Ke Aloha Aina, Volume V, Number 26, 1 Iulai 1899 — Page 7

KE ALOHA AINA

POAONO, IULAI 1, 1899

 

HE KAAO KAILI PUUWAI

:NO KA:

UI MINEWA

:A ME NA:

Kaikunane Eiwa

I Hooliloia i mau Manu Nene Ahiu a i ole na keiki i Hoohaehaia

 

Kakauia no KE ALOHA AINA

 

E kuu hoaloha Boliana aole oe i uluhia a me na uhane iapu o ka po, aka, ke hoi hou mai la ke ola iloko o ke kina o kau aloha, a ua kokoke loa hoi kona manawa e puoho mai ai, wahi o Sinora i panai aku ai me ka leo hauloli.

A me ka houoli nui e hana mao ole ana iloko o ka puuwai o ke kanaka opio, lalau koke aku ia kona mau lima wikani i ke kino laau o kana ipo, a hapai ae la me na lima palanehe a hoopili malie mai la i kona poli, me kona haka pono iho hoi maluna o ka oiwi kilakila o ka na aloha.

I keia mau minute aia ke aloha a ua Boliona la no ka kaua Minewa ke hana mao ole la i knoa puuwai, a no ka hiki hou ole aku iaia ke uumi iho, ua kulou koke iho la ko na poo ilalo a muki malie iho la ma na lehelehe o ka wahine opio, a ia wa pu no hoi i naka haalulu ae ai kona kino me ke hoopuanuanu ia ae hoi o kona mau aakoko i ka haupu ana ae, ua aea hewa aku la paha oia i ka hai kuleana, a ua pili pono paha keia wahi hoohena nona:

Aloha no au i ko maka

Ko ihu ka’u e honi,

Loe aku ko kino me oe

Ua kapu na ka mea waiwai.

A oiai @@ @@@@@ nei e kaulena pono @@ ike a kona mau onohi @@@iluna o na helehelena nohea @ke ui Minewa, ua hooi ia ae la kona hoohihi no na hiohiona nani ana e hoonuu nei, a me ka loe malie puana ae ia oia.

O, e ka wahine e moe lolii nei ma kuu poli, aole paha oe i hoomaopopo pehea ka nui ka hohonu a me ke kiekie o ko’u aloha nou.

Na kou aloha i kono mai ia’u e kuoe malie iloko o keia mau ululaau malihini. E hele ana ma na lae kahakai e halo ana ma na poopoo pohaku me ka hoopuanuanu mau ai ae hoi o ko’u puuwai e loaa aku ana oe ua hala ke ola ka makamaka o ke aloha e kipa aku ai, aole nae he wahi meheu oia  ano i halawai me a’u. Aka e @ ouani ia nae na lani, aole pela kona makemake, me kona alakai pololei mai ia’u no kani a kuu Minewa e waiho ana iloko o ka ehaeha.

I keia mau sekona no hoi i ike ia aku a n@ waimaka e haloiloi ana na lihilihi maka o ua Boliona la a me ke aloha maeole e lalawe ana iloko ona, kulou hou iho la oia me ka haawi ana iho he muki ana ma ka papalina o kana aloha.

Aka, i keia wa@nae ana i kulou iho ai, ua haule aku la he mau kulu waimaka mai kona mau lihilihi aku a hoopulu iho la ma ke poo o ka wahine opio. Na keia mau kulu waimaka hoi i hoopuiwa ae ia Minewa a puoho ae la oia me ka  pau pono ole o na hooninipo ana a ka wai laau maluna o kona kino.

Aka, mamuli nae o ka pau ole o na hooniponipo ana o ka wai o ka omole laau, ua hiki ole ia Minewa ke hoomaopopo ae o kana aloha no keia, nolaila,  me ke ano ohewahewa puana ae la oia me ka leo nahenahe, penei:

E ka elemakule lokoino, e hoo kuu malie ia’u e make ana keia wahi, a mai noi hoohua mai ia’u i wahine nau, no ka mea, eia ko’u puuwai ke huli la i ka’u mea i aloha ai ma kahi he mau tausani mile ka mamao. E waiho malie ia’u a mai hoonioni, oiai, eia au ke ike aku nei i ka’u mea i aloha ai ke oili mai nei mailoko mai o ka hihinea o na laau e kii mai ana hoi e hoopakele ae ia’u.

