Ke Aloha Aina, Volume V, Number 32, 12 August 1899 — Page 3

KE ALOHA AINA

 

POAONO AUGATE, 12, 1899

 

HALAWAI HOU NA PILIPINE ME NA AMERIKA.

 

HOOUKA IA HE KAUA HAHANA MA GALAMABA.

 

 

He Ehiku Amerika i Make me Iwakalua i Hoehaia.--He Umikumamaono Pilipina i Make.

 

 

            Manila, Augate 1, hora 9 a.m.  O ka hakaka ma Calamaba ma ka La Pule, he hahana loa ia.  Aole he makemake o na kipi e haalele i ko lakou wahi, ke ki hoi e hoea aku ai i ke Alanui Lake.  I ka lohe ana o Kenerala Hall, aia o Keneral Malar ke hoomakaukau la no ka lele kaua ana mai, ua hoouna aku la oia ia Mekia Weisenberg me ekolu puali o ka regimana 21, ekolu puali kaua lio a me hookahi pukuniahi Hamilton no ka lele kaua ana aku maluna o na enemi.

            Ua loaa aku i keia mahele koa i hoouna ia aku he 1000 poe Pilipine e pee ana mahope e kekahi suwaha i hana awiwi ia.  Aole na Pilipine i ki mai i na koa o ka regimana 21 a hiki i ko lakou kokoke loa ana ma kahi o 300 i-a, a oia no ko lakou wa i kipapa mai ai.  Ua haule koke iho na Amerika no lalo o na mauu loloa a panai aku la i na kipu ana.

            O Lutanela Love e hele ana mamua o na kanaka, ua ku kona lima i ka poka.  He aliikoa Pilipine i like ka wiwo ole me ia, ua ku mai oia iluna o ke kiekiena o ka auwaha a haawi mai la i na kuhikuhi no ke ki ana, aole oia i haalele iho ia kulana a hiki i kona make ana, a ia wa i auhee aku ai na Pilipine.

            Oiai, ka hakaka e malama ia ana ma ka aoao akau o ke taona, ua hoao mai la kekani puulu uuku e komo ma a aoao hema, aka, ua hoauheenia aku nae ia e na koa kaua lio.

            O ka nni o na poino o na Amerika una ke kaua o Calamaba, he ehiku i make a me iwakalua i hoehaia.  He umikumamaono ka nui o na Pilipine i loaa aku na make.  O ka pa kaua o na Amerika ma Moranz e nee aku ana ia no Calamba.

            He puulu o na kipi kai kipa aku i Tartay a luku aku la he lehulehu wale o na kanaka i ike ia he mau hoaloha no na Amerika.

 

HOOPAAHAO A PAU KE OLA.

 

I ke kakahiaka Poaha i hookani mai ai o Lunakanawai Stanley i kana hoopai koikoi no ka hewa kiekie loa a Wade i lawelawe ai maluna o ka mokuahi Auseteralia oia hoi ke kipu ana i kona hoaloha ia Gillespie, e hoopaahao ia oia a pau kona ola maloko o Kawa.

 

KA MOKUKAUA BOSETONA. 

 

            Ma ka auina la Poakolu nei, ua hoea mai la ka mokukaua Bosetona mai Iokohama mai, ma kona alahele e huli hoi ana no ka home, oia kekahi o na moku o Adimarala Diuwe i komo pu ai ma kela hoouka kaua weliweli ma ke kaikuono o Manila, ma ka la 1 o Mei, 1898, a eia no hoi oia ke lawe nei i na alina oia hooili kaua weliweli a na poka a na Sepania i hookui mai ai me ia. He eha ka nui o na wahi o ka mokukaua Bosetona i halawai ai me ka poka o na pukunialii Sepania, ua pau no nae ia mau poino i ke pahonohono ia.

            E noho iki ana oia maanei no hookahi pule no  hooili na nahu ana, a huli hoi loa aku no Amerika Huipuia.  E lawe mana ka Bosetona he 211 luina, 28 marina a me 18 aliimoku.

 

EIA O ITALIA KE NANA NEI I KONA MAU LIMAHANA.

 

            He lono kuikawa kai loaa mai nei i ka nupepa La o Nu Ioka, e olelo ana:  Ua hoomaopopo ia, ua waiho aku nei ka aupuni Italia he mau manao ikaika mamua koke aku nei i ke Keena Aupuni ma Wasinetona, e pili ana i ka hana ino ia o ua limahana Italia ma Hawaii nei.  Aia na lono limakoko ke hauwawa Ia ma Italia aia pu noi lakou ke manao Ia, eia keia mau limahana ke malama ia nei ma ke ano kauwa kuapaa e hoopaa ia ana me na kaulahao, hoonele ia i ka ai a me ka hoehaeha pu ia.

            O na Italia e manao ana e holo mai no Hawaii, ua hoike ia aku na mea i hoomakaukau ia no lako, a o ka mea hiki i ke aupuni ke lawelawe oia no ka hoopau ana i ko lakou hoounaia ana aku no na Paemoke.

