Ke Aloha Aina, Volume V, Number 15, 15 April 1899 — Page 7

KE ALOHA AINA

 

POAONO, APERILA 15, 1899

 

 

HE KAAO KAILI PUUWAI

NO KA

UI MINEWA.

A ME NA

Kaikunana Eiwa

 

I Hooliloia i mau Manu Nene Ahiu a i ole na Keiki i Hoehaehaia

 

Kakauia no KE ALOHA AINA

 

Me kona hoihoi pu ia aku no luna o ka ilihonua e ka hauna pahi wikani a Boliona.  A aia pu hoi ka leo hookikina o ka elemakule ke lohe ia aku la e haawi ana i kana mau kauoha lokoino no ka hookau ana aku maluna o Boliona i ka make.

He mea oiaio, ua hoolohe aku na kauwa i ko lakou haku me ka haawi ana i na hoao ikaika ana e omuo ae i ka hanu makamae o ka kaua eueu a i keia mau sekona hoi i hiolo makawalu mai ai na hauna pahikaua, na koi kaua a me na ihe, me ka weliweli nui, aka, ua ikeia aku no nae ua Boliona nei, e aloalo ana ia mau puu make.

I ka ike ana o kekahi kauwa a ka elemakule aole loa lakou e lanakila ana, oiai, ka pahikaua a ke koa opio e luku ana me ka weliweli nu, a ke emi mau iho la ko lakou heluna i ke kakaikahi loa.  Nolaila, ua komo iho la iloko ona kekahi noonoo oia hoi,k he hookahi wale no ana hana i manao ai e loaa ana ia lakou ka lanakila, oia ka lele kaua ana mai mahope o ke kua o Boliona, i kona wa e lilo nei i ka paio me kona mau hoa mamua o ke alo.

I ka ike ana o ua kauwa la oia wale no ke alahele e loaa ai ia lakou ka lanakila a e hoooko ia hoi ka makemake o ko lakou haku elemakule ua kuemi kokoke aku la oia ihope me ka lawe ana aku he elua mau kokua nona.

A no kekahi mau minute pokole wale no keia nalo ana aku o na kauwa la me kona mau kokua elua, ana hoi, ua ikeia aku la lakou i ka oili ana mai mailoko mai o na opu nahelehelo makahi he kanalima anana mai kahi a Boliona e paio nei me kona mau enemi.

Aole lakou i hele ku mai e like me na kanaka wiwo ole, aka, ua ike ia aku la nae lakou e kokolo hele mai me ka nihi ae mahope o na opu nahelehele e like me ka popoki e anehe aku ana e lele maluna o ka iole.

A oiai, ua Boliona nei e hoomau nei i ka hakaka ana me ka mahui mua ole eia keia poino ke hookokoke mai nei maluna ona, no Minewa hoi aia ke makaikai la i keia hoouka kaua me ka piha weliweli nui, me ka haliu ole ae ihope o kona mau maka.

I keui amau minute aia na kauwa a ka elemakule he mau anana ke kaikahi wale no mai ka kaua mau opio, a i kela a me keia sekona aia lakou ke hookokoke mau mai la.

A i ka hiki ana o ua poe lokoino nei ma kahi a ke kumulaau a Boliona i hooluolu ai he mau minute mamua iho, oia koke no ko lakou wa i ku ae ai iluna me ka hakilo pu hoi i ka wa kupono a lakou e lele mai ai maluna o ko lakou mau enemi.

A he mea oiaio, no kekahi mau minute pokole wale no ko lakou hoohakalia ia ana iho malaila, aia hoi, ua ike aku l@ lakou i ka huli ana aku o ke alo o ka kaua mau eueu i ka wa a na mea kaua e hiolo makawalu mai ana me he pakau la maluna o Boliona.

Ma ka hookaulua ole iho i mau sekona hou aku oia kokoke no ka wa i oili aku ai ua mau kanaka la ekolu elike me kekahi pua’i oili aku mai ke kakaka aku a ke kanaka pana pua, a ma ko lakou mau lima pakahi e paa ana lakou he mau laau ihe.

