Ke Aloha Aina, Volume V, Number 19, 13 Mei 1899 — Page 7

KE ALOHA AINA

 

ALOHA AINA, POAONO, MEI

 

HE KAAO KAILI PUUWA

:NO KA:

UI MINEWA

:A ME NA:

KAIKUNANE EIWA

 

I Hooliloia I mau Manu Nene Ahiu

A I ole na Keiki I Hoeaehaia

 

Kakauia no KE ALOHA AINA

 

I kea hooki ana iho o ka elemakule i kona leo oia no ka wa i olowalu i ke mai ai kea leo o na kauwa i ka puana ana mai me ka lokahi.

O kou makemake e ko makou haku oia ka makou haku oia ka makou e hooko aku ai a mai hopohopo hoi no kona palekana, oiai, aole makou i pauaho i ka hoolohe aua aku i kau mau kauoha elike me ka loihi o ko makou ola ana.

I ka lohe ana o ka elemakule Alafia i keia mau leo ohaoha o kona mau kanaka, ua lilo ia he mea maikai loa i kona manao.  A mahope o kona haawi ana aku i kona mahalo i kana mau kauwa oia koke no kona wa i haalele koke iho ai i kana pio mahalo o ke kiai ana a kana mau kauwa hoolohe, a hoi aku no ka hooliuoulu ana i kona maluhiluhi.

I ka hala ana aku o ka elemakule puuwai lokoino, a hoalii mai la ka meha maluna o ua aleo la, oia koke no ka wa i kuka ae ai na kiai he mea pono no lakou ka hoomaha puana, no ka mea, aohe he manaolana no ka pakele ana aku o ka lakou pio mai na umii ana aku a ke apo.

Ua kua mai kekahi o lakou i keia manao, aka, mamuli o na poe i apono ia mea, ua hooholo lokahi ae la lakou e hoomaka no lakou ma ka aoao o ka lakou pio, a i kona wa e oni ai, oia no ko lakou wa e uhau aku ai i ka kaua aloha me ka huipa hili kanaka.

He mea oiaio, i ka wa i holo like ae ai keia manao iwaena o lakou, oia no ko lakou wa i moe iho ai ma ka aoao o ka lakou pio no ka hoomaha ana i na ma@loul@ oia la hana nui i malamaia ae e lakou me ke koa Bohona.

A no kekahi manawa pokole wale no keia hooluolu ana iho o ko lakou mau pauku kino maluna o ka papahele o ua aleo la, aia hoi, ua lohe ia aku la ka leo kani nonolo o ko lakou mau puke ihu, e hoike moakaka mai ana, aia lakou ke makaika la i ka nani o ka aina moeuhane.

I ka hiki pono ana ae i ka hora 9 o ua po la, i ka wa hoi a na eheu o ka po e halii paa ana i kona kapa pouli maluna o ka ilihonua, aia hoi ua ike ia aku la kekahi kino kanaka hookahi e maalo ae ana maloko o ka paia o ua aleo nei me kona mau kapuai wawae e hoi e nihi ana, a o kona mau maka aia ia ke kaulono pono la maluna o na kauwa e mololii ana.

I kona wa i ike ai ua pauhia loa ia lakou i ka hiamoe oia no kona wa i nee mai ai no kahi a ka kaua Minewa e waiho ana iloko o ka ehaeha,a malaila hoi oia i ku iho ai me ka haka pono ana iho o kona mau maka maluna o ke kino o ka wahine opio.

A no kekahi manawa pokole wale no keia haka pono ana iho o ua kanaka la maluna o na helehelena o ka wahine opio, aia hoi, ua ikeia aku la oia i ke kukuli ana iho ilalo me ka hapapa ana aku iloko o ka pouli a hiki i ka loaa ana aku o na lima o Minewa.

