Ke Aloha Aina, Volume V, Number 18, 6 May 1899 — Page 6
This text was transcribed by: | Naomi Ajello |
This work is dedicated to: | to my Hawaii Hamachi Ohana |
6 -KE ALOHA AINA, POCONO, MEI 6, 1899.
______________________________________________________________________________
HE MOOLELO WALOHIA
---:NO:---
ALANADELA
______
Ka Wahine Hoopahaohao o ka Aahu Keokeo.
-----A I OLE-----
Ka lLoea Hookani Pila Hapa o ke Kulu Aumoe.
________
E na hoaloha i alo pu mai ne a’u iloko o keia alahele o ka ehaeha a me ka inea, ano he mea ano nui ka’u e hoike aku nei ia ouokou, oia hoi keia, i ka wa o ka haku o na powa e ailiilli ana no kona hanu hope loa o keia ola ana, ua haawi mai la oia i ka mana o ka hoomalu ana i kona mau kanaka malalo o’u. A nolaila, a hoomaopopo iho, mai keia po aku a hiki i ka wa pau ole, o kakou ka haku maluna o keia mau kanaka a me keia mau home kakela nanai. E hele aku e wae i mau keena no oukou e hoaumoeiho ai i keia po, no ka mea, ka ike aku nei au i ko ouokou mau maka ua makemake lakou e hooluolu.
Ua lilo keia i mea a hoohauoli ana i na manao o Walata a me kona mau hoaloha lohe ia aku la oia i ka paana ana ae me ka leo olu wai@ane:
E o’u mau hoaloha, ua hoopomaikai ia ka kakou huakai, a ke hauoli nei hoi au i ka ike ana ua pau ka mana o ke kanaka nana i hookau aku i ka weli maluna o Sekotia holookoa, oia hoi, keia ahi powa i make iho la.
A i ka hoopau ana iho o ua Walata nei i kana kamailio ana, oia koke no ko lakou wa i hele koke aku ai e wae i mau rumi no lakou e hooluolu iho ai ia koena po.
No kekahi mau minute loihi ko lakou wae akahele ana i mau rumi no lakou, ua loaa aku la he mau rumi nui nani i uhi ia hoi ko lakou mau papahele me na vweleveta, a ma na paia hoi e hulali mai ana ke gula a me ke dala.
A maloko o keia mau rumi nani i hoaumoe iho ai ka kaua mau kamahele, no ka hookuu ana aku hoi i manawa e hoomaha ai o ko lakou mau lala, a iloko o na minute pokole, aia lakou ke hoomipo la me Niolopua.
No Magarita hoi, aole i hookuu aku i kona mau lihilihi no ka hooluolu ana, aka, i kona ike ana , ua pauhia loa ia kona mau hoaloha i ka hiamoe, oia koke no kona mana wa i ala e ai a hele aku la no waho o ka lanai o ka hale, no kahi a kekahi wahi ulili uuku e kau ana ma ka paia, a me ia mea i puhi aku a oia no ekolu manawa, a ia manw no hoi i ol@ m@ i ai kekahi o na powa e kiai ana i ua hom kakela ia powa, a mahope o kona kunou an aai, ua lohe ia aku la kona leo oiu waipahe i ke poha ana mai:
E ko makou aliiwahine, he manao anei kou o ke kahea ana ae nei o keia kulu aumoe, a pane koke mai ano, a ua makaukau loa au no ka hooko aku i na no ka make a ola paha.
Ae, he manao ano nui ko’u i kahea aku nei ia oe, oia hoi keia, e kii aku a lawe mai ia Bonita, ke alihi kaua nui o na powa, oiai, ua makemake au iaia i keia wa ano.
Elike me ka makemake o Magarita, pela ka powa kiai i hooko aku ai, a mahope o kona haawi hou ana mai i na kunou haahaa ana, ua nalowale koke aku la oia iloko o ka pouli no ke kahua hoolulu o na powa me ka puahi nui.
A no Magarita hoi i ka wa i hala aku ai o ka powa, aia oia ke ike ia aku la e ho’oholo ana ma ka lanai me kona poo e kulou ana ilalo, me he la, e hoike okoa mai ana no aia he manao nui iloko o kona puuwai e lauwili la.
A no kekahi mau minute wale no keia holoholo ana a ua Magarita la malaila, aia hoi, ua lohe aku la oia i kekahi halulu kapuai wawae e nee mai ana imua ona mai loko mai o ka pouli, a ia manawa no i hoolono pono aku ai kona mau pepiao ina paha he oiaio keia heia halulu ana e lohe nei.
He oiaio, ua lohe maopopo aku la oia i na kapuai e pahupahu mai ana a iloko o na sekona pokole wale no aia hoi, ua ike ia aku la kekahi kauaka aoo i aahu ia me kekahi lole veleveta nani loa, a ma ka aoao hoi o kona lole wawae e kau ana he mau molina gula me na pihipihi gula nanai loa e anapanapa ana maluna o kona mau kipoohiwi.
I kona hoea ana mau imua o ka ui Magarita, oia no kona wa i kukuli iho ai ilalo, a me ka leo olu waipahe lohe ia aku la oia i ka puana ana ae:
E Magarita, ko makou haku wahine he manao anei kou o ke kauoha ana ae nei ia’u o keia aumoe e ehele mai i ou la, a ina he manao kou e pane koke mai i keia wa ano.
