Ke Aloha Aina, Volume V, Number 23, 10 June 1899 — Page 5
| This text was transcribed by: | Linda Paik |
| This work is dedicated to: | Katey Lanamalia Reiko Paik |
KE ALOHA AINA, POAONO, IUNE 10, 1899 5
HAULE KE KOHO BALOTA.
HOOLE O PERESIDENA MAKINILE I KA MALAMA IA ANA OIA KUMU HANA.
Poho ka Manaolana o ka Repubalika Hawaii Poolua a me na Kakalalo.
Ma ka halawai ana a ka Aha Kuhina maanei, ma ka Poalima nei, i hooholo ia ai ka hoopuka ana aku i kea kea i kekahi palapala ano nui i loaa mai nei mai Wasinetona mai, e kue mai ana i keia manao koho balota o keaupuni Repubalika Hawaii Poolua i noonoo ai ma ke malama o Sepatemaba ae nei e hooko ia aku ai ia hana. Aole he mau hoopaapaa a ka Aha Kuhina i hana se ai maluna o keia kumuhana, aka, ua hooholo ae lakou e hoopau ia keia kau koho balota, a e hoolaha akea ia aku imua i ke lehulehu, a penei na manao o ka palapala a ka Peresidena o Amerika Huipuia i loaa mai nei:
MA O KA PERESIDENA O AMERIKA HUIPUIA.
KAUOHA MANA HOOKO.
Ma ka hoohana ana aku i ka mana i hookua ia mai maluna ona ma o ka Olelo Hooholo Hui a ka Ahaolelo, i apono ia e ka Peresidena ma ka la 7 o Iulai, 1898, i kapaia, “Olelo Hooholo Hui no ka Hooko ana i ka Hoohui ana i na Paemoku Hawaii me Amerika Huipuia,” ma keis ke kauoha aku nei ka Peresidena o Amerika Huipuia o ke Koho Balota Nui ma o ke Kumukanawai la o ka Repubalika Hawaii, e malama ia ana ma ka Poakolu hope o Sepatemaba ae nei aole ia e malama is. O na luna aupuni i koho is o na keena no lakou na wa i pau mamua o ka hana ana mai o Amerika Huipuia i Kanawai, e hoomau aku lakou ma ko lakou mau keena hana ma o ka manao maikai ‘la o ka Peresidena o Amerika Huipuia.
Ma ka Hoike ana no keia, kea e nei au i ka sila o Amerika Huipuia e kou is malalo iho nei,
(Sila.)
Wasinetona, Mei 13, 1899,
(Kakauinoa)
WILLIAM McKINLEY.
Ma o ka Peresidens.
(Kakauinoa)
JOHN HAY,
Kuhina Nui.
KEENA KALAIAINA.
Honolulu, Iune 2, 1899.
Ma ka hooko ana e like me ke kuahaua maluna ae a ka Peresidens o Amerika Huipuia, ma keia ke kauoha ia aku nei ka Papa Koho Balota no ka hoopau loa i ka hoopaa ana i @@ @@@ o na poe koho.
S. M. DAMON,
Kuhina Kalaiaina, no ka mamawa
HAULE PAHU KE KOHO BALOTA.
Ua loaa mai la ka lono e hooiaio ana, aohe e malamaia ana ke koho balota e upu ia nei iloko ae nei i ka malamao Sepatemaba, a oia ka makou e hoike a aku nei, ua alakai kuhihewa ko makou mau hoaloha i wahi e kome holookoa ai ka lahui iloko o ka poino, ina u huliamahi iho nei kakou e hele e hoohiki elike me ka na nupepa i kukala iho nei no ka hoopaa inoa.
Nolaila, ua haule pahu wale ka manao ana no ke koho balota, a me he mea la, aia paha mahope aku o ka milenie e noonoo hou ia ai ke koho balota huikau no ka pona o na poe i hoohiki mahope o ke kuhihewa. Aohe a makou ao hou ana aku, no ka mea, ua hoea mai la no ka hopena o ka mea a makou i kuhihewa ai. Nolaila, e kupaa mau me ka makaala, a mai puni wale i keia poe illiohae omokoko.
