Ke Aloha Aina, Volume V, Number 28, 15 July 1899 — Page 6

KE ALOHA AINA

HE MOOLELO WALOHIA

NO ALANADELA

 

Ka Wahine Hoopahaohao o ka Aahu Keokeo

a i ole

Ka Loea Hookani Pila Hapa o ke Kulu Aumoe

 

            E like me ke kauoha a Bonita, pela i hooko koke aku ai na powa, a iloko o na sekona pokole wale no, aia ka kaua Alanadela ke lawaia la no ke kae o ka pali nihunihi, aka, aole nae on a ika ae i keia poinoo weliweli on a e hookokoke mai nei.

            I ka wa i hoea pono aku ai ua mau powa ia ma ke kaie o ka pali, oia no ko lakou wa i hookuu malie iho ai i ka lakou pio ma ka aoao o ka pali, a he wa hoi ia o ka meha o na mea a pau, a i ka imo ana o ka maka ua hookuu ae @ poe powa nei i ka paa ana ke kino makamae o ka kaua aloha me ka menemene ole, a ia wa no hoi i haule aku ai ka ui nohea Alanadela no lalo o ke awawa kuhono me ka pau o kona ike ia ana aku, kahi hoi i upu ia ai malaila oia e waiho ai a hini i ka lehu ana o kona kino.

            I ka nalo ana  aku o ke kino o ka wahine opio oia koke no ka wa i haawi hou ae ai o Bonita i ke kauoha i kona mau kanaka no ke kau hou ana ae maluna o ko lakou mau lio, me ka huli boi aku no kahi a ke nui o na powa e kali mai la me ka hoohakalia ole, oiai, ua hooko ia aku ia ka makemake o ko lakou haku wahine.

            A iloko ka hauoli no ka kaa ana ia lakou o ekahi mau makana kiekie mai ko lakou haku wahine Magarita mai, kau like ae la lakou maluna o ko lakou mau lio pakahi me ke kuu au ana i ka holo no kahi a ka hapanui o na powa e kali mai ana.

            Mahope iho o ko lakou hui ana aku me ko lakou mau hoa, ua haawi ae la o Bonita i kana kauoha no ka huli hoi ana aku no ko lakou home, kahi hoi a ko lakou haku wahine e kali mai ana no na lono hauoli.

            Na kekahi mau hora keia kuupau ana aku o au poe powa nei i ka holo o ko lakou mau lio, a i ka wa hoi a ka la e hookokoke aku ana e nalowale ma keia aoao o ke poepoe honua, au ike ia aku la ko lakou home kakeila e oui haaheo mai ana maloko o na lau laau, ia manawa no i puia koke ai ko lakou mau leo huro o ka hauoli, no ka hoomaopopo ana iho, au kokoke lakou i ka home. A he mau minute wale no mahone iho, ua hoea aku la lakou momua o ka halealii kahi a Magarita a me Waiata e kali mai ana no lakou.

            Aole nae o BOnita i hele pololei aku no kahi a kona haku wahine a me Walata e kali mai ana ka ua huli se la oia a huli hoi aku la no ko lakou wahi hoolulu me na kanaka i hele pu ai me ia, a o ke koena iho o lakou, oia kai hele polotei loa aku no kahi a Magarita e kali mai ana.

            I ka hoea ana aku o ke koena o na powa mamua pono o ke alo o ko lakou haku wahine, a mamua ae hoi o ke poha aku o ko lakou leo, ua lahela aku la ka leo o Magarita i ka ninau ana ahu me ka leo pihoihoi

            E kuu mau kauwa hoolohe e pane i keia wa ano, pehea aku nei ka oukou huakai, ua halawai aku anei oukou me na pio mahuka? E pane koke mai ano, oiai, o ka napoo koke aku no koe o ka la o ke kali ana no na lono o ka oukou huakai ano nui.

            I ke kua ana iho o ka leo piha haalea o ka wahine lokoino aia na ouka pepeia o ke koa opio ke kaulona pono mai lamaluna o na powa me ka puuwai hoi e pana kapalili ana, he aha la ka lono a na powa i lawe mai ai e pili ana no kana aloha kakia iwi, a ma kona helehelena pu hoi e hekau ana na hiohiona kaumaha.

            A i keia mau sekona no i ike ia aku ai i ka luliuli ana ae o kol akou mau poo a pane mai la me ke olowalu like:

            E ola mau loa ko makou haku wahine o ka pahu ualula, o kau kauoha ua hooko pono ia e e makou, ua hu'i aku makou i na pio mahuka mailuna aku o ka piko o na kuahiwi a hiki ilalo lilo o ka papaku o na awawa kuhoho, ua kumo aku makou iloko o na ana pouliuli e halo ana ma o a maanei, ua alo ia aku e makou o loko o ka hihipea o na ululaau me ka pauaho ole no haeri wile ka mamao, aohe alualua, aohe hoi he wahi i koe maloko o keia mau mile, alka, o ka mea nana i hoopahaohio loa mai ia maeou, oia no ka hoonele ia ana mai o ka makou huaki me ka loaa ole o na pio, no ka mea, aole he wahi mehea i loaa aku ia makou, e hoike mai ana la hoi i ko laua wahi i hele aku ai, a nolaila, pela makou i hoonaleia ai me na pomaikai o keia huakai.

