Ke Aloha Aina, Volume V, Number 16, 22 ʻApelila 1899 — Page 6

KE ALOHA AINA

 

6        ALOHA  AINA,  POAONO,  APERILA  22,  1899.

 

HE  MOOLELO  WALOHIA

---:NO ---

ALANADELA

 

Ka Wahine Hoopahaohao o ka Aahu

Keokeo.

-- A  I  OLE --

Ka Loea Hookani Pila Hapa o ke

Kuiu Aumoe.

 

  E like me ke noi a ka haku o na powa, pela kona mau kauaka i hooko aku ai, a iloko o na minute pokole wale no,l aia na kanaka ke alakai mai la i ko lakou haku wahine Magarita no kahi e waiho nei o ke alii powa iloko o ke kulana nawaliwali.

  I ka ike ana mai o ka haku o na powa i kona kokoolua o na la i hala aku la e kuu aku ana imua o kona alo, oia koke no ka wa i hiolo makawalu mai ai o kona mau waimaka mai kona mau lihilihi mai, a no kekahi mau minute loihi kona haka pono ana mai, aia hoi, ua ike ia aku la kona waha i ka owaka ana ae a pane mai la me ka leo palupalu o ke kanaka make i ka puana ana mai penei.

  E kuu Magarita aloha, ua hoopiha ia kuu puuwai me ka hauoli no ka ike aua iho, ua halawai hou kana mamua o kuu hoi ana aku no lalo o ka honua, oiai, ke ike nei au aole au e ike hou ana i ka pumehana o ka la i kona wa e oili mai ai ma ke kakahiaka la apopo, no ka mea, ua kukonukonu loa na palapu i loaa ia'u mai ka maka mai o ka pahikaua a kou hoaloha aka, mai manao kuhihewa nae oe e hoopoino aku ana au iaia.

  E hoomanao iho e kuu aloha non keia poe kanaka a pau, a o kau mau kauoha a pau oia ka lakou e hoolohe ai. O ka home o na powa me na waiwai a pau maloko ona nou wale no ia, oiai, he mau mea waiwai ole lakou ia'u i keia manawa.

  I ka hookuu ana iho o ka leo o ka haku powa i ke kamailio ana i kana wahine, oia no kona wa i leha aku ai maluna o kona mau kanaka a pane aku la.

  E a'u mau keiki wiwo ole o keia mau ululaau, ano, ua hoea mai ko'u kopena, e hoolohe i na kauoha a ko oukou aliiwahine, a oia ko oukou haku mai keia wa aku a na ka make wale no e hoopau ae i kona noho mana ane.

  A i ka hoopau ana ae o ke alii powa i kona kamailio ana i kona mau kanaka, oia no ko lakou wa i puana like mai ai me ka haawi ana ae he mau huro o ka hauoli.

  O kou makemake e ko makou haku oia ka makeu o hooko ai. a he mea oia o ke lawe mai nei makoa i kau aluwahine i haku no makou , a o kana mau kauoha a pau ina no ke ola a make paha e hooko no makou me ke kue @i hope ole.

  I keia we no i apo ae ai na lima o ke alupowa i kana wahine i hoomaewaewa ai i na la i hala a huki iho la ilalo, no ka haawi ana aku i ka muki hope loa mamua o kona hookuu ana iho i keia ola ana.

  Aole o Magarita i kue aku i ka makemake o kana aliikane, aka, ua kuiou iho la oia me na waimaka i piha me ka luuluu a muki iho la i kona lehelehe puanuanu.

  A i keia wa no i lele loa ae ai ke aho o ua haku powa la, ka weli hoi oia mau la i hala aku la, a hina aku la no lalo o ka lepo.

  A iloko pu no oia mau minute ikeia ia aku ai na waimaka o na powa e hinio malie mai ana ma ko lakou papalina, a ia manawa pu no hoi i haawi ae ai o Magarita i ke kauoha i na kanaka no ka hoihoi ana aku i ke kino make o ko lakou naku no ka home o na powa.

  Elike me ke kauoha a Magarita pela na kanaka i hooko aku ai, a me na puuwai i piha me ka luuluu hapai ae la lakou i ko lakou haku aloha a hoihoi aku la i kona kino puanuanu no kona home.

  A no Mag@rita h i, huli ae la oia a haalele koke iho l@ na powa no kahi a kona mau ho@loha e kali mai ana nona. i kona hiki ani aku malaila, ua lohe ia aku la ko ia leo i ka pua@a aua aku me ka malie.

  E o'u mau hoaloha ua haalele mai la ka haku o na powa i keia ola ana.

 

KA  LONO  OIAIO

 

  Ua hoea mai o Wiliama Apela i ko makou nei keena, a hoike mai la i ka inoa pololei o ke kanaka pepehikanaka o Kona, oia hoi, o Henry Napuupahee, a ma Maunaui, Kona Hema, i hana ia ai keia hana welweli. Na kekahi kanaka nona ka inoa o Kealohahapauole i lawe aku i keia lono pepehikanaka a hoike aku i na poe e noho kokoke ana malaila, mahope hoi o kona pakele mahunehune ana mai ke ainalu ana a Napuupahee e pepehi iaia a make loa. Ua pii aku kekahi poe kanaka eha a hopu aku la a lawe aku la iaia no kahi o Amalu a mailaila aku no ka halepaahao o Hookeua. O W. Apela ka mea nana i lawe mai la Napuupahee a hiki i Kailua.

