Ke Aloha Aina, Volume V, Number 25, 24 June 1899 — Page 5

KE ALOHA AINA

HE MAI LELE WELIWELI

---

AIA MALUNA O KA NIPPON MAP J.

---

Make he Hookahi Ohua- Eia ke Hoomalu ia nei e ka Papa Ola ma ka Nuku o Mamala.

---

            Ma ka Poaono nei i hoea mai ai ka mokuahi Nippon Mar, a ma kona kia mua hoi e welo ana ka hae melemele, e hoike mai ana, au hoomalu ia oia. Ua holo aku o Kauka Day a me Kauka Carmichael o ke aupuni o Amerika Huipuia, no ka nana ana i na ola oluna o ka moku.

            Aka, i ka hoea ana aku iluna, ua hoike ia mai la ia laua ua make he ohua Pake i ka wa o ka moku he ekolu la ka mamao mai ka aina aku nei.

            I ko laua huli pono ana aku i ke kumu i make ai, au ike iho la laua au make oia i kekahi mai luku weliweli loa, ka mai hoi i oi loa kona poino i na mai luku e ae a pau, a i haawi ia aku hoi na kapakapa like ole no kana mau hana hoopoino. Ka Make Eleele, Ka Luku Nui, a pela aku.

            I ka hoi ana mai o na kauka a hoike i na lala o ka Papa Ola no keia mai maluna o ka Nippon, ua malama koke ia ae la he halawai kuikawa e ua papa la, a maloko o ua halawai la, ua hooholo ia e hoomalu i ka moku na ehiku la. A i ka wa e pau ai o keia mau la hoomalu, alaila, noonoo hou ia aku na hana pono no ka ohua a me ka ukana.

            Aka, ke manao wale ia nei nae e haalole iho ana oia ia Honolulu nei, ma kekahi o keia mau la ho no Kapalakiko, a malaila oiai e hoomalu ia ai, ua hooiaio la mai hoi keia mau lono ma ka halihali ia ana aku o na kao i piha me ka nanahu no ka hoopiha ana aku iaia. Aohe he poe o uka aku nei i ae ia e pii iluna o ka moku, a pela hoi ko luna e lele mai no uka nei o ka aina. Aia maluna ona he ekolu mau kamaaina o Honolulu nei, oia hoi o Mr. H. F. Wichmau me ka wahine a me M. D. Monsarrat.

            O ke kumu o ko Nippon Maru hoohakalia loa, mamuli no ia o kona hoomalu ia ana ma Nagasaki no ehiku la, uo ka mea, mamua o kona kaawale  loa ana mai keia awa mai au oili ae la kekahi mai iwaena o kekahi o kona mau ohua a hoi hou aku la oia no Nagasaki, a me keia awa i ike ia ai, ua loaa keia ohua i kekahi mai luku nana e a@ai la ia Hongkong, a pela oia i hoomalu ia ai, mahope hoi o ka mauao ia aua, aole he mau poino i koe, ua hookuu ia mai ia, aka, ua poha hou ae la nae au kupuino la iwaena o kekahi mau ohua.

            O keia mai weliweli he ano like me ke taifoda fiva. Aka, aole nae he hiki ke hoola ia. Ua ike mua ia keia mai i ka makahiki 544 ma Konatinopela. O keia no hoi ka mai luku nui i ikeia ma Ladana i ka 1665. Ua koho wale ia o ka nui o na make ma Europa i keia mai he 25,000,000.

            Ma Hongkong o ka ike mua ia ana o keia mai, oia no ka laka ana o na iole, o lakou ke loaa mua ana i keia mai, a mai ia lakou hoi e pahola aku ai i ke akea. I ka wa nae e ike ia ai keia hiohiona maluna o ka iole, oia no kona wa e pepehi koke ia ai.

            He hana maikai loa keia a ka Papa Ola, ke pale ana aku i keia kupuino mai ke komo ana mai iloko o kei mau paemoku, a anai hou mai maluna o keia lahui, he mai hoi i oi loa ia au ka weliweli mamua o ke samola poki a me ke korela.

---

HE HOIKE OIAIO MAI KE KAHUA KAUA MAI

---

            Ua loaa mai nei ia Mekia W. A. Purdy, he leta mai ia Mekia C. E. Stanton e noho la ma Pilipine, no ka la 26 o Aperila, e hoike mai ana i na hiohiona weliweli o ke kaua penei:

            O keia regimaua Neberasaka, aole ia i hoi aku no ke kulana kauhale mai ka hoomaka ana mai o ke kana ma ka la 4 o Feberuari, a ua emi iho malalo o ka 400 wale no kanaka i kupono no ka hakaka ana i pakele hoi mai ka hoeha, fiva a me ka la. Ua hoopoino ia he 165 i make a i hoeha ia ma kela Poaono aku nei. Ma ia la no, ua make he 7 a me 12 i hoehaia.

