Ke Aloha Aina, Volume V, Number 17, 29 April 1899 — Page 5
| This text was transcribed by: | L. A. Marchildon |
| This work is dedicated to: | Any Canadians calling Hawaii home...I'm so envious !! |
KE ALOHA AINA
KE ALOHA AINA POAONO, APPERILA @9, 1899 5
WEHE IA NO KA MAKAIKAI ANA.
Ma ka hora 4 o ke ahiahi Poaono nei, i wehe hamama ia ae ai na puka o ka halekula i kukulu ia iho nei mauka o Keoneula, no ka makaikai ia ana e na mea a pau. He nani na mea a pau a ka maka e hoohalahala ole ia, he halekula nui keia o elua hale ke kiekie, a ua mahelehele ia iloko o na keena kula he 12. Ua lohe mai makou o ke Kula Kaiulani ka inoa i haawi ia aku nona. O Mr. Armstrong Smith, kai koho ia aku la i kumu nui no keia halekula hou. Malaila pu ae ka hana aupuni kahi i hoonanea ai i ke anaina nui i akoakoa ae.
HE PAA MARE MALU.
Ua lilo i mea kamailio nui ia iwaena o na poe o ke kulanakauhale nei ka mare ana o Mr. Bert Peterson o ke a kulanakauhale me Miss White O Amerika Huipuia, ma ka hora 10 o kela kakahiaka Poalima aku nei. Na S. E. Bihopa laua i hipuu ae ma ke kaula gula o ka mare me ka ike ole o ke kahuna pule he mau pa@ mare malu keia.
Mahope iho o ka mare ia ana, ua hoomaka ae la ka puapuai ana o na mea e pili ana no laua a hiki i ka lohe ana o Mrs. White, ka makuahine o ka wahine a Peterson i lawe ae la i kokoolua nona, a ma ka Amerika Mar@ i holo aku ai laua no Kapalakiko.
He mau pule wale ae nei no ka hoea ana mai nei o Miss White me kona makuahine, a maanei iho la hoi oia i hui ae me keia keiki Hawaii. He kane okoa no ka ka makuahine i makemake ai, a ua hauwawa ia ae, ua hoea mai nei oia i anei no ka imi ana mai i kana wahine i manao ai i koolua nona, aka, ua lahi makehewa nae keia au ana mai o ke kai loa, no ka mea, ua hala e aku la ka Puulena aia i Hilo.
Ua hoopuka ae o Bert Peterson e hoi mai ana oia me kana wahine ma keia mua koke iho no ka noho paa ana maanei.
Ua loaa he kula dala i na keiki kalewa nupepa makai o ka uwapo mamua o ka haalele ana iho o ka Amerika Maru no Kapalakiko, ma ke kuai ana o Peterson i na pepa a pau oia kakahiaka e kalewa ia ana malaila, mamuli ka o kona makemake ole e ike kona makuah@nowai i kekahi mea e pili ana no ko laua mare.
HOAO E KAAWE IAIA IHO.
Ma ka po Poaono nei, ua hoao ae la kekahi kaikamahine Pake e noho nei ma ke alanui Nuuanu e lawe i kona ola ma ke kaawe ana iaia iho iluna o kekahi kumulaau manako, aka, ua ike koke ia nae oia e kekahi poe e noho kokoke ana malaila, a hoopakele ia ae la kona oia, ma ke oki ia ana o ke kaula e paa ma kona pua-i. Ua hoao ia e huli pono ke kumu o ka hoao ana o keia wahine e hana i keia hana menemene, aku, aole nae oia i hoike mai. Eia pu ka oihana makai ke huli nei i ke kumu i ulu mai ai keia manao lapuwale iloko o keia kaikamahine Pake.
KE KULA KAIULANI.
