Ke Aloha Aina, Volume V, Number 17, 29 ʻApelila 1899 — Page 1

KE ALOHA AINA

 

Ke Aloha Aina.

HILO BAY. HAWAII

UA MAU KE EA O KA AINA I KA PONO

 

HOOKUMUIA I MEI 20, 1895

 

BUKE V.        HONOLULU, POAONO, APERILA 9, 1899.        HELU 17

 

KA NUPEPA KE ALOHA AINA

 

E hoepuka mau ia aku ana mai ka Poakahi a ka Polima o na pule a pau o kela a me keia mahina.

Ka Uku Pepa, he 20 keneta o ka pule.  No ke kope hookahi he 5 keneta.

E loaa no ka pepa maike Keena aku o KE ALOHA AINA, a mai ka lima aku o na Luna Lawe Pepa.

E pai ia no na Olelo Hoolaha, na Kanikau a me na Mele Inoa, me ke Dala kuike.  Aole nupepa ma ka owili pakahi e hoouna ia ke ole e hookaa mua ia ka uku pepa.

E hoouna pololei mai i na Nuhou na Kumumanao, na Olelo Hoolaha, na Kanikau a me na Mele Inoa i ka Lunahooponopono o keia Pepa.

Aole loa e hoopuka ia a hoolaha ia kekahi manao ma na kolamu o keia Pepa, malalo o kekahi inoa kapakapa ke ole e hooike mai i ka Lunahooponopono i kona inoa ponoi.

 

Ka Nupepa Puka Pule

 

Ke – Aloha – Aina

 

            Hookahi makahiki       $2.00

            Eono mahina   $1.00

            Ekolu mahina  .50

            Hookahi mahina         .20

 

EMMA A. NAWAHI.

Puukuo

Ke – Aloha – Aina

EDWARD L. LIKE.

Lunahooponopono a Hope Puuku

S. P. KANOA.

Hope Lunahooponopono.

 

O na kauoha Nupepa me na hookaa Dala, e hoona pololei mai o ka Puuku ma Honolulu.

 

Nuhou Kuwaho.

 

UA UKALI AKU LA MAHOPE O KANA ALOHA.

 

            Wichita, Kan., Apr. 2. O Miss Mary Wilson, he wahine opio 1 ike nui ia ma Augusta, ua lawe ae oia i kona ola i ka wa i lohe mai ai ua make o Alva Dix, kana ipo, maluna o ke kahua kaua o Malolo.  He koa o Alva Dix no ka puali G, o ka regimana Kansas.

            Mamua o kona komo ana iloko o ka oihana koa he kanaka maina oia no Wilson County, a mamua iki iho o kona komo ana iloko o kona regimana, ua lilo iho la oia he ipo na Miss Wilson.

            Ua puka pono mai o Miss Wilson mai Vassar mai i ka wa a ka na aloha e holo ana no Piiipine.  Ma ka la inehinei i ike ai oia i ka inoa o kaua aloha iwaena o na poe make.  Ma ka po nei i kona wa i hoi ai e hoomaha, ua kakau iho la oia he palapala na kona makuakane a me kona makuahine a inu iho la i ka laau make mofina.

            He opio laua a elua i hooholo e mare maloko ae nei o Iune.

 

KAHI KAUHALE OLUOLU LOA.

 

            O kahi oluolu loa o ka honua nei, me he mea la, aia no ia maloko o kahi kauhale uuku i kapa ia o Aumone, ma Farani.  He kanaha poe e noho nei maloko ona a he 25 o lakou e noho nei ma kahi o 80 makahiki a he hookahi maluna aku o ka 100 makahiki.

 

HE HOKU HAULE.

 

            Ladana, Apr. 7.  He lono kuikawa kai loaa mae nei i ke Daily Mail mai Sana Peteroboro, e olelo ana ma ka la 12 o Maraki, ua haule iho la kekahi hoku nui iloko o ke kai ma kahi kokoke i kahi kauhala o Bjurbel, he 26 mile mai Helsingfors mai, a komo aku la iloko o kekahi lepo paakiki noua ka hohonu o 25 kapuai. E hapai ia aku aua oia.  

