Ke Aloha Aina, Volume V, Number 34, 26 August 1899 — Page 1

KE ALOHA AINA

KA NUPEPA KE ALOHA AINA

 

E hoopuka mau ia aku ana mai ka Poakahi a ka Poalima o na pule a pau o kela a me keia mahina.

 

Ka Uka Pepa, he 20 keneta o ka pule. No ke kope hookahi he 5 keneta.

 

E loaa no ka pepa mai ke Keena aku o KE ALOHA AINA, a mai ka lima aku o na Luna Lawe Pepa.

 

E pai ia no na Olelo Hoolaha, na Kanikau a me na Mele Inoa, me ke Dala kuike. Aole nupepa ma ka owili pakahi e hoouna ia ke ole e hookaa mua ia ka uku pepa

 

E hoouna pololei mai i na Nuhou na Kumumanao, na Olelo Hoolaha, na Kanikau a me na Mele Inoa i ka Lunahooponopono o keia Pepa.

 

Aole loa e hoopuka ia a hoolaha ia kekahi manao ma na kolamu o keia Pepa, malalo o kekahi inoa kapakapa ke ole e hooike mai i ka Lunahooponopono i kona inoa ponoi.

 

Ka Nupepa Puka Pule

 

Ke – Aloha – Aina

 

Hookahi makahiki……………….………..$2.00

Eono mahina………………….…………..$1.00

Ekolu mahina…………………..………….  .50

Hookahi mahina…………………..……….  .20

 

EMMA A. NAWAHI.

Puuku o

Ke – Aloha – Aina

 

EDWARD L. LIKE.

Lunahooponopono a Hope Puuku

 

S. P. KANOA.

Hope Lunahooponopono.

 

O na kauoha Nupepa me na hookaa Dala, e hoona pololei mai o ka Puuku ma Honolulu.

 

HE MAU MAKUA I HOOPIHOIHOI IA

 

            Ma ka Poakahi nei, ua hoohikileleia na poe o loko nei o ke kula. nakauhale i ka wa i pahola ne ai o ka lono o Miss Abigail Aikane o na pali bauliuh ua nalowale oia no hookahi pule me ka maopopo ole o kona wahi i hele aku ai. No ka mea, na hoomopopo ia, o ka Poaono Augate 12, oia kona la hope i keia maloko o ula Kawaihao. He nui na mea i kohokoho ia no kona poi no me ka hoouna ia aku o ka lono e ka poo o ka oihana makai ma Honolulu nei, i na koena makai a pau o ka mokupuni nei, no ka huli ana i na mea e pili ana no keia wahine opio

            Ua hoomaka koke na makai o ke kulanakauhale e huli i ka meheu o ka mea i nalowale, Aka, ua hoohauoli ia mai na makua o ka wahine opio, i ka hoike ia ana mai aia ka laua kaikamahine malalo o Ewa me ka ohana o ka Lunakanawai. Ua haule oia mailuna mai o kona lio i kona wa i kipa aku ai e ike i keia ohana, aka, mamuli nae o kona makemake ole e hoinoino ia ka manao o kona mau makua no keia poino ulia i halawai iho la me ia, nolaila, ua makemake ole oia e hoike mai i kona mau makua i kona wahi i hele ai.

            I ka wa i hoea aku ai o ka makai i ka home a ka wahine opio e noho ana, ua hoopuiwa ia oia no keia mau hana i hana ia aku nona. He mai kai kona ola e noho la, a ua palekana hoi oia mai ka ulia poino i halawai ai me ia. Mamuli o keia mau lono hauoli i loaa mai ai mai Ewa mai, i hoopau ia ae ai na manao pihoihoi o kona mau makua a me na hoaloha no kona poino.

 

LUULUU WALE NO KA HOI

 

            He mea ehaeha a ku i ka walohia o ka naau, ka ike mau ana maloke o na hoike o ka poe make o ke kulanakauhale nei, ma o ka hoike la a ka Agena o ka Papa Ola. I ka nana ana iho, ua like kakou me ke kahi auwai wai e kahe ana ma kekahi ihona pali me ka ikaika nui, a pela kakou e ike aku nei, eia na kane, na wahine a me na keiki ke holomoku hoi, elike me ka waikahe a huai mai a na wai ka piko mai o na kuahiwi. pela ka make iwaena o kakou ka lahui Hawaii.

            Ma ka Puka Uliuli, (Blue Gate,) Honokaupu, ua iho mai la ka Anela o ka make a lawe palainimo aku la i ka hanu ola o Mrs. Kaonohi Keawe Nawahie, ma ka hora 11:30 p.m. o ka po Poaono nei.

            He wahine opio oia o 19 makahiki, a i kamaaina la hoi e ke kulanakauhale nei. He makamaka oluolu oia a heahea, a he puuwai hamama hoi e haawi ana ka akau me ka hema, me ke koena ole. Minamina wale.

            Ua hanauia oia ma Puumoi, Hilo, Hawaii, na Moikeha k, a me Kealoha w, i Okatoba 28, 1970 a mare me Keawe Nawahie i Iune 8 1895, a make ma Honokaupu, i Augate 19, 1899

            Nani ka luuluu a me ka walohia o ka naau, a me ka ehaeha pu hoi o ka manao, a nona hoi makou e komo pu aku nei me ke kane, na na makua a me ka lehulehu no a pau i pili iaia. Aloha wale.

 

OLELO HOALOHALOHA

 

Ia Me. L. B. Nainoa,

Aloha kaua:

            Me ka waimaka, luuluu, kaumaha, aloha minamina, i ka hala ana o ka kakou keiki i aloha nui ia Ed. Nainoa. Auwe! Minamina!!

