Ke Aloha Aina, Volume V, Number 23, 10 June 1899 — Page 1

KE ALOHA AINA

UA MAU KE EA O KA AINA I KA PONO

HOOKUMUIA I MEI 20, 1895

BUKE V                     HONOLULU, POAONO, IUNE 10, 899     HELU 28

 

KA NUPEPA KE ALOHA AINA

            E hoopuka mau ia aku ana mai ka Poakahi a ka Polima o na pule a pau o kela a me keia mahina.

            Ka Uku Pepa, he 20 keneta o ka pule.  No ke kope hookahi he 5 keneta.

            E loaa no ka pepa mai ke Keena aku o KE ALOHA AINA, a mai ka lima aku o na Luna Lawe Pepa.      

            E pai ia no na Olelo Hoolaha, na Kanikau a me na Mele Inoa, me ke Dala kuike.  Aole nupepa ma ka owili pakahi e hoouna ia ke ole e hookaa mua ia ka uku pepa.

            E hoouna pololei mai i na Nuhou na Kumumanao, na Olelo Hoolaha, na Kanikau a me na Mele Inoa i ka Lunahooponopono o keia Pepa.

            Aole loa e hoopuka ia a hoolaha ia kekahi manao ma na kolamu o keia Pepa, malalo o kekahi inoa kapakapa ke ole e hooike mai i ka Lunahooponopono i kona inoa ponoi.

            Ka Nupepa Puka Pule

 

Ke-Aloha-Aina

Hookahi makahiki……….$2.00

Eono mahina……………..$1.00

Ekolu mahina  …………….  .50

Hookahi mahina…………..   .20

 

EMMA A. NAWAHI.

Puuku o

Ke-Aloha-Aina

EDWARD L. LIKE

Lunahooponopono a Hope Puuku

S.P. KANOA.

Hope Lunahooponopono.

            O na kauoha Nupepa me na hookaa Dala, e hoona pololei mai o ka Puuku ma Honolulu.

 

UA HIPUU IA AE MA KA BERITA O KA MARE.

            Maloko o ke kula kaikamahine o Kawaiahao, ua hoohui ia ae la o Miss Martha Keanohou me Mr. Mahoe Aina, ma ke ahiahi Poalua nei, e Rev. H.H. Pareka.  He nui ko laua mau hoaloha i akoakoa ae malaila i ko laua wa i hipuu ia ae ma ke kaula gula maemae o ka mare, me ka hoopiha pu ia hoi o elua pakaukau me na makana like ole a ko laua mau hoaloha he nui i pane aku ai no laua.  Mahope iho o ka mare ana, ua malama ia he paina mama.  He mau opio laua a elua i kamaaina ma keia kulanakauhale.  O ka makou e upu ae nei, e hahai ia ko olua mau la e na pomaikai he nui.

 

AOHE MAOPOPO O KE KUMU I MAKE AI.

            I ka Poalua nei i haawi ae ai ka aha koronero i ka lakou olelo hooholo maluna o ke kino make o ka opio i loaa ai ma kai ae nei o Kalia, he mau la i hala ae nei.  O na kiure a Hope Ilamuku Chillingworth i ohi aku ai, oia no o John Kuaana, Joe Kalana, Ben Kaapa, Tom Hiona, A.B. Hoe a me P. K. Kalauao.  Mahope iho o ko lakou hooholo ana i na olelo a Kauka Emekona a me ka poe i loaa aku ai o ke kino make, ua haawi ae la lakou i ka lakou elelo hooholo, ua hoea mai ke kiki i kona make ma kekahi wahi a main a kumu i maopopo ole.

 

KA MOKU A’O KAUA MOANA.

Ua hoea mai la ma ka auina la Sabati nei ka mokukaua Adamu mai Hilo mai.  Ua haalele aku oia ia laila ma ka Poaha nei, me ke kalewa ana ae mawaho o na kai o Kona a hiki i Lahina no ka hoomaamaa ki ki pu ana.  Ua hoike ae na poe o luna he ino ka moana a lakou i holo mai nei, a ua hauoli lakou i ka hoea koke ana mai ianei.  E lawe ana oia he 150 mau keiki a’o kaua moana a me 100 luina.  E noho ana ka Adamu he uni la maanei no ka hoopiha nanahu ana mamua o kona huli hoi ana aku no Amerika Huipuia.

