Ke Aloha Aina, Volume V, Number 31, 5 August 1899 — Page 6
| This text was transcribed by: | Pulama Goodhue |
| This work is dedicated to: | Malie Kamakalokomaikaʻi Goodhue |
KE ALOHA AINA
8 POAONO, AUGATE 5, 1899
------------------------------------------------------------------------------------------------------------EGAN DRY GOODS COMPANY.
ALANUIPAPU.
---------------------------
HE KUAI KUIKAWA NUI NO KEIA PULE
Na Pale Pakaukau Lilina,
a me na Tawele.
Na Pale Pakaukau Keokeo Damask 65 ken. mamua 45 ken. o ka i-a.
Na Pale Pakaukau Keokeo Damask $1.50 mamua $1.00 o ka i-a.
Na Tawele Turele 12 1/2 keneta, e loaa no 3 i ke 25 keneta.
Na Tawele Tureke 20 keneta, e loaa no 2 i ka 25 keneta.
Na Tawele Huck 25 kenete, e loaa no 3 i ka 50 keneta.
Na Tawele Damask 75 keneta, ua hoemi ia i ke 50 keneta.
Na Tawele Flaxine, 16 iniha, 3 no ka 25 keneta.
Na Tawele Flaxine, 18 iniha i ka 10 keneta o ka i-a.
---------------------------
EGAN DRY GOODS CO.
HONOLULU. ALANUI PAPU.
------------------------------------------------------------------------------------------------------------
------------------------------------------------------------------------------------------------------------
HE MOOLELO WALOHIA
--:NO:--
ALANADELA
---------------------------
Ka Wahine Hoopahaohao o ka Aahu Keokeo.
--A I OLE--
Ka Loea Hookani Pila Hapa o ke Kulu Aumoe.
---------------------------
Aole nae ua mau holo lio la i kaohi mai i ka holo o ko laua mau lio a hiki i ka uhi ana mai o ka pouli, a i keia wa hoi, aia laua ke naku la iloko o ka hihipea o na la@ au, a i ka hoomaopopo ana ae o Walata, he mea makehewa wale no no laua ka hoomau ana aku ma ka laua huakai imi i kana mea i aloha ai iloko o keia po pouli, oia no kona wa i haliu ae ai a pane aku la i kona hoa;
E Ka@sa aole anei ou manao he hana pono kaua ka hooluolu ana maanei, oiai, he hana hooluhi wale no paha no kaua ka hookolo ana aku mahope o ka kaua mau pio mahuka.
Ae, he hana naauao loa ia na ka ua e hana ai, oiai, he mea makehe wa wale no ko kaua hele ana i keia po. E hookuu i ko kaua mau lio e hoomaha, no ka mea, ua loihi ka laua wahi @ hele mai nei.
I ka holo like ana ae o keia manao mawaena o laua, oia koke no ka wa o Walara i ele aku ai no lalo o ka honua, no ka hookuu i manawa no kona lio e hoomaha ai, elike me ka hookuu ana aku o ke koa opio i kona lio e hoomaha, pela no ke kanaka @@@ i hooko like aku ai ma ka lele ana iho mailuna aka o kona lio.
A mamuli o ke ano @uanuanu o ke ke@au huihui o ua po la, ua hoakoakoa koke ae la laua i na la@a laau maloo me ka hoa ana aku, a iloko o na minute pokole wale no ua hoomalamalama koke ia @@ @ loko o ua ululaau la me ka ike pu ia aku hoi o ua mau kamahele la, i hoomehana ana i ko laua mau kino e hele a haukeke ma ka aoao o ka puu ahi, a mamuli o ka hoi ana mai o ka pumehana iloko o ko laua mau kino, aia hoi, ua ike ia aku la laua i ka hina ana iho ma ka aoao o ua ahi ia a pili iho la ko laua mau lihilii no ke kali ana o ka oili hou mai o na kukuna malamalama o ka la.
Maanei e kapae iki kaua e ka makamaka i ka hoonanea ana me na kamahele o ka po anu, a e alawa ae hoi kaua no ka uo Magarita a me kana mau hana lokoino.
I keia wa o ua Magarita nei i komo aku ai iloko o kona rumi moe me ka puuwai hoi i piha me ka hilahila no na olelo hoohoka o Walota, oia koke no ka wa i komo mai ai na manao puuwai eleele iloko ona, aka, aole nae oia i aa e puka mai iwaho a hiki i ka nalohia ana aku o kana mea i inaina ai iloko o na iululaau e ku kokoke mai ana.
A i kona ike ane ae ua hala aku la kana mea i aloha pupule ai, oia koke no kona wa i hemo aku ai no waho o ka lanai o ka hale me ka unuhi hou ana ae i kana ulili kahea a puhi aku la hoi me ka ikaika no okolu manawa.
I ke kuu ana iho o ka leo hone o ka ulili kahee, aia hoi ua hoea mai la kekahi o na kiai powa, a me ka leo olu waipahe, pane mai la oia;
E ko makou aliiwahine, e hoike mai heaha la ka makemake kau ulili kahea i kani kapalulu ae nei o keia ano ahiahi. He poino anei ua hookokoke mai i ko kakou home aloha?