I keia kakahiaka Poalua i komo ai ke kula o ka Halekula Kaiulani e ku nei ma Kapalama. He mau haneri o na keiki e noho nei ma ia mau wahi i hoopaa aku i ko lakou mau inoa ma ke kakahiaka Poakahi nei. Ma ia ahiahi Poakahi no i pau loa ai ka hana ana a na kamana malaila. Ua hoohauoli ia na poe e noho nei malaila mamuli o ka loaa ana i ka lakou mau keiki liilii he wahi kokoke e hele ai i ke kula mamua hoi o ka hele ana i kula mamao loa e like me na la i hala aku la.
HOOPAI IA NO KA HOOMAINOINO HOLOHOLONA.
Ma ka Poaono nei i hoopai ia ai o Napahuelua no ka hoomainoino holoholona he $20. O keia kanaka i hopu ia ai no ka hoopoino ana i ka maka o kona lio ma ka hou ana me ke kepa, oiai, oia iloko o na uluhia ana a ka wai hoomalule kino. Mailalo mai oia o Ewa i hoi mai ai me ke kuupau ana i ka holo o kona lio, a i ka hiki ana ma Moanalua ua hiki hou ole i ka lio ke hele hou aku, ia wa no i lele iho ai oia ilalo a pepehi iho la i kona lio. Oiai, oia e hana ana i keia hana hoomainoino, ua maalo ae la kekahi poe maluna o kekahi kaa a na lakou i hoike aku ia Miss Helen Waila, a ia wa koke no i hoopuka ia ai he palapala hopu no Napahuelua.
LOAA HE MAU PAHU I PIHA ME NA DALA GULA!
San Antonio, Apr. 8. O C. P. Kleindust, he lunakanawai, i keia kakahiaka ua loaa iho la iaia he mau pahu i piha me na dala Sepania ma kekahi aina hanai holoholona ma Devine. He mau pule ae nei i hala, ua manao io iho la o Kleindust aia he waiwai i huna ia malaila, a mahope o kekahi eli hoomaha ole ana, ua loaa iho la iaia he hookahi pahu oka a me ekolu pahu liilii. Ua uhi ia o waho o keia pahu me ke keleawe. I ka wa i wehe ia ae ai, ua ike ia iho la, ua piha ia i ke dala gula Sepania a me na waiwai makamae. He 1000 dala gula i loaa aku no lakou ka waiwai io he $15,000. Aole i wehe ia na pahu liilii, aka, na manaoia no nae ua piha no me na dala gula. He nui na dala gula kahiko i loaa aku, o kahi o lakou no ka makahiki 1700. Ua loaa pu aku he mau palapala iloko o ka pahu i kakau ia ma ka olelo Sepania, a i @iia me ke sila aupuni. A mawaena o na waiwai makamae i loaa aku ai he kea laau (eboni) kekahi nona ka loihi elima iniha i okomokomo ia me kekahi mau pohaku makamae nani loa.
HE APANA AINA WAIWAI NUI.
No elua makahiki i hala ae nei ka hoao ana o kekahi poe e kuai i ka apana aina o Kale Kulika e waiho nei ma ke alanui. Moi kokoke i ke alanui Alakea. Ua hoike ia ae ma ka Poakahi nei ua haawi ia aku he $39,000 no keia apana aina, aka, aole nae i ae mai ka mea nona ka waiwai i keia puu dala nui i haawi ia aku. O ka makemake o keia poe no ke kukulu ana aku ono ia i hale oihana ma keia wahi. Mamua aku nei ua hoao ae kekahi hui e hoolimalima i keia wahi, aka, aole no nae i ae ia mai.
Ua hala aku la ma ka mokuahi Amerika Maru o Mr. Jos. Heleluhe no Wasinetona.
Eia ka oihana makai ka hoao nei e hoopau loa i ke akeakea ia ana o na alanui hele aoao o ke kulanakauhale nei me na ukana like ole e waiho ia ana malaila, a ua ike nui ia hoi keia mau alai ana ma na alanui a na Pake e noho nei.