I ka hooki ana iho o kona leo, oia koke no ka wa i u@oi hou iho ai  kona mau lihilihi a lilo hou aku la @e Niolopua. Aka, no Boliona i keie mau sekona ua hookapalili ia @e ia kona puuwai me ke kupu pu ana mai o na manao lili iloko ona no ka puana hou a kana aloha, a me ko leo pihoihoi, puana ae la oia:

O, he oiaio anei e na lani, he ipo hou ka ka’u aloha, nona ka mamao he mau tausani mile mai anei aku. E na ahe lau makani, e hoike mai he oiaio anei keia mau olelo? O, e na lani he oiaio anei keia mau olelo i puana ia ae? Ina pela, aole aole loa au e ae aku ana e ola hou au no la ike ana aku e lilo ana ka’u mea i aloha ai ia hai. Nolaila, ma kou aoao e waiho ai nei kino make, a nana hoi ia e hu@a iho no ka wa pau ole.

A ma keia wahi i@ hoopau ai ua Boliona nei i kona leo, a ua like hoi ka walania o kona puuwai me he kuikele e iniki hoomaha ole ana. A’ia wa pu no hoi i lalau hou iho ai oia i kana pahikaua a hapai ae la me na waimaka e haloilei ana ma kona mau lihilihi, me ka hooho hou ana ae. Ma kou oi ponoi au e kuu pahikaua punahele, e lawe ai au i ko’u ola, no ka mea, he waiwai ole no’u ke ola ana iho, ina ua hoouele ia au ma ka’u mea i aloha ai.

I keia Manawa no i hookuu aku ai oia o ka hiipoi ana o kana Minewa aloha, no lalo o kahi a na pua e waiho ana, a me la hookaulua ole iho, hapai koke ae la oia i kana pahikaua a puana ae la me ka leo ku i ka walohia.

Ua oi loa ko’u pono e make, i wahi e pau ai ko’u ike ana i na hana lokoino a kuu aloha.

A ia sekona no, i ka wa a na kulu waimaka e hiolo makawalu mai ana mai kona mau papalina mai, oia no ka wa o nalohia aku ai kona mau noonoo maikai a komo mai la hoi na noonoo hehena iloko ona. No ka mea, ia sekona koke no i pahu mai ai oia i ka oi o ka maka o kana pahikaua iloko o kona puuwai.

Aka, aole nae i hooko ia keia manao lapuwale ona, oiai, ia wa pu no ua loaa aku la kona lima i kekahi pa’i mahanahana a Sinora, a halahu aku la ka maka o ka pahikaua mai ka puuwai aku o Boliona me ke kapoo aku iloko o ka lepo mahope o kona kua, a pakele mahunehune hou ae la kona ola mai keia puu make ae.

E ke kanaka opio, e akahele i kou inaina a mai wiiwiki i ka lawe ana i kou ola, no ka mea, aole oe i maopopo i ka oiaio o keia mau olelo a hiki i ka pau ana o na hoopo luluhi laau e kau la maluna o ko kino o ka wahine opio.

A maanei hoi i aka haaloulou iho ai ua Sinora la no kana hana apuhi i kona mau hoa kauwa, a lakou hoi i manao kuhihewa ai ua make io no oia.

Elike me ka leo kaohi a ke kauwa pela ua Baliona la o hooki ae ai i kona manao lawe koke i kona ola, me ke kali malie ana, no ka wa e nalohia loa aku ai na ho ai @o ana a ka wai laau maluna o Minewa.

A oiai ua Boliona la e kali ana me ka piha nauki no keia puoho koke ole mai o kana aloha, a i ka wa hoi e hoalii ana ke anoano meha maloko o na paia o ua ana la aia hoi, ua hoohikilele ia ae la oia i ka lohe ana aku i kekahi mau leo huawawa koliuliu, aka, ma kana hoomaopopo ana nae, aia lakou ke nee mai la imua me ka puahi nui, no ka mea, i kela a me keia minute aia ke lohe moakaka ia aku la ko lakou mau leo hauwalaau.

Ma keia wahi i huli ae ai oia a ninau koke aku la ia Sinora, i ka i ana aku me ka pihoihoi:

E kuu hoaloha maikai, ke lohe aku la anei oe i kekahi leo walaau e hookokoe mai nei. E hoike mai owai lakou?

