Ke Aloha Aina, Volume V, Number 28, 15 July 1899 — Page 7

KE ALOHA AINA

KE ALOHA AINA, POAONO, IULAI 15, 1899.   7

 

HUI KUAI LOLE HAWAII.

Ka Heiau o na Paikini.

Ke kono ia aku nei na hoaloha a me ka lehulehu no ke kipa ana mai e makaikai i na

WAIWAIHOU LOA.

E kuai ia aku ana i keia mau Pule Ekolu e hoea mai ana.

            Ke hoikeia aku nei ka lohe he heluna o na mahele i kaupalenaia ke kuai ia nei e na Ahahui la ma ka $5.00 pakahi. E waiho ia aku no na noi i ke Kakauolelo, Mr. hanapi, a i ole i na Lala o ka Papa Hooko, ma ka Halekuai, Helu 224, Alanui Papu.

            A.V. GEAR.......................................................................PERESIDENA.

            DR. HUDDY.........................................................HOPE PERESIDENA.

            EDWARD HANAPI......................................................KAKAUOLELO.

            N. FERNANDEZ.........................................................................PUUKU.

            CHAS WILCOX...............................................................LUNA HOOIA.

            MOSES PALAU........................................................LUNA HOOHANA.

 

HE MOOLELO WALOHIA

NO KA

UI SOPAEA.

ILOKO O KA HANOHANO.

A ME

TOME BAKALA

Ka Ilihune.

Hoohenoia no [KE ALOHA AINA.]

            A oiai hoi e hoopiha mau ia ana kona alo me keia mau ano ulumahiehie, aia na kaulona pono ana  o na maka o na mea a pau maluna o na opio la, no kana mea e hana ai no keia poe.

            Aka, aole nae i hoike mai kona mau helehelena he ano hoihoi iloko o keia mau uluaoa huikau, ka mea hoi ana i hoihoi ole loa ai.

            I kekahi ahiahi, oiai na mea kani e uwe hone ana, ua puke mmalu aku la oia ma ka puka mahoppe o ka halealii, a huli hoi aku la no ka lakou home noho kuahiwi, kahi ana i manao ai, o kahi wale no ia ae hoomaha ia ai o kona mau manao kaumaha oo ke aloha kakia i ka iwi.

            A iwae iakouu o ka po, i hoea aku ai oia me ka maalahi, a maluna o ka moe i maa mau iala, i haawi aku ai oia i kona pauku kino no ka hooluolu ana.

            I ka hala ana ae o kekahi mau la loihi o kona hana mau ana pela, ua ulu ae la ka manao iloko ona, e waiho aku i na hooponopono ana o ke aupuni iloko o ka poholima o kona makuakane, ka mea kupono hookahi wale no e pani ma kona hakahaka, a o ka makana kupono hoi ana e haawi aku ai na kona makua aloha.

            I kekahi po, oiai ka makua a me ke keiki maloko o kekahi rumi nui oloko o ka halealii, e kuka kamailio ana, ua pane aku la oia imua o kona mau makua penei:

            Ua hiki mai la kakou i ka wa kupono a’u e hoike aku ai i ko’u manao ia olua, kekahi hoi o na mea ano nui loa a’u i manao ai e hoike aku ia olua, ko’u mau lanui makua ponoi.

            Oia hoi, i keia po, e waiho aku ana au i na hana hooponopono pili aupuni a pau iloko o ko olua lima oiai au ma kekahi huakai i maopopo ole ia’u ka loihi o ka manawa a hoea hou mai au imua o ko olua alo.

            Oiai, aia he lehulehu wale o na keakea ma ke alahele, a mamuli wale uo o na manao koa a me ka hopo ole, e lanakila ai oe maluna o kou mau enemi a pau, ka mea hou a ka olua keika e aa nei, e oia e hakoko no ka hanohano o ka inoa moho no ke ao holookooa, ma ke kaka pahi, ka aloalo ihe, a pela aku.

            Ke manao nei no hoi au, a hele aku ma na wahi like ole o ke ao, e hakilo pono ai i ke kulana hooponopono oia mau aina mamao mai a kakou aku.

            I ka hooki ana iho o ua opio la i kana kamailio ana, ua ike ia aku la na kulu waimaka e kiheahea ana ma ne heleheleua o kona mau mekua, e hoike mai ana hoi, ua eha laua i ka eha lima ole a ke aloha.

            A elike me ke ano mau o na makua makee keiki, pela no kakou e ike pu ae la, eia ua makua o ua keiki la iloko o na hoopoluluhi ana o ke kaumaha.

            Mamuli o keia makemake i ulu ae iloko ona, no ka hoolaula ana aku i ke kaulana o kona inoa ma no wahi a pau o ka honua, elike me kana papa kuhikuhi hana e hoikeike nei imua o kona mau makua.

