Ke Aloha Aina, Volume V, Number 29, 22 July 1899 — Page 5

KE ALOHA AINA

KE KULANA WELIWELI  NA MA'I AHULAU.

 

            O kekahi keia o na mea nana e hoopioo i ko kakou noho ana, ma na wi a pau o ka honua holookoa i pajola aku ai keia kupuino, aia na mea a pau e noho ana me ka hopohopo, o kau mai na alina maewaewa o keia haawina maluna o lakou.

            Ua oleloia, i ka wa aole i hoea mai na haole i keia Paeaina, ua hoopiha holookoa ia keia mau Paemoku me ka nui hewahewa o na kanaka, a e noho ana lakou me ka ike ole i na weliweli o keia mea ino e laha nei iloko o keia au hou o ka noho ana maauao, e alakai ia ana hoi e ka mana o na oleloao a na kauka, ka poe hoi nana kakou e hooponopono nei malalo o ka mana o ke dala, ke kumuwaiwai hoopukapuka a makou e olelo ne, aole i manao ia ka pono a me ke ola lauiha ana o kaia lahuikanaka.

            Ua oleloia ma ko kakou mau moolelo o ka noho ana, he lahuikanaka kakou i ike ole ia mea, i ka wa o o kakou mau kupuna, a o na ma'i kamaaina mau, oia no na ma'i paaoao, ka ma'i wahine a me kekahi mau ano ma'i e ae.  Aka, oia mau ano ma'i, ua hiki loa ke lapaau ia lakou me ka maalahi malalo o na hooponopono ana a na laau i kupono i ko lakou mau ano pakahi, a i ka wa e hana ai ka peo i loaa i ka ma'i elike me na kuhikuhi maa mau, ua ike ia, he hikiwawe ke ola, a he palekana hoi ka noho ana.

            I ka wa i hookamaaina mai ai na kaole maluna o keia mau Paemoku naui a maemae, ua hookamaaina pu mai la lakou me na ma'i nana i luku iho i keia lahui a lilo i mea e hooneoneo ai i ko kakou noho ana lehulehu,  a laukanaka hoi.  O na ma'i paha a makou e olelo ae nei, nana i luku mua i keia lahio, oia no ka ma'i okuu, ka hebera, ka ulalii, ke smola poki, ka ma'i pake, ke kaokao, a o ka bubonic hoi i keia wa a kakou e noho nei me ke kali ana o kona pahola ae ma o na ohua eemoku ia mai nei mai Kina a me Iapana mai, kahi hoi e luku la i na mea a pau e loaa ana i keia ma'i.

            He mea no keia na makou e hoike mau nei, eia kakou ma ka waha o ua ma'ilele i na wa a pau malalo o ka hooponopono ana o na rula hoohaua o ko kakou Papa Ola, ka poe hoi ia lakou ka mana alakai e pono ai ka lehulehu holookoa, mai Hawaii a Kauai, a e noho ana hoi kakou me ka hoolohe i ko lakou mau leo, aka, ke hoomaipopo maoli ia nae ke ano o ka 'akou mau hoohana ana, ua hiki no ke ike ia, o lakou no ka poe nana e hoopoino nei i ko ka lehulehu ola.

            Ua lohe no ko lakou mau pepeiao, a ua ike no hoi ko lakou mau maka, i na wa a pau maloko o na nupepa, he aina o Kina a me Iapana, i laulaha me na anoana o ka ma'ilele, aka, o ka mea kupanaha loa nae, o ke ano o ka hoomalu ia ana o na ohua e hoea mai nei mai ia mau wahi mai, na like me ka hoomaneone ana i na kumu pepeaiao o kekahi mea, ka mea hoi a kakou a pau e ikemaka nei i keia la, ua like ke ola o ka lehulehu me ka mea haawi wale aku no me ka noonoo ole, aia he pilikia e hoea mai ana.

            Nolaila, ke hoike aku nei makou imua o ko makou lahui aloha, e noho me ka maiama loa, i ke kuulala ana i ko kakou mau kino iloko o na kiowai o ka lealea, aka, e pakiko, a e noonoo iho ma ke ano o na lawelawe ia ana o na hana pili i ko kakou ola, mai uhauhau wale, aka, e noho me ka malama, ka mea e mau ai ko kakou noho oluolu ana.

 

NA KAA LIO OLE NO HONOLULU NEI.

 

            Ua hoi mai nei maluna o ka mokuahi Rio de Janeiro o L. T. rant o Hilo, mahope o kona kaawale ana aku nei no kekahi mau mahina loihi ma Amerika Huipuia no ka huli pono ana i na mea e pili ana i na kaa lio ole.  E kukulu ia ana ne nui maanei no ke kukulu ana i keia mau kaa, a o ka nui o na kaa i makemake ia ma kahi no ia o 100, a no lakou hoi ke kaumaha o ke kaa hookahi ma kahi no ia o 1,400 paona.  Ua waiho ia aku nei ke kauoha mua no ka hoouna ana mai i keia ano kaa maanei.

