Ke Aloha Aina, Volume V, Number 25, 24 Iune 1899 — Page 8

KE ALOHA AINA

POAONA,  IUNE  24,  1899

PAGE  8

 

 

 

EGAN DRY GOODA COMPANY.

ALANUI PAPU

KUAI HOEMI NUI I KELA PULE.

 

-----------------------

 

            Eia makou ke kuai hoemi loa nei i na waiwai o ko makou halekuai me ka nana ole i na poho, nolaila, e kipa mai mai hopohopo, a e ike ia no penei kekahi mau kumukuai:

 

            Na Kinamu maikai loa........................................................20 i-a i ke $1.00

            Na Falanela hele holoholo..................................................10  "    "    $1.00

            Na Tawele Flapine.............................................................12   "   "    $1.00

            Na Lole Kakauloloa Keokeo nani loa.................................11   "   "   $1.00

            Na Percales i kupono no na palule......................................11   "   "   $1.00

 

EGAN DRY GOODS CO.

HONOLULU         ALANUI PAPU.

 

 

 

HE MOOLELO WALOHIA

 

-----:NO KA:-----

UI SOPAEA.

ILOKO O KA HANOHANO

 

-----:A ME:-----

TOME BAKALA

Ka Ilihune.

 

-------------------

 

Hoohenoia no (KE ALOHA AINA.)

 

            O kou hiki ana mai la imua o'u ua hoohikilele mai oe i kuu puuwai me kou lawe pu mai i na manao hoopahaohao, e hiki ai ke ulu ae iloko ou ka haupu ana e ma ka haili pu, aia he hana nui ma kou aoao.

 

            A ina he mea ia na keia puuwai e komo pu aku ai iloko o na kaana hauoli ana me oe, ke puana ae nei au, ua hamama kuu puuwai no ka hookipa ana mai i na mea a pau e puana ia mai ana, mai kou lehelehe mai, ina no kekahi mea e hoohauoli aai i ko kaua mau puuwai, a i ole i ke kaumaha paha.

 

            O keia mau olelo i puana ia mai aia  me ka leo nahenahe o ka mea i piha mua oloko o ka puuwai a hu i kau a mea o ka makemake, oia keia a kaua e lohe pu ae la, e komo pu no oia me kun aloha, ina iloko o ka hauoli a kaumaha paha.

 

            Oia hoi ka ua wahi Tome nei i pane hou aku ai, me ka muki ana aku  ma ka papalina o ka mea ana, i lia ai nana e kui ia pua,

 

            He wahi hana aawiwi lea ka'u i haawi ia mai ai no ka hooko koke ana aku, a mamuli o ko'u akenui e ike mua oe i ko'u wahi i hele ai, i ole ai oe e hoahewa mai ia'u no ko'u hoike ole aku.

 

            A o ua hana la, e hoike aku au ia oe, e holo awiwi aku ana au me kekahi pualikoa kaua lio no ke kulanakauhale Poo Aupuni o Wale, @no ka lawe pio ana mai i ka Moi a me ke aupuni, a me he n ea la i keia wanaao makou ehaalele iho ai ia Dubelina nei.

 

            No keia kumu hooka;u wale iho la no ko'u mea i hele mai la i ike ia oe, a i hiki ai hoi ia oe ke noho me ka hoomanao, aia au i ko kaua home makuahine kahi i na'i ai @no ko kaua pono.

 

            I ka wa i pau ae ai keia mau olelo ana  a ka opio, aole loa he hookahi aole loa he hookahi leo i lohe  hou ia aku e namumu ana, mamuli  o ka pii maeele ana maiu o ka hana a ke aloha iloko o ka ui Sopaea, a o na waimaka kana e hoonuu la, i mohaai na ke aloha e nalu ai me ka ehaeha.

 

            He mea oiaio, ua mihi hou iho la ua wahi Tome nei iloko iho ona, he hana hewa loa ka keia ana i kipa mai ai e hoike aku no kana huakai hele.