I keia manawa no i lalau iho ai ua Magarita nei i ka lima akau o ke kanaka me na pilali e hee ana, a huki ae la iluna me ke poha pu ana aku o kona leo me ka nahenahe:
E Bonita, kuu alihikaua hoolohe, he manao ano nui io no ka’u i kauoha aku nei ia oe e hiki mai i keia aumoe, aka, aole nae he kupono o keia wahi no ko’u hoike ana aku ia oe ia mea.
I na hopohopo oe no ka hoike ana mai ia’u ma keia wahi, ua hiki loa ia’u ke lawe aku ia oe no kekahi wahi mehameha. Nolaila, e ukali mai mahope o’u a lawe aku no au ia oe ma kahi kupono.
Elike me ka leo kono oBonita, ke alihikaua nui o na powa, pela o Magrita i hooko aku ai. Haalele koke iho la laua i ua wahi la no kahi a kekahi kumulaau nui e k@ ana he mau anana ke kaawale mai ka hale mai.
A maluna o kekahi wahi noho e hoopuni ana i ua wahi kumulaau ia i noho iho ai laua me ka aloalo pu ana ae hoi o ko Magarita mau maka ma o a maanei, ina paha he kino kanaka e ae kekahi malaila, aka, i kona hoomaopopo ana iho o laua wale no, oia no ka wa i poha mai ai kona leo i ka i ana mai:
E Bonita he hana ano nui ka’u i makemake ai nau e hooko, a i ole na kouo mau kanaka paha ina e hiki ana, oia, hoi, ka hookaawale ana aku i kekahi o ko’u mau hoaloha i ukali pu mai nei me a’u mailoko aku nei o ka paia o ke kakou home nei. He wahine oia elime me a’u nei, aka, he oi ae nae kona ui mamua ou nei.
______...______
NA KOMISINA O NA MANA NUI EKOLU NO SAMOA.
________
Eia na Komisina Hui o kekahi mau mana nui o ka honua i ke Kapitala o Honolulu nei, na hoea mai la maluna o ka mokukaua
Barger. E holo ana lakou no ko hooponopono ana i ke kulana pioo, ma Samea. O keia mau Komisina oia o Hon. Bartlet Tripp no ke aupuni O Amerika Huipuia, C.N.E. Elliot no Beritania a me Barona von Sternberg no Geremania.
He kamaaina o Mr. Tripp no ka mokuaina o Maine, aka, ua hoohala ia nae eia he manawa loihi ma Dakota Hema. He Lunakanawai kiekie oia no ka Aha Kiekie o keia mokuaina hope no elima makahiki, A ua noho Kuhina hoi oi ma Auseturia i ka wa e noho Peresidena ana o Kalivalana.
O C. N. E. Elliot he kakauolelo elua oia no ke Keena o Beritania Nui ma Wasinetona. He nui na oihana pili aupuni ana i lawelawe ai, a ua paa hoi oia he mau kulana me kekahi mau aupuni. He kanaka opio wale no oia, aka, ua ike ia aku nae oia, ma ke ano oia kekahi o na hanauna opio naauao loa iloko na oihana pili aupuni.
Barona von Sternberg he kanaka naa iao oia. I kona wa i koho ia aku ai i Komisina e paa ana oia i ke kulana kakauolelo ekahi na ke Kuhina Germania ma Wasinetona. He nui na kulana ana i paa ai no kona aupuni i na makahiki i hala ae nei. Ua loaa iaia he kea hanohano no kona wiwo ole ma ke kana i ulu ae maewaena o Farani a me Perusia. Ma ke kaua o Iapana a me Kina he Kuhina oia o Germania ma ka hikina.
U laweia lakou e hoomakaii kekahi mau wahi o ke kulanakauhale nei, ma ka Poakolu nei.
__________________
E hoea mai ana o Konela Bigalo o ka Hui Kakapu me kekahi puali keaka Ilikini.
______________________________________________________________________________
HE KUAI NUI I IKE MUA OLEIA.
-:- -:- -:-
E hoomaka ana ma ke Kakahiaka
Ls Apopo.
____________
NO HOOKAHI PULE WALE NO.
____________
E Hoemi ia ana he 25 pa keniea maluna o keia mau
Waiwai malalo iho:
____________
NA LOLE MAKALENA PILI ILI.
PALE PAKAUKAU LILINA,
KAWELE HOLOI LIMA,
MAMALU NUI a LIILII
PALE ULUNA,
HALII MOE.
Pela pu me ka Makou Mau Waiwai SILIKA Nani loa.
_______
E hoemi pu ia ana 50 pa Keneta
o ka makou mau
PALULE WAHINE.
_________
O keia mau WAIWAI a pau he HOU a ua WAE PONOIA, a eia ke kuai ia kau nei me ka Makepono loa. O ka mea e hikimua mai ana e lilo no iala ka wae mua ana.
__________
E KAUE MAI I IKE KUMANA, HE OLE KA LOHA PEPEIAO.
__________
L. B. KERR.
Honolulu Lnui Moiwahine.