Ke Aloha Aina, Volume V, Number 25, 24 Iune 1899 — Page 7

KE ALOHA AINA, POAONO, JUNE 24, 1899.

 

HE KAAO KAILI PUUWAI

 

:NO KA:

 

UI MINEWA.

 

:A ME NA:

 

KAIKUNANE EIWA

 

I Hooliloia I mau Manu Nene Ahiu a i ole na Keiki i Hoehaehaia

 

Kakauia no KE ALOHA AINA

 

 

            Aka, i keia mau sekona nae a ka pahikaua e hookokoke iho ana i ka puuwai o ua kanaka opio hookala-kupua nei o ke kulu aumoe, oia no kona wa i hoohikilele ia ae ai i ka nakeke mai o kekahi mea mahope ona, aole nae oia i hoohakalia wale aku, oiai kona iini a pau o ka haalele iho i keia ola ana; a hele kohana aku no kela kapa o ka muliwai eleele o ka make. No ka mea he mea waiwai ole nona ke ola ana iho, ina aole o ka mea kekahi a kona puuwai i aloha ai.

            I keia mau sekaua hope loa a kana pahikaua e iho iho ana no ka halawai me kona puuwai, oia no ka wa i kaili kokeia aku ai kana pahikaua mai iaia aku.

            Na keia mea I hoopuiwa ae iaia, a me ka piha inaina, huli koke ae la oia a nana aku la i ka mea nana keia mau hana hoohoka iaia, a ia wa no hoi I ake aku ai oia i kekahi kino pouhuli e ku mei ana mahope ona, a me ka leo okalakala, pane koke aku la oia i ka i ana aku, penei:

            Owai keia iho kawau o ke kulu aumoe, nana keia mau haua hoopauha i ko’u hooko ana aku i ko’u makemake? E pane koke mai owai oe? A i ole pela, e @o no kou ola i uku panai no kau mau hana hoohoka. He enemi anei oe a i ole he healoha paha.

            I ka nookuu ana iho o ka leo o ua kamahele auwana la o ka p@, oia koke no ka wa i poha mai ai ka leo o ke kanaka iloko o ka pouliuli, i ka i ana mai:

            E ke kanaka minamina ole i kou ola makamae, aole au he enemi nou, aka, he hoaloha. A no kau ninau i ko’u inoa, e hoike aku au ia oe me ka pololei, o Simora ko’u inoa. Nolaila, e ka healoha malihini, e hoopau ae i kou inaina no’u, a e hoike aku no ana na mea a pau.

            Na keia mau huaolelo i hoololi koke ae i ke kaeaea o ka po, a me ka hoohakalia ole iho lohe ia aku a oia i ka ninau ana aku.

            Heaha kau e kamailio mai nei, ua maopopo anei oe i kekahi mea e pili ana no keia kino make e waiho nei imua o kuu alo. A lua ua ike oe i kekahi mea e pili ana nona, e hoike mai i keia wa ano, a mai noao hoi e huna aku i kekahi mea iloko o kou puuwai, no ka mea he hoaloha au iloko o kou wa poino a palekana paha.

            Aole i make kena kino au e ike la, aka, ua pauhia oia i ka hiamoe, a i ka wa e pau ai kona hoonipo ana me Niolopua, e puoho mai no auanei oia mai kona hiamoe kulipolipo ana,

            Na keia mau olelo a Sinora i hoohik@lele hou ae i ua eueu ia o ke kulu aumoe, a lohe ia aku la hoi kona leo i piha me ke aloha i ka puana ana ae:

            He oiaio anei kau e hoike @ai nei, aole i make ka’u mea i aloha ai, aka, ua pauhia oia i ka hiamoe, a e puoho mai no auanei i ka wa e kaawale aku ai oia haawina mai iaia aku?

            O, e Sinora kuu hoaloha, ua kuhihewa loa ia oe, no ka mea, ke ike nei au ua haalele mai ka pana o kona puuwai iaia, a o kona kino hoi, ua hoopuni ia ia me ke puanuanu, e hoike maopopo mai ana, ua haalele kahiko kona ola i kona home kino.

