Ke Aloha Aina, Volume V, Number 23, 10 June 1899 — Page 6

KE ALOHA AINA

 

6   KE ALOHA AINA,  POAONO,  IUNE 10,  1899.

 

UA  HIKI  I  NA  MEA  A  PAU  KE  HOIKE  MAI

 

 I ka wa e lapaau pono ai kou kauka ia oe, e ike no oe he kanaka okoa oe,  He mea nui ka paulele ana ma ka manaoio ana malalo o kana lawelawe ana a me na kuhikuhi ana e loaa ai ia oe ka ikaika.

 O ka'u lapaau ana i na pilikia o na maka, aole loa ia e kuhihewa.  O ka hoohala ma ka hana i na Maka Aniani mai ka wa opio mai he hoike ana mai i ka makaukau.  Aole he uku o ka nana ana i ka maka.

  S. E. LUCAS.

HALEPOHAKU LOVE,  ALANUI PAPU,

 (Ma ka hale maluna.)

 

HE MOOLELO WALOHIA

-:NO:-

ALANADELA

 

Ka Wahine Hoopahaohao o ka Aahu Keokeo.

- A I OLE -

Ka Loaa Hookani Pila Hana o ke Kulu Aumoe.

 

 Nou e ka mea heluhelu o oe pu paha kekahi i ake e ike i na manao o keia palapala a Magarita i kakau apuka ai i wahi hoi e nalohia ai kana mau hana lapuwale maluna o kona hoaloha o na la i kaahope aku a penei ka heluhelu ana:

  Home o na Powa, Iulai, 16 2

 I kuu Walata,

  Aloha kaua a nui loa.

 He mea paha e hoehaeha ia ai o kou puuwai i kou wa e ala ae ai i keia kakahiaka, aole au ma kou aoao, aka, ma ko'u koho iho nae, aole no paha ia e lilo i mea nui iloko o kou puuwai no ko'u kaawale ana mai la.  E Walata, e hoike aku ana au ia oe me ka oiaio loa, ua nele ko'u puuwai i ke aloha hou ana aku ia oe, mahope hoi o ko'u hui hou ana me ka'u ipo o na la i hala aku la.  Eia au ke haalele nei ia oe no ka wa mau loa, a mai i@i ae hoi mahope o'u, no ka mea, he hana hooluhi wale no ia ia oe. Ina he aloha kou ia'u, e lawe aku ia Magarita i kokoolua nou, no ka hopena o kou mau la o keia ola ana."

 No ka oialo o keia ke kau nei i ko'u inoa.

  Alanadela.

 I kona hiki ana aku iloko o kona rumi, oia no kona wa i haehae liilii ai i ua leta la a puana ae lame ka leo malie.  Ua lawa ko'u ike ana i kou aiai a me na huaolelo i piha me ka lokoino maloko ou.

 A ia mau minute no hoi oia i kahiko iho ai iaia iho me kona mau kahiko kaua, a i ka paa ana oia no kona wa i hemo aku ai i @aho, me ke kauoha ana i kekahi ki@ai powa no ke kii ana aku ia Magarita, oiai, ua makemake oia e ike iaia.

 Iloko o na minute pokole wale no mahope iho o ka nalo ana aku o ua kauwa la, aia hoi, ua oili mai la o Magarita mailoko mai o ka hale a hele pololei mai la no kahi a Walaia e ku aku ana me ka puai pu ana ae hoi o ke ula ohelohelo maluna o kona mau papalina a me na minoaka e hekau ana maluna ona, haawi mai la oia i kona aloha kakahiaka.

 A ia wa pu no hoi i lohe ia aku ai kona leo i ke poha ana mai me ka olu waipahe, i ka ninau ana mai me ka hookamani nui, me he mea la, aohe ana mea i ike no na haawina kaumaha e hekau nei maluna o Walata, penei:

 E Walata, e hoike mai me ka huna ole iho, heaha keia haawina kaumaha e hekau nei maluna o kou helehelena, ua loaa anei ia oe he mau hoopilikia ia e ko'u mau kanaka?  E pane koke mai, a ua makaukau au i keia manawa e hookau i ka hoopai maluna ona.

 Aole, aole loa i hoopilikia mai kou mau kanaka ia'u, wahi a Walata i pane koke mai ai, aka, o ke kumu i hoea mai ai keia mau helehelena kaumaha au e ike mai la, oia no ko Alanadela haaalele ana mai la ia'u a mahuka aku la me ka mea a kona puuwai i aloha ai, nona hoi ka inoa ana i huna ai.

 A i kona hooki ana ae i kona leo, ua iko ia aku la oia i ke pahu ana iho i kona mau ku'i, me ka hooho ana ae me ka piha inaina, a oniu ae la hoi i kana pahikaua maluna o kona poo.