A iloko o ka manawa pokole ua ike ia aku la lakou i ka hapai ana ae i ka lakou mau laau ihe weliweli a onou mai la me ka ikaika imua, me ke kapalulu ana aku o kekahi o ua mau laau ihe la ma ke kua o Boliona, a ia wa no hoi i ike ia aku ai o Boliona i ka hehee ana iho la no luna o ka honua.

I ka ike ana o Minewa i ka poino i halawai nai la me kona kokoolua oia koke no wa i lalau iho ai i ka pahikaua a kana aloha a hoao ae la e lawe i kona ola.

Aka, ia manawa koke no me ka eleu nu, ua lele mai la kekahi kauwa a kaili ae la i ka pahikaua mai ia Minewa aku.

I keia minute a Boliona i haule pahu aku ai no luna o ka honua, oia koke no ka manawa i pu ia ae ai o ka lewa i na leo uwauwa o na kauaka no ke pio ana o ko lakou enemi.

A o kahi elemakule i kona ike ana mai i ke pio ana o Boliona maloko o ka noonoo akahele ana a kekahi o kana mau kauwa oia no kona wa i holo koke mai ai imua me ka haawi hou ana ae i kana kauoha.

E a’u mau kauwa, e akahele i ka oukou lawelawe ana i ka wahine opio, no ka mea, aole o’u makemake e hoohaia oia a no kela wahi keiki aeahaukae e haawi aku i na hoopai a oukou i ike ai he pono.

A i kona hoea ana aku ma kahi a Minewa e lulumi ana me na kauwa a hoao ana hoi ma na ano a pau hooko ia kana olelo i hoohiki paa ai, ma ka aoao oia o Boliona e noho ai a na ka make e hookaawale ae i ko laua pili aloha ana ma keia ao, me ka manaolana ana hoi ma kela ao laua e hui hou ai.

Ia wa no ua haawi koke aku la oia i ke kauoha i kana mau kauwa e hoopaa iho i na lima a me na wawae o Minewa em ke kaula i wahi hoi e ko ole ai o keia manao h@ o ke ka kamahino opio.

E like me ka makemake o ka elemakule pela kana poe kauwa i hooko aku ai, a iloko o na sekona pokole wale no, aia o Minewa he pio na ka olemakule e waiho ana iluna o ka lepo me na lima a me na wawae ua paa i ke kupee.

I ka paa ana o Minewa, oia no ka wa i huli aku ai o ka elemakule i kauoha aku la i na kauwa ana no ka hoihoi ana aku i kona home.

A he mea oiaio iloko o na uwe kapalili ana ua hapai ia ae la oia e na kaumaha a ka elemakule a lawe aku la no ka home o ka lakou haku.

Maanei e waiho iho ai kaua Minewa e lawe ia la e na kauwa no ka home o ko lakou haku, a e nana aku hoi kaua ia Boliona.

 

 

 

HE LETA MAI KE MAI MAI.

 

                        Putnam House, Nu Ioka, Maraki 26, 1899

                        Ia Mr. Edward L. Like,

                                                                       Aloha oe:

Ano eia makou a pau loa ua hiki pono mai i ka aina malihini nei me ka maikai a me ko makou malama pono ia e ko makou haku Mr. E. Cook, ua hoea mai makou i Kapalakiko i ke kakahiaka nui Poalima, a ua lawe ia aku makou no kahi hoomalu o ke aupuni.

Mar. 17, 1899.  Ua hookau ia mai makou ma ka Poaono ae hora 2 p. m. no Kapalakiko ka pahu hopu, kau maluna o ke kaa no ka Russ House 215, alanui Montgomery, haalele ia laila ma ke ahiahi Poakahi Mar. 20 kau maluna o ka Ferry Boat no kekahi aoao, kau aku no ke kaa ahi i ka hora 6:30 p.m. no Kikako, e holo ia ana ka po me ke ao, ua aneane no e piha ka pule hookahi hikiaku.