            I ka La Pule nei, ua make hou 5 a me 13 i hoehaia, a maloko oia huina o Konela Stotsenberg; a ma ka la inehinei ua make hou he elua.

            O ka ikaika o na hooili kaua ana, au waiho ia aku ia me na regimana Kansasa a me na Neberasaka, me ka hana ia hoi o na hana wiwo ole e lakou.

            Ua hoike aku na nupepa ia oukou i ka makou mau hana, aka, aole nae lakou i hoike aku i ka nui o na luea a na kanaka e ike nei. Ua hele aku ko makou mau keiki mawaena o na wahi poho, iloko o ua mala laiki, e au ana hoi maloko o na muliwai me ka lakou mau pu a me na poka e lawe ana maluna o ko lakou mau poo, e moe ana malalo o na hoku me ka loaa ole he wahi mea e uhi iho ai maluna o lakou, a o ko lakou mau aahu hoi ua hoopulu ia e ka wai me na papaa kelekele e kau ana, e hakaka ana mai ke kakahiaka a hiki i ka po ana, e moe pu ana me na lako kaua, me ka paina ana e like me ka hiki ia lakou mamua o ka oili ana mai o ke alaula, me ke ahi ole, a ia wa no malalo o ka hahana o ka la e lawe ae ai lakou i na auwaha o na enemi, i kukulu ai me ka noeau nui, au paio aku hoi lakou i ka nonanona o na kipi. O ka manao hookahi wale no iloko o lakou mai ke aliikoa nui a hiki i ke koa haahaa, he mana kiekie ko Amerika a oia ka lakou e malama ai.

            I ko'u ike ana ia Konela Egbert i ka make a me ka hoihoi ia ana aku i kana wahine a me na kaikamahine ekolu maanei, i ka wa i hoihoi ia aku ai ke kino make o Krayerbuhi maluna o ka Sherman, a me Stotsenburg i hoihoi ia mai ma ka La Pule nei i kana wahine a me kana mau kaikamahine, ua hoomaopopo iho la he weliweli ke kaua.

            O na puali uku dala kekahi e like me makou ke halawi aku ana me ia poino like, oiai, ma ka la iho nei, ua hele aku makou imua o na kahua kaua no ka uku ana i na pualikoa maloko o na auwaha. O ka manao o keia oia no ka pii a me ka hoi ana mai i na mile he kanaha, kahi hoi a na enemi e ki hoomau mai ana. O ka wale no e uu ae nei, oia ko'u pakele ana ae i ka poka, aka, o kanaka oi ae maluna o'u ua halawai lakou me na poka, a o ko'u manawa aku paha koe.

---

AIHUE IA HE PAAU DALA NONA KA WAIWAI O $25,000

---

            He pahu dala i piha me na dala gula kai aihue ia mailoko aku o ka rumi hoahu waiwai o ka mokuahi Alameda me kela huakai aku nei ana mai na Panalaau mai o ka Hema no Kapalakiko. Ma ke la a ka mokuahi Alameda i haalele aku ai ia Sidane ua lawe ia mai la he kanakolu pah@ i piha me ke dala gula Pelekane mai ka banako mai o Auseteralia e hoouna au i ka banako Parisa a mo Amerika ma Kapalakiko. He kanakolu he nui o keia mau pahu i hoopau ia maloko o ka buke a ke kupakako me kona haawi pu aku i na kuhikuhi ana no kahi kupono e waiho ai. Ma ka la 29, he elima la mai keia awa aku, ua ike ia iho la e na luna nui o luna o ka moku, he iwakalua kumamaiwawale no pahue waiho ana, a ua nalowale hookahi pahu. O kona nalowale ana ua hoopohihihi ia na makai kiu. O keia mau poho a pau, aole ia e ili aku ana maluna o ka banako, aka, maluna no ia o ka Hui Mokuahi Okeanika.

            He nui na moolelo like ole i hauwawaia a@ no ka mea e pili ana i ka nalowale kupanaha ana o keia pahu, a ua olelo ia ae, he ekolu mau poe mahuka i lele mai ma keia awa, na lakou i hana i keia hana, aka, ua hoole ae nae kekahi luina me ka olelo ae he ekolu la mai ka haalele ana a ka moku ia Auseteralia ua ike oia he iwakalua-kumamaiwa wale no pahu e waiho ana maloko o ka rumi, a mamuli o kona maopopo ole i ka nui o na pahu, nolaila, aole oia i hoike aku i i hoike aku i ke kupakako i keia mea. Aia na maka kiu o Kapalakiko de noii pono la i ka meheu o ke kolohe.