 

 

MOKU LAWE HOLOHOLONA

 

            Ua hoea mai la ma ka Poakolu nei ka mokupea lawe holoholona o Amerika Huipuia Tacoma, me 201 lio e lawe ana no na pualikoa ma Pilipine, he 12 la holo mai Kapalakiko mai.  Eia keia mau holoholona malalo o ka malama ana a 38 mau koa, ua hoolele ia mai keia poe lio no ka hoomaha ike ana maanei, a hololoa aku no Manila.  Eia ke Tacoma malalo o ka hoolimalima ana a ke aupuni Amerika ma ka $200 o ka la.

            Ua hoopaila he wahine pake no ka mare lehulehu, ua ikeia he elua ana kane mare e noho nei ma Honolulu, o ka uku hoopai no keia hana hews, he eono mahina hoopaahao me $100.

 

KA HALE HOTELE O WAIALUA

 

            O ka Poalima i hala aku la, Augate 4, oia ka la mua loa i hoau ia ae ai ka puuoioina o na kamahele ma keia mua aku, nona ka inoa e o la ma ia huli

kuaaina o ka mokupuni o Oahu nei, o Haleiwa, a i papahi ia aku hoi ma ke ano o kona kulana mahiehie a mohaha maika ma ka nana ana aku a ka maka, he mea ia e hooi aku ai i ka noho ana oluolu a me ke ola kino maikai, o na poe onawaliwali o ko lakou mau kino, he oi loa aku ka pono ke pono ke hele ilaila e honi ehukai ai o Puauna.

            Mamuli o k kono a ka Agean Nui o na Kaeahi o ka Hui Alahao Oahu Fred C. Kamika.  i na poe kakau nupepa like ole o keia kulanakauhale.  ua hoea ae lakou ma ka Hale Hoolulu Kaaahi o Kuwili i ka Naueue, mamua iho o ke kani ana o ka hora 9 o ua kakahiaka la.  a ua komo puana keia huakai ke Komosina D.A. Ray o ka Alia Senate o Amerika, a me kekahi poe kakaikahi e ae i apono ia e ka oluolu o Fred C. Smith o ke Alahao o Oahu.

            Ua haalele iho ke Kaaahi Kuikawa "Pearl" i kahi hooulu ma ka hora 9 ponoi, e hii ana hoi i na poe kakau nupepa elima 3 na nupepa Hawaii elima; he 13 o na nupepa haole, 4 o na nupepa Pake;  1 Kepani a me 1 Pukiki.  1 mea buke moolelo, a me 1 mea paikii.  I ka nana iho he huakai keia ua lawa piha me na haawina o ka noea iloko o ko lakou mau lolo pakahi.

            I ka wa i oni ae ai na mea paahana o ka lio mahu, ua niau mai la oia me he Mahimahi la no ke kai o Puaena, e kuupau ana i kona motio hoonee ma ke la aku o ka aina hamahamau i ka leo o Ewa.  ka Makani kaiaulu o Waianae, ka aina kupolua i ke ehkai o Puaena Waialua a me ka uluhala nenee ke kai o Kahuku.

            O ka loihi o ke alahele mai Honolulu aku nei a Kahuku, aia no ia ma kahi o ke 60 mile a oi, a ua holo iaia loa iloko wale no o 2 hora, he mea i hana ole ia pela mai kinohi mai o ka paa ana oia alahao.  Mai ia nei aku o Waianae kahi i hoomaha iki ai he loa o 33 3 mile, ua holo ia iloko o 54 minute wale no.  Ea, pu ʻ a ka uahi.

            Mai keia wahi aku i kemoe loa aku ai ka huakai no Kahuku, ma ke ala aku o ka Kae o Kaena, a ke kiei iho oe ma ka aoao pili i ke kai, he nani kona nanaina, ke kaalo ae nei o Kaalea me Kawaihapai.  ke kaulai me la o Mokuleia i kona moena pawehe , a kapalulu aku la  ke kula o Waikahele, au i ka wai o Anahulu, hehi i ke one o Maeaea, kaalo ia Puaena, oai ia Waimea i ke kala-koi, a hoomaha aku la i ka puu oioina o Kahuku, no ka manawa o 15 minute.

            I ka pau ana o na minute heemaha,  ua hoi hou mai la ka huakai no Waialua, a ma ka hale hoolulu ia ke one o Maeaea, i kaohi ia mai ai ka holo o ke kaa ahi Kaala, kahi a ka Luna nui o ka hotele hou C.P. Iaukea, e kali mai ana i kana mau malihini.  He oluolu loa oia i na mea a pau.

            O ke kahua i ku ai keia hotele, aia no ia maluna iko o ka lihiwai o Anahulu, a e ku ana hoi oia maluna o ke kahua akea i ulu ia e ka manienie.  Ua hoikeike ia mai o loko o na rumi moe, i hoolako pono ia me na ohe telepona olelo, a me na mea e oluolu ai ka noho ana.

            Mahope o ka makaikai ana, ua pahola ia mai la he papaaina hoau no ka wehe ana i ka hotele, me na ono i hoomakaukau ia.  Ua ai a one, a ua inu hoi a kena i ka lokomaikai o ua kamaaina la o ke ehukai o Puaena.

