Ke Aloha Aina, Volume V, Number 27, 8 July 1899 — Page 7

KE ALOHA AINA

 

POAONO, JULAI 8, 1899

 

HE KAAO KAILI PUUWA

-NO KA-

UI MINEWA

-A ME NA-

Kaikunane Eiwa

 

I Hooliloia i mau Manu Nene Ahui

a i ole na Keiki i Hoehaehaia

 

Kakauia no KE ALOHA AINA

 

Na keia mau olelo a Sinora i hoopuiwa ae ia Boliona, a me na maka pihoihoi, haka pono mai la oia maluna o kahi kauwa me ka puanaana ae me ka leo kaumaha.

 

E Sinora, e hoike mai, pehea, e pakele anei ko kakou mau ola mai ko lakou mau inaina mai, ina ka kou e loaa mai ana maanei i keia wa?

 

Aole, aole, loa kakou e pakele ana, ina kakou e loaa pono mai ana maanei, no ka mea, ke lohe maopopo aku nei au i ka hae o ko lakou mau leo, me he mea la, e hoike maopopo mai ana, ua ike ia oe i ke komoana mai nei iloko nei o ke ana, a i ole, u hoopoino aku paha oe i ke ola o kekahi o na kanaka, wahi a Sinora i puana awiwi mai ai.

 

He oiaio, kau e kamailio mai nei, i panai mai ai o Boliona. Ua pepehi io ia e a'u kekahi o na kanaka e kiai ana ma keia ana, a eia kona kino make ke waiho nei ma ka waha o ke ana. Aka o kona kokoolua nae, ua mahuka aku oia mai a'u aku, a me he mea la, nana i lawe aku a hoike aku i kona mau hoa, a pela paha lakou e nee awiwi mai nei no ka hookau ana mai i ka hoopai no ka make ana o kekahi o ko lakou hoa.

 

A i ka hoopau ana ae o Boliona i kona leo oia koke no ka wa i pane mai ai Sinora me ka leo hikilele.

 

E Boliona, aole kakou e pakele ana ke hoohakalia iho kakou maanei, no ka mea, ua hana hewa aku oe, aka, he hookahi hana kupono wale no ia kakou e hana ai i ke a wa, oia ka haalele ana iho keia wahi me ka hooulolohi hou ole aku, a mahuka hoi no kahi e pakele ai o ko kakou mau ola. Nolaila, e lalau koke aku i kau aloha a hapai mai iaia iluu, e wiki, me ka uhai pu mai hoi mahope o'u, a na'u e alakai ia kakou no loko o ka hihipea o na laau kahi a'u e hilinai nei, aole loa kakou e loaa ana i na enemi, aka, akia nae au e kaena e ae ia mea.

 

I ka hoopau ana ae o Sinora i kona leo, oia koke no ka wa o ke koa opio i pane aku ai me ka leo hopo ole pene.

 

E@@, kuu hoaloha maikai, aole a nei e hiki ia kaua ke ku a paio aku ia lakou, no ka mea aia no ka pahikaua a ke kanaka kiai i make ke waiho mai la ma ka waha o ke ana oiai, aole o'u makemake e hoonioni ia aku i ka hiamoe o kuu aloha.

 

He mea oiaio, aole io no au i makemake e hoala ia ka hiamoe o kau aliiwahine, aka, o ke alahele wale no ia a'u i manao ai, pela kakou e lanakila ai. No'u iho, aole o'u weliweli ia mea he make, aka, no ke iko ana aku e paio me kela ma no kanaka nui, he mea hiki ole ia ia'u ke hooko aku, oiai, ua aui loa ko'u mau la, a ke hookokoke loa aku la ia e napoo ma kela aoao o keia ola ana. Aka, ina he manao hoololohe kou, maanei ke hoike mua aku ne no au ia oe me ka oiaio loa, aohe o kakou ahailona i koe, a e hooneoneo ia aku aina hoi kakou mailuna aku o keia ilihonua. Nolaila, o ka leo keia o ke ola hooloheia mai. E wiki ano a e mahuka aku no kahi e pakele ai ko kakou mau ola, wahi a ka leo uwalo o sSinora i pane mai ai.

 

Mamuli o keia mau leo uwalo o ka elemakule Sinora, akahi no a maliu aku ua Boliona nei i ka leo o kona hoa, a me na lima palanehe, lalau koke iho Ia oia kana aloha a hapai ae la me ka malie, me ka muki hou ana iho i na papalina nohea o ka kaua Minewa.

 

I keia wa no i huli ae ai oia a pane aku @ me ka leo malie i kona kokoolua i ka i ana aku.