            I ka wehe ana mai o ke alaula o kekahi la ae, ua liulilu ae la oia no ka haalele ana iho i na kualono uliuli o kona aina hanau, a kamoe aku la kona alahele no ke kulanakaunalo nui aiwaiwa o Ladana, kahi hoi ana i manao ai, malaila oia e hooni hou ai i na io uala o kona mau lima.

            He mau la loihi loa keia o kona kuoe hele ana ma ke alaloa, e halawai ai, a me na mea o keia noho kino ana, ka mea hoi aole ia he mea nele i ko ke kanaka ola ana.

            A i kekahi ahiahi molehulehu o ka piha ana o ekolu mahina o kona kuoe hele ana ma keia huakai, ua hoea aku la oia ma ka aoao waho loa o ke kulanakauhale, a maloko o kekahi wahi pupupu hale nahaha e ku wale ana i ke kula, aohe kanaka i komo aku ai oia a hoaumoe iho la ia po, oiai ke kehau ahiahi e pa ana me ka ikaika.

            Oiai nae oia e kamau ana i kana mau wahi apana palaoa kahiko, a e inu ana hoi i na olopu waina mailokko mai o kana huewai ili, me ka manao ana, e haawi i manawa nona e hooluolu ai.

            Aka, oiai nae oia e kokoia na me na manao uluku no ke komo ana aku iloko o ke kulanakauhale ana i lohe wale ai, he punana ia no na hana limakoko, ka aihue a me ka pepehi kanaka.

            Oiai nae oia e lulumi ia ana me ia mau noonoo, oia koke no kona wa i lohe aku ai i ke poha poha mai o kekah mau kapuai lio, ma kahi he haneri i a wale no ke kaawale mai a iaia aku, a e kamoe mei ana hoi ko lakou alahele no kahi pupupu hale a ka kaua opio e hoolohe aku nei:

            He wahi keia ua kuluma mau i ka hooluana ia e keia poe limakoko e kamoe mai la no kahi a ka opio e noho houpue aku nei, me ko lakoou ike mua ole, ua kokoke mai ka wa e hoopahua ia ai ka lakou hana.

            Mamua ae o ka hoea ana mai o na poe hololio o ke kuluaumoe, aia hoi ka opio e ku makaukau ana, no ke kali ana a kokoke iki mai i kana wahi i makemake ai, malaila oia e hookaakaa aku a i ko lakou mau maka.

            I ke kokoke loa ana mai o ua poe hololio nei, no lakou ka huina o 25 kanaka, ia wa koke no i oili aku ai oia mailoko ahu o kahi pupupu ana e noho ana, me kana kaula ili e paa ana ma kona lima.

            A me ka ikaika i loaa iaia, kiola pau aku la oia i ka ikaika hoonana o ka io uala iloko o kona lima, aia hoi he 13 poe i hei mai la i kana kipuka ili, a o ke koana aku, ua pau i ka hoehaia me ka maka o ka na pahikaua.

            O ko lakou nanea a me ka palaka ke kumu o ko lakou haole pio ana malalo o keia kakela ana iho ia me ka opio, ka mea hui a lakou i lia mua ole ai, e hoea mai anna he hopena poino maluna o lakou.

            I ka ike ana e ua opio la ua pau loa kona mau hoa piho i ka paa, lele iho la oia mailuna iho o kona lio, a hauhoa iho la i ko i kou mau lima me na hao hoopaa lima e kau ana mamua o ka omuku e ko lakou mau noho.

            I ka pau pono ana o kana hana, alakai aku le oia i ua poe nei a ma kahi pupupu hale ana i hoea mai ai a hoopaa aku la malaila, no ka haawi ana i manawa no lakou e hoomaha ai a hiki mai na kaiko o ke aupuni.

            Mahope iho o kona ike ana ua lawa na hooko ana a kona manao i hana ai, ua kamoe loa aku la oia ma ke alahele e hoea aku ai no ke keena poo o ka oihana makai; kahi ana i makemake ai, malaila oia e waiho aku ai i kana hoike no keia poe haihai kanawai.

            Oiai, he malihini oia ma keia kulanakaahale, a ua maopopo ole noi iaia kahi o ka hale hoopaa la wehala, ua ano ulolohi hoi kona hoea koke ana aku ilaila.

            A ma ka hora 3 o ka wanaao i hiki pone aku ai oia i kahi ana i makemake ai e waiho aku i kana mau kuhikuhi ana, no ko ka oihana makai kii ana aku a lawe mai i ka poe nana e hoohaahaa mau nei ka oihana hoomalu o ke aupuni.

            Ua lilo hoi kona hoea ana aku i keia mau hora poniponi o ka wanaao, i mea nana na ka poe e ku kiai ana, oiai kona mau laahu e komo ana, ua kiheahea ia me na kulu koko o ka poe powa ana i hoeha ai.