 

UA HELE HOOMAHA AKU LA.

            Ma ke Kakahiaka Sabati nei i i haalele iho ai o S.P. Kanoa, Hope Lunahooponopono o keia pepa no na pali hauhuli o na Koolau, no ka imi ana i kahi e loaa hou mai ai o ka ikaika i kona mau lala, mahope hoi o kona kaa ma’i ana iho nei no kekahi mau la loihi.  Ma lua lono i loaa mai nei e pili ana nona, ke pii mahuahua mau ae la ka maikai o kona ola kino.  He mau lono keia e hoohauoli mai ana i ko makou puuwai, a o ka makou e nei ae nei i ka Mea Maua Loa, e hoihoi kekeia mai ka maikai o kona ola kino elike me na la mamua iho o ka hekau ana mai o ke onawaliwali maluna o kona oiwi kino. 

*

MAU NO KA NELE.

            O keia malalo iho nei ka hoike no ka nui o na poe i hoohiki aku, i wahi e loaa mai ai ia lakou ka mana koho balota, no ke kau koho balota ae nei o Sepatemaba mai ka wa i wehe hamama ia ai ke kakau inoia a hiki iho la i ka Poalua nei, Iune 1, he 261 wale no inoa i hoopaa aku maloko o ka papa koho.

            Mailoko ae o keia huina he 132 Hawaii, 59 Amerika, 34 Beritania, 21 Geremania, 5 Pukiki, 2 Auseturia, a o ke koena iho he Norewai, Suedena, Samoa, Farani a me Iapana.  O ka inoa o Loio Kuhina Kaika i pau, ka mua loa i hoopaa ia maluna o ka papa koho.  O na inoa o na Lunakanawai Alapaki Kauka, Frear, Stanley a me Perry kekahi e kau ana maluna ona, aka, o ka inoa nae o Dole a me kona Aha Kuhina, aole ia i ikeia.

            O ka hapanui o na Hawaii i kakauinoa aku, oia no na lala o ka oihana makai a me na keena aupuni e ae.  Mau no ka nele o keia kau koho balota, o ka hana pono wale no a ke aupuni, oia no ka hoopau loa ana aku i keia noonoo koho balota a no kahi wa okoa aku.

 

NA MOKUAHI HOLO PILIAINA HOU.

            Ua hoi mai nei maluna o ka mokuahi Gealie, o Peresidena Wight o ka Hui Mokuahi o Waila, mai Kapalakiko mai, kahi hoi ana i holo aku nei no ke kuai ana i moku hou no ia lama mokuahi.  Ua hoike ae oie aia ke kukulu ia la he moku no ia Hui ma Kapalakiko, a maloko hoi o eono mahina e paa aia oia.  O kona loihi he 150 kapuai, laula 30 kapuai, hohonu 12 kapuai, a e hiki ai hoi ke lawe he 7000 eke kopaa.  He mau hiohiona like kona me ka mokuahi Hawaii a e kapaia aku ana hoi kona inoa o Kaiulani.

            Ua loaa pu mai nei hoi he lono maluna no o Gealie, ua kuai * aku la o Keoni Ena i ka mokuahi Hueneme ma Kapalakiko no ka hui o Poka Ma, a na Kapena Johuson e lawe mai ana iaia i Honolulu nei.  O kona loihi he 148.02 kapuai, laula 38.06 kapuai, hohonu 11.02 kapuai.

            Ua kapili ia oia e Bendickson ma Humboldt i ka 1897, a nona hoi ka holo he 9 ½ nota i ka hora ma ka hoao ia ana.  Ua like kona ano me ka mouahi Kauai.

 

KA IKE ANA I KE ANU O KEIA AINA.

(Mai Iapana mai.)