Kikako, ma ka Poalima hora 7 a.m. hoomaha iki no elua hora kauhou ma kekahi kaa ahi no Nu Ioka hiki aku ilaila i ka hora 2 p.m. o ka Poaono ae me ka maikai, noho ma hotele haupa iho la i na kohikeleke’e a ka puukolu a pau ia hele aku la no ka hoikeike, ua noa ia makou na hale keaka a pau ma ka inoa o Buffalo Bill, nana aku i na hale o koia wahi, kau ka iwa he la makani.  No makou a pau he maikai no aohe omaimai, na ke Akua no e malama mai ia makou ma ka aina ma lihini nei.

E hu ana makou me ka Lani Alii a kakou (Liliuokalani) ke n@e aku makou ilaila, pela mai ko makou haku, ke hauoli nei ko makou manao ke hui pu aku me na puili aloha pumehana ana, a na makou e haawi aku i ke aloha o ka lahui mai Hawaii a Kauai.

Aole i maopopo ko makou wa e hoikeike ai, aia a no kahi wa aku ke haawi aku nei makou i ke aloha me na keiki oniu hua kepau ke aloha a me ka Lunahooponopono ko’u welina.

O maua iho n me ka haahaa.

                        J. M. Kulia.

                        Geo. Makalena Kalua.

 

 

 

KA PALAPALA NOI A NA HOA HANAU “ALOHA AINA”
O KOHALA AKAU IA KAI MANA.

 

E MR. LUNAHOOPONOPONO O KA NUPEPA KE ALOHA AINA:  E oluolu mai ia’u, no ka waiho ana aku iloko o kou lima, i ke kope o ka Palapala i oleloia maluna, a me ka papa inoa pu ma ia Palapala Noi, no ka hoolaha ana aku ma ka nupepa “Ke Aloha Aina”.

“Aloha aku i kuu Moi Wahine, a me ka lahui a’u (Joseph Nawahi)i aloha ai, a hai hope a ku oe no’u, E hoomau i ke kupaa no ke aloha i ka aina.”

A me keia hope aku e pahola aku no au i na mea a pau i hana ia a e pili ana hoi i keia Palapala Noi, a hiki i kona hookoia ana ma ka la 26 aku nei o Maraki A. D. 1899, ma Puehuehu, Kohala Akau, Hawaii.

                        Me ka Oiaio mau,

                        Edward Kekoa.

                        Hilo Hawaii, Maraki 31, 1899.

                        PALAPALA NOI.

 

 

                        Ia J. KAIMANA ESQ.

                        Kohala Akau Hawaii,

                        Me ka mahalo.

O makou, o na Poe no lakou ka inoa malalo nei, kekahi hapa o na hoahanau o ka Ekalesia Hoole Pope o Kohala Akau Hawaii.

Mamuli o na noonoo maikai i loaa a me na kuhikuhi ana a ko makou mau Lunamanao iloko o makou pakahi.

Ke nonoi nei me ka haahaa i ka oluolu e loaa ana mai a oe mai, no ka ae ana e lawe, a lawelawe, a e hana, a e malama i ka “OIHANA KAHUNAPULE,” iloko o ka Apana i olelo ia maluna, oia hoi ka hapa i kieia, a i hoomaopopoia ma ka Inoa “POE ALOHA AINA,” e like me ia e ku nei, iloko o kekahi mau makahiki loihi i hala ae nei, a hiki i keia manawa.

Me ka hilinai nui, me ka manao lana o ka lokahi, ka apo ana ‘ku ia oe, i Kahuhipa Maikai, no na kino a me na uhane, no ko Iesu Ekalesia.

Me ka hiaai nui, a me ke aloha oiaio iloko oko ke Akua lokomaikai Nana no e haawi iloko o kona lokomaikai nui, na kokua ana, a me na mea a pau e pono ai maluna o ka Oihana au e lawelawe nie, iloko o kela a me keia makahiki, he ____ @la, no ke ola o ke kino, a me na mea e oluoluai.