I ka paa ana aku o na lima palupalu o ke kaua aloha oia koke no ka wa i haha iho ai ua kanaka la i ka pana me ka leo hikilele lohe ia aku la oia i ka puana ana ae me ka nahenahe.

E hoomaikai ia na lani, no ka mea, aole oia i kaili aku i ka hanu makamae mailoko aku o ke kino o ka wahine opio.

I ka hoopau ana ae o ua kanaka la i kona leo, oia koke no kona poli, a unuhi ae la he huihui ki.  I ka hemo ana ae o ua huihui ki la, aole oia i hoohakalia iho i ke kilohi ana aku maluna o na helehelena o Minewa, aka, ua ikeia aku la oia i ke kulou ana iho maluna o ka wahine poino a wehe ae la i ka laka o na kupee hao.

A i ke kaawale ana aku o ua mau apo hao la mai na wawae aku o Minewa, oia koke no ka wa i hoopa iho ai kona mau lima maluna o ke poo o ka wahine opio me ka hooluliluli maile ana iho a me ka leo hawanawana pane iho la oia.

E ka wahine opio i hoehaeha ia e ala ae i keia wa ano, a imi aku i kahi e pakele ai o kou ola i keia wa ano, mai hookaulua iho, no ka mea, aole na mea e hoea mai ana ma keia mua iho.

Na keia leo i hookaakaa ae i na maka o ka kaua Minewa, a haka pono ae la oia i keia kino kanaka iloko o ka pouli a me ka leo ehaeha puana ae ia oia.

He kino akaku anei keia a’u e ike nei, a i ole he moeuhana paha, e pane koke mai i hoopau ia ae ai ko’u pohihihi.

I keia sekoua no i poha hou aku ai ka leo o kona hoopakele i ka i ana aku me ka hoala pu ana mai i ke poo o ka mea iloko o ka ehaeha.

E ka wahine opio, aole he kino akake, aole hoi oe i moeuhane, aka, he kino ko’u i like me kou ho i’o, iai a me @ke koko, a pehea ua pau aku la kou manao kanalua?  E hoike pu mai ua makaukau anei oe no ka hoopakele ana ia oe iho i keia wa ano?

I ka lohe maopopo ana @e o Minewa, aole keia he moeuhane, aole pu hoi keia he akaku, aka, he kino ola no i like me ia, oia koke no kona wa i hoao ae ai e ku iluna e like me kahi ikaika uuku e kamau ana iloko ona.

No kekahi mau minute kona hoao ana e ku iluna, aole nae ke hiki i kona mau wawae ke ku pono, nolaila, me na kulu waimaka e haule mai ana mai kona mau lihilihi mai, haliu ae la kona mau maka aloha maluna o kona hoopakele, a me ka leo wa’ohia i piha me ka ehaeha puana ae la oia me ka malie e hiki ole ai i kekahi o na kauwa ke hoopuiwa ia e hiolani ana hoi ma kona aoao.

E kuu hoopakele o keia mau hora o ke kulu aumoe, ke aie nui nei au no kau mau hana aloha i papahi mai nei maluna o’u, me ko’u hoonani pu ae i ke Akua no kona haawi ana mai he kanaka puuwai aloha iwaena o ko’u mau enemi.  Ua hoao iho nei au e like me kau leo kono e ku ae iluna a imi aku i ko’u wahi e pakele ai, aka, he mea kaumaha nae no’u ka hoike ana aku ia oe, aole loa he hiki i ko’u mau wawae ke hoohana hou aku.  Nolaila, e kou hoopakele malihini e haalele iho ia’u e make iwaena o ko’u mau enemi, a e huli aku oe i kou wahi e pakele ai, no ka mea, he maopopo loa e hookau ia ana he hoopai awahia nou, ina oe e loaa ana i keia mou moo punikoko e waiho mokaki nei iluna o ka papahele a na na lani e kiai i kou alahele a hiki i kou puka laelae ana mailoko aku nei.  O ke aloha no kou.