I kuu Cousin Eddie,

Aloha oe:

            Ua loaa mai ia’u kau leta a me na nupepa o kela mahina aku nei, a maloko o laila i ike ai i na mea hou o ka aina hanau, a ua lilo hoi ia i mea e hoohauoli ia ai o ko’u manao.  No ka hoike ana aku i ke kulana o ko’u ola kino e noho nei ma keia aina malihini he oluolu maikai loa au, a pela no hoi me Komisina Kini.

            Aole paha maua e loihi loa ana ma Hokokate nei, me he mea la. Maloko wale no paha o hookahi makahiki, a i ole, makahiki a oi e noho ai maanei, no ka mea, e hoi hou mai ana no o Kanikela Playfair no ka lawe ana ae i keia wahi maloko oia Manawa, mahope hoi o kona hoomaha ana aku nei.

            O keia hale kanikela a maua e noho nei, he hale nui ia, a ua hoolako pono ia hoi me na kauwa lawelawe Iapana, he mau kauwa kane a me na kauwa wahine, na lakou e kuke a hana na mea a pau loa, a he noho wale iho no ka’u.  Oiai, aia wale no ka’u hana iloko o ke keena.  O ka mea pahaohao a’u e ike nei he hapanui o kekahi mau mea hana o keia keena aia ma ka olelo Iapana.

            O keia kulanakauhale a’u o ike nei he ano uuku mai la la Tokio a me Iokohama, aka, he maluhia nae kea no o ka noho ana.  Aole hoi elike me na kulanakauhale ae’a maluna ka nui o na Lihui like ole e noho ana.  Ma ka’u hakilo pono ana i ke kulana o keia aina, he waiwai ole ia no @ poe lahui e elike hoi me kakou Hawaii, ka hoao * ana e imi waiwai ma keia wahi, a ua kupono wale no ia no na poe oloko nei o ka aina.

            He mea oialo, elike me ka kakou i lohe ai he kulanakauhale anu keia ke ike pono ae nei i ka oiaio oia mau lohe.  He nui kea nu o keia wahi, i oi ae maua o Iokohama a me Tokio.  I keia mau la a maua i hoea mai la, ua pau ka uni ana o ka hau (snow) maluna o ka honua, aka, o na kuahiwi nae he oia mau ka uhipaa ia e ka hau.

            Aole he mamao loa o keia mau mauna e uhipaa ia nei e ka hau mai ko maua wahi, nona ka hohonu he 4 ½ kapuai, mawaena paha o elua a i ole ekolu mile ki mamao.  He aina anu loa keia a’u e ike nei, a maanei i hoomanao ae ai, aole no e loaa ke oluolu o ka noho ana o kuu home aloha, (Hawaii).  He uwea teleparapa no keia kulanakauhale elike me ko Iokohama, a ke loaa mau mai nei no hoi ia makou ua lono pili kaua o na paemoku Pilipine.

            Me keia mau wahi hunahuna mea hou ke hooki nei au me ke aloha nui nou a me ko kaua mau hoaloha a pau.

            Owau no me ka oiaio,

            A.K. NAWAHI,

            Hakodate, Iapana, Mei 25, 1899.

 

E loaa no na Papale maikai no ka la 11 o Iune ma kahi o M.E. Killeau.

            Ua hookuu mai la i keia ola ana o Kane, ka makuakane o S.K. Kane mauka o Waikahalulu.  He 83 ka nui o kona mau makahiki.

            Ua hoolilo ia aku la kahi pa hale uuku o Mrs. Kahanuu M@k, e ku nei ma ke kihi o na alanui Alakea a me K@ no ke kumukuai o $12,000.  Laki no.

            He mau la piha kahuuapula keia o k@ kula@ kauhale nei main a mokupuni like ole mai, i hoea mai la no ka palama ana i ka ahahui e@elia @ nei.

            I ka La Pule ae nei e haalele iho ai ka @kaua Piledelapia i  ke awa o Kuu nei, no Kapalakiko, a mai@ oia e holo loa aku ai no Mea Ailana no ka hoomaemae ana i kona iwi kaele.