A he mea oiaio, ua hoolohe io aku la oia i keia mau leo hauwawa e pa’e mai nei, a me ka leo hoi i piha me ka weliweli, puana mai la oia:

E kuu hoaloha maikai, aole kela he leo no kekahi poe okoa aku, aka no ko’u mau hoaloha no ia, ma ka’u e hoomaopopo nei i ko lakou mau leo, ua piha me ka inaina, a ke hopohopo nei au o poino ko kakou mau ola.

NUI NA HANAINO A NA KOA AMERIKA.

 

Ua loaa mai ia makou he mau hoike mai waho mai o Waikiki no kekahi mau hana ino a na koa Amerika e noho nei ma Kapahulu oia hoi ko lakou ki wale ana I na moa a me na holoholona e ae me ka lakou mau pu me ka nana aku no o ka mea nona ia mau waiwai, aka,  aole no nae lakou I waiho aku.

O na kumu niu maloko o Ainahau a me kekahi mau pa niu e ae malaila, ua pii aku keia poe haole me ke noi ole aku I ka haku nona ia wahi a lu aku la elike me ko lakou makemake.

Ma keia e ike iho ai kakou I ke ano pakaha maoli no o keia lahui, no ka mea, aole keia he aupuni i loaa ia lakou ma ke kaua e hiki ai ia lakou ke lawe wale me ka pana ole I ka poe nona ia waiwai.

 

KA MOKUAHI HOU O POKA MA.

 

I ka hora 7 o keia kakahiaka Poakolu I hoea mai ai ka mokuahi Hueneme o ka Hui o Poka ma, he 11 la holo mai Kapalakiko mai. He ano hiohiona like ko keia mokuahi me Kauai. I kona wa i ike ia ai mawaho ae o Koko, ua holo aku ka pailata a hookomo mai la iaia me ka maalahi noloko nei o ke awa, me ka hae Hawaii hoi e pulelo ana ma kona hope. E hoololi ia aku ana kona inoa ma keia hope aku.  Oiai, ua haalele like aku ia Kapalakiko ma ka Poakahi no a ke Doric I haalele aku ai ia Kapalakiko, nolaila, aohe ana mau lono makamaka hou o na aina mamao I lawe mai nei.

 

E HOLO AKU ANA NO OMAHA.

 

Ua loaa mai la ia makou na lono, ua holopono na hoolala no ka hooana ana aku i kekahi poe Hawaii no ka hoikeike nui o Omaha. O ka lakou hana e hooana ia nei, oia no ka himeni ana i na mele Hawaii a ke olioli ana, a hoike pu aku ana hoi lakou i ke ku’i ia ana o ka poi, ka hoe ana i ka waa a me kekahi mau hana e ae o ke au kahiko.

 

HOOKUUIA LE IAPANA KALAIWA KAA PIO.

 

I keia kakahiaka Poalua nei, i hookuu ia mai ai o Oda, ke Iapana kalawaia kaa pio I hoopii ia ao ka lawe ola ma ke degereelna. Ua hoea ae o Paulo Numana no ka aoao pale, a’o Caypless ma ka aoao aupuni, O ka hewa o keia Iapana I hopuia ai mamuli no ia o ka pii ia ana o kekahi pake e ke kaa ana e kalawaia ana ma ka la 11 o June, a i make he mau la mahope mai,  mai na palapu mai i loaa iaia.

 

Ua hoea aku la ka moku lawekoa St Paul o Kapalakiko, Iune 9 mai Manila mai, me 37 ohua maluna ona.

 

PACIFIC IMPORT COMPANY

PROGRESS BLOCK.  ALANUI PAPU.

HE KUAI KUIKAWA NUI NO KEIA PULE WALE NO.

NA LOLE SILIKA ELEELE HERNVETTER 1.25 I-A I KEIA PULE E

KUAI NO KE 75 KENETA.

NA UHI KANIKAU ELEELE, NA HOOWEHIWEHI ELEELE,

NA SATINA ELEELE KUAI KUIKAWA 10 KENETA O KA I-A

HE HELUNA NUI O NA WAIWAI KANIKAU E KUAI IA ANA ME KA EMI LOA.

PACIFIC IMPORT CO.