A i hooki ana iho o Minewa i kana kamailio ana, oia koke no ka wa i ikeia aku ua kanaka la i ka hapai ana ae i kona mau lima a holoi ae la i na waimaka e kiheahea ana ma kona mau lihilihi maka me ka pane iho.

Aole, aole loa au o haalele ia oe a hiki i ko’u ike ana aku ua pakele oe mai ka poho lima mai o kou mau enemi, a ina ua hiki ole i kou mau wawae ke hoopakele ae ia oe mailoko ae o keia lua kupapau, ua hiki loa i na aa huki o ko’u mau lima ke lawe aku la oe me ka maalahi ma waena aku o keia mau kiai e ahu mokaki mai nei.  E hoonaonao iho e kuu hoaloha poino aole oe i ale ia’u, aka, na ke aloha iloko o kuu puuwai mahope hoi o ka ike kumaka ana i na hana hoomainoino i hookau ia aku maluna ou, i kono mai ia’u e hoopakele ae ia oe.

A mahope iho o ka hoomaha iki ana o ua kanaka la, ua puana hou mai la oia i keia huaolelo me ke an@ pupuahulu a alawa koke ae la oia maanei o na paia o ua aleo la.

E ka wahine opio e hilinai mai ana anei oe i ka’u olelo i hoopuka @e nei, a mai hopohopo @@i no’u, no ka n@@@, aole au i hele mai nei e ho@p ino aku ia oe, aka, e hoopakele ia oe mailoko ae o keia kuana poiao.  A aia he paulole io kou maluna o’u i keia minute no e hapai ae ai au a lawe aku ia oe no kahi e palekana ai o kou ola.

Aole i hookaulua iho ka kaua aloha i ka pane ana aku i kona hoopakele, aka, ua owaka koke ae la kona waha a hoopuka ae la i keia mau huaolelo me ka leo malie i ka i ana ae.

E ke kanaka puuwai ahonui aohe a’u mea e hopohopo aku ai nou, oiai, ua hiki ia’u e ike aku ia loko o kou puuwai, ua hoopiha io ia me ke aloha no’u.  Nolaila, w hoopau ae i kou mau manao kanalua, no ka mea, ua haawi aku au i ko’u mau manao paulele maluna ou ina no ka make a lanakila paha.  A pehea e haalele ana anei kaua i keia wahi ano?

Ae, wahi a ke kanaka malihini i pane mai ai, a oia koke no hoi kona wa i lalau iho ai i ka ui Minewa me na lima wikani a hapai ae la iaia me he wahi puolo mama loa la a hookau ae la mahope o kona kua.

I ke kau pono io ana ae o Minewa maluna o ke kua o kona hoopakele oia koke no ka wa i haalele iho ai o ua kanaka la i na paia o ua aleo la me na kauwa kiai hoi e nonolo ana na puka ihu, a iho aku la oia me kana ukana makamae no lalo o na anuu o ka halealii me na kapuai mama a me ka puahi nui hoi.

A no kekahi mau minute pokole wale no keia iho ana aku a ua kanaka la ma ua anuu alapii la a ka opae, ua hoea aku la oia no lalo o ke kahua akea, a mahalo hoi o kekahi opu nahelehele i hoomaha iho ai oia me ka kaua aloha me ka puana malie ana ae me ka leo hawanawana.

E hoopau ae e kuu hoaloha opio i kou mau manao kaumahe, no ka mea, ua komo mai la iloko o’u na manaolana hauoli no kou palekana.  E hoomanao iho o oe o kaua ke hoopau ia ana na ehaeha, aka, no’u nei he mea maopopo loa e wi ana kuu mau niho i na e loaa pono ai o keia hana kipi a’u i kuu haku, aole no nae ia he mea nui i ko’u manao, oiai, ua palupalu au i keia manawa, a ke hookokoke aku nei hoi ko’u mau la e kapoo ma kela aoao o ka muliwai make.