 

            A no ka loaa ole mai he pane mai ka ui Sopaea mai, oia koke no ka wa i haawi koke aku ai o ua wahi tome nei i kekahi mau olelo hoolana, e hiki ai ke hoopau ia ae na manao hoopoluluhi e loku ana iloko o ua ui la, oia mau minute o ke kupilikii.

 

            E maliu mai e kuu aloha, a e hoolono mai hoi i ka'u mau huaolelo e haawi aku ai iloko o ka pahu kani o kou mau pepeiao, ina ia he mea ua loaa ia mai ka oluolu mai a oe mai,

 

            O ko'u noho ana iho mamuli o ko'u makemake iho, me ke kue ana ae i ka mana o ka oihana koa, o kekahi ia o na hana weliweli loa e hoea mai ana imua o ko'u mau maka ponoi, malalo o ke kauoha a ka moi a e lilo ana hoi au i lawehula maopopo, me ka hiki ole i na olona wikani o  ko'u mau lima ke kue aku i na hooponopono ana o ka oihana koa, oiai au e noho alihikaua ana.

 

            A ina ua manao oe, he io aku ko kaua noho pu ana, no ke pale ana ae i ka leo mana o k ka moi a me kona mau Kuhina, alaila, no ka pono o ka mea a'u i aloha ai, ke haawi  pio nei au i ko'u kino no ka hooko ana a ia mau leo uwalo no ka noho ana iho.

 

            O keia mau huaolelo ku i ka walohia,m a ke kauaka opio i piha i ke kaa a me ka maka'u ole, oia ka ua ui opio ia i pane koke mai ai, me ka i pu mai.

 

            O ko'u mau manao kuhihewa o na minute i hala iho la, ke hoihoi mai nei au ia mea a pili me a'u, ma ka haawi ana aka i na huikala ana aku no kou mau manao maikai, ma ka hoike o ana mai i ka lono no kau huakai hele no ko kaua aina hanau, kahi hoi e noho hoomalu ia ala e ka lima kakauha o ka mea i piha kona naau i ka lokoino a me ke aloha ole, a no ka pono o ka poe i hoopilikia wale ia, ke nonoi ae nei au, e loaa ko lakou hoopakele ia mailoko aku o kou mau lima ponoi, a nona hoi na pono a me na pomaikai e haawi ia mamua o na mea e ae.

 

            Ano, ua loaa ia'u ka noonoo maikai ana, he mea pono nou ka hele ana e hoopau i ka nohoalii o ka poe hookaumaha, a e hoonalowale loa aku hoi i na kamailio ia ana no ko lakou kulana ma na mea pili i ko lakou noho moi ana.

 

            I ka pau ana ae o keia mau kukai olelo ana, oia no ko laua wa i haawi like ae ai i na muki papalina ana no ka manawa hope, me ka haale'e ana aku o ka kaua wahi Tome i ka ui o ke kakela o ka lokowai e hoonuu ana i ka waimaka.

 

            Aka, he mea hiki ole nae i ka ui ke aui hou ae maloko o na paia o ke kakela, oiai, aia kela ke kamoe la koua mau kapuai me ka awiwi no kahi a kona wahi waapa e pili ana ma kapa o ka loko, a me ka palamimo hoi i pahu aku ai ua opio la i kona waapa me ka palanehe iluna o ka iliwai.

 

            Aole i aui hou mai kona poo ihope, aole no hoi oia i hoololi@ae i kona alahele mai kona haalele ana aku i ke kakela a hiki i kona hoea ana aku ma ke kahua hoolulu o ko na mau koa, e liuliu ana no ka haalele ana iho i na hora o ka wanaao. 

 

            Ua komo loa aku la oia noloko o kona rumi moe, kahi hoi ana i manao ai, e haawi i kekahi mau hora no ka hooluolu ana i kona nui kino mamua o ka hiki ana aku i ka manawa i kauoha ia mai ai iaia.

 

            Aole no oia i hoi hou aku me kekahi mea okoa, a hiki i kona komo pono ana aku iloko o kona rumi moe, kahi hoi ana i wehe ae ai i kona mau wahi aahu holoholo oia po.