Ke hoohiki nei makou me ka oaia, ma ke kakau ana i ko makou mau Inoa.

                        O makou me ka haahaa

Kaaikuoho, Kikalaeka, Kaiama, Luau, Kealino, Leneka Keohoehu, Kane, Kaimana, Keawe, Paea, Ana Kahaunaele, Keal@, Ehupauma Kamana Kouanui, Keawe Kolohe, Nohee, Meleana Pae, Kaiooni, Kala@, Ka@ukai, Kawaha, Kanuhe, Wahilani, Jimo, Kahele, Kapaena Opio, Kalawaia, Emale Jime, Kapila, Kaohi, K. Kuhinapule, J.H. Kuhinapule, Kaohimaunu, D.S. Kaaina, H. Kaaina, Apiki Kipi, Keli@, Kaholokahiki, Kanekoa Kanehailua, Keonanakahi, Puleimoku Kanaina, Kahalehaia, Punalua, Pakila.

 

E like me ka Palapala Noi i ka kauinoa ia mamua ae nei i waihoia mai iloko o ko’u lima, ke ae nei au me ka manao ponoi, e lawe, a malama i ka Oihana i olelo ‘ia maluna.

                        J. Kaimana.

A pono loa ia e ka Aha Komite ma ka halawai i malamaia ma Puehuehu Kohala Akau, Dek. 8, 1899.

                        J. Kaimana.

Hanaia a apono loa e ke Komite, Dek. 8, 1898.

          Kaunamano,

          Keohoehu,

          Kahipa

 

 

 

OLELO HOALOHALOHA.

 

I ka Mea Hanohano A.S. Cleghorn,

                                                                       Me ka Walohia:

Ma ka la 6 o Maraki 1899, a oia ka manawa i pahola mai ai o ka lono hoohikilele hauli ma na aekai o Hawaii.  Ua oluolu i ka Makua Mana Loa ka lawe ana aku i ka hanu ole o ke Kama’liiwahine ka Hooilina Moi o ko Hawaii Paeaina, Vitoria Kaiulani Kalaninuiahilapalapa, ua hala, ua nalo, ua pauaho mai la i keia ola ana, a ua moe aku la oia iloko o ka maluhia, ma ka po o ka la 5 o Maraki.  Auwe!  Aloha ino.

 

Nolaila, elike me ka ka Baibala i hoike mai ai, e hoi ana ka lepo i ka lepo, a o ka uhane e hoi no ia i kona mea nana i hana.  Pomaikai ka poe make ke make iloko o ka Haku.  Auwe!  Walohia wale.

Nolaila, e Hooholoia – O makou o ka Hui Aloha Aina o na Wahine o Laupahoehoe, Hilo Akau, ma o na komite la; ke hoike aku nei i ko mokoukaumaha, luuluu a me ka walohia ia oe e A.S. Cleghorn, oiai, ua oluolu i ka Makua Mana Loa ka lawe ana aku i kau kei aloha he kaikamahine, a ua ili iho maluna ou ka haawe kaumaha a me makou.

Nolaila, e Hooholoia – Ke komo pu aku nei makou e’a pu me oe iloko oia kaumaha hookahi o ke kaumana i loohia ia oe e ka makua alii, ua pahoia iho ia maluna o makou.  O ka makou pule i ka Makua Mauna Loa e hoomama mai k kou naau kaumaha.

O makou iho no meka luuluu.

Mrs. R. Nahakuelua,

   “   K kahooio,

   “   K. Kamohaiuiu,

   “   Ahia Kahele,

   “   Annie Kaolooi,

   “   P. Kahue.

 

 

AKAAKAI PUKIKI!!!

E kuai hou ana ke Pukiki Kanu Akaakai o Puowaina i na Akaakai Pukiki onu loa, ua ka Makeke Hou P@kaukau @, ma keia Poaono iho, Aperila 12.  Nolaila, ke konoia aku nei ua @ e a pau mai paina i ke kip@e e ike iaia.