mea la. aole he poe e ae nana i hooko aku i kela hana, aka, o keia poe no ia.

            O kou makemake oia ka'u e hooko aku ai, a ke lana nei ko'u manao, ua poloiei kau mau olelo a pau i kamailio mai nei, aole he mea nana i hookomo i kuu Alanadeia iloko o ka pilikia, aka, na keia wahine puuwai eleele no ia.

            Nolaila, e kau ae maluna o kou lio a haalele iho kaua i keia wahi no ka uhai ana aku mahope o na powa e @mi la no ka hoopoino ana i ko kaua mau ola.

            Me na puuwai e lalapa ia ana e na manao wiwo ole i kau ae ai ua mau holoho ia a uhai aku la hoi ma ke alahele a na powa i hala aku ai, a iloko o na minute pokole wale no, ua kaohi koke mai la laua i ka holo o ko laua mau lie i ka wa i poha mai ai o kekahi lao kakana i ka i ana mai:

            E keia mau kamahele e ku iho a hoike mai owai ko olua inoa, a e hele ana olua ihea?

            Aia manawa koke no i hoopuni@a ae ai ua mau eueu la e na powa, a me ka leo wiwo ole, pane aku la o Walata:

            O Walata a me Kaisa ko maua mau inoa a o ka maua wahi e hele nei, aoe o oukou kuleana ia mea. E na malihini, e hoike mai @eaha ka oukou hana maanei o keia kulu aumoe?

            I ka maopopo ana ae o na powa o na kanaka keia a lakou e huli nei eia koke no ka wa i puia ae ai oloko o ka ululaau me na leo e hooho ana, mamuli o ka ike ana iho, ua hoopokele ia ko lakou l@hi o keia imi ana mai la.

 

UA HOLO AKU LA NO EUROPA!!!

 

A E MALAMA IA ANA

 

KKUAI HOOPAU O NA WAIWAI.

 

MA KAHI O

 

L. B. KERR.

 

ALANUI MOIW AHINE.

 

            O ka L. B. Kerr i kauoha iho ai e kuai ia na WAIWAI a pau ma ke kumukuai hoemi loa i loaa ai he kowa no na WAIWAI HOU e hoea mai ana mai Europa.

 

E Hoomaka ana ka hana i keia wa.

 

NA LOLE AAHU ME NA WAIHOOLUU LIKE OLE.

 

            E kuai ia ana me ka hoopakika nui.

 

            NOLAILA, EIA KA WA O KE KUAI MAKEPONO. E HELE KOKE MAI, A E LILO NO KA WAE MUA IA OE.

 

L. B. KERR.

 

Honolulu, Alanui Moiwahine