 

            A o kona wa no hoi ia i hoaumoe pu aku ai me Niolopua iloko o ka aina moeuhane, e kaana pu ana me na hoonanea oia mau minute, a i hikilele i ke kikeke a ke koa kiai ma kona puka, no ka liuliu no ka hele ana.

 

            Oia koke no hoi kona wa i haalele iho ai i kona moe, a kahiko iho la i kona mau aahu o ke kulana koa, no ka hele ana aku e haawi i kena aloha hope i kona makua hookama a me kana wahine.

 

            A iloko o na puili aloha ana o ka makua i ke keiki, pela iho la laua i hui ae ai me ka nana po ana aku o kekahi i kekahi, a me ka leo moakaka pane mai la kona makuakane iaia me na olelo hoolana o ka mea i piha kona manao me ka manaolana i ka lanakila.

 

            Ke hele nei oe ma kau huakai no ka hooke ana i kau olelo hoohiki, no ke kau ana i ka hoopai o ka hewa maluna o ka mea nana oe i hoiuo mai, ka mea hoi a'u e komo pu aku nei iloko o ka manaolana e holo pono kau mau hana a pau e lawelawe ai.

 

            I ka wa a kou naau opio o ke koa a me ka hopo ole, mai poina i ka hoomanao ana ae i ko kaua home kuahiwi, kahi hoi a kou mau makua e kau mai la na hoomanao poina ole ana maluna ou e kuu keiki aloha.

 

            Ano, e waiho mai ia'u e noho hoomalu maluna o ka waiwai au i imi ai me ka holopono, me ka lana o kuu manao, aole loa e hiki i kekahi mea ke hoonioni ae i ka maluhia au i hana ai i kia hoomanao na keia lahuikanaka e hilinai ai me ka paulele mau maluna ou.

 

            I ka wa i pau ae ai o keia mau kamailio ana a kona makuakane, oia no ka wa i ikeia aku ai o kona mau waimaka i ka hiiolo makawalu ana iho ma kona mau papalina, e hoike mai ana ua eha kona puuwai i ke aloha.

 

            A o keia no hoi ka wa i lululima hope ae ai laua, oiai hoi kona mau koa kaua lio e kali mai ana o kona haawi aku i ke kauoha no ko lakou nee ana ma ka lakou huakai.

 

            Ua haalele io aku lakou i ke ku lanakauhale alii o Dubelina, me kona wehi i kiliwehi ia e ke onaona, a ke nee hope ae la na puoa kilakila o na hotele a me na halepule, mahope o ko lakou mau kua, me ka piha i ka nani e hiki ole ai ke hoohalahala.

 

            Iloko wale no o na pule elua o ko lakou naku hele ana iloko o ka hihipea o na laau, hora aku lakou me ka maalahi ma ka home noho kuahiwi o kona makua hookama, kahi hoi a kona mau makua e noho ana me ka nanea a palaka pu.

 

            Ua haawi ia mai la hoi na hookipa hiwahiwa ana i na koa malihini me ke kuu akea ia i manawa no la kou e hauoli ai, mai na maluhiluhi mai o ke alahele.

 

            A ua lilo hoi na hana oluolu a pau a ka opio i hana ai ia lakou, i mea no lakou e pipili paa loa ai ko lakou naau mahope ona, a o kana mau olelo a pau e haawi aku ai ia lakou ua lilo ia he mea nui loa i ko lakou manao.

 

            Aole oia i p@ ale koke i ka lele kaua ana aku mahina o kona enemi, aka, ua haawi aku la oia i kowa kupoono o kookahi pule e hoomaha ai o kona mau ko@, e ai a e ino ana lakou elike me ka hiki i k@ lakou mau lunaikehala ke hana no lakou iho.

 

            I ka hala ana ae oia mau la, aia hoi, ua haawi ia aku la na kauoha no ka liuliu ana no ka hele ana aku e kaili mai i ka noho hoomalu ana o ke aupuni o Wale iloko o kona @wa.

 

 

UA NALOWALE !