HE PAA MARE PAHAOHAO.
Ua hoohikilele ia ae kekahi poe o ke kulanakaohale nei i ka wa i Io@e ia ae ai, ma ka Poakahi nei, ua hoohui ia ae, ma ka ber@ta laahia o ka mare, o Miss Helena Waila o keia kulanakauhale me Mr. Horace Craft, ka luna hoohana o ka Hui Kaa Baikikala Pakipika, ma ka la 16 aku nei o ka mahine i hala, e Rev. John Nua.
A oiai, he ekolu pule a oi i hala ae nei o ka hipuu ia ana o keia paa mare, aka, aole nae he wahi mea i lohe ia a hiki iho la i ka Poakahi nei, akahi no a puapuai main a lone e pili ana keia mare i hunakele ia.
O Mrs. Craft, oia no o Helena Waila, ke kaikamahine a S. G. Waila i make, ka wahine opio hookahi hoi i loaa he pihi makai no ka hopu ana i na poe hoomainoino holoholona. Ua hala aku nei oia no ka hoomaha ana me kona mau hoaloha ma na kapakai hikina o Kapalakiko. Ua mare ia oia me Mr. Craft mamua iho o kona holo ana aku maluna o mokuahi Auseteralia no Amerika Huipuia, ma ka la 16 aku nei o Mei.
HE AHAMELE NUI.
E haawi ana ka Halekuai Hawaii he ahamele no ka lehulehu maloko o ka Halekuai Ka Heiau o na Paikini, ma keia ahiahi Poalime iho, Iune 9. E hoomaka ana ma ka hora 7 p.m. No ka hoike ana aku iwaena o ka lehulehu, ua makaukau no ka wehe ana ma ka Poaona, Iune 10, no ke kuai hoemi ana i na waiwai o M. G. Silva, i lilo mai i ka Hui Kuai Lole Hawaii, i wahi e loaa ai ke kowa no na waiwai hou.
MAKEMAKE E HOOMAHA.
Ua hoopuka ia ae he palapala e noi ana i na loio a pau o ke kulanakauhale nei, e kakauinoa aku malalo e @ekahi aelike no ke pani ana i ko lakou mau keena oihana i na pule mua o Iulai.
O keia palapala ua kapili@a ia ma ka puka e komo aku ai i ka rumi hookolokolo o ka Hale Aupuni. He kope oia palapala, aia ke waiho la ma ke pakaukau o ke Kakauolelo. A aia maloko o ua palapala e kau ana na inoa o ka hapanui o na loio o Honolulu nei.
O na manao maloko ona oia no ka waiho mahe ana i ua buke kanawai, no ka hoopuu ana i na lolo a pau e hoomaha. Ma keia manawa aole e hiki i na aha hookolokolo maluna ken oho. Ua oleia ae kekahi poe loio ua nui hewahewa ka lokou hana, a ua makemake hoi e loaa ona wa hoomaha. Ina e hooko io ia ana keia manao, me he mea ia, aole e hiki he hooloheia na hihia no elua pule.
HOOMAHA KE KULA KAWAIAHAO.
Ma ka hora 9 o ke kakahiaka Poakolu nei, Iune 7 malamaia ai na hana hoike o ke kula kaikamahine Kawaiahao. He papa kuhikuhi nani kai hoomakaukau ia e na haumana no ia la, ua hoea pu ae ka bana aupuni malaila, no ka haawi ana he anaina puhi ohe hoolaulea mai ka hora 11 a. m. a hiki i ka hora 1 p. m. Ua hoohiwahiwa ia o loko o ka rumi hoike me na lau nahelehele uliuli o ka waokele. Ua hookuu akea ia na mea a pau.
KA HOPE MAKAINUI O EWA.
