Ke Aloha Aina, Volume V, Number 33, 19 ʻAukake 1899 — Page 7

KE ALOHA AINA, POANO, AUGATE 12, 1899

 

EGAN DRY GOODS COMPANY.

ALANUI PAPU.

HE KUAI KUIKAWA NUI NO KEIA PULE

Puliki Wahine 10, 15 me 20, Ken.

Kakini Eleele paa loa, 3 paa 50 Ken.

Pale Ili Nani o na Kane 75 Keneta.

Kakini Eleele paa loa 10 keneta 1 paa.

EGAN DRY GOODS CO.    HONOLULU.            ALANUI PAPU.

 

HE KAAO KAILI PUUWAI NO UI MINEWA.

A ME NA Kaikunane Eiwa

 

I Hooliloia i mau Manu Nene Ahiu a i ole na Keiki i Hoehaehaia

 

Kakauia no KE ALOHA AINA

 

I keia manawa o ka hooili kaua hahana e malamaia nei mawaena o Sinora a me kona mau enemi, aia no, ke ikeia aku la na enemi ke hooke mai la no loko o ke ana ne ka manao e lele aluka mai maluna o ka elemakule, aka, ua hiki ole nae ke hooko ia ko lakou makemake mamuli o ka haiki o ke alahele. A iloko o na minute pokole wale no, ua loaa pono aku la ke kanaka mua i ka hauna pahi a Sinora a haule pahu aku la no lalo o ka honua, me ka hoeha kukonukonu loa ia.   Na keia lanakila ana o ka elemakule maluna o kona mau enemi i hooi loa ae i ka piha inaina o kona mau hoa a puia ae ia o loko o ke ana me na leo ikuwa o ka weliweli e hooho ana. E hookau aku i ka hoopai o ka make maluna o ke kipi. E hooko aku ano.   A ia wa i ike ia aku ai kekahi o na enemi kino nui puipui i ka nee ana mai a ma kona lima akau hoi e paa ana he pahikaua a ma kona lima hema e paa ana ia i kekahi palekila, a ma kona mau hiohiona e hoike mai ana ia ua lawa kona ikaika no ka luku ana aku i na enemi he lehulehu wale e ku mai ana e paio me ia, ke kanaka ikaika hookahi i kau ia ka weli ma ka home o ka elemakule.   A i ka ike ana aku o Sinora i ke kanaka i kau ia kona weli o lakou a pau, e nee mai ana imua, oia no kona wa i h@li ae ai a kahea ae @ me ka leo nui i ku hoi i ke aloha: me ka walohia.   E Boliona, e hookuu mai ana anei oe ia‘u e paio hookahi me ke kanaka ikaika i kau ia ka weli. Aole anei oe e ala mai a haawi i na kokua ana ia‘u?   Aka, ua hiki hou ole aku nae ia ia ke hoopuka hou aku i mau huaolelo, no ka mea, ua hoea koke mai la kona enemi, me kana pahikaua e huila ana iluna o ka lewa, me ka puana ana mai me ka hookano.  E ka elemakule, e kukuli iho kou mau kuli ilalo a haawi pio mai, mamua o ko‘u kaniu ana aku i kou lae me ka oi o ka‘u pahikaua.   A oiai no nae ke aloha o na opio e pumehana ana no iloko o kona puuwai, ike ia aku la kona poo i ka luliluli, a paa hou ae la i kana pahikaua me ka makaukau no ka halawai hou ana aku me kona mau enemi no ka manawa hope loa. I keia sekona no i halawai ae ai ka laua mau pahikaua i kahi hookahi a poha ae i ko laua leo kani oeoe me ka weliweli nui.   Mamua ae o keia ulele ana o ka elemakule Sinora me kona hoa paio aia na manao ao kanaka ke hoi hou mai la iloko o ko ke koa opio Boliona waihona noonoo, aka, aole nae oia i hoomaopopo ae, eia he poino ua kokoke i ka ipuka hale, a o na hooponiuniu ana a ka hohono uahi, ke kaawale aku la ia mai kona kino aku.    A i ka wa a ka leo kahea kokua o ka elemakule Sinora i poha aku ai, ua komo koliuliu aku la ia iloko o kona mau puka pepeiao, a ia wa no hoi i hoolono ae ai, no ka pae hou mai o ka leo o kona hoaloha, aka, ma kahi nae o ka leo kahea hou mai o kona hoa, ua lohe aku la oia i ke koele mai o na hauna pahikaua.   A na keia mau leo kani oeoe o na pahikaua i hoohikilele ae ia Boliona, a me ka hoohakalia ole iho, ikeia aku la kona mau maka i ke kaekaa ana ae a haliu aku la no kahi a na koele pahikaua e poha mai ana.   A he mea oiaio, na hoopuiwa ia ae ke koa opio i ka ike ana aku i kekahi kanaka kino nui puipui o hakaka ana me kona hoaloha Sinora.   A ia manawa pu no hoi ua hoopuanuanu ia ae la kona puuwai i ka ike ana aku i ka hapai ana ae o ua kanaka la i kana pahikaua maluna o kona poo me ka hoomoe ana mai maluna o kona hoa paio me ka ikaika nui, aka, ua alo ae la no nae o Sinora a hala ae la keia puu make. I ka ike ana o na kanaka nei, ua hoohoka ia kona mau kuko ana, oia no kona wa i hapai ae ai i kana pahi iluna me ka hakalia ole, i keia wa i ike aku ai o Boliona i ke kulana nawaliwali o kona hoaloha, a me ka hookaulua ole iho oia ho kona manawa i ku ae ai iluna me ke ano kunewanewa, me kona mau lima e paa ana i ka paia o ke alahele huna a lohe ia aku la hoi kona leo i ka pane ana aku me ka haawi ana aku i na manao hoolana i kona hoaloha, i ka i ana aku.   E Sinora e paa malie i kela kulana a hiki i ko‘u hoea ana aku malaila, a mai haawi i hookahi iniha i na enemi no ka nee ana mai imua. E hookomo i na manao wiwo ole iloko o kou houpo a hiki i ka hoea ana aku o kou hoopakele.   Aole nae he leo i pae mai, mai na lehelehe mai o ka elemakule, oiai, aia oia ke paio la no ka pono o kona ola, ke pale la i na hauna pahi weliweli a kona enemi. Aka, ua hoopiha hou ia mai kona puuwai me ka ikaika i keia wa o kona mau puka pepeiao i ka lohe ana aku i ka leo o kona hoaloha.   I keia manawa l@unuhi ae ai o Boliona i kana pahikaua a paa ae la me ka makaukau no ka halawai ana aku me kona hoa paio.   Iloko o keia wa i ike mai ai o ke kanaka kino nui puipui i ka kaua opio e hele aku ana no ka hoopakele ana i kona enemi, oia no ka wa i haule alapine mai ai o na hauna pahi a ua kanaka la, a iloko o na sekona nokole wale no, ua loaa pono mai la ka elemakule i kekahi hauna pahi a ua kanaka nei a kunewa aku la oia me ka puliki ana ae o kona mau lima ma kahi a ka maka o ka pahi a kona enemi i paa aku ai.  Aka, mamua ae nae o kona haule ana aku o kona kino no luna o ka honua, ua paa mai la oia i na lima wikani o Boliona, a me ka leo pihoihoi puana iho la oia me ka malie.    E Sinora, e Sinora, e pane mai ua halawai anei oe me kekahi palanu kukonukonu mai ka pah@ mai a kou enemi.    Haliu ae la na maka i piha me ka ehaeha o ka elemakule a kaulona pono ae la maluna o kona hoaloha opio, me ke kunou ana ae o kona poo.   A i ka wa i ike pono iho ai ua Boliona nei i na mapuna wai ula o ke koko e huai mai ana mailoko mai o kona hoaloha, oia koke no kona wa i nuokuu malie iho ai no lalo o ka lepo, a me ka hookaulua ole iho, lele koke aku la oia maluna o kona enemi no ka hookau ana aku i ka uku anei o ka make maluna ona, ka mea nana i hoopalao kona hoaloha aoo.