            I kona komo ana aku ma ka ipuka, ua hoolauna aku la oia me ke kiai, no ka nonoi ana aku i kona lokomaikai, e ae mai iaia e komo aku e huipu me ke poo o ka oihana makai, kahu ana i manao ai, me ia ke kuleana e hooponopono ai no ia mea.

            Ua ae ia mai la kana noi, a komo aku la oia iloho, a imua o ke alo ponoi o ka ilamuku, i pane aku ai oia me keia mau olelo o ka hoaloha i ka hoaloha.

            E ka makamaka maikai, ka mea hoi naua i kono mai ia’u e lawe mai a hoike aku ia oe, aia he poe haihai kanawai o ke ano powa, me ko lakou mau helehelena i uhi ia, a iloko o ko lakou nanea, ua halawai iho la lakou me a’u, a iloko o ka wa pokole wale no, ua hei kekahi hapa o lakou iloko o kuu kipuka ili, a o ke koena aku me ka maka o ka’u pihikaua punahele.

            I ko’u ike ana, aole e hiki ia lakou ke nana ino mai ia’o, ua wehe koke ae au i na hao hoopaa a lakou i hoomakaukau kuhihewa ai no hai a hookomo aku la iloko o ko lakou mau pulima, a kaualako aku la ia lakou iloko o kekahi wahi pupupu hale mawaho loa aku nei o keia kulanakauhale nui aiwaiwa, kahi a’u i haalele aku ai e kali anna no ko lai kou hopena.

            O ka nui o na holoholona i pepepehi ia maloko o elua pule mai Iune 28 a hiki i Iulai @ he 294 bipi, 82 bipi keiki, 428 bipa a me 321 puaa.

            Ke hoike ia aku nei ka lohe na poe a pau e lawe ana i ka nupepa KE ALOHA AINA pukela e me puke pule ma ka inoa o Sam’l Kaanaapa, ke papa ia aku nei ko oukou hookaa ana i ke ola o ka pepa ma kona lima. Ua hoopau loa ia aku kona nono Luna ana no makou. E hoolohe i keia i ole e pilikia,

                                    MA KE KAUOHA.

 

Nuhou Kuloko.

            Ua hala aku ia no ka Ua Kanilehua, ma ke Kinau o keia pule kekahi o ko makou limahana no ka hoomaha ana.

            O ka nui o na i’a o ka makeke i ka pule a pau ana ma ka la 1 o Iulai, he 59,919 i’a, a i ka pule e pau ana i Iulai 9, he 75,451.

            He wahine opio kai pakele mahunehune ae ke ola mamuli o kaai ana i kekahi mau ko omoomo i hana ia me ka laau make.

            Eia no loio ke hoomaha nei no elua pule, e like me ka aelike i hana ia e lakou, a na hala aku la kekahi poe no ka makaikai ana i ka pele.

            Wahi a na lono i loaa mai Hilo mai, na hiki ke heluhelu ia ka nupepa malaila i ka po, malalo o ka hoomalamalama ana a ke ahi Pele.

            Ua haawi ia aku la ia R. H. Hikikoki Hope Ilamuku i pau, he laikini loio piha no ka lawelawe ana ma na aha a pau o keia Paemoku.

            Ua hookohu ia aku ia na Keikialii Kawananakoa a me Kalanianaole i mau Lunahooponopono no ka waiwai o ka Moiwahine Kapiolani i make.

            Ua hului pau ia ae no ka halewai no ke kuai ko kanake e piepiole hele nei ma na huina alanui, aka, aole me lakou i hoolohe, ma ke kakahiaka Poalua nei.

            Ua lawe ia mai nei e ka moku Haukipila Solace he waapa mokuahi no ka moku kolo Iroquis a e hoohana ia aku ana oia ma ka huki ana i na kao nanahu.

            Ua lilo ka eo o ka hookuku kinipopo o ka Poaono nei, mawaena o Hoku a me Artillery i ka mea mua mamuli o ka loaa ana laia he 17 puni, a o kona hoa he 3 wale no.

            Eia ke noomalu ia nei ma Kahaaulana na ohua a ka mokuahi Amerika Maru i lawe mai nei, ma ka hora 5 o ke ahiahi Poalua nei, i pau pono mai ai lakou i ka hoolele ia.

            He mau puai koa paele o ka Penesaleyania kai hele ae e huli i na koa i hale ko lakou manawa i hookuu ia ai, he nui na wahi i komo ia aku e lakou, no ka huli ana i na poe nalowale.

            E haalele iho ana ia Honolulu nei maluna o ka mokuahi Mariposa ka Bihopa Wihsi me kana wahine no Samoa, ma ka laua huakai pili hoomana, a e hala ana ia laua he mau puie malu la.

            Ua hoopiha ia na mokuahi Malulani, Kinau a me Kalaudine me na poe makaikai o ke kulanakauhale nei i ka luahine Pele, i ko lakou wa i haalele iho ai i keia awa ma ka Poalua nei, a he lehulehu wale i haule hope iho la no ka loaa ole o na keena.