Ke Aloha Aina, Volume V, Number 28, 15 July 1899 — Page 8

KE ALOHA AINA

 

 

EGAN DRY GOODS COMPANY. ALANUI PAPU

HE KUAI KUIKAWA NUI NO KEIA PULE

Na Kalakoa maikai loa 22 i a i ke $1.00

Na Kalakoa Bolu Indigo 11 i a i ke $1.00

Na Percale Farani 11 i a i ke $1 00

Na Aahu o na Lede 75 keneta

Na Kakini Keokeo 2 paa i ke 25 keneta.

Na Lole Aahu o na Kane.

Na Kakini Eleele paa o na Kane 10 o ka paa.

Na Kakini i hana noeau ia 2 paa i ke 25 keneta.

Na Paleili Balbbriggan 75 keneta.

            Eia makou ke kuai hoemi loa nei i na waiwai o ko makou halekuai me ka nana ole i na poho, nolaila, e kipa mai mai hopohopo, a e ike ia no penei kekahi mau kumukuai:

 

            EGAN DRY GOODS CO. HONOLULU. ALANUI PAPU.

 

HE KAAO KAILI PUUWAI —:A ME NA:— Kaikunane Eiwa

 

I Hooliloia i mau Manu Nene Ahiu a i ole na Keiki i Hoehaehaia

 

Kakauia no KE ALOHA AINA

 

            I ka wa i hoopau ae ai o ka elemakule i kana kamailio ana, oia no ko laua wa i nee aku ai no ka waha ponoi o ke ana a malaila i ku kiai iho ai laua me ka makaukau no ka halawai @ua aku me ko laua mau enemi.

            A he mea oiaio, aole he ike ia aku o na kino kanaka i ka nee mai, aka, o ka malamalama nae o na kukui aia ia ke hoahuwale la i na mea a pau ma ke alo o ke ana.

            Hala he minute o ko laua kali mahe ona, aia hoi, ua hoohikileleia ae la laua i kekahi mau leo hawanawana i ka pae ana mai ma kahi kokoke loa ia laua, a na keia leo hoi i kono mai ia laua e noho me ka makaala loa.

            I keia manawa no me ka hakalia ole iho, hapai koke ae la o Boliona i kana pahikaua iluna, a me ka leo malie pane mai la oia:

            E Sinora, e hoomakaukau ia oe iho, no ka mea, ke halia e wale mai nei no ia'u e komo aku ana kaua iloko o kekahi hakaka hahana ana me ko kaua mau enemi, e omo i ke koko e kuu hoaloha maikai no ka wa hope, imua pu hoi a inu i ka wai awaawa.

            Ae, e Boliona ke koa wiwo ole, ke alana nei au i ko'u ola maluna o keia kahua no kou pono a me kau aloha, wahi a ka elemakule i panai hou mai ai me ka leo hawanawana, a h@la koke ae la hoi kana pahikaua maluna o kona poo.

            Maanei i hoalii iho ai ke a@oano meha, oiai ka kaua mau eueu e kali ana no ke ana pahikaua ana me e@, aka, he mau minute pokole wale no keia hahi ana o ka meha, no ka mea, iloko no o keia manawa i ikeia aku ai kekahi mano kanaka nui i ka oili ana mai mailoko mai o ka hihipea o ka laau, a ma ko @akou mau lima e paa ana lakou he mau lama ahi, a ma kekahi lima ho'2 ka lakou m@u pahikaua punahele.

            Aole lakou i nee mai imua me ka pupuahulu nui, aka, aia lakou ke nihi malie mai la me ka hamau nui no ka waha o ke ana me ko lakou manao e hoohikilele aku i ko lakou enemi i ka wa e hoea aku ai i ka waha o ke ana.

            Mamua pono o ua mano kanaka nei, aia hoi, ke ikeia aku la ka elemakule lokoino e alakai ana i kona mau kanaka me kana pahikaua hoi e o ana no ka waha o ke ana.

             Aka, aole nae he leo e pae mai ana mai na lehelehe mai o ka elemakule, a me kahi a kana pahikaua e kuhi aku ai, aia malaila kana mau kauwa kahi i hooko ai i kona makemake, a no kekahi mau minuet pokole wale no keia nee ana mai a lakou, ua hiki pono aku la lakou mamua o ke alo o ke ana, kahi hoi a ke koa opio Boliona a me Sinora e hoekepue mai ana.

            I ko lakou hiki ana ma keia wahi, oia no ka wa i huli ae ai o ka elemakole a pane aku la me ka leo hawanawana, i ke kauoha ana aku, pinei:

            E o'u mau kanaka e komo aku iloko o ke ana a kaualako mai i kela wahi aeahaukae iwaho nei, no ka mea, aole o'u makemake e ikeia ke kino make o ka'u mea i aloha ai.