 

E kuu Sinora maikai, e hoike mai i keia wa ano, ua makaukau anei oe no ke pailata ana aku i ko kakou huakai noloko o ka hihipea o na laau iloko o ka pouli panopano. A mamua ae nae o ko kakou haalela ana iho i keia wahi, e lalau aku i ka pahikaua a ke kanaka make, i hoe pakele nou ma keia huakai hele, no ka mea, aole kaua i maopopo i na mea e halawai mai ana mamua o ko kaua alahele, aka, aole nae he hewa o ka hoomakaukau mua.

 

I ka hoopau ana ae o Bolina kona leo, oia no ka wa i ku koke ae ai o Sinora iluna, a me ka leo i piha me ke pihoihoi, pane koko mai la oia.

 

O, e Boliona, ua makaukau au e alakai aku ia kakou i keia wa ano, no loko o na ululaau, kahi hoi a'u e hulinai nei malaila wale no e loaa ai ia kakou ka palekana.

 

Nolaila, e hahai mahope o'u ina ua makaukau oe e wiki a mai hoohakalia hou aku, oiai, ke hoomaopopo nei au, eia ko kakou mau enemi ua kokoke loa mai lakou ma kahi he mau iwilei wale no ka mamao.

 

A me ka leo piha weliweli, poha hou mai la ka leo o ua wahi elemakule la me ka naalulu i ka i ana mai.

 

Aole, aole aha kakou e pakele ena, oiai, ke ike nei au ke komo mai nei ka malamalama o na lama ahi iloko nei o ke ana, a me he mea la, mamuli o ko lakou makemake ana e poipu ia kakou iloko nei o ke ana, pela lakou i nee mai a imua me ka hamoau nui.

 

A he mea oiaio, ua pololei na olelo a Sinora, no ka mea, ia manawa pu no, ua leha aku la na maka o ua Boliona nei no ka waha o ke ana, a ua hoopuiwa ia ae la hoi oiai ka ike ana aku i ka malamalama powehiwehi mai owaho elika hoi me ka malamalama o ka mahina ma kana koho iho.

 

I ka hoomaopopo ana ae o Boliona ua kokoke loa io mai ko lakou mau enemi, oia no kona wa i hookuu hou aku ai i kana aloha no luna o ka lepo, a me ka hookaulua ole, ua ku koke ae la oia iluna me ka unuhi ana ae i kana pahikaua e moe lolii ana ma kona aoao.

 

Aia wa no me ka leo hawanawana i awili pu ia me a pihoihoi, ua huli koke ae la oia a pane aku Ia ia Sinora penei.

 

Aole o kakou wahi e pakele ai mailoko aku nei o keia ana oiai ke hoomaopopo nei au, me ha mea la, ua paniku ia mai o waho, a i ko kakou wa e oill aku ai, oia auanei ko kakou wa e halawai mai ai me na hauna pahi a ko kakou mau enemi.

 

Nolaila, he hookahi hana pono wale no ia kaua, oia hoi, ke ku kiai ana ma ka puka o ke ana a mai hookuu aku hoi i hookahi o lakou e komo mai iloko nei. E kuu hoaloha, e paio no ke ola a i  ole no ka make no ka mea, pela wale no e loaa ai ia kakou ka maha. E hoike mai, ua aa anei oie e kue aku ia lakou.

 

Aole i pane koke mai o Sinora, aka, ua ike ia aku la nae kona kino i ka naka haalulu ana ae me ka piha makau, a i ke kaahope ana ae o kekahi mau sekona akahi no a lohe ia aku oia i ka puana ana mai.

 

E Boliona, ke ae aku nei au i kou manao e paio no ka lanakila, a i ole no ka make, oiai, pela wale no ka kou e hiki ai ke pakele mai ka noho pio ana maloko nei o keia wahi.

 

I ka hooki ana o ka elemakule i kona @ , oia no ka wa i ke aku ai na hele@ @ e @kau ana maluna  o ke @@ opio, a me ka puuwai hoi e @ ia ana e na manao koa, oa hele koke aku la oia no ka waha o ke ana no ka lawe ana ae i kona @ kini malama me ka lalau pu ana aku hoi i ka puhikaua a ke kanaka make e weiho ana a haawi mai la ia Sinora me ka lohe hou ia aku hoi o kopa leo hoolana i ka pane ana mai.

 

E hooana i kou anao e kuu hoaloha maikai, no ka mea, he manaolana no ko'u e loaa ana ia kaua ka lanakila. Oiai, ke halialia e mai nei no ia'u, ua hiki loa i kuu pahikaua punahele hookahi ke ulupa aku i ko kaua mau enemi iloko o ka manawa pokole. E lalau mai i keia pahikaua i kokua nou.