 

            Ma ka nupepa i ike iho ai au, ua hala ka hanu ka waiwai o ke kino, iwaena o na ohana keiki a pau au i kilohi ai, aohe ohana keiki nana e uhai mahope o kona meheu.

           

Ina e ola loihi oia, e loaa no no haawina maikai iaia. He keiki hoopono, he akahai, he malama makua, he keiki makamaka nui, he ike i na hoaloha.

           

He nui aku na ouli hoopomaikai mai he Akua mai, maluna o ke keiki.

            Auwe no hoi ka liliha e! Ka mea a kuu uhane i koho ai, o a ka olua keiki e ola ai na iwi.

 

            Ia‘u e kakau nei me ka waimaka, ia olua e holoholo aku ai e ike i ka he kupapau o ka kakou keiki, e haawi iho i kuu aloha a me kuu uhane luuluu, i ke kino lepo hoopilihoa, pilia-i, ia kakou na makua.

 

            Edward Nainoa,

            Aloha oe:

Wehe i ka pili aloha me ka makua, Haalele i na hanau mua me na muli pokii,

Hooka-o i ka noho ana me na kupuna,

Pau kou ike ana i keia ao mea,

Hoi a noho i ka pali pumehana o ke Akua,

Ka mea Nana i hoopuka mai ia oi maloko mai o ka ole,

A hoi hou aku la i ka honua he lepo Ke kanawai paa o Ieheva maluna o Adamu,

Pau kou ike ana i ke kaena nei,

Pau kou holoholo ana i ko aina ha nau,

Ia Laiewai ke kikowaena o ka maluhia,

Na ae kahakai moani ke ala,

Na kualono huihui waianuhea,

            Ke haawi nei au i kuu aloha nui ia olua na makua, la i ka ohana keiki i hoonele ia me ke kaikunane ole, a me ke kaikuaana i hooeele ia me ka muli pokii ole.

            E pahola pu aku i kuu aloha i na ohana makua o ke kama i hala.

            Aloha olua na makua i hooneleia i ka mea minamina, a na ke Akua e hoomama mai i ko olua uhane kaumaha, me ka luuluu.

            Owau iho no me ka naau ehaeha,

J.W. BIPIKANE

 

HOOKUKU KINIPOPO

 

            Ma ka auina la Poano nei, na malama ia ae he hookuku kinipopo mawaena o na keiki o ka Halekuai o E. O. Hall & Son a me na keiki kumukula, a mahope o ka pau ana o na komo he eiwa i ka paani ia, ua ike ia iho la, ua lilo i na kumukula ka lanakila mamuli o ka loaa ana ia lakou he 16 puni, a o na keiki hoi o E. O. Hall & Son he S wale no puni, a eia iho ka inoa o na keiki i paani o na hui a elua.

            E. O. Hall & Son.-J: A. Akina F. Kanae, E. F. Paris, S D Koki, O. Koki, R. Rentou, S. Nuuanu, M. Olason, A Lawelawe.

            Na Kumukula.-W. B. Beers, W. H. Isaac, W. Crook, W. K. Makakoa, N. Hoopii, W. Lahaina, L. Kupau, J. Freitas, D. Woodward.

 

            Maluna o ka Malulani i hoihoi ia mai ai na manu o kalika he 11 i lawe ia ai i Kauai he mau makahiki i hala ae nei no ka hoopulapula ana malaila e W. H. Raiki, aka ua heolilo aku nae ola i ka hui kuai mana okalika o Cawston & Co., o Pasadena, Kaleponi. E hookau ia aku ana lakou maluna o ka mokupea Mauna Ala. O keia no na manu kalika a Kanta Faraul, Tronseau, i lawe mai ai a hookuu mawaho o Waikiki.

 

NO KA ULELE KINIPOPO ANA

Ua loheia ae i na e holopono ana na hoolala i hana ia aku la e Jock Carter me ka luna nui o ka hui kinipopo o Hilo, i manao ia e loaa mai ana he pane ma keia La Pule iho. Alaila, e haalele iho ana ke hui kinipopo Hoku no ka Ua Kanilehua o Hilo maloko o elua pule, no ka ulele kinipopo ana me na keiki o ka Ua Kaulana, a he manaolana hoi ko na keiki o ka Ua Kukalahale nei, e lawe haaheo ae ana lakou i ka lanakila o na paani kinipopo e malama ia ana malaila.

 

OHUMU E LUKU I NA AMERIKA

 

            Manila, Aug. 8. He mau la i hala ae nei ua loaa iho la i na kiu o Kenerala McArthur mai kekahi mea mai, no ka ohumu ana o na Pilipine o hooulu haunaele a maloko ola manawa e luku ai lakou ia Kenerala McArthur a me na poe a pau maloko o ka pa kana o ke kulauakauhale o San Fernando, kahi a na pualikoa Amerika e hoolulu ana mai ka wa i hopu pio ia ai he mau mahina lehulehu aw nei i hala.

            Mahope koke o ka loaa ana o keia ohumu, o na Macibebes ka enemi kahiko o na Tagalos, ua hoouna aku lakou i na hoike no ko lakou kokua ia Kenerala McArthur a he hoaloha nei lakou no Amerika me ke hoi pa aku e haawi ia mai i mau luku kaua ia lakou no sa hakaka ana me na kipi. Ma ka hoomaopopo ia ana o kela ohumu, na haawi aku ke Kenerala i ke kauoha no ke kipuku ana i ua kanaka mailoko aku o ke kelauakauhale, me na hoolohe ola ia mai o ka lakou mau nei, ua ohi ae lakou i ka lakou mau wahine a me keiki a haalele aku la i ke kulanakauhale.

 

            Me eono mau kalaiwa kaa a me eono wahine i hoopai ia no ka walaau no, ma ka Poakahi nei, ma ka $4.00 pakahi.