            Aka, mamua nae o ka pau ana o kaua kamailio ana, a i ka wa a kona mau onohi maka i haliu hou aku ai imua, aia hoi, ua hoohikilele ia ae la oia i ka ike ana aku i ke kino make o kekahi o kana mau kauwa e waiho mai ana mamua o ka waha o ke ana, a me ka leo nui o ka mea i piha i ka inaina kupouli, lohe ia aku la ia i ka poha ana mai me ka weliweli, a o kana pahikaua hoi e kuh@ pololei ana no loko o ke ana, i ka i ana ae, penei:

            Ano, e kuu mau kanaka, ke ike maopopo nei au me ka paewaewa ole, ua pololei loa ka hoike a kekahi o ko oukou hoa i lawe ae nei, ka mea hoi i pakele mahunehune mai ka nehikaua mai a kahi ilio kawau, no ka mea, eia au ke ike nei i ke kino puanuanu o kekahi o ka'u mau kauwa punahele, a hoaloha pili paa hoi no oukou ke waiho mai nei ma ka waha o ke ana. Nolaila, e pane e kuu mau milimili, heaha kakou e hana aku ai no kela wahi lapuwale nana i hana iho nei i keia hana puuwai eleele? E hoopakele anei kakou iaia, a i ole e hookau ia aku anei i uku hoopai nona? O ka oukou mea e hoeholo ai oia ke hookoia.

            A i keia manawa i ikuwa koke ae ai ka leo piha inaina o na kauwa nana hoi i hoopaiakuli ae i ka lewa lani i ka hooho ana ae, penei.

            E ko makou haku maikai, e hookuu mai ia makou, e komo aku iloko o ke ana, a uhaehae liilii ae i ke kino o ka kakou pio iloko ona apana he tausani, a oia mau hunahuna oia ka makou e lawe mai ai iwaho nei, i ai na na holoholona hihiu o keia mau ululaau a me na manu o ka lewa.

            Me keia mau huaolelo kaena a na kauwa a ka elemakule paa ae la lakou i ko lakou mau pahikaua me ka makaukau ana no ka halawai aku me ka enemi, a nee aku la no loko o ke ana, me ka manao kuhihewa ana, e loaa aku ana ia lakou ka enemi e noho hemahema ana.

            I keia wa a ke kanaka mua loa i komo aku ai noloko o ka waha o ke ana, oia koke no ka wa i halawai mai ai oia me ka hauna pahi a ke koa opio a huli kaanini ae la kona alo me ka haule pahu ana aku no lalo o ka honua.

            Ma ia wa no i hoopaiakuli hou ia ae ai ka lewa me na leo pina inaina o na powa i ka hooho ana mai me ka weliweli nui:

            E kahi ilio kawau, e hoomanao o kou koko wale no ka uku panai no kau mau hana limakoko i hana mai la maluna o ko makou hoa. A @ keia mau sekona, aia kou ola @ ka waha o ka lu kupapau. Aka, ina nae he manao kou no ka hoopakele ana i kou ola, e hemo mai e kahi iole nawaliwali, mailoko mai o kela poopoo. Imua e na hoa a inu i ka wai awahia.

            I keia wa i hooki iho ai na kanaka i ko lakou mau leo e wawalu hele ana mao a maanei oia kulu aumoe, oia no ko lakou manawa i komo pualu aku ai noloko o ke ana me ka manaolana ana, malaila wale no e loaa ai ia lakou ka lanakila.

            Aka, ua kuhihewa loa nae ia mau kuko ana, no ka mea elike me ka hikiwawe o ke komo ana aku o na poo o kekahi mau kanaka, pela no ka hikiwawe e hoihoi ia aku ai la kou no lalo o ka honua.

            O na hauna pahi a ke@koa opio Boliona a me Sinora ka elemakule ua like hoi ka laua anai ana aku i na kauwa a ka elemakule, me he opala la, e puhi ia ana e kekahi kekiao makani ikaika.

            He mea oiaio, iloko o na minute pokole loa ua pau iho la he mau h@neri i ka make a hoeha ia o na kauwa a ka elemakule, me ka lilo ole he hookahi iniha o ke kulana a ke koa wiwo ole e ku nei.

            A ma keia nui o ka make a me na poe i ho@haia e waiho mokaki ana ma ka puka o@ke ana, i kono ma@ i ka elemakule, e hoakoakoa ae i kona wahi heluna kanaka kakaikahi i koe, iwaena o lakou i ku ae ai oia a me ka leo i piha i ke kaumaha, haawi ae la oia he mau olelo hoolana i ka i ana aku.