 

NA LONO HOPE LOA

 

HE EKOLU MANA I POHA HOU AE LA

 

Ke Kaheawai la no kai o Hilo

 

            O na lono hope loa i'loaa mai neo maluna o ka mokuahi Malulani mai ka luapele mai ma ke alahele mai o Kapapala, peneino ia;

            O ka pele i manaoia e kahea pololei ana i Oaikea ua paa ia, aka, ua poha hou ae la nae he ekolu mau mana ma ka huli  Waimea.  Oka mana ma Hilo, aia ne ia ke hoomau la i ke ka he ana, a ua olelo ae na kanaka o ia aoao aia ke kahe la e like me ka wai.

 

MOKU NANAHU BRUTUS.

 

            Ma ke kakahiaka La Pule nei, i hoea mai ai ka makuahi nanhu Brutus he 11 la holo mai Apia, Samoa mai, a mahope o kona hooliha ana he 1500 tona nanahu e holo ake ai oia no Guam.  I ka wa i haalele aku ai ia Samoa, he maluhia ke kulana ma Apia, aka, aia no nae ke malama ia la je mau hakaka ana e na kanaka o na aoao a elua e aumeume la i ka nohoalii malako o na nahelehele.

            Ua loaa aku la ia Lutanela W. E. Safford, he komisina, mai ia Peresidena Makinile mai, no ka lawe ana ae i ke kulana Hope Kiaana no Guam.  Aia maluna ona he bipi kane a me na bipi wahine, a he heluna nui hoi o na mea ulu a me na hua laau no ke kanu ana ma Guam.  Oiai, he ekolu mahina o keia mau holoholona o ka noho ana maluna o ka moku, ua manaoia e hoea aku ana no lakou me ka maalahi i kp lakou wahi e hoouna ia nei.

 

HE ULIA POINO WELIWELI.

 

            Ma ka hora 9 o ke kakahiaka Poalua, us halawai iho la me kekahi ulia poino o David Sherman, he kanaka opio Hawaii nona na makahiki he 21, mamuli o kona hihia ana i ke kaula e hukiia ai na ukana o ka hale hoahu mauu California Feed Co., ua pakawili ia oia e ke kaula, a i kona haule ana iho iluna o ka papahele, ua kaawale aku kona lima akau mai ke kino aku.  O kona helehelena ua paluhe, me ka kaalele ou mai o ka hanu ola i kona kino.

            Ua malama ia ae he aha koronero maluna o kona kino, a ua hooholo ae ua aha la, ua haleawi oia me kekahi make alia.

 

HOI HOU KA MOKUAHI COLUMEBIA NO HONOLULU NEI.

 

            Mamua iho o ke kani ana o ka nora 7 o ke ahiahi Poakahi iho nei, i komo hou mai ai ka mokuahi Columebia no loko nei o ke awa, mahope o kona manao ia ana ua hala loa aku la oia ne Hongkong.

            Ua haalele iho ka mokuahi Columebia ia Honolulu nea, ma ka hora 5 o ke ahiahi Poakolu, Iulai 12, ua holo aku oia me ka malie o ka moana a hiki ma kahi kokoke i Niihau, ma ka Poaona nei, o ke kumu o keia ulolohi Ioa o ka moku mamuli no ia o ka kemahema o no Iapana paoahi i ohi ia ai maanei.  O ka hiki ia lakou ke hana oia noka hoopii ana i ke ana mahu a ke kanakolu, a ua like hoi ia me eono mile wale no e holo ai i ka hora.

            Ua komo pu akku na poe e ae o luna o ka moju e kokua i na Iapana paoahi, a i ka ike ana o Kapena Walker he 260 wale no mile i holo ia e la kou me ka nui o ka nanau i pau wale aku i ka ho'a ia a aole hoi lajou e hoea aku ana i Hongkong, nolaila, ua hooholo iho la oia he oi aku ka pono o ka huli hoi ana mai i Honolulu nei, e ohi hou ai i poe paoahi makaukau.

            He mau poino liilii e ae no kekahi i ikeia ma kona mahu a me kona hoe, aka, ua manao wale ia no nae ua hiki no ia ke hooponopono koke ia.  E haalele hou iho ana ka mokuahi Columebia ianei mahope o ka lapaau ia ana o kona mau hemahema moana no Hongkong.

 

NA MOKU LAWEKOA NO MALINA.

 

            He ekolu mau moku o ke aupuni o Amerika Huipuia i manao wale ia e hoea mai ana maloko o keia mau la iho oia ke Kulanakauhale o Para Conemaugh a me Tartar.

            E lawe ana ka mokuahi Para he eha puali o ka Regimana Paele Iwakalua k@@@@ia me ka lakou bana a me elua pualikoa kaua lio, a ua manao ia oia ke hoea mua mai ana.

            O ka mokuahi Conemaugh e hoea mai ana oia ma kekahi la o keia pule no, me 250 lio no na puali e noho la ma Pilipine.  E hoolele ia mai ana na lio no uka nei o ka aina, a e noho ana lakou maane no elua pule.

            O ke Tartar hoi e lawi ana oia he 1,500 koa, a ma keia pule aki i upaia ai aia e hoea mai ana i anei.

 

            Ma ka hookuku kinipopo i malaniaia ae mawaena o Kamehameha a me Artillery, ua Hilo ka lanakila i ka inoa mua he 22 puni, a he 3 wale no puni a ka inoa hope.