            I keia wa a na powa i hookuu iho ai i ko lakou mau leo oia no ka wa o na waimaka i haloiloi mai ai ma na lihilihi maka o ke koa opio Walata, a me ka hoohakalia ole iho ku ae la oia a hoi aku la no loko o kona pumi, me ka puuwai i piha i ke aloha kupouli no kana Alanadla lalau aku ia oia i kona aahu hele kuahiwi a komo iho la, a o kana pahikaua hoi, kaakua ae la oia ma kona puhaka, a la wa pu no hoi loheia aku ai kona leo i ka puana ana ae me ka ohaoha, me na kulo waimaka e hiolo ana ma kona mau papalina, penei:

            Ke hele nei au me ka maopopop ole o ka hopena o keia huakai aka he mea ole wale no nae na poino e halawai mai ana ma ko'u alahele, o ka iini hookahi wale no iloko o kuu puuwai, o ka muki hou aku i na papalina o kuu Alanadela, a e huikala aku no au i kana mau hana lokoino i hana mai ai maluna o'u.

 

EIA MAI KA OIAIO

 

            Mamuli o ko'u ike ana iho i ka olelo hooiaha a na poo o ka hui o kaelepulu, Kailua e ini ana i na holoholona o Piomanu i make, maloko o ke aloha aina puka ia o ka Poaha nei, nolaila, ke hoike ia aku nei ka lohe i na poe la, aohe he mau lio o Piomanu i make, no'u ponoi ia i haawi aku i kona wa e ola ana, a i kona make ana, ua hoi hou mai ia a pili me a'u. O na manao ana e kudala i pomaikai no ke kula, uaki loa ia, o hoopii ia ma ke kanawai.

Owau iho no,

E.W. MAKAWALU

Kauluwela, Honolulu, Julai 14, 1899

            Eia ke hoomakaia nei ka hana ana i ke alanui kaa uwila ma ke alanui Alamoana, e like me ka lakou i seliko ai me ke aupuni, e hoomaka ia ka hana mamua o ka la 7 o Iulai.

            Ua hala aku ia no Manila, ka moku haukipila Solace, ma ke kakahiaka Poakolu nei, a ma ia ahiahi no i hala pu aku ai ka mokuahi lawekoa Penesalevania no ia wahi hookahi no.

 

OLELO HOOLAHA

---------------------

            O makou o na poe o ka hui o ke kuia o Kaelepulu, Kailua, Oahu, ke hoike aku nei makou o na holoholona o Piomanu i make, e uku mua ia mai ka uku kula, ina aole e uku mua ia mai au lilo loa no ka aina kela mau holoholona, mai keia la e puka aku nei, a umi la mahope aku o ka puka ana o keia hoolaha.

O makou no,

J MAULIOLA

W. KAWELO

D. KAIHENUI

Honolulu, Iulai 10, 1899

 

BAKIKALA HOU "BEEBE"

NO KE

$30.00

KAA KANE A ME WAHINE

MA KA

HONOLULU CYCLERY O

BAILEY

 

HELU 231 ALANUI MOI

 

            Na Milwaukee Punctore Proof Tiree, aole e hiki i ua kui kiawe ke homo iloko o lakou.

            Hoomaemae ana i na Kaa Baiki kala poino a pau

            He heluna nui o na lako hoonae mea maloko on a i loaa ole ma na Paemoku Hawaii.

 

NA WAIWAI NANI ME NA PAIKINI HOU LOA

 

            Ua loaa mai nei ia'u ma kela pule aku nei he heluna nui o na Waiwai mai Europa pololemai. I wae ponoi ia e ko'u mau Agena ma Ladana. A i loaa mai hoi ia lakou ma ke kumukuai emi loa o na mai keke malaila.

 

O KA HOPENA:

            Ua hiki ia'u ka kuai hoemi loa aku i kela mau Waiwai ma ke kumukuai haahaa loa, nana e hoohikilele in a kanaka, a e waiho koke no lakou i ka hookomo i na dala.

 

ILOKO O NA MAHELE KOPAA

-----------------

            He nui loa e hiki ai ke loaa i na mea a pau, a e hoolako ai hoi i ko la kou mau hemahema, no ka waiho malie ana a hiki i ka wa i makema ke ia, no ka mea, o na waiwai elike me keia aole e loaa hou ana no keia kumukuai, a i lakou wa e pau ai aole e hiki ke hoopiha hou ia mai.

 

PAPALE, HOOWEHEWEHEIA A I HOOWHIWEHI OLE IA

 

            O na ana like ole, me na waihooluu like ole, a i ko lakou wa e hoohalike ai me he wai anueanu ahieahie.

L.B. KERR

Honolulu, Alanui Moiwahine