---

PUHI LEHUIA KE KINO MAKE O KA PAKE

---

            Ma ka halawai kuikawa i malama hou ia ae ma ke kakahiaka Poakahi nei, ua lawe koke ia mai ka noonoo ana e pili ana i keia mai weliweli i hoea mai la ma na aekai o Hawaii nei, a me ka keehina kupono e hiki ai ke hoopio aku i kona pahola ana ae. Ua hoike ae o Kauka Alavarez, ua huli pono oia i ke kumu i make ai o kela Pake maluna o ka Nippon Maru, mai na mea o loko o kona kino i lawe ia mai, a ike iho la, aohe ona kumu i make ai, aka, no kela mai luku weliweli i kapa ia he bubonic, ka mai hoi nana i kinai aku he mau miliona ola mai luna aku o keia ilihonua.

            A mahope iho e ka halawai ana o ka Papa Ola, ua hooholo ia iho la he hookahi wale no hana pono e pakele ai ke ola o ka lehulehu, oia no ke puhi ia ana o ke kino make o ka Pake i ke ahi. Nolaila, ua hoounaia aku la ke kauoha maluna o ka moku no ke puhi ia ana o ua kino make la maloko o kekahi o kona mau kapuahi nunui. Ia wa ua hoopiha ia aku la ke kapuahi e ku ana mawaena me ka nauahu, a i ka ike ia ana, ua a pono ka nanahu, oia no ka wa i hookomo ia aku ai o ka pahu kupapau me ke kino make o ua Pake la e waiho ana maloko no loko o ua kapuahi la, a oia iho la ka hopena ike ia nona.

            Mamuli o ka makemake ole o na agena e hoopaa loihi ia ka Nippon Maru maanei, ua hooholo iho la lakou no ka hoolimalima ana aku i ka mokuahi Columobia e holo aku no kahi ka Nippon e ku nei, a lawe mai i na ohua a me ua ukana o keia awa, a e hoomalu ia hoi oia mawaho olaila elike me na la a ka Papa Ola i manao ai he pono.

            Mahope o ka hoolako ana iho o ka mokuahi Kulanakauhale o Colomobia iaia iho me na pono o kona noho hoomalu ana, ua holo aku la oia no waho o kahi a ka Nippon e ku nei. Ua olelo ia ae o ka uku a ka Hui o Hakapila ma, e uku ai no kona lilo ana malalo o ka hoomalu ia ana a hiki i kona hookuu ia ana he $375 o ka la.

            I ka wa e pau ai o na ohua a me na ukana o keia awa i ka hooili ia maluna o ka mokuahi Columobia, oia koke no ka wa i haalele iho ai o ka Nippon no Kapalakiko, mamuli o ka makemake ia ana e hiki koke i Kapalakiko ke kumu o keia hoolimalima ia ana o ke Columebia.

---

KA ULIA POINO O KA LA PULE NEI.

---

            Ma ka auina La Pule nei, oiai o Mrs. J. A. McCandless me kana keiki nuku a me na kaikamahine a G. C. Ballentyne e holo ana maluna o kekahi kaa no waho o Waikiki, aole nae lakou i mamao loa mai ka home aku o ka inoa hope, ua puiwa iho la ka lio me ka hiki ole i ke kalaiwa ke paa ma. No kekahi wahi loihi ke kuupau ana o na lio la i kona holo me ka huli ana he elua mau kiki me ka poino ole, ua hiki mai la oia ma ke kihi o ke alanui Moi me Waikiki, a i kona huli ana aku nae no ke alanui Waikiki, ua hookui aku la ke kaa i ka pa me ke kiola ia aku o na poe oluna o ke kaa no lalo o ka lepo me ke okaoka  liilii ana o ke kaa. ua haki ka lima o Mrs. McCandless me kekahi mau paiapu e ae. O kana keiki he uuku na poino i loaa iaia, a o na kaikamahine a Ballentyne, ua haki ka lima o kekahi, a o kekahi hoi ua nui na palapu i loaa ma ka helehelena, aka, o ke kalaiwa nae, aole he mau poino i loaa iaia. O na poe a pau i hoehaia ua manao la e loaa ana no ia lakou ka palekana.

---

MAKE KA PAKE I PII IA E KE KAA

---

            Ua make ma ka Poaono nei ka Pake i pii ia ai e kekahi kaa pio ma ka la 12 o Iune nei maloko o ka Haukipala. O ke kalaiwa o ua kaa la he Iapana, a eia oia ke paa ia nei e ke aupuni me ke ahewa ia no ka lawe ola. O na ohua maluna o ua kaa la, ua paa ia laua ma ke ano he mau hoike. I ka Poakahi nei i malamaia ai he aha koronero maluna ona. O keia Pake i make aku la, ua aoo loa no oia, a ma@@li o na palapa hoi i pakui ia aku maluna ona kona kumu i make ai.

---

            Ua hala loa aku la @@ Kai alakika ka mokuahi Rio Ianeiro mamuli o ka loaa ole ana he mai maluna o kona @@eki ke kumu i hookuu ia mai ai e komo iloko nei o ke @ke.