            A i keia wa i hookuu iho ai oia i kona leo, oia no ka wa i loheia aku ai ka leo o Sinora i ka aka pahenehene ana mai me ka hooho ana ae:

            E ke kanaka malihini, e hoike mai owai kou inoa, no ka mea, ua maopopo aku nei ia oe ko’u inoa, @ka, o kou inoa hoi, aole oe i hoike mai. A mamua nae o ko’u hooki ana ae o hoike mai heaha kou kuleana i keia wahine opio ui e waiho ae nei, mamua o ko’u hoike ana i na mea e pili ana nona.

            Ia manawa no i haliu koke aku ai ua kanaka la, a pane aku la me ka leo olu waipahe:

            No kau ninau e Sinora i ko’u inoa, e hoike aku no au ia oe me ka oiaio loa, oia no o Boliona, aka, no kau ninau i ko’u kuleana i keia wahine ui nohea, he mea huna ia na ko’u puuwai hookahi e hiipoi ai Nolaila, mai ninau hou mai ia’u no ia mea aka, e hoike mai pehea i loohia ai keia haawina maluna o ka’u mea i aloha ai.

 

PACIFIC IMPORT COMPANY.

PROGRASS BLOCK.     ALANUI PAPU.

 

MALUNA O KA ALAMEDA I HOEA MAI LA, JUNE 21.

 

UA LOAA MAI LA IA MAKOU HE HELUNA NUI LOA O NA WAIWAI HOU O NA LOLE AAHU A ME NA LAKO HOONANI E AE.

 

NA PAPLE I KINOHINOHIILA, I HANAIA MANU IOKA ENA POE AKAMAILOA

 

E HOIKEIKEIA ANA MA KEIA POAONO, JUNE 24, 1899.

 

Ke kono aku nei makou i na poe a pau e kipa mai a e makaikai i keia mau WAIWAI HOU LOA, sole hoi makoa e paupauaho i ka hoikeike ana aku ia lakou i keia mau Waiwai .

 

E haawi pu ia ana hoi he Kuai Hoemi Nui o na Lole Aahu.

 

Pacific Import Co.

 

            I keia wa no i hapai hou ae ai ua Boliona la i ka lama ahi maluna o ka heleheleua o kana Minewa a nana pono iho la hoi i kona mau hiohiona nani, aka, ua hoopuiwa koke ia iho la nae oia i ka ike ana iho i na aweawea koko e hilihili ana maluna o kona mau papalina nohea, a ia mau sekona no i wawalo koke aku ai ka leo piha inaina o Boliona i ka i ana aku penei:

            E Sinora e hoike mai pehea i loaa ai keia mau aweawea koko’ maluna o ka helehelena o ka’u aloha? Na ka elemakule puuwai lokoino no anei? Ka mea hoi a’u e huli hoomaha ole nei no ka hookau ana aku i ka uku panai kupono o ka make no kana mau hana lokoino i hana mai ai maluna o’u, aole wale oia, aka, o kona kaili limanui ana aku i ka’u ipo mai ia’u aku.

            Maanei i hoomaha iho ai ua Boliona la, me ka haka pono ana o kona mau maka maluna o na hiohiona maewaewa e hoahu wale ia ana e ka malamalama o ke kukui ana e paa ana.

            I keia manawa pu no hoi i nee mai ai o Sinora imua o ke alo o kona hoaloha malihini, a me ka leo olu waipahe, kukuli iho la oia ma ka aoao o Boliona, a pane mai la me na helehelena kaumaha e pahola ana ma kona mau papalina.

            Ae, e Boliona kuu hoaloha maikai, na kuu haku lokoino keia mau hana hoomeawaewa e kau nei na alina o kona mau manao puuwai eleele maluna o ka wahine opio, mamuli o ko’u piha menemene no keia wahine opio, nona ua haawina ehaeha a’u i ike kumaka ai, i hooholo iho ai ko’u lunaikehala e hoao aku e hoopakele i kona ola ina no ka lanakila a make paha, aole hoi ia he mea no’u e hoi hope ae ai.