He hookahi wale no koa Eneginia i koe ma Honolulu nei, oia hoi, o Percy Newhall, i hoea mai nei mai Maui mai ma ka Sabati nei. Ua hookuu ia oia no ka hoomaha ana, aole oia i maopopo ua huli hoi aku kona mau hoa a hiki i kona hoea ana mai nei.
PACIFIC IMPORT COMPANY.
ALANUI PAPU, MODEL BLOCK.
A LOAA MAI NEI IA MAKOU HE 50 PAHU WAIWAI HOU
MALUNA O KA MOKUAHI MARIPOSA.
E KUAIIA AKU ANA ME KA EMI NUI MA KEIA MUA KOKE IHO.
KUAI KUIKAWA NUI O NA
Lole Kamalii, Na Koloka Wahine me na Palewawae.
PACIFIC IMPORT COMPANY.
Alanui Papu, Model Block. Ma Ewa o ka Luakini Katolika
HAKA PONO O IAPANA IA ITALIA.
Vaneko@a, B. C. Apr. 5. O na lono i loaa mai nei mai Kina mai maluna o ka mokuahi Emepera o Iapana, aia o Iapana he haka pono la maluna o Italia me na maka lili, mamuli o kona hoao ana iho nei e lawe ia Sun Mun.
Ua launa kamailio ae o Makuisa @to me Li Hung Chang me ke kuhikuhi aku i na hoomaemae like ole. Ua olelo ae oia o ka maheleheleia ana o Kina, ua moakaka loa ia i na e hoomau ana o Kina i kona ku ana e like me kona kahua hana i keia wa.
Ma ke kilo ana i keia kumuhana o Sun Mun ua olelo ae na Iapana, he mea pono loa i ko lakou aupuni ka haalele ana aku i kona kulana ku kaawale ma keia hope aku, a e koi aku ana lakou no ka ae ia ana mai o kekahi aina o Kina, a me he mea la o ke awa ma Fokien ka lakou i upu ai e lawe ae.
Ua a'o aku o Kauna Okuma, ke Kuhina Nui i pau, i ke aupuni ha hana pono loa nona ke alakai ana ia Kina me ke kokua pu aku iaia no ka hoomau ia ana o kona kuokoa. O ka hana mua e hooko ia aku ai no ia manao, o ia ke ao paikau ana i kekahi mau haneri pake e na aliikoa Iapana, elua e hoouna ia na haumana kula pake me Iapana no ka hoonaauao ana. Ina aole e hiki ana ia Iapana ke lawe i keehina hou e paa ana oia ia Amoy a me ka laina kaaahi mawaena ona a me Hankow.
UA HALA AKU LA ME KE ALOHA IA.
Elike me ko ka ana o ke au o ka manawa, pela ka make e ana i mai nei ia kakou na kanaka Hawaii, me ka weliweli nui. Ma ka hora 3 p. m. o ka a@ina la Poakolu nei, ma Kaumakapili ae nei, i hookuu mai ai o Mareta K. K@oala i kona aho hope loa, ma ko laua wahi noho ma Kaumakapili ae nei, i ka 26 a oi o kona @ makahiki. Ua hanauia oia ma Kawaiki, Kapalama, i ka la 16 o Dekemaba, 1872. Ua hoonaauaoia ma ke kula o Pohukaina i kona mau la opio, a ua lawe @ hoi i kokoolua no keia noho inoa ana, a @a hoea mai he elua kaikamahine e ola nei, e @ aku nona ma keia ao mauleule.
He mea lawe pepa oia, no KE ALOHA AINA, i kokua ia @ kana kane, ka lima akau o keia noho kino ana. He mai loiha kona a pela i ho@ mai ai na hopena o kona mau la, me ka palan@h@. Me ka ohana, ke kane i hoonele ia @ kono kakoolua ole, kana mau @ a me ka lehulehu ko makou a pu ana.