Ma keia kakahiaka Poalua hoi aku ai o Chas. J. Fanuef, no lalo o Ewa, no ka lawe ana ae i ke kulana Hope Makai Nui malalo o laila, He liia oia no loko o ka oihana makai ma Honolulu nei, a he kokua noi no Hope Ilamuku Chillingworth no kekahi mau mahina i hala ae nei. A mamuli hoi o kona ike ia ana he kanaka hoopono aia, pela i haawi ia aku ai keia kulana iaia.
O keia na hihia i hoopai ia e Lunakanawai Wilikoki ma ka Poakani nei. Eono kanaka no ka piliwaiwai $35 pakahi. Umikumamalima no ka ona $2 pakahi. Ah Wong no ka malama opiuma $50.
HE LETA MAI KAPALAKIKO MAI.
Kapalakiko, Mei 25, 1899. Kahalewai
Aloha kaua a nui loa:
Eia maua i kekahi Hotele nui o Kapalakiko nei, e noho nei, no ka $6.00 o ka la, eia nae ka mea hoike aku, aole na maua e uku keia mau hoolilo, aka, na kekahi healoha maikai no ia i holo pu mai nei ma maua mai Honolulu mai.
E haalele iho ana maua ia nei no Sakalameko ma keia Poaono iho. A ke haawai ae nei i na hoopmaikai palena ole i ka Mea Mana Loa no ka haawi ana mai ia maua i na kokua ana i keia aina malihini.
Ua hele maua e makaikai i ka hale hoikeike o Kapalakiko nei, a malaila maua i ike ai ka laua oho o Napoliona a me kona moeoia hoi, ka punee, a he lehlehu wale hoi no mea nani e ae a maua i ike pu ai.
Ua pau ae la ke kuhihewa i keia aina malihini, ua hele a ike maka, me ked ala wale no e pono ai ka noho ana o keia wahi, aohe hoaloha maanei, a he dala wale no na mea a pau. E holo aku ana maua i Okalana i keia la Aohe o’u hoihoi i keia aina, a ua kupono hoi na ke pao puni lealea. E haawi i ke aloha i ka ohana. He maikai no ko maua ola kino.
S. Kala.
Ma ka halawai ana a ka Aha Kuhina ma ke kakahiaka Poakahi nei, ua hooholo ae la lakou no ka haawi ana aku i ka waapa o ko na Aina E, uo ka oihana dute awa, oiai, ua pau kona waiwai i ke keena o ka na Aina E.
PACIFIC IMPORT COMPANY.
PROCESS BLOCK - - - - - MA EWA MALIEOKAMALU
Kuai Kuikawa o na Palewawae @@@@@@@@@@@@@@
E HOOMAUIA ANA A HIKE I KA PAU ANA @@@@@@@@@@@
The Mother’s Friend.
PATENT SHIRT WAIST.
No Buttons can be Torn off, either by Washing or Wearing.
The Mother’s Friend does away entirely with the sewing ou of Buttons. It is supplied with an adjustable belt which is easily taken off when the waist is washed; the buttons are riveted on the belt, consequently can not be torn off, either in wearing, washing or ironing.
PALULE KAMALII __ Aole e hiki i na pihi o keia palule “The Mother’s Friend ke moku, oiai, ua hamu ia lakou maluna i kehahi kuapo i hi @i ke weheia me ka maalahi i ka wa e holoi ia ai o ka palulu. Nola @la, aole e hiki oia ke moku ika wa e aahu holoi, a i ole e aiana ia ai.
E ho@o i ke pono no ouk@u iho
PALULE O NA WAHINE --- Eia me makou ua palule “Derby: i ka@ lau@ no ka m@@@ e like me na p@i kin@, me ka paa o ke lakou w@hoolou. E loaa no m@ ke 50 kenets @ pii aku.
KALIKIO NA WAHINE --- E loaa na Kaliki paiki@i hou ma ke kumukuai em@ loa. O Kamakou Kaliki Summer e oaa no i ke 50 kenets, he waiwai nani i i hee@@ loa @ hoi k@n@ k ma@@@@@@@@@@@
@@@@@@@ (unable to read)