            Ma na hora o keia ano ahiahi, i ka wa o na mea a pau i haule aku ai iloko o ka hiamoe kulipolipo ana na hoea aku la au imua o ka wahine ui, a hoopakele ae la iaia mailoko ae o ke kulana poino me ka mahuka pu ana mai ka home mai o ko makou haku.

            A oiai maua i kaawale mai ai no kekahi mau minute pokole wale no, ua puoho koke ae la na mea a pau oloko o ua hale la, a ukali mai la mahope o maua.

            He mea oiaio, ua hoao maua e hookaawale ia maua mai ia lakou mai, aka, ua hiki ole nae ia mamuli o ka nui o na palapu i loaa i ko’u hoaloha wahine.

            A mahalo o ka hoomalamalama ana a na lama ahi he mau haneri e ukali mai ana mahope o maua, ua hiki ole maua ke nalowale mai ia lakou mai.

            A i ko’u ike ana aohe o maua wahi i koe, ua unuhi koke ae la au he wahi omole laau uuku mailoko ae o kuu poli, a hoohainu aku la i kuu hoaloha i ike ole ai oia i na ehaeha mahope ona. A o ke koena wai o ua omole la oia ka’u i olopu ae ai.

            Ua haule like aku maua no luna o ka honua, me ka maopopo ole o na mea i hanaia mai maluna o maua, aka, o ka’u i pahaohao ae nei i keia wa a’u i puoho mai nei, eia ka maua iloko o ke ana e hoahu ia ai o na kino make o ko’u mau hoa i hala e aku i ka make.

            A mamuli o ka uuku o ka’u mau kulu wai i inu ai mailoko mai o kela omole i hoonalohia koke aku i na hoopopululuhi ana a ka maka hiamoe mai ko’u lihilihi aku, a puoho ae la au i ka wa a ka mak o kau pahikaua e iho ana e halawai me kou puuwai.

            Ano, e Boliona e hoolana i kou manao, no ka mea, he manawa po: kole wale no koe a hoi hou mai ka pumehana iloko o ke k@no o kau mea i aloha ai.

            I ka hoopau ana iho o ua Sinora la i kona leo, oia no ka wa o ua Boliona la i hapapa aku ai ma ka puuwai o kana aloha, a me ka leo i pina me ka hauoli, hooho ae la oia me ka hikilele nui.

            E Sinora, e hoike mai, ua uluhia ia anei au me na uhane lapu o ka po? Ke ike nei au me ka hoohewahewa ole, eia ke kokolo hou mai nei ka pumehana iloko o ka’u Minewa.

 

 

            He kanaka pupule kai lawe ia ai no ka halewai ma ka Poakolu nei, e ku ana ma ka uwapo Kamika.

            Ua hala aku la maluna o ka mokuahi Kapau o W. Winchester, ka Hawaii i noho lunanui iho nei no ka hale numu ili o W. Wright ma ke alanui Papu no Hilo.

            Ua hala aku la no Port Townsend maluna o ka mokupea Amelia o John Baker o keia kulanakauhale me kana wahine, no ka ike ana i kona luaui makuakane e waiho la iloko o ke kulana onawaliwali.

            Ua hoopai ia ae ka lunanui o ka hui kuai walu Enterprise Dairy, no ka pai i ka wa@u me ka wai he $25 ma ka Poalua nei. He hoopai kupono loa keia no na poe hana kolohe.

            Ua haawi ae na haumana o ke kula Sana Lui he an-ina puhiohe hoolaulea maloko o ka pa kula ma ka po Poakolu nei, a ua nui no hoi na makua a me na hoaloha i hoea aku malaila. I ka wa e malama ia ana o ke anaina puhiohe ua hoolele ia ae he mau kii o ke au kahiko o Hawaii nei, maluna o kekahi paku lole, ma kahi no a ka bana a paani ana.