Na keia mau olelo a ua kanaka la i hookomo mai i na manao ehaeha iloko o ko Minewa puuwai, a pane aku la hoi oia penei:

E kuu hoopakele ahonui, ua hoopiha la au i ke kaumaha nou, he mea oiaio, he poino nui ke halawai ana me oe, i na e loaa pono ana nau i hoopakele mai ia’u mailoko mai o ko’u loa kupapau.  Nolaila, ma keia wahi e hookuu mai ia’u e alo hookahi iloko o ko’u ole, ina no ka make a lanakila paha, a o oe hoi e h@i aku oe no ke alo o k@u haku.  E wiki ano, oiai, ke hoomaopopo @e au, ua kokoke loa kekahi o na kauwa e hiamoe la maluna o ka aleo e puoho ae.

I keia wa no i huli ae ai ua kanaka la a pane mai la ia Minewa me ke kuoo nui i ka i ana mai.  Aole loa au e ae aku ana i kou manao e ka wahine opio i hoeha ia, no ka mea, ua hoike mua aku au i ko’u manao e hookuu aku no au ia oe i na e ike aku ana au, e loaa io ana ia oe @a palekana, aka, i keia wa e hoomaopopo iho e kuu hoaloha, aole oe i kaawale mai ka home aku o kou enemi.  A he manaolana hoi ko’u aole loa oe e pae aku me ka palekana ma kela aoaoa mamua o kou loaa hou ana aku i kou mau enemi, a elike me ka’u i kamailio mua ae nei, aole o’u minamina i ko’u ola, oiai, eia ia ke hookokoke aku nei i ka muliwahi eleele o ka make, nolaila, aole au e hookuu hookahi aku ana ia oe ma keia huakai imi ola.

Mahpe iho o kona hoomaha ana no kekahi manawa, a i ke kuu pono ana iho o kona nae, oia koke no ka wa i ike ia aku ai ua kanaka la i ke ku ana ae iluna me kana ukana makamae no e haawe ana maluna o kona kua, a hele aku la no ke kae muliwai me na kapuai inama nui.

Aole nae oia i hookaulua iho i kona wa i hiki ai malaila, aka, ua lalau koke aku la oia i ke kaula o kekahi waapa uuku e lana ana iluna o ke iliwai a hoopili mai la ma kana wahi e ku ana, a oia no koi kona wa i lehei aku ai a kau aku la maluna ona.  I kona kau pono ana aku iluna o ua wahi waapa la, oia koke no kona wa i hookuu iho ai i kana ukana makamae me na lima palanehe mai ka haawe ana maluna o kona kua.

Me ka hookaulua hou ole aku i mau sekona, ua ikeia aku la oia i ka lalau ana i na hoe e waiho ana maluna o ka waapa, a hoonee aku la i ua wahi halelana la no kela aoao o ka muliwai ka pahu hopu.

UKU IA NA KOA AMERIKA

He mau hora mamua iho o ka holo ana aku o na moku lawekoa Ohio a me Senetoa no Manila i uku ia mai ai na koa, a ua hookaumaha ia lakou no ka loaa ole he wa no lakou e lealea ai, no ka mea, ua hookapu loa ia lakou i ka lele ana mai iuka nei o ka aina.  U hana ia keia hana mamuli o ka hoike a na aliikoa e noho nei maanei, oia hoi o ka uku ana i na koa he hookahi la mamua o kona hono ana, he hoonui ana alu la i ka luhi i ka hu’i ana ia lakou, a e hoohakahaka ia ana hoi na moku me na koa, oiai, i ka wa e loaa ai k@ dala i na koa, ua pau iho la ko lakou @ @na e hoi no luna o ka moku.

 

O ua moku lawek@a Grant.  @ a me @ kai he mea aku @ i kupai kiko a e h@ hoa @a aku @ lakou na Manila.