 

UA  OPAHA  ANEI  KA  HONUA

MA  NA  WELWELAU.

 

  Parisa, Apr. 6. Ua olelo ae ka Temps e hoouna ana o Rusia he poe akeakamai i Spitzbergen, no ka lilo o $150,000 no ke ana ana ina lati@u, no ka imi pono ana hoi  i ua ua pakii ka honua ma na welelau, a ua huake hoi ma ka poai waena ( quator)

 

  Eia ke lohe ia mai nei, ina aole e l aa ana he ilina kupapao,, alaila e kukulu ia ana he wahi e puhi lehu ia ai na kino make.

 

Nuhou Kuwaho.

 

  Maluna o ka mokuahi Nippon Maru, i loaa mai ai ia makou na nuhou makamaka loa o na aina mamao, a oia hoi ka makou e kuupau aku nei no ka pomaikai o ko makou mau makamaka heluhelu peneia:

NA KOA HOU NO MANILA.

  Plattaburg, N. Y., Apr 8. O ka regimana Iwakalua-kuamamakahi no lakou ka huina o  1400 kanaka e hoolulu nei maanei. e haalele iho ana lakou ma ka la 10 o Aperiia maluna o kekahi kaaahi kuikawa no Kapalakiko, a malaila lakou e holo aku ai no Manila.

HALA NA MOKUKAUA ITALIA NO

COLUMBIA

  Ladana, Apr. 11. O ke aupuni o Italia elike me na lono kuikawa i hoouna ia mai nei mai Roma mai ua hoole aku oia i ka haawi hou ana ia Colombia he wa e uku mai ai i ke koi poho a C@rruti, malalo o ka Mr. Kalivilana hooponopono ana, a ua kauoha aku la i kona mau aumokukaua o ka moana Atelanika no ka holo koke ana aku i Cartagena a hoike koke aku i n  poe Colombia ka lakou ea pono, e hana ai.

AIA  A KOA PAELE I KAPALALIKO.

  Kapalakiko, Apr. 8. He eha mau pualikoa o ka Regimana Paele Iwakalua-kumumaha i hoea mai la i anei ma ke kakahiak ouehinei mai ka pakaua Douglas, Uta mai, malalo o ka hoomalu ana a ko lakou alakai nui, Konela Freeman, O na puali i hoei mai la, oia ka E, H, I a me L.  Ua hoihoiia aku ka puali H @ Ale@traz a o ke koena o na puali iho i kue ua lawe ia aku lakou i Presidio. E noho ana iakoa pela a hiki i ka hoi ana mai o Koneta Compton mai Honolulu mai, a ia, wa e maopopo ai ko lakou wahi e, hoouna ia aku ai. Ua ukali ia mai keia puali e ka lakou bana, a he mau poe paele wale no na puhiohe.

  O keia kekahi o na regimana i ike ia no ko iakou wiwo ole ma ke kaua o Santiago me na Sepania, a no lakou hoi i haaheo ai o Konela

Freeman.

KA BRUTIS NO SAMOA.

  Wasinetona, Apr. 11. Ua noonoo ae ke aupuni no ke kukulu ana i paali koa ikaika me Sanioa. E holo aku ana ka mokualu lawe nanahu Brutus no Apia, a e noho ana oia malaila a hiki i ka wa e hoea aku ai o ka mokuahi lawe nanahu Scinda, a o ka moku lawe nanahu Abarenda, e haalele koke iho ana oia no Pago Pago, kahi ana e lawe ae ai ma ke ano he moku kiai. E hoolako ia ana na moku manahu me na lako kaua me ka lawe pu ana he huina kanaka mahuahua.

 

  Ua huli hoi akku maluna o ka mokuahi Auseteralia o Kenerala Campton, ka haole oke keena kaua o Amerika Huipuia. I hooana mai nei no ka huli pono ana i kahua kupono no na hale koa o Amerika e kukulu ai m@anei.

 

MAU  WAIWAI  HOU!!!

+        +       +

240   PAHU  O  NA  LOLE  AAHU

NANI  LIKE  OLE.

 

Ua hoouna pololei loa ia mai

na Hale Hana Lole Nui

mai Europa mai.

 

UA WEHEIA MA KA POAONO,

APEILRA 8, 1899.

 

NA  WAIWAI  NANI  LIKE OLE!

 

Na KALAKOA  MAIKAI 30 i-a i ke 1.00,

10,000 APA  O  NA  LOLE  HOU ma ka

            5 keneta o ka i-a,

LIHILIHI  VALENCIA like ole 12 i-a i ka

            25 keneta,

LOLE  PILI  ILI o na Lede ma ke kumu

            kuai emi loa,

Na KAKINI  WAHINE ma ke kumukuai

            i hoemi  loa ia,

 

NA  PAPALE  PIKINI  HOU  LOA  O  NA  WAIHOOLUU  LIKE

OLE  O  NA  ANO  A  PAU.

500 PAPALE i kinihinohiia no ka 1.00

            o ka mea hookahi.

 

Nolaila o ka manawa keia no oukou

    e loaa ai na waiwai Europa ma

    mua o ka hoea ana mai o ke kanawai

Dute o Amerika Huipuia.

E Hele Koke Mai i Keia Wa.

               L. B. KERR.

  Honolulu Alanui Moiwahine