 

-----------------------------------

 

            Ua malowale ma ke kakahiaka Poaona nei, Iune 10, he uwati gula wahine, me na huapalapala P. A. e kau ana mawaho o ke poi,  Aia hoi ma ke poi maloko e kau ana ka huaolelo  "Aloha."  O ka moa i loaa ai ua uwati la a hoihoi mai i ke Keena o KE ALOHA AINA e looa no iaia ka uku makana o $10. 

Honolulu, Iune 10, 1899.  tf.

 

----------------------------------------------------------

 

UA NALOWALE.

 

            Ke hoike ia aku nei ka lohe i na mea a pau, ua nalowale  ma ka auina la Poaono nei he Medala Siliva me na huaolelo i kuni ia, "For Excellent in Drill.  Co. A, B. B. P., Feb. 2nd. 1899."  A me ke pine i hoopaa ia ai ua Medala la, e kau ana ka inoa, "A. Nawahi."  O ka mea i loaa a hoihoi mai i ke Keena o KE ALOHA AINA e loaa no ka nku makana kupono.

 

------------------------------------------------------

 

UA NALOWALE.

 

------------------------------

 

            Ua nalowale he pahu paikii (Eastman Kodak, No. 2) mawaena o ke alanui Moi me alnui Kalihi mai ke Keena o KE ALOHA AINA a hiki i kahi noho o  J. U. Kuhia mauka o Kalihi.  Nolaila, o ka mea i loaa ai na pahu paikii la a hoihoi mai ma keia Keena; e loaa no ka uku makana kkupono.

 

------------------------------------------------

 

OLELO HOOLAHA.

 

            He lio hele hewa, eia ma ko'u lima e malama ia nei he lio kane ulaula lae kea, he keokeo ke kauai mua akau me ke kapuai hope akau, ua kuni ia i ka hao kuni ano e ma ka uha hope akau, e kii koke mai ka ona o keia lio ia'u me Malamalamaiki Hilo, kahi a'u e noho nei, me ka uku pu mai i na lilo a pau o ka malama ana a me ka hoolaha ana, a i hala na la a ke kanawai i olelo ai mai ka la e puka ai o keia hoolaha ka helu ana, e lilo no ia'u keia lio.

            Ale ka oiaio,            MAKEO.

Malamalamaiki, Hilo, Iune 2, '99.

Iune 17    3ts. wkly.

 

           

--------------------------------------------------------------

 

HOOLAHA AKEA.

 

------------------------------------

 

            I KA POE NO LAKOU NA HAle Laau e ku nei ma Hanawi Puumoi ka Aina Konohiki, kuleana o Kahale (k) a me Paaoao (w), i lilo mai ia Kalua, a i opa ia e a'u i keia wa.

 

            Ke kauohaia nei, e kii koke ae a hookaawale aku iloko o eono malama mai keia la aku, a i ole e lawe ia no e a'u no na pono e like me ke kanaawai  Ua hookapuia ke kii kuleana ole ana i na Niu.

JOSEPH MAIKAALOA KAUHI.      Ona, Aina.

Hanawi, Hilo, Apr. 6, 1899.    3m

 

--------------------------------------------

 

UA LOAA MAI, HE HELUNA

.....O NA.....

 

            Kiaha Aniani o na ano like ole.  Mai ke  50 cents a me $1.@@ o ke kakini.

Na Ili Kaa Pakahi

Mai ke $10.50 a ke $@5.

Na Ili Kaa Palua.

Mai ke $38 a ke $45.

Na Ili Kaa Hana, me na Noho Lio.

Hou loa.

 

 

 

Henuihewahewa na

Lako ILI.

 

            PFNEI:  Na Ili Kaa a me Noho, Eke Ili, Ili Hoopaa, Ili Alum Ili Splitz, a pela aku.  Na Ili Bibi Keiki mai Europa mai.  Ili Kao a me Ili Hipa me Ili Hulu Hipa.

 

            Na Pihipihi Ili Kaa me Noho Lio o ua ano like ole; Lopi Humu Kamaa Helu 8 a ke 25.  Na Kapolena Keokeo,   B@lu a me Omaomae, 50 iniha laula.

 

Hawaiian Hardwaare Co., Id

(HUI LAKO HAO HAWAII, I KAUPALINAIA.)