            Ua olelo ae na poe akeakamai o ka hao a me na mea e ae e hui pu ana iloko o ka hoku haule e hiki aku no kona waiwai io ma kahi he mau miliona rubela.

 

HE KOI I NA AINA LEI ALII

 

            Ua ike iho makou maloko o ka Avalataisa o keia kakahiaka Poalima eia o Loio Edgar Caypless, i hoea mai ianei maluna o ka mokuahi Columebia ke lawelawe nei i na koi a Mrs. Owana Wilikoki a me Mrs. FS. Pratt i na Aina Lei Alii.  No eono mahina i hala ae nei ko Cayless hana ana maluna o keia hihia, a ua loheia ae e holo aku ana oia me Robert Wilikoki no Wasinetona no keia kumuhana, aka, aole nae e hoike ana ka loio i na mea e pili ana i keia huakai.  Ua olelo ae o Loio Caypless he manaoio kona, e lilo aua o laua na hoolinia o keia waiwai.

            Ua hoopau wale ia mai ka hihia hawi keaka me ka laikiui oleo C. S. Desky e ka Aha Apana, ma ka Poaha nei.

 

IKE I KA NANI O IAPANA.

 

Dear Cousin Edward Leavitt Like

            Aloha oe:

Ua hoea mai la au i ke kulanakauhale nani o Iokohama nei, ma ke kakahiaka Poaono, Aperila 8, me ke ola kino maikai.  He malie ka moana a makou i holo mai nei, aka, ua hala nae ko makou manawa i manao ia ai e ku, manuli o ka puka ana o kekahi mau ipuhao, aka, aole no nae ia i hoopihoihoi mai i ko’u mau noonoo.  He oluolu loa o Komisina-W.J. Kini, a pela hoi me ka kapena o ko makou moku, Kapena G. Filme ia’u.

Ma ka Poakolu, Maraki 29, oiai makou e holo ana no i ka moana, ua haawi ae la o Kapena Filme he ahamele hoonanea no na ohua, a owau kekahi i komo pu aku ma na hana hoolaulea oia la, ma ka hookani ana i ke mele Hawaii, “Ua Like no a Like,” a me kekahi mau mele hooheno e ae no hoi o kakou me ka’u pila Mandolina, ua komo pu mai la o Komisina Kini ma ia anaina lealea ma ka himeni ana i kekahi mele lapana.

Eia au iloko o kekahi hotele nui i kapa ia ke Grand Hotel e kakau aku nei ia oe.  He nani na mea a pau a’u e ike nei.  He bana no ko keia hotele, a he elua hoi o lakou manawa e paani ai, i ka paina awakea a me ka paina ahiahi.  He maikai ka leo kani o na ohe, a ma ka’u hoohalike ae me ko kakou bana aupuni a me ka makou bana hoi o St. Louis College, me he mea la, aole laua i helu ia i keia bana.  He poe Iapana wale no na poe puhiohe.  He hookahi o’u manawa i komo pu ai e puhi me lakou i kekahi mau leo mele oia hoi, “Bunch of Hits,” a me “Corinue March.”

No ke kulana o keia kulana kauhale au’u e ike nei he keu a ke a iu, a eia no au ma ka aoao o ke kapuahi hoomeha e kakau nei a e okuu mau ana ma na kapuahi hoopumehana no ke anu, aka, malia o maa aku hoi i ka ea o keia aina malihini.

He elua mau kulanakauhale nui a’u i ike, oia hoi, o Iokohama nei a me Tokio, ke kulanakauhale poo aupuni o Iapana.  He mau kulanakauhale nui a nani laua a’u i ike mua ole ai, no laua hoi na kanaka i like me ka naonao ka nonanona, e hiki ole ai ia’u ke helu aku i na poe e hele ana ma na alanui.

O Iokohama, nei ka’u kulanakauhale i hele makaikai mua ai maluna o kela kaa bage e huki lima ia ana e kekahi Iapana i kapa ia Jinrikisha.  He hookahi la okoa o’u i hele ai mai ka hora 7 o ke kakahiaka a hiki i ke ahiahi a o ko’u lilo no ia hele ana, he 50 keneta ma ke dala America, a he $1.00 hoi ka waiwai io oia maanei.