            Mahope o na hoomaha pokole ana, ua huli hoi mai la na mea a pau ma ka hora 2 ponoi, a hiki hou mai la i Kuwili i ka hora 4 ponoi.  Ke haawi ae nei i na hoomaikai ia Fred Snith, a me na hoahele a pau o kela huakai.

 

NA LONO NO NA HAWAII I

 KA HOIKEIKE O OMAHA,

 

            O keia malao iho na hoakaka ana ka nupepa World-Herald o ka la 19 o Iulai, e pili ana i na Hawaii i hoea aku la i Omaha no ka hoekeike nui e malamaia ana malaila.

            Me na hena aka malie a puka mai ana mai na lehelehe mai, he puali hauoli o iwakalua-kumamawalu Hawaii, kai lele mailuna mai o kekahi kaaahi kuikawa o ka Uniona Pakipika, mai ke Komohana mai ma ka auina la inehinei, i kaumaha hoi me na hinai Iapana a me na paiki me ka makaukau no ka panai ana aku i na mea a pau a ke komite hookipa i makemake ai e hana.  O lakou na poe no ke kauhale Hawaii, he poe lealea ma na mea kani,  hulahula, he mau kanaka lawaia, poe au, lu, ai poi, e hoike ana hoi i ke ano maoli o ke ano o na Hawaii.

 

UA HALA AKU LA NO ROSETONA.

 

            Maluna o ka mokuahi.  Kina, wa ka po Poalua nei, i haalele iho ai o Rev. E.S. Timeteo a me Rev. Ezera no ka hui nui o na hoomana Kala wana e malanaia ana ma Bosetona aia i ua malao o ke pailata ana a Hanele Walakahauki, a ua hoikeia mae e laweia aku ana laua e hoonmaike ia aku ma kekahi mau wahi pani o Amerika Huipuia me ka hoea lea aku no ka hoikeike nui o O@aha.

            O Rev. S.L. Desha a me Rev. J Kauhane mahope aku nei laua e holo ai no ia wahi hookahi.  a o Emekona ana paha ko laua kau aaina o keia huakai malihini.

 

KA MOKU LAWEKOA INDIANA.

 

            Ua hoea mai la ma ke kakahiaka Poaha ka moku lawekoa Indiana mai Kapalakiko.  E lawe ana oia he 800 koa hou no na pualikoa e noho mai la ma na paemoku Pilipine i hoohakahaka ia mamuli o ka make ana i ke kana, hoehaia a me ka loohi ana i ka mai.  Aia pu maluna ona he mau alli no na regimana like ole e noho la ma Manila, a he mau wahine haole hoi kekahi e kolo pu ana no loko o na haukipila malaila.

            Aia maluna o ka Indiana he 50 mau luina Pilipine i ooi ia i mau luina nona i kona wa ma Manila, a na olelo ae na aliimoku he poe akahai loa lakou.

 

KA HAKU EPIKOPO PANOPO LISMA HANA.

 

            Ma ka la 19 o Iuali aku nei, I hiki mai aika Haku Koikopo o KPanopolis me ke awa ku moku o Hana.  pili ma ka uapo, lululima pu me na keiki lalawai o Hana, keuma ke kaa o ke Kauka Aupuni o keia Apana, e ukali ia aha e ka Makua Kiliwelio o Wailuku, a hiki ma Puuiki, a ma ka pukapa ua hoowehiwehi ia me na lau nahele o ke kuahiwi, i hana maiau ia e nakaikamahine o ka halepule.

            Komo ka Epikopo me ka Makua o Wailuku maloko o ka halepule no ka malama haipule ana, a i ka pau ana, ua heluhelu mai o J.K. Keaonui i ka palapala hoomaikai a na hoahanau. Hui olelomai ka Epikopo, a hookuuia na hana oia ahiahi.      

            Iuali 23.  Ma keia la i malamaia ai he anaina pule mesa nui.  a ua haiolelo mai ka Epikopo ma ka olelo Hawaii.  a me ke Pukiki, a hookuu ke anaina pule.

            Ua hookipa ia aku ka Epikopo a me kekahi mau haole kuenoono o ua Apana nei, ma kekahi papaaina ohuohu i na ono like ole a na hoahanau i hoomakaukau ai malao o na hoohana ana a J. Kunnepailani.  O na malihini a me na hoahanau ma ka lakou papaaina, ua aia lawa i na kohi kelelele o ka Ua Kea.

            Mahope iho, kauo ka Epikopo i ka halepule a Kapaliwatio i ua keiki a ma na makua a hookuu na haa we ka hauolI. 

            Iulai 24, ua hele ike aka ka Epikopo i na a mahanau o Kipahulu, a ma ka la 25 ka pule mesa a me ke Kopilihamaiio, a huli hoi mai ka Epikopo ka Makua o Waliuku, a ke ko Hana nei me ia Pa. Aiwett pu.

            He ma ʻ u uahi mea hou ia e kaa aina nei.  Ke haawi aku oe.  ka me kakau i kona aloha nui ka Luuahooponopono a me na keiki hoouoho hua.  Aloha Nui.

                                                            P.K.M.