Ke Aloha Aina, Volume V, Number 32, 12 August 1899 — Page 5

KE ALOHA AINA

POAONO,  AUGATE 12, 1899

 

PIOO NA POE KANUKO.

I KA HANA A KE AUPUNI IAPANA.

            Hookapu ia ka Lawe Nui ana mai i na Limahana i Hawaii nei.

 

            Mana lono a ka mokuahi Columebia i lawe mai ai mai Kobe a me Iokohama i ke kakahiaka Poaono nei, ua hoopioo ia ae na poe kanuko a me na hui hoopae limahana Iapana, i na hana a ke aupuni o Iapana.  No ka mea, o na limahana he 700 i upuia e hoea mai ana maluna o ke Columebia, he 72 wale no i hiki mai.  A ua hai mai hoi kona kupakako i keia mau hoike, penei:

            “Ua holo aku makou no Kobe me ko makou upu ana e hookau ia mai ana he ekolu haneri limahana no kekahi hui hoopae limahana ma Hawaii nei.  Aka, ua hoohikilele ia ae nae makou i ka ike ana aku he 40 wale no i hookau ia mai.

            I ka wa i ninau pono ia kau ai ke kumu o keia mau hana, ua hoike ia mai, aole he makemake o ke aupuni e hoouna aku i ka huina i hooholo ia.  Mahope koke iho na lohe mai la makou e loaa ana i amakou he elima a eono haneri limahana ma Iokohama no ka hoopiha ana i keia heluna pokole ma Kobe.   I ko makou hiki ana ma ia wahi, he 70 wale no i hookau ia mai me ka paa pu ia o ka moku no elua la malalo o ke kauoha a ke aupuni Iapana, a i ka hoea ana mai o ka panina oia manawa, ua hoea mai la he puali makai Iapna, a hoihoi aku la no uka o ka aina he kanaha limahana.  Aole he kumu i hoike ia mai, koe wale no, ua makemake ke aupuni Iapana e hoihoi hou aku i kekahi mau kanaka no uka o ka aina.”

            Ua hoike hou mai kekahi alumoku o ke Columebia, ua loaa iaia kekahi lohe oiaio, ua ike ke aupuni i ka nui loa o kona mau kupa e hoouna ia nei no waho o ka aina, nolaila, ua hooholo oia e hoopau i keia hana.  Aka, ua koho wale ia ae nae, he hana ano nui ka Iapana e hooko ana ma keia mua koke iho.  He mau mo@kuahi e ae kekahi i upuia e hoea mai ana me na limahana Iapana, aka, i na pela @ae o Iapana e hoopau ai i ka hoouna nui la o kona mau kauaka e nui ana ka poino o na poe kauuko ma kekahi mau wahi.

            Ua olelo ia mai he hapa o na poe i hoihoi ia no uka o Iokohama, he poe limahana kuokoa a me kepa.  Poino paha auanei na mahiko ma keia mua aku, a poho hoi na poe i lawe iho nei

mau mahele o na hui mahiko i manaela e kukulu aku.

 

HALA NO WASINETONA.

NO KA PAIO ANA NO KA PONO O NA GALICIA.

E Waihoia aku ana he Ninau Ano nui Imua o ka Aha Kiekie o Amerika Huipuia.

            Ua hala aku la maluna o k@ mokuahi Kina, ma ke alahele e holo ana no Wasinetona o loio George D. Gear, no ka waiho ana aku i ka hihia hahaki aelike kepa o na limahana Galicia a paa nei ma Kawa, e noonoo ia mai e ka Aha Kiekie.  O ka ninau, he kuleana anei ko na kanawai aelike limahana e hooko ai i ka hoopai, i keia wa o na paemoku ua hoohui ia, e lawe ia aku ana imua o ka Aha kiekie Ioa o Amerika Huipuia.  o ka ninau, ua mana anei ke Kumukanawai o Amerika Huipuia ia keia wa, e laweia ana ia imua o ka Aha kiekie ma Wasinetona.  Okeia ae la ka misiona ano nui a keia loio i holo aku la no ke Keena Poo Aupuni o Wasinetona.