Ua ike au i ka paka nani o Iokohama, nona ka inoa o Hatakuwa Paka, a maanei i ike ai au i ka nani o na pua o na laau hua ai o Iapana nei.  He wahi hoonanea keia no na la nui.  He makai kahua o keia paka no ka heihei kaa baikikala.  Ma keia wahi i haawi ia mai ai ia’u he kaa baikikala no ka hoao ana e hoemi iho i ka manawa holo loa i holo ia e Mr. Slanilands no hookahi mile oia hoi, 2:47 minute.  He mea oiaio, ua hoemi io aki au i kona manawa holo Ioa a hiki i ka 2:29 minute no ka mile, a eia ia manawa a’u i holo ai ke kau nei iluna o ka papa kuhikuhi manawa ma ia Paka.

He nui na poe haole Europa i aa mai ia’u no ka heihei ana aku me lakou ma ka la Sabati e hiki mai ana, Aperila 15, aka, aole nae au i ae aku, no ka mea, e haalele koke iho ana paha maua ia nei no ko mana home noho paa ma Hokodate, i ka la apopo I keia awakea mai la i loaa hou mai ai la’u he aa heihei kaa baikikala mai ia Chas. Kremer, mai.

Mahope o ko’u ike kumala aua i ka nani o ke kulanakauhale o Iokohama nei ua holo aku la au maluna o ke kaaahi no ke kulanakauhla o Tokio, a kau hou aka la maluna o ke kaa hapaumi a hiki i ko’u ike lihi ana aku i ka hala alii o ka Emepera o Iapana he hale nui a nani a’u hoi i ike mua ole ai, a o ko’u lilo no ka holo ana ma ke kaa hapaumi he 10 keneta, aka, na like nae ia me ka 5 keneta ma ke dala Amerika.  E kala mai ia’u no ka wehewehe pono ole aku i na mea e pili ana i keia wahi, oiai, he pokole loa ko’u manawa, aka, o ka’u wale no e puana ae nei, he nui na mea nani a’u i ike mua ole ai, a na oi ae no paha o Tokio ia Iokohama.

I keia wa a’u e makaukau nei e hoopaa i kau leta, ua loaa mai la ia makou he lono telegarapa, aia ke hoouka ia la he kaua hahaua ma Pilipine, he 175 koa Amerika a he lehulehu pu hoi me na alaki i poino, mamuli o ka hoopahu ia ana e na kipi.  Eia makou ke kali nei no na lono hope loa o ke kaua, a me he mea la, i ka la apopo paha, e hoike hou ia mai ai ma ke telegarapa.

Ua lawa kaua me ka aloha nui.  E haawi i ke aloha ia S. P. Kanoa a me na keiki o ke keena ka ohana a me ko kaua mau hoaloha pau.

Owau no me ka oiaio.

Kou hoahanau aloha

A.     K. Nawahi.

Iokohama, Iapana, Aperila 11, 1899.

 

ME KA MAHALO.

 

O maua na makua o Mrs. Louis Kaleialoha Espinda i hala i ka poli kua a kane, a haalele iho ia maua kona mau kaikuuane a me na pokii a kini lehulehu hoi e @ aku nona.

Ke haawi aku nei maua i ke maua mau hooomaikai ana i na poe a pau i komo pu a kokua pu i ka lawelawe ana a hoohiwahiwa ana i kona kino wailoa, ma Honolulu oiai ua hai ia @@@ ia maua ia mau hana aloha ku i ka hanohano.

A na ke Akua e kau mai i ka pomaikai maluna o oukou a pau loa.

Me ke aloha,

Mr. a Mrs. B. H. Brown.

Hilo, Hawaii, Apr. 21, 1899.

 

E ko @@ kekahi mau dala a na wahine ke kipa ae ma kahi o L. R. Kerr a kuai ai i na halii moe a me na pale pakaukau @@ua i keia pule.