 

NUI KE KUE O KO HONOLULU NEI POE I KE KANAWAI LIMAHANA.

 

Ua ike iho makou maloko o ka nupepa Kahea o Kapalakiko i ka nui o na poe kue o Honolulu nei i ke kanawai limahana e ku nei ma Hawaii i keia mau la, a mawaena o na poe i hoike ae i ko lakou manao kue, oia no o A. V. Gear, H. M. Whitney, E. Norrie, Humphrey, P. C. Jones, W. F. Frear, Bruce Cartwrigth, W. O. Kamika, a me kekahi poe kuonoono e ae o ke kulanakauhale nei.   E hoomanaoia, he mau pule ae nei i hala, ua hoopuka ia ae e Horace Wright o ka nupepa namu Kuokoa, he mau ninau ano nui e pili ana i ke kanawai limahana, me ka hoouna ia aku oia mau ninau i pai ia ina luna aupuni kiekie, na loio, na poe kalaiaina naauao, na poe kakau nupepa a me na poe waiwai o keia kulanakauhale, me ka makemake ia o ka lakou pane mai i ko lakou mau manao ponoi iho no ke kokua a i ole no ke kue ana paha i keia kanawai limahana.  O ka makou i ike iho la maloko o keia nupepa, he nui na poe o Honolulu nei e kue ana i keia kanawai limahana, a ua makemake hoi kekahi poe e hana hou ia i mau kanawai. E lilo ana keia mau pane i mea ano nui e noonoo ia, a o ka hopena o ke kanawai limahana oia ke kali ia aku nei e na mea a pau o kona hoea mai. 