            Ua olelo ae o Mr. Gear, o ka manao nui o kona holo ana, oia no ka imi pono ana imua o ka Aha Kiekie o Amerika Huipuia, in ua mana ke Kumukanawai o Amerika Huipuia ma Hawaii nei i keia wa na hoohui ia aku.  A mamuli oia kumu e lawe ana oia i ka hihia hahaki aelike o na limahana Galicia no ka hoolohe ia ana malaila.

            Ua olelo hou ae oia, o ka lawe ana mai i keia ninau ano n@i mamua o ka Aha Kiekie, he mea ia e @lu mai ai na ninau like ole e pili ana no keia mau mokupuni, a he mea nui hoi e lawe ia mai ai e ka Ahaolelo o Amerika Huipuia, i ka wa e noonoo ia ai ia kumuhana.

            He ekolu pule i hala ae nei, ua noi ia mai la o Mr. Gear no ke kokua ana i na poe limahana Galicia e hoopaa ia nei ma Kawa i ae ole hoi e hooko aku i na olelo o ka palapala kepa, no ka waiho ana aku mamua o ka Aha kiekie o Amerika Huipuia i ko lakou hihia.

            O na lilo no ka hooko ia ana o keia hana nui, ua lulu ia ia e kekahi poe kuonoono o Hilo a me Honolulu nei, i makemake hoi e ike pono e lawe ia mai ka ninau Kumukanawai i kona hopena.

 

HE ILIKINI MAHUKA

            Mamua o ka haalele ana iho o ka moku lawekoa Tartar i ke kulanakauhale nei, ma ka Poaha nei no Manila, ua hoolele ia mai la he kanaka opio Ilikini nona ka inoa o Will Marshall no ka hoopaa ana ma ka halewai ma ke ano he mea mahuka.  Ua olelo ae o Marshall no ka regimana 14 oia e noho la ma Pilipine.  He 19 ka nui o kona mau makahiki, ua hanau ia oia ma kekahi panalaau Ilikini.

 

UA HOOPIOO AE IA.

            Ua hoopioo ia ae na poe o ke kulanakauhale nei, i ko lakou wai ike aku ai i ka huli o ke poo o ka hae Beritania ilalo o ka mokupea Amthrite e ku nei ma maloko ae nei o ke awa o Kou, @a hoouna ia aku na koa o ka moku kolo Iroquios, me ka manaoia he haunaele @ui maluna ona, aka, i ka hoea ana aku o na koa, ua ike ia iho la he hoopaapaa mawaena o ke kapena a me na luina ke kumu o ka huki ia ana o keia hae hoailona poino, a mahope o kekahi mau hooponopono ana, ua hoopau ia ae la na manao uluku.

 

NUI NA HANA POWA.

HE EHA POE I PAKAHA IA KO LAKOU MAU WAIWAI

Mauka o Kapalama ae nei i Ike ia ai keia Mau Hana Lapuwale. – Aihue ia ka Hotele Alinetona me ka Hale Hoolulu Kaa Hapaumi ma Nuuanu.

            Eia ke pahola nui nei na hana ino maloko o ke kulanakauhale, oia hoi, ka powa a me ka aihue, na hana lapuwale hoi i ike nui ole i @ i na makahiki i kaahope aku la, aole i loihi ae nei ka ikeia ana o na hana aihue ma Makiki, ua oili ae nei hoi na liana powa maoli, a e hookau ana i ka weli maluna o na kamahele e huli hoi ana no ko lakou mau home i ka po.  Ua hoomaopopo ia mai ka Poaono mai nei a hiki iho la i ka Poahiki nei, he eha poe i paa ia e kekahi mau mea i maopopo ole a me elua ai hue i hana ia.