Aole, e kuu kauwa hoolohe, aka, e kii koke aku ia Bonita, kuu ali@ikaua i hilinai nui ai, a lawe mai iaia imua o kuu ale nei ano, no ka mea, he hana nui kaʻu i makemake ai nana e hooko i keia wa ano.
A mahope o ka haawi ana mai o ka powa i kona kunou haahaa ana, oia koke no kona wa i haalele iho ai i kona haku wahine malalo o ka hooko kauoha.
Iloko o na minute pokole wale no hoi o keia kaawale ana aku o ua powa la, ua hoea mai la oia me Bonita a mamua o kona haku wahine i kukuli hoomaikai aku ai oia.
A ia manawa pu no hoi i lalau mai ai na lima o Magarita i ka lima o kona alihikaua a hapai ae la iaia iluna me ka puana pu ana mai i keia mau hiaolelo;
E ku ae e kuu hoopakele, a e hoike mai, ua holo pono anei kau huakai me ka kakou pio?
Ae, e kuu haku wahine, ua holo pono kaʻu hiakai, a o kau pio ania ia ke waiho la iloko o kekahi awawa kuhoho, nona ka hohonu i hiki ole iaʻu ke hoike ia oe, kahi hoi aʻu e manao nei, eole loa e hiki i kekahi kino kanaka ke hoopakele ae iaia mailoko mai o kona kulana poino. Nolaila, e hoopau i kou manao hopohopom no ka hoahuwale ia o kau noʻa huna.
Malun@ o kau mau huaolelo au e paulele nei, me ka hoopau ae hoi i koʻu mau manao hopohopo no ka loaa o ke kino o kuu enemi ka ui nohea Alanadela. Aka, aole nae, nolaila, ke kumu o kela kauoha a ke kauwa i lawe aku nei ia oe.
Ma keia wahi i hoohikileleia ae i o Bonit a ninau koke mai la me ka leo pupuahulu:
Heaha ka manao e kuu haku wahine au i makemake ai naʻu e hooko, e pane mai a ua makaukau au e hana me koohakalia ole.
A i keia wa no i leha mai ai na maka o ka wahine lokoino maluna o kona alihikaua a me ka leo i piha me ka inaina, poha mai la ia.
E kuu alihikaua hoolohe, o ka manao nui nana i kono mai iaʻu e kahea aku ia oe. Oia hoi keia, e uhai aku mahope o kela kanaka ui opio, nona ka inoa o Walata a me kana kauwa i hala aku la he mau minute ae nei ke kaawale, no ka mea, he mau kipi laua, a ua ohumu hoi e hoopau i ka noho ana o na keiki o ka aahu ulaula maloko o ka punana, a e hoauwana aku hoi ia lakau maluna o keia ilihonua.
Nolaila, o kaʻu i makemake ai e uhai aku mahope o ko laua mau meheu, a e pepehi aku hoi ia laua me ka hoopakele ole i ko laua mau ola. E wiki i keia wa ano.
He mea oiaio, ua lilo keia mau olelo hoopunipuni a Magarita i mea e hoopuiwa ia ai o Bonita a me ka leo piena o ka mea i piha i ka huhu, ua pane koke mai la oia@
E Magarita, kuu haku wahine, aole loa au e ae aku ana i na kipi e pakele mai kaʻu pahikaua aku, i na no he mau haneri o ko kaua mau kanaka e make ana, nolaila, e kali malie iaʻu no keia po a hiki i ke ao ana, a i huli hoi ole mai au ma ia manawa, alaila, e hoomanao iho ua poino au, a e hoouna ae hoi i ke koena o ko kaua mau kanaka no ka hoopakela ana ia makou.
Aole loa hoi au e huli hoi mai a hiki i ka lanakila ana, a i ole make ana paha maluna o ke kahua kaua. No ka mea, ua kue loa koʻu lunaikehala i ka hoolilo ia aku i mau kuewa e kela mau kipi.
A me ka pouwai i piha me ka hopo ole, lalau aku la o Bonita i ka lima o kona haku wahine a muki iho la, a me ka puana pu ana ae i keia mau huaolelo;
------------------------------------------------------------------------------------------------------------------------------------------------------------------------------------------------------------------------
[KIʻI] x 14
KUAI HOOPAU LOA
MAMUA O KA HOLO ANA AKU.
MA KAHI O
L. B. KERR.
ALANUI MOIWAHINE.
[KIʻI] [KIʻI] [KIʻI]
E Holo aku ana ma
ka La 18 o Augate
---------------------------
Nolaila. e kuai ia aku ana na WAIWAI a pau loa. O ka hiki ana ke hana i keia. oia no ke kuai i na waiwai a pau ma ke kumukuai hoemi loa me ka nana ole i na poho he nui.
---------------------------
O keia mau Waiwai a pau oia.
NA LOLE AAHU ME NA
WAIHOOLUU LIKE OLE.
Ua kuaiia mai na Hale Hana Nui mai o Europa.
---------------------------
NOLAILA, EIA KA WA O KE KUAI MAKEPONO. E HELE KOKE MAI, A E LILO NO KA WAE MUA IA OE.
---------------------------
L. B. KERR.
Honolulu, Alanui Moiwahine
[KIʻI] x14