 Aole, aole loa au e hooki i ka'u imi ana i kona meheu i ka po a me ke ao, a hiki i kona loaa ana ia'u elike me ka loihi o na ia o ko'u ola ana.  A ke loaa aku oia a me kana punua hou, he moepuu laua a elua na kuu pahikaua punahele.

 I ka ike ana o Magarita aole e hoi hope aua o Walata ma kana mau olelo, oia koke no ka wa i pahola ae ai na helehelena haikea maluna ona i ka halia ana ae, heaha la ka Walata bana iaia ina e loaa aku ana o Alanadela iaia a hoike mai aohe mea e ae nana i hookau aku i keia poino maluna o kana aloha, aka, nana ponoi no ia, a nolaila, me ka hunakele ana aku i na manao pihoihoi e lalawe ana iloko o kona puuwai, lohe ia aku la kona leo olu waipahe i ka pane ana mai me ka maalea nui.

 E Walata, mai haalele koke mai ia'u e noho mehameha, aka, e hoouna mua aku au i ko'u mau kanaka a pau no ka huli ana i kau mea i aloha ai, a i hoonele ia hoi lakou me ka halawai ana me ka pomaikai alaila, hookuu aku au ia oe me kekahi hapa o ko'u mau kanaka.  No ka mea, he manaolana ko'u aole loa e hoi nele mai ana ko'u mau kanaka me ka lakou pio, oiai, ua kama aina lakou i na poopoo a pau o keia mau ululaau e waiho mai nei.

 I ka hookuu ana iho o ua Magarita nei i kona leo, oia koke no ka wa i loli koke ae ai na helehelena haikea e pahola ana maluna o Walata me ka hekau ana mai o na helehelena hauoli maluna ona, oiai, ua puni aku la oia i na olelo a ka wahine lokoino me ka paulele kuhihewa ana aku hoi he oiaio keia mau olelo, eia ka aole, a ia wa no i owaka ae ai o kona waha a pane mai la.

 E Magarita kuu hoaloha maikai ke haawi aku nei au i na mahalo palena ole nou me ka manaoio e hoouna aku ana oe i kou mau kanaka e uhai aku mahope o ka'u mau pio, a e hoihoi mai hoi ia laua@ imua nei o kuu alo no ka hookau ana aku i kekahi hoopai kupono maluna o ko laua mau poo.

 I ke poha ana aku o keia mau huaolelo mai ka lehelehe aku o Walata, ua lilo ia i mea e hoohauoli loa ia ai o ko Magarita puuwai, a ia wa koko no i pane mai ai oia i ka i ana mai.

 E noho malie iho e kuu Walata ma keia wahi, a e hele ae au e hoakoakoa i ko'u mau kanaka a lawe mai imua o kou alo, aole au e loihi loa a hoi hou mai.

 Me na minoaka e hekau ana maluna o Magarita, i haalele iho ai oia i ke kanaka opio, a hele aku la no kahi a kona mau kanaka e hoolulu ana me na kapuai mama.

 A iloko o na minute pokole wale no, ua hiki aku la oia i kahi o na powa e hoomoana ana, a ua lilo hoi kona hoea ana aku ia kakahiaka  nui i wahi e hoohauoli ia ai o kona mau kanaka, a puia koke ae la ka lewa me ko lakou mau leo huro me ka hooho pu ae hoi me ka leo moakaka.

 E oia loihi ka moiwahine o na ululaau.

 I ka hoopau ana ae o na powa i na leo ulaoa o ka hauoli oia no ka wa i hoike koke aku ai o Magarita i kona manao o ka hiki ana aku imua o lakou ma ka pane ana aku penei.

 

 HE KUAI NUI LOA.

 

NO HOOKAHI PULE WALE NO.

 

Ua Hoemi ia he 25 pa keneta maluna o na Waiwai a pau loa.

 

 Ua kuai aku au i na Waiwai o ekolu mau Hale Hana Nui Loa ma Enelani.  Ua makemake lakou i ke Dala, ua makemake au i ka lakou mau Waiwai.  Ua loaa mai ia'u na Waiwai no ka hapalua o ko lakou mau kumukuai, eia lakou maanei.

 

E KUAIIA AKU ANA MA KE KUMUKUAI EMI LOA I IKE MUA OLEIA.

 

 E hele mai ma ko'u halekuai i keia Pule, eia au@ ke kuai nei i na SILIKA, a me LIHILIHI no ka 25 pa-keneta. malalo o ko lakou mau kumukuai iho.  O keia wale no kahi e loaa ai na kumukuai hoemi loa no Hookahi Pule Wale No.

 

 E hoomanao he mau Waiwai Hou keia.

 

HE LEHULEHU WALE NA KALAKOA LIKE OLE 30 i-a 1.00

 

  L. B. KERR.

Honolulu,  Alanui Moiwahine.