            Ua hoike ae o Adam Kaukau, he limahana no ka hole hana hao oiai oia e huli hoi ana ma ke aumoe o ka po Poaonon nei, ua paa ia iho la oia e kekahi poe kino kanaka ekolu mau aku o Kapalama, a lilo aku la he $10 ma ke gula.  O ke ano o keia poe ma kana hoomaopopo ana, ua like loa me na koa, aka, aole nae i hiki iaia ke hooiaio pono.  He nui ka lakou mau hua niu a me hua paa e paa ana, a me he mea la, ma kana koho iho, mai Moanalua mai keia poe.

            Ma ia po hookahi no, ua paa ia he kanaka ma kahi e kokoke ana ma ia wahi no, a lilo aku la Kana mau dala a pau me ka uwati.  Ma ka po L@ Pule nei, ua powa ia iho la he elua mau Iapana ma keia wahi hookahi no, a lawe ia aku la e ke kolohe ka lana mau dala a pau.

            Ma ka po Poaono nei, ua komo aihue ia ae ka hale pahupahu Alinetona, a puehu aku la i ke kolohe he $6.00 me ka lilo pu aku o kekahi heluna sign nui.  Aka, aole nae i hoomaha na hana lapuwale a hiki i ke awakea Poakahi nei, oia hoi, ke komo ia ana o ka hale hoolulu kaa hapaumi e ku nei ma Waipiula, Nuuanu, oiai, kekahi kalaiwa kaa hapaumi i haalele aku ai i kana pahu dala maloko o ua hale la no ka iho ana mai e paina i kona aina awakea.  I kona wa i huli hoi aku ai, aole ka pahu dala ma kana wahi i waiho ai, aka, ua loaa aku nae ma kekahi wahi okoa, na pau na dala oloko o ka pahu nona ka waiwai io o $20 i ka lilo ke kolohe.  O keia poe lapuwale e auwana hele nei maloko o ke kulanakauhale, aole ia i loaa a hiki i keia la.  Nolaila, hookahi wale no hana pono ia kakou mai keia manawa, ola no ka noho ana me ka mekaala no keia poe ino a mai hoopalaleha i ko oukou mau puka i ka po, no ka mea, aohe maopopo o ka wa o ka aihue e kipa aku ai ma kou home.

 

            Ua hoea mai la ma ka La Pule nei ka mokupea Emily F. Whitney, he 158 la holo mai Nu Ioka mai, ua haalele aku oia ia laila ma ka la 6 o Maraki.  He poe Paele wale no kona mau luina o na lahui like ole.  Ua hoao ae kekahi o kona mau luina Pa@le e hoohaunaele ma ke Poakahi nei, aka, ua lawe kokeia mai nae oia no ka Halewai.

 

PACIFIC IMPORT COMPANY.

            PROGRESS BLOCK.   ALANUI PAPU.

HE KUAI KUIKAWA NUI NO KEIA PULE WALE NO.

Ua loaa mai nei ia makou he heluua nui o na HALII MOE

Eia ke kuai ia aku neima ke kumukuai makepono na e like me ia i loaa mai ai ia makou.  O ka makou Halii $150, oia kekahi o na waiwai nani i kuai oleia ma keia kulanakauhale.

AAHU HOLOIONA LEDE

O na ano like ole, ma ke kumukuai haahaa loa.  He nui na nani e ae e hoikeikeia ana ma keia keena.

He Kuai Kuikawa o na OGANADI.   Na ka 10 keneta o ka i-a

I keia pule e hoikeikeia ana na PIQUES.  I hounoa pololeia mai @@@@, Enelani a me Geremania.

Eia makou ke kuai nei i na Vitoria Lawns, Lilina Inia a me na Lilina Lawns.

Nolaila, mai poina i ke kina mai, a e ike nou iho i ke kuma@@ haahaa i@a.

He helona nui o na Lole Auau ona Kane me na Wahine.

Ua loaa mai ia makou he heluna nui o na Riblue o na Waihoolau like ole.

Pacific Import Co.