Ua hoea mai nei i ke kakahiaka Poalua ka mokukaua Beritania Ergeria, ma kona alahele ana mohua a hiki i Auseteralia, e noho iki ana oia maanei no ka hooili nanahu a me lako ai ana.  Ma ke kakahiaka Poakahi nei i haawi ia aku ai he laikini loio piha no A.F. Judd Jr., e Lunakanawai Kiekie Frear, no ka lawelawe ana ma na Aha a pau o keia Paeaina.  Ma ka Poakahi a-i i hoea mai ai ka moku, ea Dishing Wave mai Tacoma mai, he moku kahiko oia i kapili ia i ka 1853, aka, he oia mau no nae kona paa a hiki i keia w@.  E holo ana no Kanal@ma keia Poalua ea o Beu Namakaokeahi, ke kilokilo Hawaii, mamuli o ke kauoha ia ana mai nei e kana kaikamahine Kela, no ka make ana o kekahi o kaua moopuna.   Ua hanau mai mailoko mai o ka puh@ka o ka wahine a Mose Manu, he keikikane nei nepunepu, pela ka hoike mai a A. M. Kaihe o Honokaupu, ma ka la 13 o keia mahina, a ma kona wahi no noi i hanau i@ ai, aole i mamao na legue mai ko mak@ nei h@le kaua aku.

 

Nuhou Kuloko.

 

I ka Poaha nei i hoi aku ai ka mokukaua Boston no Kapalakiko. Ua hoea like mai ma ka po Poalua nei na mokuahi Moana a me Gaelic.   E alawa ae i ka hoolaha a W. C. Akana a me ka Hui Halekuai Lole Hawaii e puka aku nei.   Ua hopu ia he luina no ka mokuahi Gaelic ma ka po Poalua nei me elua tini opiuma maloko o kona poli.  Ua hoolimalima hou ia aku la ka mokuahi Sidane e ke aupuni o Amerika no ka lawe hou ana i na koa no Manila.   He eiwa ka nui o na pepa puka la e paiia nei ma Malina, he ekolu Enelani, elima Sepania a me hookahi Pilipine.  He pake i loaa i ka ma‘i hookaawale ohana kai lawe ia mai lalo mai o Ewa, a eia ke paa nei ma ka pa hoomalu o Kalihi.   E li ia ana o Ihara, ke Iapana nana i pepahi he mau pake ma ka haunaele o Kahuku, ma ka Poakahi, Augate 28, maloko o Kawa.   Maluna o ka mokuahi Gaelic i loaa mai ai ia makou he mau lono makamaka hou, a makou hoi e kuupau aku nei no ka pomaikai o ko makou mau makamaka heluhelu.   Ma ke kakahiaka La Pule nei, ua loaa aku ke kino make o kekahi Iapana e lana ana iloko o ke kiowai ma Aiea mamuli o ka hoomailo ana a ka ma‘i kona kumu i lawe ai i kona ola.

 

NA LAKO GULA HOU LOA.

 

I hoea mai nei maluna o na mokuahi mai Kapalakiko mai. Ma ko‘u Halekuai, malaila e hana ia ai na Pine, Komo, Kupee Lima, Uwati, a pela aku.                     H.C.Biart.       Alanui Papu, Helu 4041.         apr. @, 1898   tf.

 

BAIKIKALA HOU "B@EBE"

NO KE

$30.00.

Kaa Kane a me Wahine MA KA Honolulu Cyclery o BAILEY.

HELU 231, ALANUI MOI.

 

Na Milwaukee Pune@ no @ Tires, aole e hiki i na @ui Kia @ komo iloko o lakou. Hoomaemae ana i na Kaa @ ka@ poino a pau. He heluna @ ua lako hop@ mea nalok@ ma na Paemoku Hawaii.

 

Allen me Robinson

He mau mea kuai

Papa, Na Laku Kukulu Hale Pepa ame Aila a pela pu no hoi me ka Nanahu.           Keena Hana ma Alanui Moiwahine.