 

Nou e ke koa opio ko'u mau hilinai ana, me ke noi ae i na lani e hoopakeia ia kou oia, a e hoolileia hoi kou inoa i mea e weli ia ai e ka honua holookoa. O kou poino ana o ko'u poino pu ana no ia, aka hoi, o kou lanakila ana maluna o ko kaua mau enemi, o ko kaua hauoli pu aka no ia, a me kau aloha kakia iwi e hiolani mai nei, wahi a Sinora i panai pu aku ai me ka lalau au aku hoi i ka pahikaua.

 

UA HALA AKU LA NO OMAHA

 

Muluna o ka mokuahi Aoraugi i hala aku la no Vitoria, i kau aku ai he 26 mau Hawaii no ka hoikeike nui e malama ia ana ma Omaha, a aia hoi lakou malalo o ka hoomalu ana a John Wilson, maloko o keia huina he 10 mau kane, 13 wahine a me 3 keiki.

 

E holo ana lakou no ka hoikeike ana i ke ano o ka noho ana o Hawaii nei, na hana lealea, elike me ka himeni, ka hula olapa, a pela aku. He mau waa pu hoi kekahi i lawe ia aku no ka hoikeike ana.

 

Ua hoopiha ia ae ka uwapo mokuahi me na ohana o ka poe i hala aku la, a i ka wa o ka moku i haalele iho ai i ka uwapo a nee malie aku Ia no waho o ka nuku, ua lohe ia aku la ku leo o na keiki himeni Kawaihau i ka haawi ana mai i kekahi mau wele Hawaii hooni puuwai hope loa. Aole i maopopo loa ka loihi o keia huakai a lakou i hala aku la.

 

UA NALOWALE

 

Ke hoike ia ku nei ka lohe i na mea a pau, ua nalowale ma ka auina la Poaono nei he Medala Silva me na huaolelo i kuai ia, "For Excellent in Drill, Co . A. B.B.P. Feb 2nd 1899." A me ke pine i hoopaa ia ai ua Medala la o kau ana ka inoa, "A. Nawahi." O ka mea i loaa a hoihoi mai i ke Keena o KE ALOHA AINA  o loaa no ka uku makana kupono.

 

 

EGAN DRY GOODS COMPANY.

ALANUI PAPU.

UA LOAA MAI LA IA MAKOU HE LAINA HOU O NA

LOI E PILI WAHINE

NA KINI

Eia pu me makou he mau Uhi Lole kaulana, i hiki ke hoololiia

ua Uhi la mai kahi palule a kahi @ aku.

NA LOLE AAHU KANE,

E LOAA PU NO NA LOLE KANIKAU.

Eia makou ke kuai hoemi loa nei i na waiwai o ko makou halekuai

me ka nana ole i na poho, nolaila, e  kipa mai mai hopohopo,

a e ike ia no penei kekahi mau kumukuai.

EGAN DRY GOODS CO

HONOLULU

ALANUI PAPU.

 

 

W. C. AKANA

Kalauki

 

He Loea Maheleolelo mawaena o ka Lahui Hawaii a me na keiki o ka Aina Pua. He makaukau oia ma ka hana ana i na Palapala Hoolimlima, na Palapala Kuai a moana hana a pau e pili ana i na Waiwai Paa ame na Waiwai Lewa. He waipahe ma ke kuka ana.

Keena Hana. Ma Kanakihi o na Alanui Moi a me Alakea.

 

 

BAIKIKALA HOU "BEEBE"

-NO KE-

$30.00

Kaa Kane a me Wahine

-MA KA-

Honolulu Cyclery o Bailey.

HELU 231. ALANUI MOI.

Na Milwaukee Punctiure Proof Tirea, aole e hiki i na kui Kiawe ke komo iloko o lakou.

 

Hoomaemae ana i na Kaa Baikikaia poino a pau.

 

He heiuna nui o na lako hoomaemea maloko ona i loaa ole ma na Paemoku Hawaii.

 

 

HALE PAIKII

Kihi o na Alanui Kamika me Pauahi

NO ELUA PULE WALE NO

e hoei ia ai ka uku o ke paiana

i na kii, a he hapalua o ko lakou

mau auhau maua.

 

E HOOMAKA ANA MA KA LA

10 IULAI, 1899

 

O na kii nunui $1.50 o ka ha@@kini, ua ho@ loa la iho ko @ mau kumukai. Na kii penu, na hiki ke hana ia me ka noeau loa. Ehele mai e na makamaka e ike no oukou iho.

 

YAMAMOTO.

 

 

KA HALEKUAI O NA MEA AI

-O-

HENRY MAY & CO

I loaa no malaila ka ke kopa i hoomai a me na lako mea ai a pau. K hoolawa ia no na ohana ma nahiko a me na moku eia na lako a o  Europa a me Amerika e hoea mau mai nei maluna o na mokuahi.

Alanui Papu. Helu 515