            E a'u mau kauwa hoolohe, ua hana oukou i ka oukou hana me ka paewaewa ole, a no oukou hoi au e manaolana mau nei i ka hanu o ko kakou aupuni. Aka, he hookahi wele no alahele a'u e manao nei oia wale no kahi e loaa ai ka lanakila oia ka ho-a ana i kekahi puu ahi me ka waha o ke ana, a na ka hohono o ka uwahi e luku aku i na uhane ola a au maloko ona. Nolaila, e a'u mau kauwa e pane mai, heaha ko oukou manao ma keia hoolala ana i ulu aew la iloko o ko'u puuwai?

 

LA KUOKOA O KA REPUBALIKA ARGENTINE

 

            O ka La Pule iho nei, Iulai 9 oia ka piha ana o na makahiki he 83 o ka noho kuokoa ana o ka Repubalika Argentine, mai ka umii ana a na kanawai o Sepania a lilo ae la he aupuni kuokoa e hookele ana nona ponoi iho me ka holomua.

            Ma keia la, ua kahiko ae ka mokukaua Argentine Presidente Sarmiento i kona mau kia me na hae o na waihooluu like ole a ua hoaahu pu ia ae na mokukaua Amerika maloko nei o ke awa me na hae like ole maluna o na kia. Ua hookuu akea ia ae ka mokukaua Argentine no ka makaikai ia ana e ka lehulehu, a ma kahi he mau haneri i pii aku iluna ona, me ko lakou hoonanea ia mai e ka hana o ka moku. Ua haawi ae oia he mau kipu ana i ke kakahiaka a me ka napoo ana o ka la no ka hanohano o kona aupuni.

            Ma ka po ana iho, ua hoomalamalama ia ae la kona kino holoookoa e na kukui uwila maiiuna o na kia na i @ na puka uwahi, ua palekai, a hoea loa aku la na kukui uwila iluna o ke ilik@ mamua o ka ihu a me hope, a ua like hoi oia me he kia ahi la e laua ana iluna o ka ilikai. He nani kona mau hiohiona i ike ole ia kona lua. Aia maluna o keia moku he hookahi Hawaii nona ka inoa o Manuela a o Hilo, Hanakahi, kona one hanau.

            Piha u ka napo o Wailuka ae nei i ka poe makaikai i ke ahi a ka wahine, a pela no hoi me kekahi mau wahi e ae o ke taona nei, i keia mau po. —Elele Hawaii.

            O Tutu Pele ka mea nui i ka waha o ka lehulehu e kamailio nui ia nei e ko Hilo nei poe. Nawai no hoi e nele ka wawa ia he hale kanaka, e wawa ia auanei ka hale kanaka ole—Elele Hawaii.

            Ua hoao ia ae e hoeha kekahi Iapana kuonoono o Waianae nona ka inoa o Shiozawa ma kela mau po aku nei, ma kahi hoolulu kauahi ma Kuwili, me kekahi mea oolea i manao wale ia he pauka laau. Aole he maopopo iaia o ka mea nana keia hana powa, aka, ua koho ia no na kekahi Iapana no ia.

            He luina o ka mokaukaua Argentine kai hailuku aku i ka puka aniani o ka Hale Oihana o Henere Walakahauki ma, e ku nei ma ke alanui Moiwahine, ma ka Poaha nei, a pakele mah@nehune aku la hoi na poe o loko. Na John Mahuka kekahi o na keiki hoehoe waapa i alualu aku a hopu i ka luina kolohe mawaho iho o ka Hale Hana Hao, Ua loaa aku oia me kekahi pahi e paa ana ma kona luna, aka, aole nae he mea i hoopoino ia.

 

UA LOAA MAI, HE HELUNA .... O NA .... Pena a me na Aila Pena, Na Hulu Pena, Na Kapuahi Aila, Na Kapuahi Fisher, (ua hoemiia ke kumukuai) Na Palau na ano apau, Na Lako Mahiai, Ho, Oo, Kopala, Kipikua, Na Bakeke o na like ole, Na Ipuhao, Ipu Ti, Na Lako Aniani.

            E loaa mai ana he mau waiwai hou maluna o ka mokuahi Auseteralia. Nolaila, e kipa mai, a e wae no oukou iho, he emi loa ka makou mau Kumukuai.

Hawaiian Hardware Co., Ld (HUI LAKO HAO H@WAII, I KAUPALENAIA)

Alanui Papu, ma o ka Banako o Spreckels. @

 

HALE PAIKII Kihi o na Alanui Kamika me Pa@ahi. NO ELUA PULE WALE NO e ho@mi ia ai ka uku o ke pai ana i na kii a he hapaluau ko lakou mau auhau mamua.

E HOOMAKA ANA MA KA LA 10 IULAI, 1899.

            O na kii @ $1.50 o ka hapakakini, ua hoemi loa ia iho ko lakou mau kumukuai. Na kii pena, ua hiki ke hana ia me ka @ loa. E hele mai e na makamaka e ike no oukou iho.

            Yamamoto.